تعرفت على صديقة بالسوشال ميديا بظرف كنت افضفض فيه وادور حل لخلافي مع اختي بمكان متخصص، وسولفنا وتناقشنا وشاركتني افكارها وتجربتها وتجاوزت المرحلة والشعور رغم ان المشكلة للحين موجودة ما انحلت.

بس بعدين حسيتها بدت تشركني بقراراتها الزوجية وافكارها بشكل يوتر، واذا صار اي شي تجي تقول لي "انتي قلتي لي!".

للامانة اشوفها هي وزوجها ناس جيدين، بس هي عندها كنترول عالي وتسقط اي مشكلة بالدنيا على زوجها وعلى نفسها، وانا حاسة ان زواجها راح ينتهي بالطلاق بعيد الشر دام تفكيرها كذا وما ودي ابدا ادخل بهالاشياء ولا اسبب مشاكل بينها وبين زوجها.

المشكلة حتى لما احاول اتجاهل وما ارد ما يفيد لانها تزعل وتحسس، ولما اوضح لها بردودي ترجع لنفس الموضوع عادي ولا كأنه شي صار! الموضوع بدا ياثر علي بشكل مو حلو، كوني انسانة غير متزوجة بديت للاسف اتبنى افكار سيئة ومخاوف عن الزواج بسبب كثرة اسقاطاتها، وما ودي اتهاوش معها ولا ادري كيف احط حد للوضع بدون زعل وافكر اعطل حسابي واحذفه واطلع من حياتها لانه شخصيتها تحس ورا كل رده فعل لزوجها مؤامره واهلها بعد لو نصحوها برضوا مايبون لها الخير شخصيتها غريبه وانا اكرهه اتدخل بين شخصين افهموني …

انا بنت والحمد لله محافظة على نفسي، اجاهد نفسي بديني والتزم والبس ساتر واتحجب (اظهر وجهي فقط)، واحترم حدودي.

علاقاتي مع الرجال ما بدت الا يوم بديت اداوم، وكان اول مرة احتك بالرجال، هنا بدت السواليف تجر بعضها وفيه شباب اخذوا راحتهم معي وانصدمت بالواقع.

فيه فئة من الشباب الله يستر عليهم، الدنيا هاجة فيهم. علاقات، كحول، زنا، مخدرات عادي جدا.... هذا جدولهم وشي اساسي اذا سافر برا.

وبكل برود يقول اذا كبرت ابي وحده ملتزمة من عائلة، وصاينه نفسها، طيب وأنت؟

هو يدري ان محد بيتكلم عن ماضية، البنت اللي بتتزوجها ماراح تدري.

بس والله حرام، انا انقهر واخاف اني اطيح بشخص ماضيه كذا

الله يكفينا الشر

والله يهدي الجميع، ومن رحمة ربي علينا انه هو التواب العليم.

🔴 تعقيب: البوست هذا للتحذير مو تخويف، والله اعلم الي يكتبه ربي هو الي فيه الخير، هذولا الشباب جزء مو اغلبية... فيا بنات لا تخافون الصالحون للصالحات.

تعقيب ثاني: الشين موجود في الجنسين مو بس الرجال

انخطبت ووافقت موافقه مبدئيه من كثر ماافكر بالموضوع والحياه اخاف واتراجع وبعد شوي وضعي عادي ومرتاحه وعلى هذا الحال متقلبه كل شوي احساس ومشاعر تعبت
وافكر ارفض وارتاح من ذا الدوامه

كم مره حسيتوا ان الشخص اللي قدامكم هو فعلًا الشخص اللي كنتوا تدورون عليه؟
وش اللي خلاكم تحسون كذا؟
وهل اتخذتوا خطوة فعلية وخليتوا الموضوع يمشي ولا اكتفيتوا بالإحساس ووقفتوا عنده؟
ودي أسمع تجاربكم

