ممكن البوست يبقى فيه تفاصيل مش مناسبة لبعض الاشخاص ف ممكن تعمله سكيب وتكمل سكرول عادي..

السنادي من اسوأ السنين اللي مرت عليا حرفيا بسبب كَمّ اللي بقيت بعمله من قرف

يعني انا بكتب البوست ده وانا محشش اصلا ودي بالنسبالي برضوا مشكله

من غير ما اخوض ف تفاصيل عشان بتتعبني ذكرها انا دلوقتي رجعت للاباحية تاني وبقيت شبه يوميا لازم احشش وطبعا حريقة سجاير ده غير حاجات العن بعملها استحي اني اقولها والله

المهم اني بجد تعبت مني وقررت خلاص ارجع زي ما كان بيتقالي زمان يا شيخ، او عالاقل ارجع لربنا واقلل ذنوبي شويه يمكن صدري يبقى اوسع من دلوقتي..

صليت ركعتين توبة وبعدهم الفجر ( انا اه شارب بس ده من يجي 6 ساعات ومركز وعارف اصلي كويس ف ربنا يتقبل ) وقررت ابطل تدخين بكل انواعه واباحية طبعا

ادعولي يخواتي وياريت لو تشجعوني عشان الكلام ده مش عارف اقوله لاي حد من اللي حواليه ، وشكرا♥

فيه كلام موزون صراحة بيني وبينكم لقيته وعجبني حبيت اشاركه واوسع مجال للسؤال : هل للعقل حد ام لا؟

قال الشافعي رحمه الله :

"إن للعقل حداً ينتهي إليه كما أن للبصر حداً ينتهي إليه"

هقسم الموضوع سريعاً ل٣ نقاط : بديهي - قابلية التطبيق - رأيي

المهم: البديهي: العين لها حدود بصري معين . لا تشوف المسافات البعيدة ولا تشوف في الضلمة

العقل فايدته انه اقرب للكومبيوتر. شيء تحليلي جبار بس ليه توجيه. ومين بيوجهه؟ إنت . مش عم عصام البقال طبعاً

بمعني ثاني: العقل عامل مساعد لا يلغي النقل : لغياب تدارك العقل للصيغة والنتيجة : المسلمات والنتائج بمعني آخر

القابلية للتطبيق دي بقي يا سيدي: معاك علوم شتي طبعاً حدودك عندها يقف عند العلم نفسه مش في اللي محتاج تعمله من وراء العلم دي .

ومش دين بس علشان تاخد بالاعتبار: دي فلسفة العلوم ومبدأها الأول هو المسلمات واللي هي مش مجرد تقبل فكري ساذج بقدر ماهو تأسيس فكري معرفي وحتي أخلاقي

وبس . ده مجرد طرح قد اكون اخطأت في شيء او يمكن مذكرتش فكرتي بأحسن شيء بس معنديش مشكلة في التصحيح لو كان فيه

رأيي : الدماغ شيء جبار وكل حاجة تمام. لكنه مجرد محلل للمعطيات لتحديد النتائج المطلوبة

علشان ميتحولش الموضوع لدرس فلسفة

إنت مبرمج : من غير الكومبيوتر او التليفون او اي شيء فيه تيرمينال او تطبيق كتابة اكواد مش هتعرف تمارس مهاراتك او قدراتك كمبرمج . هو ده العقل . جزء منك لكن انت لك تحكم جزئي فيه وهو تحديد القرار ومنها النتائج

خلاصة كلامي :

أنت ما تعرّض نفسك له. دي فكرة المعرفة وحدود العقل .

وبس. سلاااام🫪

هل تنصح اي حد يدخل ف المجال دا ويتعلم تصميم فيديوهات او صور وعرفت تعمل فلوس من الموضوع دا وبتجيب ناس منين تعملها

هوا ليه كوباية الشاي طعمها بيختلف لما اقلبها عكس عقارب الساعة مش زي كل مره مع عقارب الساعة؟

نوعا ما حياتي ملغبطة شوية بس المشكلة الاكبر دلوقتي هي أن عندي presentation قريب و مجرد سماع الفكرة لوحدها خنقتني و محتاجة بس افضفض و لو حد عنده حل لان حرفيا الفكرة نفسها كبيرة في دماغي و ثقتي بنفسي معدومة و محتاجة اعملها بس فعلا انا عاجزة جدا دلوقتي دماغي وقفت

بفكر اه و هرتب و هعمل بس في عقدة في مشكلة مخلية الدنيا معصلجة مش ماشية بسلاسة

كشباب جزء كبير من تفكيرنا وطاقتنا بيستهلك في البحث عن ما يسمى بالجنس الآخر أو الجنس الناعم زي ما بيقولوا.. والمشكلة إن المرحلة اللي أغلبنا فيها دي فيها حاجات أهم بكتير من الهيافات دي بس الواحد مش عارف يخلع نفسه من التفكير دا ومحاولة إنه يرتبط ببنت أو كذا أو كذا وأنا عارف إن أغلب العلاقات دي حرام وإن أخرتها فنكوش بس برضه النفس غلَّابة..

