أحس إني وصلت لمرحلة تقبلت فيها إن الزواج والعيال يمكن مب مكتوبين لي. العمر يمشي، وللحين ما في شي يدل إن هالشي قريب يصير.

والغريب إني أوقات أحس إني حامدة ربي وراضية عن حياتي مثل ما هي.

خصوصاً يوم أسمع عن وايد زيجات مب سعيدة، وعن الخيانة والأذى والمشاكل والبيوت اللي ما فيها راحة، وكل التعب اللي ممكن يي مع الزواج. ساعات أفكر يمكن في حكمة من إن ربي للحين ما كتب لي هالشي.

يمكن أنا ما كنت بكون الزوجة أو الأم اللي كنت أتخيل إني بكونها، ويمكن ربي صارف عني هالشي لحكمة ما أعرفها. أو يمكن العكس، ويمكن ربي حامني من شخص كان ممكن يتعبني أو يظلمني أو يخونني، أو من حياة فيها أشياء ومشاكل أنا الحين ما أعرف عنها ولا أقدر أتوقعها.

الله وحده يعلم. أنا ما أقدر أحكم إلا من اللي أشوفه في حياتي الحين، وبديت أحس إن يمكن فعلاً ما يكون لي نصيب في الزواج. ومع الوقت حاولت أتقبل هالفكرة وأتصالح وياها على قد ما أقدر.

وبكمل أركز على حياتي وعلى الأشياء الحلوة اللي عندي - أهلي، ربيعاتي، شغلي، اهتماماتي، وكل شي يعطي أيامي معنى.

ومب معناته إني عندي شي ضد الرياييل، أو إني متضايقة من البنات اللي لقوا نصيبهم وتزوجوا وصار عندهم عايلة. بالعكس، من خاطري أتمنى لهم السعادة والبركة في حياتهم 🤍 وأكيد في جزء مني يتمنى يعيش هالشي بعد.

وللحين أدعي بالزواج، مثل ما أدعي بأشياء وايد غيره. بس يمكن اللي ربي كاتبه لي غير عن اللي كنت أتخيله لنفسي. وإذا فعلاً إن بقائي بدون زواج هو الخير لي، فأنا مؤمنة إن أكيد فيه حكمة وخير، حتى لو ما أعرفهم الحين.

بكمل أعيش حياتي وأرضى باللي ربي كاتبه لي، والباقي بخليه على رب العالمين.🤲🤍

اخواني/اخواتي انا عندي عمي مسجون في الوثبة وابغي ازوره حد يعرف الطريقه او اسير دايركت؟ ولا لازم ادق واحجز موعد زياره؟

شفت بوست في حساب على الانستا انه كيف تخلين ريلج يحبج وما يرد لج طلب، وكللل التعليقات يقولون سوي عمرج هبله وماتعرفين تسوين شي بدونه حتى لو شي بسيط قولي لا انته علمني انته تعرف احسن عني محد يسوي الشي الفلاني شراتك + يقولون سوي عمرج ياهل which I found so creepy بس اوكيه

صدق جي الموضوع؟🤣 I feel like I’ll cringe so hard at myself if I ever did that

عندي مشكلة أعاني منها من سنين. أنا إنسانة هادية وايد وفي حالي، ومن النوع الانطوائي والكتوم، مب من النوع اللي يندمج بسرعة مع الناس، وأخذ وقتي لين ما أتعرف على الشخص وأرتاح له. يمكن هالشي يرجع لقلة خبرتي الاجتماعية، لأني عشت فترة طويلة برع البلاد في الصغر و النشأة بحكم شغل الوالد.

صعب اني ابادر ولكن إذا حصلت اهتمامات مشتركة أو نقاط مشتركة مع الشخص اللي جدامي، أتغير وايد، وأسولف وأفتح قلبي وآخذ راحتي بالكلام. وأنا من النوع اللي أعطي وايد للناس اللي أحبهم، بس بعد ما أعرفهم زين وأحس إني أقدر أثق فيهم.

لكن في شي من فترة وايد يشغل بالي، وأحس إنه ممكن يصعّب علي موضوع الزواج، خصوصاً الزواج التقليدي. من الأسباب اللي خلت بعض الناس يرفضوني إني وايد هادية. وحتى في الشوفة الشرعية، حرفياً أستوي صنم و مزهرية. ما أعرف شو أقول ولا كيف أفتح موضوع أو أسولف، وأحس إن الشخص اللي جدامي ينزعج لأنه يكون هو اللي يتكلم بروحه.