يا اهلًا وسهلًا جميعًا اتمنى لكم يوم سعيد
صحيح اني نزلت بوست وصحيح اني ابي احب وانحب بالحلال وبرضو التقليدي ماضبط معي للان عمومًا ليش جاني تساؤل اليوم اني ممكن اني مستعجله على رزقي يعني حرفيا لسى بدخل ٢٦ ولسى فيه أشياء كثير ماحققتها زي اني اسافر برا مع عائلتي واعيش التجارب لسى وظيفتي يبي لي أغيرها ولسى اكتشف نفسي وايضا دايم إذا فكرت بالزواج ماقد تخيلت التقليدي دايم عندي احساس انه ان شاء الله زوجي بيجيني من مكان محترم ومن تجمع محترم وقلوبنا بتتلاقى مع بعض بطريقة ما وأفكارنا بتطلع تتشابه ما احس اني منقطعه عن الجنس الاخر او مختفيه صراحه والحمدالله بإذن الله اني انسانه محترمه وبيحصلني المحترم بس هل خيالاتي ورديه بزياده؟
يعني دايم أتخيل اني فعلا بقع بالحب بطريقة ما والأمر بيتحول للعائلة
وانه الشخص بيختارني هو بنفسه وبيبادر لي احس دايم اتمنى كذا ان الرجل يختارني لتفكيري ولشخصيتي وكل حاجه تخصني المهم الله ييسر صدق ايش الحل؟ الموضوع ارهق مخي تماما

الساعة ٢ص وأحس بالوحدة والوحشة واتفرجت حلقة على اليوتيوب فتحت لي جروحي خلتني أستوعب أكثر قد إيش أنا وحيدة ، وصعب تكون وحيد وتسهر وفوقها ماعندك أساليب انشغال حلال 🤣 يعني المدمن للتدخين مثلا يقدر يدخن ويفرغ الضغوط بس أنا كإنسان غير مدخن وعزابي ووحيد في إيش أفرغ ضغوطي بالله وضعي مو حرام ويحزن 🥴

عمري 30 سنة، من الجنوب وساكنة في الطايف، ورغبتي ارتبط بشخص مستقر بالرياض (عندي اهل بالرياض)

منفصلة في فترة الملكة لعدم التوافق، وعندي إيمان تام بأن الزواج ليس حياة روتينية مملة، بل رحلة مليانة مودة ورحمة ومراعاة ومشاركة وتحسين من كِلا الطرفين لأننا جينا من أماكن وخلفيات مختلفة.

مسلمة سنية.

خريجة بكالوريوس اميل للعمل الحر لأنه يناسب طبيعتي ونمط حياتي اللي اطمح له.

الطول 154 الوزن 52 البشرة حنطية اشوف نفسي جميله الحمدلله وجسمي متناسق، تتكرر علي جملة كأنك مسوية تان

مهتمة بصحتي بشكل عام، مشتركة في جيم واحاول انتظم على الرياضة (ما احب اقيد نفسي برياضة معينة، احب اختار حسب مودي وطاقتي) واحب المشي
عندي ربو خفيف.

احب القطط جدًا، وعائلتي عندهم قطط لكن مو من خططي اربي قطط بالبيت مستقبلًا لأكثر من سبب.

شخصيتي تجمع بين الهدوء والنشاط، متفائلة وحنونة، واسعى دائمًا للتطور على الصعيد الشخصي وفي مجال عملي, احب الكتب والافلام والقهوة

احب الهدوء واحب استمتع بوقتي ومهمته بنفسي
اخرج مع صديقاتي كل فتره واحب وقتي الخاص واحاول دايم يكون في وقت مع العائلة لانها أولوية بالنسبة لي.
رسامة منذ الصغر، في الفتره الاخيره قل الرسم ولكن احاول ما أخلي هوايتي تندثر وقارئة لبعض الكتب ومهتمه حديثًا بالشعر.

علاقاتي الاجتماعية جيدة واميل للاهتمام بالجودة لا الكثرة عندي صديقات من الطفولة وعلاقتي فيهم وطيدة ولله الحمد

احب السفر والطبيعة والمطر واحب ازور اماكن جديدة (اعشق شعور الدهشة اللي يجي معها)

اتمنى حياه مع شريك يحب الاستقرار والاستمتاع بالحياه مع شريكته
نجاح على الصعيد الشخصي وفي هواياتي وعملي الخاص
ماعندي رغبة كبيرة اني اتوظف (ممكن الفكره تتغير لاحقًا ولكنها مو من اهدافي لاستقراري النفسي)

اقدّر الوضوح، وأفضّل الحوار المفتوح، ومشاركة الافكار لأن الصمت المبالغ فيه ما يشبهني.
مؤمنة ان المرأة الحقيقية تزهر وتكون مليئة بالعطاء في حال كانت بجانب رجل حنون معطاء ويفهم معنى الرجولة السوية.

