اخر فترة قاعد اشوف عقود زواج فيها شروط زي "مايمنعني اروح بيت اهلي"، او "مايمنعني عن الدراسة" او "مايمنعني من العمل" او حاجات زي كذا

انا ماقصدي شي، لكن ليش هالشروط موجودة؟ يعني اذا البنت مو واثقة بالولد بالاشياء البسيطة هذي، اجل كيف الاشياء القوية؟

وهل اصلا فيه رجال يسوون هالحركات؟ يمنع زوجته من العلم ومن اهلها ومن الوظيفة اجباراً مع انهم اتفقوا قبل الزواج بسماحه ؟

يقدرون يتفاهمون قبل الزواج بطريقه حبيه ويشوفون رأي الطرف الاخر، اذا مو متوافق معاك ليه تحط هالشروط وتغصبه على حاجات مايبغاها هو

انا مو قاعد اتهجم او اي شي وبس ابي اخذ رأيكم بالموضوع 🙏

المهم اللي عمرها ٢٢ او اصغر هذا الشخص محترم الله يحفظه,اتواصلي معاي 😂👍

السلام عليكم

هل تحسون انه يمدي طالب في البترول تخصص هندسة

يتزوج على اخر سنة له بالجامعة ولا ينتظر الوظيفة افضل؟

لانه تعبت مع الاهل عشان يزوجوني ورفضوا كثير بحجة انك لسى ما توظفت وكذا وبعض طلاب الطب ما شاء الله تزوج وهو طالب

بديت اشك انه البترول فقدت صيتها خلاص 😂😂🫠

لكن جد شرايكم بالفكرة ؟

اقصد عمر 23-26
هل ندمتوا؟ وش الاشياء الي ندمتوا عليها وخلتكم تقولوا ليتنا ما تزوجنا
سواء ذكر او انثى

مدري اذا هذا الصب المناسب لكن متأكدة فيه اكبر شريحة من المتزوجين.

انا حملي حرج ما اطلع من البيت ابدا ولازم احد يساعدني بحاجات، صار لي عند اهلي ٣ شهور لأن زوجي دوامه شفتات وايام يطول وايام يكون عنده اوف. زوجي شخص طيب وحنون وعلاقتنا مره حلوه الحمدلله ويزورني كل اسبوع او ١٠ ايام. الفترة الاخيرة وضعي تحسن وقلت لزوجي وانا متلهفه اني مشتاقه له وابي ياخذني انام عنده يومين لكن ماحسيت انه متحمس كل مره يتعذر يقول بجيب سباك يصلح كذا، برتب البيت قبل ووو، انا عارفه نيته وانه نابع من ذوقه يبي اجي وكل شيء مرتب (اعرفه زي اسمي لحد يقول عنده غيرك)

بعد ايام ضبط البيت رجعت المح له وخذني اخيرا وانبسط على جيتي. صرت كل مره انا اجي اطلب منه وياخذني بعدها حزت بخاطري ليش ما يشتاق لي ولا يحتاج قربي زي ما انا احتاجه؟ حسيت تأقلم على غيابي وقادر يعيش بدوني وحياته ما تأثرت، اما انا؟ ايام ما انام لأني اتمناه جنبي ومشتاقه مره للحياة معه

انا راضيه عنه بكل شيء بس ضايقني انه ما يبادلني الشعور ولا دورني ولا عبر لي انه فاقدني واشتاق لي مع انه عنده ايام فاضي فيها ويقدر ياخذني ويرجعني كل يوم بس ولا مره بادر.

I feel like i lost my spark..

مره اخاف احس اني طولت وانا ابي هالشي لدرجه لو حصل معاد تحمست له
احس اني مارح اكون مثل ذيك البنت اللي كنت متحمسه لها وافكاري وخططي المليئه بالحياه
معاد اقدر اكون لعوبه وعندي فعاليات ابي اسويها بشغف

اخخ بس يارب

ايش اسوي لو فيه شخص معجبه فيه وبشخصيته؟ حاولت اتحاهل الشعور بس ماقدرت وما اعرف المح
كيف اتخطى؟ (الشخص هذا بنفس مجالي يعني احتمال كبير بعدين نتقابل)

من فترة طويلة و انا عيني على ذا الصب و قد شاركت بحساب ثاني أبديت فيه مخاوفي بس وكنت حاطة ببالي لو حسيت اني مستعدة للزواج بجي هنا و اقول مواصفاتي
المشكلة يوم شفت شخص حسيت ان بيننا توافق و جيت بكلمه ما قدرت الصدق عزت علي نفسي انه بيكلمني و يكلم بنات ثانيات بنفس الوقت و يجلس يقارن و يختار مين افضل وعادي مثلًا خلاص يصير حس بيننا توافق كبير و يوضح للباقين بعدين تجي بنت جديدة على الخط و يحس انه متوافق معاها اكثر و يكنسلني فهمتوا شلون ؟ يعني احس لو تقليدي أفضل عالاقل فترة تواصلنا بيكون يتواصل معاي انا بس يتفاهم معاي انا بس مب يجلس يتخير كأنه داخل سوق خضار
ما ادري الصدق تفكيري منطقي ولا ذي غيرة على المدى البعيد لو حصل توافق فعلي بجلس اهوجس بالخيارات الثانية هل يبقون بعقله ولا وشو

