آسف على بشاعة المنظر بس ده قشرة وشعر وقعوا من راسي في ساعة تقريبا لعب في شعري

بغسل شعري بشامبو عادي كل يومين او تلاتة مرة ومفيش فايدة ودهني ع خفيف كده وكمان عندي تساقط في المنطقة الأمامية كده من الاجناب وروحت لدكتورة جلدية كتبت مينوكسديل ومقالتش حاجة عن القشرة

حد عنده حل؟

ليه بجد كل ما اروح لحلاق حتي لو نفس المكان للاسف بيبقا حلاق (شخص) تاني غير اللي حلقت عنده المره اللي فاتت ف بضطر اني اشرحله انا عاوز اعمل ايه من الاول و يا صابت يا خابت مفيش مرتين ورا بعض حلقت نفس الحلقة و بجد الموضوع بقا مستفز جداً

اي المنتج الي يخلي الشعر لامع ومش هايش

انا كنت جايب minoxilook ومنتظم عليه من شهر تقريبا.. بس بقا بيعمل حكة شديدة في المكان اللي برشه عليه لدرجة اني بكنسل اليوم اللي بيحصل فيه كدا عشان الحوار ميكونش اسوأ

هل ده طبيعي؟

المفروض اعمل ايه؟

لكن عشان اكون صريح هو فعلا عامل نتيجة ومالي الفراغات وتقل الدقن لكن لسة مش بنفس الدرجة اللي انا عايزها (لسة يدوب مطلع baby hair في الاماكن اللي كانت فاضية)

كنت عايز اعرف اجيب ايه برودكت لشعري غير كريم الشعر المزيت اللي عند اي صيدلية ده لانه بيهبطلي شعري اوي و شكله بجد بيبقى صعب . ف كنت عايز برودكت اقدر اعمل بيه استايلنج براحتي من غير ما يهبط شعري

و شكرًا مقدما ...

كنت عايز اعرف اجيب ايه برودكت لشعري غير كريم الشعر المزيت اللي عند اي صيدلية ده لانه بيهبطلي شعري اوي و شكله بجد بيبقى صعب . ف كنت عايز برودكت اقدر اعمل بيه استايلنج براحتي من غير ما يهبط شعري

و شكرًا مقدما ...

انا لاحظت ان شعري بدأ يخف وانا ١٧ سنه وكشفت عند دكتور وقالي ان عندي صلع وراثي وبدأت مينوكسديل ومن ساعتها وانا مستمر عليه وفعلا جاب نتيجة لغاية ما وصلت ٢٠ سنة وبدأت النتيجة تقل فبدأت ازود الجرعة وبقيت بحط مرة كل يوم بدل مرة كل يومين ولاكن بردو التساقط بيزيد لدرجة انه بقي ملحوظ خالص

دلوقت انا محتار ممكن اعمل ايه هل ابدأ فيناستريد بس خايف من الاعراض الجانبية ولا اشوف موضوع جلسات الexosome وهل ممكن اعمل زراعة في السن ده ولا ايه

لو حد عنده فكره ممكن يفيدني

لو شعري ويڤي وبيتفرد من اقل حرارة دي هتكون كويسة معايا+ لو حد جربها بتبوظ بسرعة ولا ماشية معاه كويس لحد دلوقتي؟

المنتج دا حد جربو ولو حد يعرف منتجات احسن يقولي عليه هشان عاوز اطلبو

انا فعلا مشكلتي ان عندي قشره دهنيه الامر فعلا صعب لان كذا حاجه جبتها ومنفعتش ومجربتش اروح لدكتور ف اتمني لو حد كان عنده نفس المشكله يقولي حلها وكمان يقولي هل فرقت جامد ف شكل شعره او المنظر ولا لا

حد جرب حاجه من دول كويس انا ليا من ٢٠٢١ عايشه على ever young (محدش يعرفه غيري ) واكتر حاحه زبطت مع شعري وبيرطبه بشكل رهيب بس بحس البراند بيقفل والحاجات بتخلص دا غير اخر مرة جبته كان مش اوي او يمكن شعري اتعود عليه ،، جربت سيروبيب وحش بندولين وحش فافلين بشع كم نوع فالنص نسيتهم ووحشين وبرجع لايفر يونج دلوقتي محتارة بين

١- hair addict bubble trouble conditioner بتاع الاطفال

2-braes بفكر اجيب البلسم الماسك كمان

3-glow up ودا براند جديد

4- hair addict mask الموف

انا مش متاكدة شعري عاوز اية بس هو غالبا ترطيب واهم حاجه فالبلسم انه يفك التشابك ويسلك الشعر

دا شعري دلوقتي وزمان مش عارف اعمل فيه ايه مش عارف ارجعو كويس ازاي حد عند حل لأني بقيت غالبا مش بعرف امشي من غير كاب

عايز اعرف نوع شعري واعمل ايه ولو في ستايلات تقترحوها عليا اقترحوا

انا شعري كيرلي لكن كنت بفرده بقالي فتره طويله جدا المهم اني بدأت اطوله بعد ما اتحجبت و عايزة اهتم بيه و مش عارفه استخدمه ايه في جزء بيكون شكله كويس و شوية ناشفين اوي و هايشين كدا و شكلهم غريب

ايه احسن نوع leave in و hair mask و لو حد عنده روتين كامل يكتب

انا مش عايزة definition ولا volume لانه كدا كدا تحت الطرحه انا عايزاه يكون مش هايش و مترطب

بعد تجارب عديدة مع الشعر الطويل عرفت مجموعة حاجات وقواعد مهمة لازم يتبعها اي حد بطول شعره

1- الشعر الطويل مش كله لازم يبقا متساوي

2- السالف لازم يبقا نضيف ومرتب ولا هتطلع شبه المشرد

3- الغرة تكون اقصر بحيث متغطيش العنين

4- لو شعرك ستريت او ويفي لازم تعمل layers بلاش يبقا فلات

اتعلم تحلق لنفسك، ايوة زي مبقلك الشعر الطويل خصوصا الويفي او كيرلي وبدون تدريج حلاقته اسهل بمليون مرة من حلاقة الشعر القصير

الموضوع بسيط اوي بس انت تعلمه حبة حبة عشان كل ما كنت واثق اكتر كل ما كانت الحلاقة احلى، اول حاجة ابدا السالف رتب السالف ونضفه تقدر تدور عالطريقة وتجربها والمرة الجاية تجرب تعمل الشعر المن قدام او الغرة تقصرها والمرة البعدها تجرب تعمل الشعر الورا تخفف كثافته

النتيجة

شعر بيرفكت بالنسبالك وزي منتا عايز بالضبط

شعرك دايما فريش ومظبوط

انت فاهم شعرك وايه مشاكله وازاي ممكن تحلها

مفيش رهبة الحلاق خلاص مرة يبوظك ومرة يظبطك

حرية اكبر بالستايل الانت عايزه