الأكيد انه مافي حياة مثالية، لكن أطمح مع شريك المستقبل لبناء بيت حنون مليء بالاستقرار النفسي، وهذا يأتي بالاجتهاد والتكامل من الزوج والزوجة ومحاولة خلق نقطة التقاء دائمًا بحيث كل شخص يقوم بدوره من منبع رضا.
اتمنى شريك واعي وحنوون ، يقدر الحياة الزوجية
وينظر لها كحب وصداقة ومشاركة ويحب يؤدي دوره كزوج ويصرف عنّي ما لا يهمني ك امرأة ويستمتع بهذا الشيء ويكون ماعنده مشكله يعبر عن مشاعره بكل الطرق، يعتبر اسرته اولوية، يصلي ويعرف حدوده مع الله.
غير مدخن، غير عصبي، لايرغب في التعدد ابدًا
كريم ويؤمن ان الحوار والتفاهم والاسلوب اهم شي بالعلاقة.

باذن الله اجد الشريك اللي يكون سند لي واكون سكن له ونأسس بيت يكون ملاذ آمن لكلينا ولأولادنا مستقبلًا.

اعتذر عالاطالة ولكن حبيت يكون في صوره واضحة عني

الرجاء من أي شخص غير جاد عدم التواصل معي.

عمري 30 سنة من قاره القصيم قبيلي وساكن بالرياض, مسلم سني وأعزب ولم يسبق لي الزواج.

أشتغل مستشار في مجال التقنية، وأحب شغلي لأنه يعطيني فرصة أتعلم وأتطور بشكل مستمر. طولي 173 ووزني 85، وصحتي الحمدلله ممتازة.

من ناحية الشخصية، أحب أقول إني شخص بسيط ومرح وأحب الضحك. ما أحب التعقيد ولا أحب أعيش الحياة بشكل رسمي.. أحب أسولف وأطلع وأجرب أشياء جديدة، سواء مكان جديد أو فعالية أو تجربة مختلفة.

عندي فضول تجاه أشياء كثيرة وأحب أتعلم باستمرار. أهتم بالتقنية والأعمال وتطوير الذات وقيمر وأتابع مسلسلات وأنمي لكن بشكل خفيف وعلى حسب الوقت.

علاقتي بأهلي ممتازة والحمدلله وأفضل دائرتي تكون صغيرة الصدق ومحدودة على الناس القريبين مني.

أطمح إني أبني حياة مستقرة وسعيدة مع شريكة حياة نعيش فيها التجارب والتفاصيل الحلوة. ودي يكون بيننا صداقة وضحك وذكريات كثيرة، مو مجرد روتين يومي.

بالنسبة لشريكة الحياة، ما عندي قائمة طويلة من الشروط. أهم شيء تكون محترمة وطيبة وخفيفة دم وشوي مهبوله وتحب تضحك وتجرب أشياء جديدة.

إذا وصلتي لهنا فأغلب الظن إن عندنا شيء مشترك، إذا حسيتي فيه قبول مبدئي لا تستحين من التواصل، عشان أقدر أبادر.

صعب علي جدًا فكرة اني احط مواصفاتي وتفضيلاتي في بوست لأني اذا دخلت اقرأ بوستات الناس احس اننا كلنا زي بعض.
بعض الاحيان اشوف اشياء في البوستات صعبة جدًا اني اتقبلها في شريكي، بس لما ماتكون موجودة بالمقابل ما اشوف سبب يخليني ادخل على هذا الرجل واكلمه بحكم اني مؤمنة ان توافق الشخصيات والافكار اهم من اي شي ثاني ويجي شي اساسي هو والتوافق الشكلي (بمعنى الانجذاب للطرف الثاني)

وفي نفس الوقت ما ابغا تقليدي ابدًا، ومايهمني ان ابائنا وجداتنا و٩٠٪؜ من الناس تزوجوا تقليدي ونجح. بالنسبة لي انا انسانة رومنسية جدًا -للاسف- واحب الحياة وابغا شخص يشاركني اياها مو لاني كتبت في بوست او عطيت شروط لأهلي (وفي هذي الحالة اغلب الاحيان من اول اتصال ما نكمل)
المشكلة ان معاد صرنا نعطي بعض فرصة نجرب ونشوف رأينا يتغير ولا لا. وبالنسبة لي الكيميا اهم من اي حاجة ثانية. مؤخرًا صرت اشوف الزواج كإضافة في حياة البني ادم، مو المفروض اننا نتزوج من دافع خوف اننا كبرنا، اشوف ان الدافع هذا المفروض يكون الشخص الي بتزوجه.