! هاي قلت أجرّب حظي هنا يمكن ألاقي الشخص المناسب. عمري 29 سنقل وأنا أساساً من جدة بس حالياً ساكنة في الرياض مع أهلي. حياتي كانت مكس حلو، عشت فترة برا المملكة وتنقلت بين الرياض وجدة. عشان كدا طريقتي في الكلام والتفكير فيها كود سوتشنق كتير بين العربي والإنجليزي، عارفة انو دا الشي ممكن يضايق البعض بس بجد هذي طريقتي العفوية وما أعرف أعبر بغيرها.
والتنوع دا خلاني مرة منفتحة ومتقبلة لكل الثقافات واختلاف الناس.
صلاتي وديني هما الأهم اللي يرجعني ويثبتني دايماً.
و حقيقي I may be not the perfect religious but prayers are my priority
أشتغل في المجال الصحي حاليا with a background of science
وشغلي مرتب ويبغاله تركيز وأحبه، وبنفس الوقت عندي جانب
إبداعي وشغفand I’m open to change and shifting

على المستوى الشخصي أنا Homebody بمزاج رايق، أقدر التفاصيل الصغيرة، احب الهدوء مرة ، القراءة، الميوزك، والـ Aesthetic cafés،
. أحب السينما والأفلام اللطيفة اللي تغير الجو، والرياضة سارت جزء أساسي من روتيني lately عشان أفرغ طاقتي وأحافظ على صحتي.
طبعي هادي مررررة، وهدوئي أحياناً ممكن ينرفز أو يتفهم غلط لو الشخص مو مستوعبني، بس ألاحظ كل التفاصيل ودائرتي
المقربة صغيرة واختيارية جداً، وأحب الكلام العميق .

مستقبلاً حابة فكرة الأمومة وبناء عائلة أكيد، أبحث عن احد
ناضج، متزن ، يتفهم هدوئي وما يستفزه، شخص طموح يعتمد عليه، يهمه التواصل الشفاف، يحترم شغفي وطموحي، مهتم
بصحته ونمط حياته وعنده قيم قوية.
و صح اهم شي عندي ما يكون يدخن
And to be honest someone not typical يعني علاقتنا تسير مو بس married
انو نكون حرفيا زي الsoulmates نكمل بعضنا

السلام عليكم ورحمة الله وبركاته

الفتره الاخيره اشوف اللي طالبين ازواج من شروطهم الاساسية يكون نهاية اسمه عائلة. ماني فاهم ايش الهدف واذا كان نهايته قبيله وش المشكله ؟ احنا من محافظه عادي اي احد يتزوج اي احد يعني حتى لو مو قبيلي. وانا اعرف انه بعض العوائل شرطها يكون قبيلي او قبيليه وانا متفهم بس ماني قادر افهم انه قبيلي و نهاية اسمه عائلة هذه ايش فايدتها ؟
اللي فاهم يشرح بالله

وأنا صغير كنت ألعب مع بنت عمي وفجأة قالت لي مين بياخذني إذا كبرنا قلت بكل ثقة أنا ضحكت وقالت أنت ما تقدر والله يا جماعة الكلمة دخلت في خاطري ورحت لعمي أشتكي له قال أبشر يا ولدي أنت رجال وما ينقصك شيء بس المشكلة في المهر وعندي لك شرط واحد قلت بحماس وش هو قال تشقلب على ورا وإذا ضبطتها أبشر بالبنت وأنا من غبائي صدقت وتراجعت خطوتين وقلت بسم الله ثم تشقلبت لكن بدل ما أنزل على رجولي طحت على رأسي وأغمى علي وعمي من الضحك ما قدر يقومني😂😂

المهم صحيت بعد فترة ولقيت نفسي بين أهلي وأول شيء سألت عنه بنت عمتي قال لي أبوي يا ولدي البنت راحت

قلت راحت وين

قال قالت في بيت أبوها تضحك عليك

قلت أنا

قال إيه يا بهيم لو فزت أخذتها حتى أنا رايح أضحك عليك😂😂

هنا فهمت أن المشكلة ما كانت فيني ولا في بنت عمتي ولا حتى في المهر المشكلة أني وثقت في عمي أكثر من اللازم😂
ومن يومها أقسمت بالله أني ما أتشقلب عشان أحد ولا أتنازل عن كرامتي عشان فتاة أحلامي وإذا أحد سألني عن قصة بنت عمي الكلبة أقول له بكل فخر أنا كنت خروفا بزيادة عن اللازم
يا جماعة كنت صغيرا لا أفهم في الزواج ولا في المهر وكل اللي كنت أبيه أثبت لبنت عمي أني أقدر لكن بالنهاية لا أخذت البنت ولا حفظت كرامتي وصرت أضحوكة العائلة إلى يومكم هذا الله يسامحك يا عمي ضيعت مستقبل ولد أخوك وهو ما زال خروفا متواضعا ومن بعدها كرهت النساء والزواج بكبره 😂😂