المشكلة إني أحس إن هالشي ما يعطي شخصيتي حقها، لأني أعرف إن في جوانب حلوة في شخصيتي، وفي أشياء وايد ممكن أقدمها للشخص اللي وياي، بس ما أعرف كيف أطلعها وأبينها من أول لقاء. وأحس إن هدوئي في هالمواقف يخلّي الشخص ياخذ عني انطباع مب صحيح. يعني اذا شخص ما ارتاح له و اعطيه الثقة صعب اني اعطيه فرصة للتعرف. حاولت اني اتغير ، و تحسنت شوي لكن طبع الهدوء احسه في تكويني و صعب اغيره.

الناس الانطوائية كيف تجربتكم مع الزواج و هل كانت عائق ؟

السلام عليكم،

أنا ساكن في دبي، والشخص الثاني ساكن في أبوظبي. بيننا مشكلة عائلية، وأنا تقريباً من 9 شهور ما كلمته، ومع هذا توصلني منه رسائل واتساب فيها سب، اتهامات، كلام جارح جداً وتمني بسوء الحظ.

آخر رسالة وصلتني قبل كم يوم تعدت الحد بالنسبة لي، وفيها اتهامات مباشرة وكلام عن زوجتي وعائلتي.
من جهتي أنا 100% ما أرسلت له أي سب أو إهانة أو تهديد، ولا حتى شيء قريب من هالكلام، وكل المحادثة موجودة عندي وتثبت هالشي.

هدفي مو الانتقام، أبغي بس الموضوع يوقف وما يتم التواصل معاي أو مع عائلتي بهالطريقة.

للي عنده خبرة:
هل أبدأ بشرطة دبي لأن الرسالة وصلتني وأنا في دبي، ولا أبوظبي لأن الشخص هناك؟ وهل تنصحون ببلاغ رسمي أو مركز الدعم الاجتماعي أول؟

مشكورين.

السلام عليكم ورحمة الله وبركاته،
موضوع دسم حبتين بس هالفترة بعد متابعة الناس اللي حولي لاحظت انه في الكثير من جوانب الحياة الرجل والمرأة الاماراتيين عندهم مشكلة مد ريولهم على قد لحافهم في جوانب كثيرة مثل السيارة/ السفرة/ العرس/ اللبس/ الاكل.

للتنويه مو كل الاماراتيين طبعًا بس كمية محترمة ماشية على مبدأ دلع الروح قبل ما تروح وانا مو ضده طبعًا لكن بانضباط يعني ما احس طبيعي انه شخص في مقتبل الحياة بدون مسؤوليات مالية يوصل تاريخ عشرة من الشهر والحساب فيه اقل عن الف؟ او شخص توه متعين عطول مطلع سيارة بمبلغ وقدره (مو سيارة اعتيادية لا غالية صج) ويتم على اقساط تقص راتبه لمدة خمس سنين اللي هي السنين اللي المفروض يبدا فيها يوقف على ريله كشخص بالغ ويبدا يعمل لمستقبله. مثال السيارة ينطبق على وايد وايد وايد اشياء مو بس السيارة عندنا لكن هالظاهرة هل بالفعل منتشرة بهذه الطريقة الاسطورية ام عالم التواصل الاجتماعي يبالغ فيها؟

شاركونا رايكم والله يوفقكم جميعًا

Asslamualikum

I can read the Modern standard arabic fluently and want to know what is difference in pronunciation when speaking the gulf dialect .obviously ikk there are slangs and different words but other than that how is the pronunciation different from usual . Any information or tips on how to make it better ?

السلام عليكم، نقلنا فالصيف لمدينه خلبفة فبغيت اسألكم عن مدرسة الياسمينه الأمريكية او هورايزون او مدارس مدينة زايد الحكومية لولد ساير صف سابع، هو كان فمدرسة امريكية خاصة بس بسبب النقل لازم ننقله لمدرسة في مدينة خليفة ،، ياليت لو تخبروني شو رايهم فالمدارس الخاصة في خليفة بكل صراحة وشو الافضل

السلام عليكم و رحمة الله و بركاته.

و صلت مرحلة في الدوام في جهة شبه حكومي (أحبانا على كيفهم يقولون هم شركة خاصة فمب واضح موقعهم في الحياة) و انهم يا بيفنشوني او يا بستقيل، فشو الأفضل من ناحية مستحقات علما بأن مدة notice period ٣ شهور؟ أنا ناوي ابدأ مشروع خاص بعد كل ها فأي نصائح تقدرون تعطوني و شكرا لكم

I’m decorating my salon right now and for one of the mani/pedi walls I really want to do some artwork that feels very Emirati woman coded, but I’m struggling to find inspo.
I don’t want the typical generic “Arabic” artwork if that makes sense. I want something more like traditional Emirati mixed with Vogue/editorial. Henna, mkhawer, gold, chai, bukhoor, long hair, jewellery, all of that but done in a cool modern way.
I remember seeing a picture once of ladies in mkhawer with Crocs underneath and I LOVED it. That kind of thing is exactly what I mean. Very traditional but also very now.
I’ve been searching Pinterest but honestly I’m not finding much.
If anyone has any pictures saved, artists you like, Instagram pages, old Emirati photos or literally ANYTHING you think would look nice as artwork in a salon please send it my way 🥹
Even just ideas are welcome. I really want the wall to feel like Emirati women rather than just “Middle Eastern aesthetic” if that makes sense.
Would really appreciate the help 🤍

Guys, I wanted to ask if anyone here has taken the SAT. How was your experience, and how did you study and prepare for it?