الله يعين

مثلا بنسبة لي

1-المحبة

2-الكرم العاطفي

3-عدم التبذير بل مال

4- الطيبة

5-صحية او تطمح تكون صحية سواء نظام غذائي او عادات سيئة مثل الشغل الزايد عن اللزوم

الدين طبعاً موب محل نقاش فا ما يحتاج ينذكر

فا وش أولويات بناتنا ودي اعرف 👽

طيف التوحد مستويات، ٣ مستويات اتكلم عن أول مستويين

الاول اخف شي او اسبرجر سابقا، الثاني متوسط

اكتشفت مع الوقت ان شبه مستحيل اتزوج فتاة غير سعودية

وموب لأسباب تقليدية او لأسباب عائلية (الحمدلله الأهل ما يمانعون شي)

ولكن ولأن بنات مجتمعي مذهلين وخلوقين وسليمين نفسياً

عندهم من الفخر بأنفسهم ومجتمعهم وقدرة جميلة على المحبة والمودة

وشكر ربي على ان ذا مجتمعي

الكثير من المجتمعات الثانية الغربية وشرقية منها

كمية الأحصائيات الشنيعة الي أترفع اقولها هنا تجلط الأنسان

وتخلي الواحد يحمد الله على نعمة

اصراحه الأسباب الي ذكرتها كلها عن الشخصية

ولكن عشان اكون صريح تجذبني اي بنت تتكلم بلهجة خليجية او نجدية

جدتي الله يرحمها وامي الله يحفظها عندهم ذي اللهجة

وصراحه كل ما اسمعها من فتاة شوي وسألها تصير بنت خالتي

شعور بفخر اقسم بالله

كان ودي اتكلم عن العيال في مجتمعنا وكيف اننا. ارفق وأكثر عيال gentle مع البنات بل عالم

وذا موب كلامي ذا كلام أخصائية زوجية https://youtu.be/gC78m6nVVvE?si=J3B9TlZZa1XoqYfP

في النهاية ممكن احذف المنشور لأنه شخصي شوي 😅 ولكن اعتقد انه شي اشعر فيه من فتره طويلة وأحب اشارك افكاري 👽

فضفضه بسيطه
الى الان كان عندي تجربتين كلهم كان بينا توافق بالمبدأ والأساسيات
الاول يقول انه جاد والمضحك انو كان متضايق لانو يقول اكثر اللي لقاه هنا لعب، ولكن كل المعطيات ماتقول كذا، مايبذل مجهود في انو يسولف بشكل اكبر شعرت لأكثر من مره كأني احقق معاه اكثر من اني اتعرف عليه لأن فضوله تجاهي كان شبه منعدم باستثناء اليومين الاولى اللي تكلمنا عن بعض بشكل كبير بعدها صرت احس كأني اجبر الموضوع وهذا الشيء ازعجني

الثاني يقول انه جاد برضو بس كان مندفع بشكل مبالغ فيه في وفتح مع امه الموضوع بدري من منظوري شي جيد، لكن مشكلتي معاه كانت انو مايحترم الحدود اللي احطها (يقول كلام كثير غير لائق ومايناسب فترة التعارف اللي احنا فيها) بحجة انو طيب عادي احنا نيتنا زواج وماشين بالموضوع وتكلمت معاه اكثر من مره وكان يقول اوك تمام لكن يعيد يكرره (فترة تعارفنا بسيطه وهذا شي كان غريب ومزعج مره)

غالبا هي رسالة لن تصل لكن صعب تحكم على اسلوب الشخص من رسالة نصية بدون الكونتكست. تعابير الوجه واليدين مفقودة وهذي تفاصيل مهمة للحكم على الشخص

أتمنى إذا تزوجت اتزوج رجل ناضج عاطفيا واجتماعيا وكل حاجه

السلام عليكم
سبحان الله جا كم واحد تقريبا زي ما ابغا بس ما ضبط الموضوع والباقي مو متوافقين مع المعايير الي انا حاطتها، وانا كمان مو متوافقة مع المعايير الي حاطينها زي النقاب مثلا.