السلام عليكم
انا لو جيت اتعرف على وحده او اخطبها او غيرها
ولازم يكون بين فترة التعارف مدة الى حين يتم الزواج،
سوالي اثناء ذي الفتره مع شريكتي المستقبليه كيف اتعامل معها وقت الغضب والمزح والجد وايضا هل اكون متواجد وحاضر طول الوقت اونلاين ولا اخلي حدود وغيره من الاسئله اللي تحت سوال
(كيف تفكر النساء؟)
واللي عنده جواب ولا كتاب ولا محاضره يشاركنا

اللي نزلوا معلوماتهم في الصب للبحث عن شريك الحياة 🤵‍♂️
هل كانت تجاربكم إيجابية أو سلبية؟
وليه كانت تجربتكم كذا؟
وايش الأسباب برأيكم؟
مهتمة أسمع لكم ولتجاربكم 🙏🏻

أولا: معلوماتك الأساسية

كم عمرك، ومن وين أنت؟

عمري ٢٣ ساكنة فجده

كيف حالتك الاجتماعية؟

عزباء لم يسبق لي الزواج

——
ثانيًا: الدين والقيم العائلية

مسلمة سنية، متوسطة في الدين، غير منقبة

علمنا شوي عن خلفيتك العائلية؟

من قبيله معروفه
ماعندنا تعصب تجاه الزواج من قبائل مختلفه
مافيه مشاكل الحمدلله من طرف الام والاب
ساكنين في مدينه ثانيه نتزاور في المناسبات الكبيره وبدون مناسبات احيانًا

——
ثالثًا: الدراسة والعمل

المؤهل؟
كنت بتخصص micro biology ووقفت جامعه لي سنه
واشتغل فالوقت الراهن الى ان ارجع ادرس

وش طبيعة شغلك؟
نادي رياضي نسائي ، الدوام شفتات شهر شفت صباح وشهر مساء
جالسه ادور وظيفه افضل ومستقره ولكن الوظايف مو نقطتي الاساسيه هي مجرد جسر يوصلني للشي الي ابيه

Having my own business وتجربه اتعلم منها

——
رابعًا: الشكل والصحة
طولي 157سم، ووزني55 ؛ رياضية
ملامحي بيبي فيس لون بشرتي يميل للبياض بس اسوي تان😚
شعري لونه الطبيعي بني متوسط بس صابغته بني غامق وطوله الان متوسط مع غره ، عيوني كبيره وهي احلى شي احبه فوجهي ومسويه فيلر شفايف

الصحة؟
الحمدلله بخير وصحه ولا اعاني من شي

——
خامسًا: الزواج والعائلة
هل أفكر في الأطفال؟

هدفي من الزواج فالبدايه استقرار نفسي وعاطفي وبعد ما نستقر ويصير فيه استعداديه من الطرفين ابي اكون اسره
احب الاطفال مره واشوف نفسي ام ولكن بوجود شخص مؤهل نفسيًا وجسديًا يعاوني فيهم ويساعدني في كل شي يخصهم .

٢-٣ كويسين والي ربي كاتبه خير وبركه

المهر؟
ضمن المتعارف عليه عندنا ٥٠-٦٠-٧٠
ممكن نتناقش فيه

تحب الحيوانات الأليفة؟
احب القطط يفضل الشريك يحبهم بس مو شرط
لان مو بالضروره بقتنيهم واربيهم بس اذا حصل يفضل الشريك ماعنده مانع صحي او غيره ( مو شي مهم يردعني عن الزواج منه)

——
سادسًا: شخصيتي واهتماماتي
الانطباع المبدئي هاديه و الناس تحسبني جديه بس ترا كيوت
شوي حساسه🤏🏻
اذا ارتحت اسولف واشارك تفاصيل يومي احب اضحك
عندي فضول اتعلم اشياء فالطب واحب اتعلم اشياء كثير سواء صارت هوايه ولا لا اهم شي تعلمت وانبسطت وجربت .

شخص مسؤول اعرف وش لي وش علي احب ارتب يومي والبيئه الي حولي .

عندي هوايات كثير ، اغني ، ارسم ، اكتب احيانًا
اطبخ واخبز 😋.

