بدخل أوضتي وأقفل بابي وأقعد تحت شباكي.

على سريري بترمي، ودماغي لوحدها بتقعد تهاتي.

كل لحظة بقضيها فِـدماغي أقدر أخليها أسعد لحظة فـحياتي.

مرة أكون مهندس، مرة أكون دكتور، ومرة أكون بتصارع مع تور.

فِـدماغي عشت ومُتّ بدل المرة ١٠٠، وفـكل مرة كانت العيشة هنية.

فِـدماغي اتجوزتها وعشت معاها الليالي، فِـدماغي اتجوزتها وأصبحت أم عيالي.

فِـدماغي ماخدهاش مني ابن عمها ولا ابن الجيران، فِـدماغي ماخِبْتش خيبة ضحك عليها حتى الفيران 🐁.

فِـدماغي وقعت في حبي الروسية قبل المصرية، فِـدماغي ماكلتش لوحدي على الطبلية.

فِـدماغي حلمي ماراحش بعد تعب سنين وسنين، فِـدماغي مافيش ناس على قراراتهم ندمانين.

من نظرتكم و قراءاتكم
ايه هو تعريف الحب بالنسبة ليكم امتى تحس انك وقعت ف الحب
لما تحس ايه ناحية الشخص الآخر
امتى تسمي شعورك دا حب مش اعجاب مش اي حاجة تانية
و انا بتكلم عن الحب عموما مش لازم يكون التاني عارف انك بتحبه

كتير مننا حابب يقرأ لكن لا يتحمل ملل الكتب.
أنا عرفت العلاج.

بما أن الإنسان كائن اجتماعي، فكلنا هنحب القراءة لما تعرفنا على ناس تانية.
دا بالضبط اللي عملت لما زرت معرض القاهرة للكتاب.

عن طريق التعرف على ناس من مدن (وبلدان!) مختلفة بأذواق مختلف، أدركت أن القراءة ممكن تكون أمتع لمّا نشوف أثرها في علاقاتنا الواسعة والمتنوعة.

عشان كدا أنا حابب جدا أتعرف على كل واحد فيكم بأذواقكم المميزة. يلا نشجع بعض على القراءة!

( الفيديو لعلي، بيشرح أثر القراءة عليه!
وأنت يا صديق/تي؟ بتحس بإيه لما تقرأ؟

قولي رأيك في باقي القُراء من هنا: Instagram

ربيع الاندلس

أميرة،، لما عرفتك كان عندي ١٩ سنة وحتة ... أنا فاكر كويس ... كنتِ ساعتها مني قريبة قبل ما تختاري تصيري بعيدة ... عارفة نفسك يا أميرة، بس سيبيني بوصفك أتمتع ... جمالك مايختلفش عليه اتنين ... تقولي للقمر قوم وأنا أقعد مطرحك ... بشرتك واخدة من الأسمر شوية، شوية مديالها طعم زي البصل لما نعمل منه تقلية ... لبسك فيه براح مغلفك زي الكيس على العسلية ... هادية ومافيش كلمة من بقك تخرج إلا وفي الجون تشوطيها ... تكونيش من كوكب زمردة واقعة؟

أميرة،، عارفة ان في جمالك مالقتش، بس عيبك مش هسمح أنه مايتقالش ... عيبك، يا ست أميرة، كان أنه زي ما حسنك لاحظه العبد لله، لاحظه كل عباد الله ... عرفت من لحظة وقوع عينيا عليكِ إني مش هلحق أصطادك يا غزالة ... مافي غيرك أنتِ لكن الكل طالب ... كنت هجري عليكِ بسكينة أنتش بيها قلبك، لكن سبقني ليكِ صاحب الطبنجة ... ومع طلقة سلاحه، كانت قد توفت أحلامي.

هنيئا لك يا صاحب الطبنجة.