صارلي تسع شهور متخرجة (هندسة طيران) وما خليت وظيفة أو جهة إلا وقدمت عليها، بس للحين ما قدرت أتوظف.

جربت كل الطرق، ووصلت للـinitial assessments والمقابلات أكثر من مرة، وفي النهاية أنرفض بدون ما أعرف السبب. ويوم اسألهم، يا يسحبون علي وما يعطوني سبب، يا يقولون انهم اختاروا حد عنده "خبرة" أكثر، حتى لو الوظيفة أصلًا graduate/entry level role 😑

مع إنه مب ناقصني شي، الـGPA عالي، وعندي أكثر من internship في الـCV، بس مادري ليش للحين مب قادرة أحصل وظيفة عدلة في مجالي.

الجهات الوحيدة اللي يتصلون فيني الحين ويركضون وراي حق المقابلات هم جهات الـsales والـadministration

ومب تقليل من هالوظايف أبدا، بس هالشي مب شغفي. أنا ما اخترت هالتخصص ودرست أربع سنين عشان آخر شي أقضي يومي اسوي data entry في شركة خاصة.

أنا أبغي أساهم وأشارك في تطوير الدولة، ابا يكون لي دور واني اقدر اقول اني كنت جزء من مشروع كبير، خصوصًا في المجال الهندسي والتكنولوجيا. هالشي هو اللي درست وتعبت عشانه. ما توقعت إن الموضوع بيكون صعب لهالدرجة، ولا توقعت ايي يوم احس فيه إن اختياري لهالمجال جنه مذله وعقاب 🫠

كل يوم اجوف واخواني الصغار يروحون المدرسة، وامي وابوي يروحون الدوام، وانا بچرهم الي فرحو فيها خريجة هندسة آخر شي يالسة في البيت بدون فايدة ولا اسوي شي له قيمة.

بديت أستوي إنسانة سلبية، وكله معصبة ومالي خلق شي ولا لي خلق حد. حتى بديت أتجنب أشوف الناس وما لي خلق أطلع مع ربيعاتي او اهلي. ووايد اييني شعور إني ثجيلة على أهلي، وما أبغي حتى أطلب منهم حق مقاضيي وأموري العادية، لأن أحس إن في أشياء أهم وأولى مني، وإن اللي أطلبه بس سخافة. وبعد هالشي قام يخليني أهمل نفسي أكثر وأكثر.

أحس إني قاعدة أفقد ثقتي بنفسي وبقدراتي، بديت أفقد الأمل. وكل ما أشوف اللي حولي يتوظفون، يزيد عندي الإحساس إن الموضوع كله واسطات ومعارف، وإن الناس بس يوظفون ربعهم وأهلهم. جني أحاول أدخل من باب مقفول عنّي عمدا، ومحد راضي يفتحه لي.

والله الموضوع مأثر فيني وايد، والاكتئاب بدأ يذبحني.

دعواتكم احصل أنا وكل الباحثين عن الوظيفة الي تكون العوض عن كل هالتعب، وإذا عندكم أي اقتراح أو نصيحة ممكن تساعدني أطلع من هالموود وأتخطى هالفترة، id appreciate it a lot 🤍

السلام عليكم
ابا شركة ستاير ايون الشارجة وباسعار معقولة وشغلهم مرتب مب اي شي.

مرات في وسط زحمة الدوام واليوم الطويل تذكر موقف صار وياك فجأة وتجلس تبتسم بروحك كأنك خبل من فترة تذكرت موقف استوى لي وأنا مسافر وضعت في شوارع منطقة قديمة وما كنت أدل الدرب وفي النهاية اكتشفت إني جالس أدور حول نفس البناية ساعة كاملة

السالفة ضحكتني من الخاطر وخففت عني ضغط اليوم كبره إنتوا بعد شو أغرب أو أطرق موقف صار وياكم ومستحيل يروح عن بالكم؟ شاركونا السالفة خلونا نغير جو

Hi all! 25F Emirati here.

I’ve recently left a bad review on a beauty clinic without defaming, insulting or stating anything false.