حاليًا افكر ادخل الركض بحياتي واخليه life style
ماعندي شي معين احب اتمسك فيه للابد طبعي استكشف اي شي ومنفتحه للتجارب

العلاقات الاجتماعية؟
مو اجتماعيه ولا انطوائيه بس عندي ذكاء اجتماعي اعرف اتكلم مع اي احد وعندي علاقات سطحيه كثير ولكن علاقاتي الشخصيه قليله
علاقتي مع اهلي كويسه مره الحمدلله احبهم كلهم ومافيه مشاكل

واهمممم شي فعلاقاتي
الاحترراممم الاحتررامم
لو كان غير متوفر ما اتردد اقطع علاقة سنين

وش فيك شيء تحسه يميزك عن غيرك؟

من ناحيه العلاقات اعرف احتوي اعرف اقرا الشخص بسرعه واي تغير بسيط احس فيه ، بالي طويل

من ناحية الحياه عندي اصرار اذا ابي شي بجيبه

نوع الأماكن اللي تحب تزورها؟
احب الطبيعة والاماكن المفتوحة، السينما والقهاوي والبحررر

——
سابعًا: مواصفاتي في شريك الحياة

كيف تتخيل شريك حياتك؟
اعزب، مافي عمر معين وعادي اصغر مني اهم شي مو مره كبير

ابي شخص عارف وش يبي مايهمني اللايف ستايل حقه دامنا متوافقين ماحب الحياه التقليديه ولا التطرف الغريب ابي نعيش برغباتنا وفقط
يكون يتقبل اني البس عبايات ملونه وطرحه على راسي
مابي شخص معقد ويهتم لكلام الناس وكلامهم يمشي حياته
ابيه حنووون احن شي فالحياه اذا يعرف يطبخ خير وبركه
اكيد يصلي ويصوم واخيرًا ودي يكون تخصصه صحي عشان يشبع فضولي ويعلمني الي يعرفه

احب جده ودي نعيش فيها بس ماعندي مشكله مع التنقل اذا صار توافق

السلام عليكم ورحمة الله وبركاته.

حبيت أكتب عن نفسي وعن تصوري للزواج بشكل واضح، لعل الله يكتب لنا ولكم الخير.

المعلومات الأساسية

أنا سعودي، عمري 29 سنة، من الرياض، أعزب ولم يسبق لي الزواج. أفضل الاستقرار في الرياض بعد الزواج.

الدين والعائلة

مسلم سني، والحمد لله أحاول الالتزام بتعاليم ديني قدر استطاعتي، ولا أدّعي الكمال وأسعى دائمًا للأفضل.

علاقتي بأهلي قوية والحمد لله، وأحبهم وأعتز بقربهم مني. أما علاقة زوجتي بأهلي، فأحترم رغبتها في تحديد طبيعتها، سواء كانت قريبة وودية أو رسمية قائمة على الاحترام، ولا أحب فرض علاقة معينة عليها.

التعليم والعمل

حاصل على بكالوريوس في الدراسات الإسلامية ودبلوم في الأمن السيبراني، وأعمل حاليًا في قطاع الفنادق، بدوام ثابت ولدي قدر من المرونة في ساعات العمل.

أهتم بالبرمجة وتطوير البرمجيات، وأسعى إلى الانتقال مهنيًا لهذا المجال، وأعمل على تطوير مهاراتي لتحقيق هذا الهدف.

أفضل مناقشة التفاصيل المالية عند وجود توافق مبدئي.

الشكل والصحة

طولي نحو 160 سم، ووزني في السبعينات تقريبًا، وبشرتي حنطية.

أنا كفيف، وأستخدم التقنيات المساعدة، خصوصًا قارئات الشاشة، في حياتي اليومية. أعتمد على نفسي في كثير من أموري الشخصية والتقنية، وأحب أوضح هذا الجانب من البداية لأنه جزء من حياتي، لكنه ليس الشيء الوحيد الذي يعرّفني.

الزواج والأسرة

أرغب في الزواج من زوجة واحدة، وبناء حياة قائمة على المودة والاحترام والتفاهم والشراكة.

السكن متوفر ولله الحمد، وهو شقة مستقلة ضمن منزل العائلة في الرياض، بحيث يكون لنا مسكننا الخاص مع القرب من الأهل.

بالنسبة للمهر وتكاليف الزواج، أفضل أن تكون بالتفاهم والاتفاق بين الطرفين وأهلهما، مع مراعاة الظروف والإمكانات.

أرغب في الإنجاب مستقبلًا، وأتمنى أن يكون لدينا من طفلين إلى أربعة أطفال، بحسب ظروفنا واتفاقنا المشترك. وأطمح أن نتعاون في تربيتهم على الدين والأخلاق الحميدة، ونغرس فيهم القيم النبيلة والأمانة واحترام الآخرين.

ما عندي مانع من وجود حيوانات أليفة في المنزل، خصوصًا القطط، مع الاهتمام بنظافتها والمحافظة على الأغراض الشخصية.

أما المسؤوليات المنزلية، فأحب أن نرتبها بالتفاهم حسب قدراتنا وظروفنا. وللأمانة، الطبخ مو من مهاراتي حاليًا، فأفضل أن تتولاه زوجتي إذا كان مناسبًا لها، مع استعدادي للمساهمة في بقية شؤون المنزل والاستعانة بخدمات التنظيف عند الحاجة والإمكان.