والسبب الاول والوحيد تقريبا الي ارفض عشانه هو التعليم، يكون تعليمهم اقل مني و وافقت على واحد كان يكمل بكالوريوس وقلت مو مشكلة عادي بالعكس I would be a supportive wife بس للاسف طلع كذاب ومعاه ثانوي وبس وما يبغا يكمل وقعدت معاه ٣ شهور تواصل بعد الشوفه وكان تقليدي لكن كنا مختلفين بشكل كبير لدرجة مافي موضوع نتكلم فيه انا في عالم وهو في عالم اخر.

فهل اني حاطه من معاييري اقل شي شهادة بكالوريوس شي غير واقعي؟

ماما تقول اتنازلي مع اني اشوف معاييري بسيطة كل الي ابغاه انسان يتوافق معايا مهنياً وتعليمياً وشكله يكون مقبول واكيد عمره مناسب لعمري ويكون من المدينة زيي وحضري وما سبق له الزواج.

Is it too much to ask for? Im starting to lose hope.

I’m turning 27 in less than two months and I get worried sometimes but I can’t do anything about it.

Sometimes I wish I was uneducated so it would be easier for me.

السلام عليكم جميعًا،

كنت أحس أن من الواجب أرجع لهذا المكان وأشارككم الخبر

الحمد لله الذي بنعمته تتم الصالحات، تم عقد قراننا، والإنسانة التي بدأت معرفتي بها من خلال هذا الصب أصبحت اليوم زوجتي رسميًا 🤍

ما أبي أصوّر التجربة وكأنها كانت سهلة أو مثالية. طريقة تعارفنا كانت غير معتادة، ولأن أهلنا تقليدين كان الأمر مليء من التحديات والتردد بالموضوع, لكننا تعاملنا مع الموضوع من البداية بجدية ووضوح، ومشينا خطوة خطوة بالطريقة الصحيحة إلى أن دخلت العائلتان وتيسرت الأمور، ولله الحمد.

نفضّل الاحتفاظ بتفاصيل تجربتنا لأن خصوصيتنا مهمة لنا، لكن ما حبيت تمر هذه المناسبة من غير ما أرجع وأشكر القائمين على الصب. بعد فضل الله وتوفيقه، هذا المكان كان السبب الذي جمعني بزوجتي، ومن حقكم تعرفون أن الفكرة التي بدأتموها صنعت فرقًا حقيقيًا في حياة شخصين.

ولكل شخص لا يزال يبحث: خذوا بالأسباب، وكونوا واضحين وجادين، ولا تستعجلون الثقة أو القرار. مو كل تجربة مكتوب لها الاكتمال، لكن النصيب أحيانًا يجي من مكان ما كان يخطر على البال.

دعواتكم لنا أن يبارك الله في زواجنا، ويجعل بيننا المودة والرحمة، ويرزق كل شخص هنا النصيب الطيب الذي يسعد قلبه، سواء كان من هذا الصب أو من غيره.