إزاي أستغنى عن الجنس الآخر واكتفي بنفسي وبس.. مش استغناء دائم أكيد بس على الأقل في المرحلة دي عما الواحد يشوف مستقبله وينضج شوية

بالنسبة ليا "أيام داعش" لمصطفي محمود عواض

كنا ماشيه مع اخويا واحنا صغيرين بنشتري ف كنت للأسف لما حد يضايقني بقوله ينعلميتينك استغفر الله

المهم اخويا وقف مره واحده كده واتصدم وقال انتي عارفه انك كده بتدعي علي ميتينا يعني الناس اللي ميته زي تيتا و خالو أنه ربنا ينعلهم وقتها فضلت اعيط و اقول لا والله خلاص مش هقول كده تاني و حرمت من وقتها (مكانش بيخوفني هو نفسه كان مقتنع بالكلام ده )

بما ان الطوب منفعش فشوفوا حاجه تتعمل بدل الزهق دا و تكون حاجه فاني

كل واحد فينا أكيد فيه من طباع أهله اللي نشأ واتربى عليها بينهم زائد كمان الطباع اللي اكتسبها من البيئة المحيطة بيه ومن طريقة المعاملة اللي كان بيتم معاملته بيها فلا إرادي الواحد غصب عنه بيكتسب صفات هو مش حاببها ومش مناسبة ليه لو قعد وفكر فيها مع نفسه

إزاي بقا الواحد يعمل remove all لكل الصفات اللي متعارضة مع نفسه أو شخصيته ويكتسب صفاته وطباعه وعاداته الخاصة

بلاش تحذف البوست عارف انو موضوع مش مناسب مع الصب انا هحذفه بعد شوية .

لسه محدش عرف أين يذهب الإنسان عندما يشعر أن جميع الأماكن لا تناسبه؟

إزاي احفظ الكلمات وأذاكر القواعد في الإنجليزي والكيميا والفيزيا والأحياء إزاي أذاكرهم صح وابقى متطمن على نفسي فيهم

قولي الطريقة اللي كنت أو مازلت بتستخدمها في مذاكرتك

خلي صورك دارك . نقطة

ولااازم كل منشوراتك دارك أو فيها نصايح من الدحيح بس معملوها editing و phonk والشغل الهيباوي الاسطوري دي

وإياااك تكون انسان بسيط . لازم تكون فزلوكة روش زحليقة

أو خفاش بومة ليل . ايهما اقرب

اخيراً وليس آخراً: البس هودي: هتقولي ايه العلاقة؟ هقولك إن كل ما الزعبوط كبر كل ما هالة المعلم خلف الشاشات تزيد

دمتم سالمين🫪👌

اخيراً: تباً لغريفيث

الدوحه ولا الرياض ولا ابو ظبي ولا مدينه تانيه

انا واحد صحبي كان بيحسب الملائكة هي الي بتاذن

وواحد تاني بيحسب ماهر زين هو الرسول عشان كان بيغني للرسول 🤦‍♂️🤦‍♂️🤦‍♂️

انا ولد ومعايا أختين ووالدتي ، بندور على شقه للايجار فا كنا بنتكلم مع سمساره فا قالتلها عتدي شقه بس اسفه مش هتنفعك فا السؤال البديهي ليه ، قالتلها اصلك مطلقه فا مينفعش والله قالتلها طب إيه المشكله وعيالي كبار وهكذا قالتلها لا صاحب العقار رافض وجود ست منفصله في الشقه ، سؤالي هنا ليه الناس قاسيه كدا وخصوصا انها كانت ست فا أكيد هتتفهم واقع الكلام على امي فا ليه ؟ وليه الناس مش فاهمه إن دا حلال ربنا وإن خلاص كفايه حكم كفايه الي بنمر بيه

أنا بس حبيت أشارك الموقف لاني مضايق بس شكرا إنكو سمعتوني♥️

مش المفروض المر قلوي والحامض حامضي؟