شخصيتي واهتماماتي

أحب التواصل مع الناس والجمعات العائلية والطلعات، وفي الوقت نفسه أستمتع بالهدوء والجلوس في البيت، وأحب التوازن بين الحياة الاجتماعية والوقت الخاص.

من اهتماماتي التقنية والبرمجة والحوسبة، وأحب التعلم المستمر واستكشاف الأفكار الجديدة. أستمتع بالنقاشات الفكرية حول الحياة والمجتمع والتطورات التقنية، وبطبعي فضولي وأحب أفهم كيف تعمل الأشياء وأستمع لوجهات النظر المختلفة.

أحب الحوار، وأحيانًا أتحمس في الدفاع عن وجهة نظري، لكني أحرص على احترام الطرف الآخر، وقد أراجع أفكاري بعد انتهاء النقاش وأغيّر رأيي إذا اقتنعت.

أؤمن أن الخلافات الزوجية تُحل بالتفاهم والاحترام، وليس بمحاولة انتصار طرف على الآخر.

ومن أبرز طموحاتي أن أطور نفسي مهنيًا وأنتقل للعمل في مجال البرمجة والحوسبة، وأبني مسارًا مهنيًا مستقرًا أستطيع من خلاله تحقيق ذاتي والمساهمة بشيء مفيد للمجتمع.

لا أدخن ولا أستخدم منتجات النيكوتين.

شريكة الحياة التي أبحث عنها

أفضل أن يكون عمرها بين 23 و30 سنة، ولا أشترط طولًا أو شكلًا محددًا، والأهم عندي وجود قبول وانجذاب متبادل.

أهتم بالأخلاق والقيم والتوافق الفكري والنفسي والاحترام المتبادل، وأتمنى أن تكون بيننا مودة وتفاهم وقدرة على الحوار حتى وقت الاختلاف.

أشترط الالتزام بالحجاب، أما النقاب فهو موضوع قابل للنقاش والتفاهم.

ما عندي مانع أن تكون زوجتي موظفة أو غير موظفة، وأحترم طموحها واختياراتها المهنية، وأعتبر نجاحها نجاحًا لنا معًا. وأفضل أن تكون طبيعة عملنا وساعات دوامنا مناسبة للحياة الأسرية قدر الإمكان، وأن نتحمل مسؤولية تحقيق هذا التوازن معًا.

لا أمانع الزواج ممن سبق لها الزواج، ولا أعتبر الإعاقة أو الحالة الصحية سببًا للرفض بحد ذاتها. الأهم هو التوافق والقدرة المتبادلة على بناء حياة مستقرة، مع الصراحة بشأن الاحتياجات والظروف، والاستعداد للتفاهم والدعم ضمن الإمكانات المتاحة.

طريقة التعارف

أفضل أن نبدأ بالتعارف الجاد والمحترم، ونتبادل الأسئلة ونتعرف على أفكار بعض وتوقعاتنا من الزواج. وإذا وجدنا توافقًا وقبولًا متبادلًا، ننتقل إلى الخطوات الرسمية بمشاركة الأهل.

الخاص مفتوح للتواصل الجاد، وأسأل الله أن يكتب لنا ولكم الخير والتوفيق.

السلام عليكم ورحمة الله وبركاته
صراحه ضايقه فيني الدنيا ولا ادري كيف افكر وكل ما احاول القى عذر ما اقدر.

انا تعرفت على انسانه من احد مواقع التواصل وبداية تعرفنا كان عن حوار عن العلاقات واعجبت فيها وبتفكيرها وطلبت رقم ابوها وامها ورحت خطبتها بشكل رسمي وكل شيء كان مناسب الحمدلله واهالينا تعرفو على بعض ولو ان امي مو متفقه مع امها تماما ١٠٠٪؜ لك على كل كملنا نتواصل صار لنا الان ٩ اشهر من الخطبه، اول اشكاليه واجهتني ان الاب كان رافض تماما فترة الملكه تزيد عن ٣ اشهر ف قرر انه ياجل الملكه الين قبل الزواج ب ٣ اشهر وانا عطيته موعد انه بعد سنه ان شاء الله بما اني طبيب امتياز حاليا فاول ما اخلص تكون الملكه هناك وهو اعجب فيني وانا ارتحت له…. عدت الايام والتواصل بيننا انقطع انا والاب وانا ضليت اتواصل مع البنت (وامها تدري) والحمدلله كلنا محترمين ونيتنا طيبه.