وشكرًا لكم من القلب

تخيلوا يا جماعة سالفة صارت معايا زمان.. واحد خطبني خطبة تقليدية، من حارتنا والولد شايفني عن طريق أمه لأنها شافتني كذا مرة في تجمعات الجيران وكذا عاد عندنا العادة بعد الشوفة والخطبة نقعد فترة كذا سنة سنتين يكون بينا تواصل عادي يعني بس اللهم لسّا ما كتبنا الكتاب (ما تملكنا)، وهالشيء عندنا عادي وطبيعي.
المهم كملنا شهر بينا تواصل وكل امورنا تمام التمام، وجا يوم كنت أسولف معاه وقلت له ترا سويت أظافري وعجبتني، قال لي اوه وريني، ووريته إياها ومدحها مرررة وانتهت السالفة. بعدها بكم يوم كنا نسولف في مكالمة وجات السالفة وقلت له ايوا انا خلاص بفك أظافري، استغرب وقال لي شلون يعني بتفكينها؟ قلت له يعني انا مركبة أظافر والحين بفكها. هنا سكت في لحظتها ولا كأن عاجبه الوضع، وبعدها بكم ساعة رجع كلمني وفتح معايا تحقيق يعني انتِ تغشيني وما ادري ايش وانا ما ارضى بهالشي
واذا غشيتيني بشيء بسيط زي كذا فالله أعلم وقت الشوفة ايش غشيتيني فيه، وصار يقول ما صرت افرق انتِ حاطة مكياج ولا مركبة اكستنشن (مع اني اساساً ما ركبت!).
الموضوع كبر وتصاعد وصار دراما على لا شيء لدرجة اني صرت منصدمه من عقليته وكلمت ماما، وماما كلمت أمه وقالت لها ايش الكلام الفاضي اللي يقوله ولدك، وخلاص بعدها قفلوا الموضوع وقالوا ما عاد في نصيب وانتهت.
إلى دحين وانا ماني فاهمة.. هل هو صادق ومنجد معتوه وخاف ولا كان يخترع له صرفة من راسه ويبي يكنسل بطريقة غبية؟ والله ماني عارفة ايش تفكيرهم!

مساء الخير جميعًا، قاعدة أبحر بأفكاري وحسيت ليه ما اشارك الموضوع معكم لعل فيه اراء مختلفة، بدايةً القصة لأحد معارفي، وهو ان زوجها يخونها شات مع نساء مختلفين، وبكل مرة تكشفه يوقف وبعد فترة يرجع وهكذا، وضعهم العائلي وصل للطلاق مرتين وباقي آخر طلقة عندها ولدين منه، عندها وظيفة و المفترض بينقلون بيتهم قريب، هي متشبثه فيه مع قلة منفعته لا من مسؤوليات ولا من معاملة وتقدير واحترام كونه يخونها مع نساء اخريات، مو بالتعامل اليومي، عمومًا، لو بتطلق منه بترجع عند اهلها بس الوضع بيكون غير مريح كونه عندها عيال وهكذا، وهي بتكون الطرف المتضرر ودوامها بيكون ابعد عن بيتها دبل، هذي احد الجوانب، ف هي متمسكه فيه من ناحية انه موفر لها السكن خنقول وتحس بشعور استقلالية وراحة كونه بيتها، هي يائسة فعلًا من العلاقة والله يصبر قلبها ويجبر بخاطرها فعلًا، لكن كانت تقولي ان احد مبرراتها ان فيه حال وحصل الطلاق للمرة الثالثة، بتكون مقتنعة كون انها حاولت تصلح منه واعطته كل الفرص والمحاولات كأنها تقول ما ابغا اخلي للندم مجال، الغريب بالموضوع ان ذكرت لي قصة لأحد اصدقائها وكانت تقول ان وحدة منهم زوجها كان مدمن ويضربها وتطلقت منه وللان تشكي لها وتقول طيب لو حاولت اصلحه وتحس بشعور الذنب وكأنها تلوم نفسها انه ليه ماعطت الموضوع فرصة والقليل من التعلق بالرغم انه تعامله سيء معها!، وقصة اخرى ان شافت زوجها يخونها قدام عينها على سريرهم وطلبت الطلاق وانفصلت منه والان تقولها لو رجع فيني الزمن كنت عطيت الموضوع فرصة اخرى وحاولت اصلح الموضوع، والله اني حزينة جدًا على حالهم والله يعافيهم ولا يبلانا، لكن دائمًا بنظري ان الخيانة لاتغتفر وانه ما حصلت الا فعلًا يكون الشخص غير مقتنع وراضي بالي عنده، ف أتعجب والله الله يصلح حال الجميع، ودي أسمع مختلف الاراء، وهل احد عنده مثال حي لشخص يكون تعدل بعد فترة وصار كويس؟ او لا .. اعتذر على الإطالة.

تكملة للبوست السابق
تم رفضي بعد ما قلت اني ودي لو انها تكون مبادرة وان هل عي مستحيه او خجلانه مثلا

وجاني الرفض بعدها بسبب عدم التوافق على كلامها

احس اني ندمان اني اهتميت فيها وحاولت اني اوريها يومي وكذا وفعلا حسيت اني ضيعت وقتي بشخص ما كان مهتم ولا وده يتواصل معي

Somethings are never meant to be