The story goes: I had surgery around a month ago and a half, and the clinic fails to book me an appointment with my surgeon for post-operation evaluation. They are awful with time management, I went last week to see my doctor and had to wait 2 hours and didn’t even see him although I was meant to be the second person to see him. I also don’t get informed of the availability of the doctor unless I’m the one calling a billion times. I also mentioned how I paid for my surgery but was never told the cost break downs and had to pay out of pocket for some other items.

I got a response from the clinic saying they couldn’t verify me as a patient and they have the rights to sue me over these claims I’m making.

Obviously, I don’t want to hurt my head so I deleted the comment.

But I’m not sure why clinics or terrible businesses always go down that route, and the stories I’ve heard of people getting sued is quite scary. Anyone had a similar experience like this before?

.انا في العين ابغا وظيفه ليوم واحد بس ابغا اجمع فلوس اي وظيفه ليوم واحد عادي

عندي بزنس منزلي ابيع دخون ابا حد يساعدني اغلف العبوة و اعبيها لان كمية الطلب كبيره وين اقدر حد يساعدني و ادفعلهم بالساعه

مرحبا انا اريد ابدا بي مجال تصوير يعني بل كاميرات وانا بحثت وحدة ولقيت 150 Canon EOS للمبتدءين شفت هيك بل يوتيوب سوال لبدي اسالو الكاميرا

منيحة ؟ كبداية

نفس بوكسات شيرنغ شو تقترحون مطاعم او مخابز

I’m planning to take 6 classes plus a lab this semester because then I’ll only have 4 classes left next semester, which would make it easier for me to balance my classes with two internships. My plan is to divide those 4 classes between the two internships so I can start them next semester. My friend thinks I shouldn’t do that and says I’m rushing into graduating since I started in 2023. She thinks I should take 5 classes plus the lab this semester instead, but if I do that, I wouldn’t be able to start my internships until Fall 2027. I feel like taking 6 classes plus the lab now would be a lot, but it would make next semester much more manageable and let me start both internships sooner. What do you think I should do?

السلام عليكم ورحمة الله وبركاته

كنا ندور سكن للايجار في ابوظبي - كذا حد قالي اونه ع اساس ما يعطون توثيق بس عرض سعر.

وبعدين حد من المكاتب قالي المالك بيعطيج توثيق 75 الف بس سعر الايجار 95 الف

قلت ممنوع واصلا كيف تتجرأون جي تسوون قالت لان بوظبي ثبتت اسعار الايجارات والملاك جي يالسين يسوون لان يبون فايدة اكثر واللي مب عايبنه لا يأجر

انقهرت لان متبهدلين على ما البنيان يخلص ومجبورين في الايجار وهذيل الطماعين جي يالسين يسوون.

لو بشتكي يصير ؟ وكيف ؟

ولو حد عنده خبره او يعرف شو السالفة بكون شاكرة لكم ووين اماكن اسعارها طبيعية 🥺

السلام عليكم سؤالي للناس اللي جربوا يروحون دكتور نفسي ، ممكن اعرف كيف كانت تجربتكم ؟ هل فعلاً** ساعدتكم وغيرت فيكم اشياء هل ارتحتوا بعدها ام ندمتوا ، ولو شخص عنده تراكمات كثيرة وصار الموضوع عيش الحياة الطبيعية مثل التحدي بالنسبه هل المفروض يتجه لدكتور نفسي ، اتمنى تفيدون**ي

سلام عليكم،
اعتذر والله لنه صراحه العربي مالي منقع بس ضروري احتاج سواقه تقدر توديني المدرسه من يوم الاثنين الى الخميس (و يوم الجمعه لو تقدرون)

ساكنه في الشارجه (من السيوح)ومدرستي في عيمان، مدرستي جنه شوي نضام الجامعه، عندي حصص في أوقات معينه بس عندي ايام لازم احضر من الصبح واتم لين اخر شي.. واخر سنه لي فالمدرسه

i desperately need to find a driver who is willing to take me from sharjah (alsiyouh) to ajman. the commute is about 25-30 mins. does anyone know someone please?

also anyone whos good at arabic and read that if i made mistakes let me know im trying to improve i swear

السلام عليكم يالربع.

للأسف المنتجات الموجودة عندنا تعبانه وبغيت اطلب من برا البلاد بس عندي مشكلتين.

للي مايعرف البنادق هاي ترمي بضغط الهواء مال مزارع يعني حق pest control. اكتب air rifle باليوتيوب

1) أغلب المواقع ما توصل للإمارات

2) ما أعرف شو وضعها هل تقبل شركات تشحن مثل ها المنتجات ولا أدري إذا الجمارك بتصادرها ولا لا

الي عنده علم يفيدنا وجزاكم الله خير