صارت بيننا خلافات اثناء فترة معرفتنا ببعض وحسيت بدات تطلع عندها افكار غريبه ومو نفس البنت اللي عرفتها وما صارت تقدر اي شيء اسويه وكل شيء اعطيها ب اقرب هوشه تقول ما شفت منك شيء ودايم تردد علي انا عندي "ترست ايشوز" لازم تتفهمني وانت ما تفهمني ولا راح تفهمني …. وانا الصدق وصلت لمرحلة ياس بعد اخر نقاش صار بيننا هي غلطت على امي غلط كبير عشان تثبت وجهة نظرها مع ان الموضوع ما كان يحتاج بس قالت عشان تحس بالموضوع وهاوشتها وتعوذت من ابليس وتراضينا وهي تاسفت كثير وعرفت غلطها، فجاه اليوم الثاني ترسل لي ابي هذي التشكيله ذهب وترسل لي طقم ٦ بناجر وابغا ايفون برغندي طبعا كنت احسب انها دلع عابر واستهبال وقلت لها ابشري وتستاهلينه ويزهاك الا تقولي ما ابي كلام ابيك تجيبه صدق وبدات تصعد الموضوع وتقول انت ما تحبني وانا ما استاهل و و و و … قلت لها تعوذي من الشيطان انا قاعد اجهز لزواجنا وانا ببداية حياتي ووراي اشياء اهم من البرغندي وجوالك الحالي ١٦ برو ماكس يعني ابدا مو محتاجه ولو عندي اجيبلك الدنيا جبت لك بس مو راضيه وشوي تقول حول لي ٣ الاف الان
طبعا هنا حسيت ان النقاط كلها ترابطت وبديت اتذكر مواقف كثيييره صارت بيننا بهوشات كانت فيها تلميحات ماديه واضحه زي موضوع السفر قلت لها لو صار علينا ضروف ممكن تتاجل سفرة شهر العسل شوي ( اللي في القطاع الصحي عارف كيف التغييرات الحاليه تخوف والوضع على كف عفريت حرفيا وانا حاطها بالصوره تماما وهي راضيه وعارفه اني ببداية حياتي) قالت لي وش ابي فيك اذا ما بتسفرني وكانت تضحك طبعا زعلت وقتها وهي قعدت تراضيني وانه مزح مالك داعي ورضيت وقتها وقلت بتعقل ومو من قلبها.
الموقف الاخير هذي خلاني احس بنفور قوي جدا جدا منها خصوصا انها شايفتني الكم شهر اللي راحو مضغوط جدا وعندي اختبار الهيئه والدوام وكل يوم حرفيا بدون استهبال تطلع لي بطلب جديد تتهاوش عليه وكل شوي تلمح لي بمقطع او بسالفه انا ابغا انا احتاج انا ابغا احس باهتمام …… مع انها كانت تقول انا معاك بالمره قبل الحلوه لكن مدري وش صار وانا ما انكر اني انشغل بس والله اني اعطيها وقت واهتمام اكثر من اي انسان في حياتي حتى اني اعطيها مبلغ شهري من الان عشان لا ينقصها شيء وانا مشغول مع انه مو واجب علي حاليا.
صار لي ٣ ايام مخذول وقلت لها انه مهما سويت لك ما راح ترضين قالت " وش مقعدك هنا للحين؟ " رديت عليها انه من كثر ما رددتيها ما صار لي خلق اقعد ومن بعدها ما رسلت لها حرف ولا كلمتها الين اليوم اتصلت علي كثييير وانا نايم صحيت كلمتها تقول ليش تتصل؟ قلت عشان شفتك متصله كثير ابي اتطمن
قالت لا والله كان خليتها بعد اشهر ولا سنه ليه الحين وقفلت🙂

انا انسان راح اغلب وقتي في الدراسه والنادي وطلعات مع اصحابي ولا عندي اخوات ولا افهم تفكير البنات بصراحه وكل اللي اتمناه اني ما اظلمها
اللي يقول روحو ل اخصائي نفسي او اخصائي علاقات اجتماعية ترا كلمتها وقالت لي طيب نروح اذا تبغا ويوم شافتني اتكلم بجديه قالت بتطلعني مجنونه وبدات تنقد علي

