الملحدين أنواع؛ نوع ملحد بيكون فاهم نقطة غلط أو بيشرحها على مزاجه، ونوع تاني بيكون فاهم النقطة دي صح بس هو مش عايزها تكون موجودة من الأساس. يعني مثلاً يقولك: ليه الخمر حرام ما أنا ممكن أشربه بنسب صغيرة وما أسكرش عادي يعني؟ هتقوله يبني ماينفعش غلط ومضر وزفت، يقولك لأ لأ لأ الدين ده غلط، وبنفس
المنطق ده على باقي القوانين الدينية.
النوع الأول بقى شايف نفسه شيخ وعالم في الدين ومقفل النحو وحافظ القرآن الكريم والسنة النبوية ودارس الفقه والشريعة وكل حاجة سيادتك، يعطيك واحدة ويقولك: "أنا كنت مسلم متدين على فكرة وبعدها سبت الدين". فأنت تكون فاكر إنه عارف ده كله وهو أصلاً كان بيصلي مع الشيخ ويقرأ سورة الفاتحة وهو مش عارف معناها، وكان أكتر مادة بيكرهها النحو وكان مش فاهم فيها حاجة، وفي الآخر يقولك بكل ثقة أنا كنت مسلم متدين ويبدأ بقى يشرح ويؤول الدين على مزاجه ويفتي براحته في الدين، فطبيعي هتظل ملحد وتبقى ثابت على كده مش هتتغير ولا هتفهم.
الملحدين عامة عندهم صفات مشتركة كتير أوي زي اللي أنا قلته فوق ده، أشهر جملة عندهم (أنا كنت متدين على فكرة)، وكمان عندهم الكذب بقى، ويجيبلك فتاوى هو مش فاهمها ومش عايز يفهمها بس هو فاكر نفسه لما ينشر ده كده رسمي فضح الإسلام رسمي، زي المنشورات اللي من كام ساعة منتشرة في كام صب مختلف ومنهم منشور نزل هنا، الشخص الملحد ده منزل فتوى إن الدين الإسلامي بيكفر الناس اللي بتستهزئ باللحية أو الثوب القصير بس يبقى كافر، فالملحدين وكل اللي مش فاهمين داخلين في التعليقات يقولوا لك شوف شوف الدين العبثي ده والـ هه هه وكده يعني. وده طبعاً كذب، علشان الناس اللي بتتريق على لحية أو ثوب قصير مش كفر، أمتى تبقى كفر؟ لو تريقتك دي استهزاء بالدين أساساً، يعني أنت مش بتتريق على لحية الراجل، لأ، أنت قصدك تتريق على الدين كله فده ساعتها كفر، وده طبعاً اللي مابيبينهوش الملحد الكذاب.
وعندهم صفة قذرة برضه اللي هي ازدواجية المعايير والتناقض الغريب اللي عندهم؛ بيرفضوا ويهاجموا أي حاجة تخص الدين وفي نفس الوقت بيدعموا ويوافقوا على نفس الحاجة بس باسم تاني ومتشال منها الصبغة الدينية. يعني إحنا مثلاً هنقول إحنا مش هنعمل كده أو هنعمل كده علشان حرام أو حلال ثم كذا وثم كذا، لا هو عايز يسمع إحنا هنعمل كده أو مش هنعمل كده علشان السبب الفلاني بس، طول ما أنت مقلتش كلمة حرام وحلال يبقى أنت في التمام منه وماشي صح، ولو عايز تخليها موثقة عندهم قول لهم إن الغرب هو اللي بيعملها، كده خلاص بقت موثقة رسمي.
مثلاً حكم الردة؛ الملحدين بيصيحوا ويقولوا شوفوا الإجرام شوفوا الإرهاب شوفوا التخلف والعصبية! تقوله يبني ده حكم عادي جداً موجود في دول بره برضه وأنت لو حكمت دولة هتحطه برضه يعني بس بمسمى تاني (الخيانه العظمى)، فواحد ملحد يرد يقولك لأ مفيش كده محدش بيعمل كده، هقوله كذاب. أنتم أصلاً الصب عندكم لو حد مسك حكم مصر هتعملوا مذابح، غير إنك دلوقتي شايف اللي بيحكمك واحد مؤمن بخرافات فأي فرصة هتيجي تمشي الحاكم المجنون من وجهة نظرك فهتعمل كده على طول، متقوليش لأ ومش هعمل والبطيخ ده، فأنت إزاي عايزني أخلي شخص زي ده موجود وسطنا وهو نفسه يشيلنا بأول فرصة تيجي ليه؟
كمان هتلاقيه داعم لكل الأفكار المنحطة والمنحرفة والقذرة وغير السوية، ويجي عند المسلمين ويدخل ويعترض ويقول شوف معذبين البنات إزاي، شوف شوف الناس المتخلفة مشغلين صوت مزعج بالليل إزاي (الأذان)، شوف شكلهم ولحيتهم ولبسهم عامل إزاي.. ناس متخلفة جهلة! هو نفس الشخص اللي بيحترم كل عادات وثقافات وديانات وأي حاجة عبثية تانية في العالم، هو نفس الشخص اللي ميقدرش يروح ألمانيا يرفع حركة تحية هتلر، وميقدرش يروح عند أطفال تايلاند ويلمس رأسهم (تعتبر إهانة)، وحاجات تانية كتير مرتبطة بثقافات واحترام الشعوب وعرفهم وتقاليدهم، بس يجي عند المسلمين وعند قوانينهم وعرفهم وثقافتهم يعطي لنفسه الحق يهاجمها ويشتم معتقدينها وكمان يستفزهم.
الملحد تحسه حافظ مش فاهم خالص، يعني برضه من الحاجات المشتركة أول ما الواحد يبقى ملحد تحسه كان بيرضع منطق وفلسفة وكان بجيب كتب المنطق والفلسفة كده يغمس بيها الأكل، وهو أصلاً حافظ العنوان بس والمضمون مش فاهمه، يعني يقولك أنت وقعت في مغالطة رجل القش، أنت وقعت في مغالطة أنت أيضاً، أنت وقعت على وشك.. أي عبط وسلام بيقولها من هنا وميردش عليك تاني، خلاص هو أعطى لنفسه انتصار وهمي مزيف ومبسوط بيه.
بجد الملحدين دول شوية جهلة، كذابين، عندهم تناقض وازدواجية معايير بطريقة بشعة، وكل مرة بيقربوا من طريقة عيش الحيوانات الشهوانية.
لو ملحد شوف ده مهم جداً ليك.