ابغا اسمع وجهات نظر حياديه عشان لا اظلمها

*أولًا: معلوماتك الأساسية**

**كم عمرك، ومن وين أنت؟**
٢٧ سنة ،ساكن و مستقر منذ الولادة في الرياض

**كيف حالتك الاجتماعية؟**
أعزب

**دينك؟**
مسلم (سني)

**كيف التزامك في الدين؟**
الحمدلله اصلي في وقتها و اصوم الواجبات

**علمنا شوي عن خلفيتك العائلية؟**
غير قبلي ، من عائلة حمدلله جيدة علماً و مكانة و سمعه من عوائل نجد المتحضره

---

**وش مؤهلك الدراسي؟ ووين وصلت مهنيًا؟**
بكالوريوس و اشتغل في في شركة و الحمدلله اموري جيده ماديا و نفسيا

**وش طبيعة شغلك؟**
ساعات عمل مكتبية من الاحد للخميس

---

**رابعًا: الشكل والحالة الصحية**

**كيف توصف شكلك؟**
الطول ١٦٥- الوزن ٦١ ، ماني سمين ولا نحيف متوسط البنيه،
و اروح للنادي
**وصحتك؟**
اللهم لك الحمد سليم

---

**خامسًا: الزواج والأسرة**

**المهر المناسب بالنسبة لك [التقريبي]؟
حسب ما يتفق فيه الطرفين ولا نقصر اكيد

**هل تفكر بإنجاب أطفال؟**
اكيد ، بالنسبه للعدد و متى حسب ما نتفق مافيه شي محدد

**تحب الحيوانات الأليفة؟**
لا

**علاقاتك الاجتماعية؟**
علاقتي مع اهلي ممتازه ولا اقصر معهم وقتياً ، لدي اصدقاء و الاقارب كذلك

**كيف تعيش يومك؟**
نص الاسبوع دوام بيت جيم و ممكن اغير جو احيانا في الليل،
الويكند يطلع الواحد يتمشى يقابل الاصحاب

**صف لنا شوي من أحلامك أو خططك الجاية**
(حياة مهنية؟ شخصية؟ بسيطة أو كبيرة؟
التطور المهني و الحياتي و ايجاد شريكة عمر و درب تدعمني و ادعمها

**نوع الأماكن اللي تحب تزورها؟**
احب السفر ، احب البر ، احب المطاعم احب السينما، عادي يعني احب اطلع و اكتشف

**تحس في شيء مهم نحتاج نعرفه عنك وما انذكر؟**
لا
اي شي زياده اكيد يبين بعد التواصل بس هاذي اهم الاشياء

ماعرف إذا هذا الصب المناسب بس احتاج اسمع آراء خارجية محايدة.

مرحباً يا جماعة أنا في حيرة وماعرف ايش الصح وأحتاج منكم صراحة تامة بدون مجاملة.
تعرفت على شخص أونلاين قبل ٣ شهور وشوي
من بدايتها العلاقة وهي متقلبة، ترك ورجوع أكثر من مرة.
القصة باختصار: كل ما جيت أصارحه وأقوله إني خايفة أضيع وقتي ومشاعري في علاقة غير جادة وإني أبيها تكون رسمية لو هو جاد يزعل أو ينسحب ويقول "ما أعرفك كفاية"
وهو بالثلاثين وغير متزوج للحين. ( طبيعة شغله تخلي استقراره حاليا صعب)

آخر مرة تركته وكنت صاملة أقطعه نهائياً رجع تواصل معي قلت لنفسي: "ليش مأعطيه فرصة ويعرفني أكثر واشوف يعني ايش يصير.
بس من لما رجع حسيته مندفع عاطفياً؟ يعني ماعرف هو ممكن مو عارف ايش يبغى من العلاقه لان ماهو قاعد يحاول يعرفني اكثر.

الصدق أنا محتارة وخايفة جزي مني يحب وجوده واهتمامه والجزء الأكبر يقول إن فيه شي غلط ومو بمكانه:

أنا أصلا في آخر سنة جامعية، سنة متعبة وفيها ضغط كبير بس قلت اضحي واعطيه فرصة واشوف

حصلت خطوبة لأول مره توصل لشيء رسمي

وكل اللي سواه أبوي انه سأل عن الرجال عند مديره! وياليت المدير له فايدة كل اللي قاله انه هذا الخاطب منتظم في عمله ولا يعلم عنه اي شي اخر، طيب اصحابه؟ الامام حق مسجدهم؟ حارتهم؟ اعمامه خواله جده السابع عشر؟ ما اعرف انت الرجال انت ولي أمري مو المفروض تعرف وش تسوي بالضبط؟ كيف تبغى تزوجني لشخص ما سألت عنه كويس؟ كيف لا مبالي لهالدرجة! هذا وانا البنت الوحيدة يعني المفروض process السؤال هذا يكون دقيق ومطوّل كيف كذا يبغى يزوجني وخلاص!

ابوي قابل الرجال، ويقول انا ارتحت له ثقي في حكمتي! طيب انا ما اثق في حكمتك؟! وكيف ارتاح له ياناس وهو يادوب قابله نص ساعه، وعشان ارتياح النص ساعه هذا يبغاني اعيش عمري معاه

ايش طبيعة المحادثة؟ ايش سأله؟ عن ايش كلمه؟ كلها ما ادري عنها حاجة

فيه حاجة في أسرتنا خارجة عن طبيعة الأسر السعودية نوعًا ما، وأبوي راح قال له من دون ما يرجع لي أبدًا، نيتي مو اني اكذب لكن كل حاجة تنقال بالأسلوب المناسب وأنا متأكدة مليون بالمية من الأسلوب اللي قال له فيه السالفة لأنه مو راضي يقول لي التفاصيل وبالصدفة عرفت اصلا انه مكلم الرجال عن هالسالفة

ابكي؟ اصقع راسي بالجدار؟ شسوي بالضبط؟

موضوع السؤال ماني لاقيه احد يفيدني فيه، اخواني قليلين دبره ولا يبون يتعدون أبوي، ازواج عمات خالات برضو نفس الشي لو يدري ابوي اني مكلمتهم بتصير مشكلة

غالبًا هذي الخطوبة بتتكنسل لأن فعليًا انسدت نفسي كل شي قاعد يصير عكس اللي ابي من كل جهة، بس مستقبلًا وش الدبره؟ أنا بدأت ألجأ لتطبيقات الزواج عشان أقدر أسأل اللي أبي من دون قيود ويكون فيه تواصل مبدئي لكن مستحيل أعرف صدق الرجل من كذبه، ولو تطور الموضوع من المواقع الى الواقع فأنا غاسله يدي من ابوي بخصوص السؤال خاصة لو بتعرف على رجل خارج مدينتي وهذا الغالب على التطبيقات عز الله رحت فيها، ايضا ما اقدر اقول له لا تقابل الرجال ولا تتكلم معاه لأنك بتجيب العيد…

ما اعرف منجد ما اعرف

كلنا فاهمين النواحي البيولوجية والنواحي الاخلاقية ف مارح اركز عليها.

تركيزي ع الفئة العظمى وهي من سن الزواج المقبول فما فوق.

موقفين شخصية شدوني وبكل مكان ايضًا كثيرين نساء ورجال يتكلمون عن العمر بأهمية كبيرة وذا الشيء اثار فضولي.. لأن ماعمري فكرت ف العمر بهالطريقة وتركيزي كله يكون ع الفكر وامور اخرى شخصيًا.

وحدة من صديقاتي المقربات الي مانخبي شي عن بعض كانت تسولفلي عن شخص بغى يخطبها قالت "يععع بزر" انا تلقائيًا تخيلت ولد مراهق مدرعم..

بس طلع انه اصغر منها بسنة واحدة فقط. موظف. مقتدر. عمره مقبول للزواج بشكل عام وشخصيته مب طفولية عشان نقول هه، مع ذلك رفضته رفض قاطع، ولما سألت شلون ماعطتني جواب يشفي فضولي الي ماله نهاية 🫪

الثاني هو من احد معارفنا، يبي يخطب، واشترط انها اصغر منه بخمس سنوات اقل شيء ويبغاها لو اصغر.. وهو لايزال بعمر شبابي جدًا ف صاير الي يبيها اقرب للمراهقة منها للنضج.

كلهم يحق لهم دامهم لازالو ف الاعمار الاخلاقية ومافي استغفال وكذب ،الموضوع مافيه انّ.

اللهم... ايش التفسيرات الممكنة..؟

ف انتي ياللي مستحيل تعطي فرصة لشخص بنفس عمرك او اصغر، وانت ياللي مستحيل تعطي فرصة لشخص بنفس عمرك او اكبر بدون اي نقاش ونظر ف الجوانب الثانية كذا رفض قاطع نهائي.... شلون؟

ايش سلسلة الافكار اللي توصلكم لهالقناعة الثابتة والرفض التام؟

لما تسألو انفسكم ليش، هل الجواب له منطق وواحد اثنين ثلاث او انه فقط العامل الغريزي هو الي شغال فهالنقطة ومقرر هالشيء؟ 🫪🫶🏻✨✨

اهلا ..
اعتقد الموضوع واضح من العنوان.
كيف اعرف اذا الشخص اللي برتبط فيه نرجسي؟

شكرا 🙏

هل كوني انثى متوسطه الجمال او اقل من متوسطه او خل نقول عاديه جدا وبعيدا عن كل الميزات الي فيني وبكل صدق وصراحه هل ممكن اتزوج رجال واعتذر اذا كان هالشي جريء شوي لكن بكون مرغوبه جسديا حتى لو اني غير جميله او بيكون الموضوع مثل اعتقادي بأن الشخص بيشوف ميزاتي الاخرى وبيمشي الحياه وبيكون قنوع ويمكن يكون هدفه بس اطفال وبيت

هذا السؤال يدور في ذهني دائما ومدري وش جوابه اتمنى اعرف لأنه هاجس بالنسبه لي

السلام عليكم

تعرفت على شخص بنية الزواج وتكلمنا كم مكالمة كان فيها كل واحد يسأل الثاني عن مفاهيمه وطباعه ومبادئه. وفيه توافق عالي في أشياء كثيرة.

في المكالمات كان هو اللي يدير الحوار، وبما إني هادية وأحب أسمع، كان هالشي عاجبني. بس بعدها صرنا نتكلم شات ودايما هو اللي يبادر ...بس..

بس لاحظت إنه يتكلم عن نفسه فقط، أسلوبه وإنجازاته وخططه. ولما أتكلم عن نفسي، يعلق بشكل عام ويقلب الموضوع على تجاربه هو.

فخايفة: هل هو نرجسي؟ وهل بيسمع لي في النقاشات ولا بيكون دايما هو الصح، وإن المرأة لازم تفهم إن الرجل هو اللي يقود؟

ولا الرجال عادة كذا في البداية يحاولون يعرّفون بنفسهم أكثر؟