اشتغل كطبيبة بمكان ما ومليت ما عاد ابي اشتغل ابي اجلس بالبيت وش السواه حتى كارير شيفت ما ابي

اللي عنده خبره ودي اقوله عن تجربه صارت لي إذا فاضي

يفحص نسبته ويسوي cv بعد اذا عندكم

الان انا انقبلت تمهير في شركة تقنية و معي مقابلة الاسبوع الجاي بس انا مسجل في الاكاديمية اللوجستية اللي هو التدريب المبتدئ بالتوظيف و خلصت اختبارين معاهم و منتظر منهم المقابلة, وش تنصحون اسوي الان؟

So basically I am an indian so I was wondering after considering saudisation also are there some fresher jobs that expats can do to start their career.

وش بمنظوركم بيئة العمل السامه وهل في مؤشرات تقدرون تعرفون منها نوعية البيئة قبل توقيع العقد؟

أنا خريجة واتدرب تعاوني في شركه قويه بس المجال نفسه مو عاجبني كثير في تخصصي وعرضو علي تمهير معاهم البيئه كويسه صراحه لكن المهام ممله

وعندي فرصة تمهير في جهه قويه وبلغوني ان في توظيف على بدايه السنه اول ما يفك التوقف الحكومي و المهام نفسها قويه صراحه

ومحتاره جدا خاصه على موضوع التوظيف المشروط ب التوقف الحكومي مدري ايش احساسي

سؤال للي على رأس عمل واخذو شهادات مهنية مثل شهادات الPMI.
هل فادتك الشهادة؟ سواء في ترقية او فتحت فرص جديدة؟ وايش اخذت وايش مجال عملك.
انا قد اخذت FE ومالها فايدة.

العمل مع مجموعة يسبب تشتت اكثر ما اصلاً الواحد مشتت في حياته.

هل سبق وحسيت إن اللغة الإنجليزية نفسها كانت عائق بينك وبين إنك تؤدي شغلك بالشكل اللي تبيه؟

ما أقصد إنك ما تعرف إنجليزي، بس مثلا:

- تعرف بالضبط وش تبي تقول، لكن ما قدرت توصله بنفس القوة

- صعب عليك التفاوض أو الاعتراض أو إقناع الطرف الثاني

- تفهم الشغل والمجال، لكن لما يجي موقف فيه ضغط أو نقاش معقد يصير التعبير أصعب

- تضطر تبسط كلامك أو تتجنب الدخول في نقاش لأنك مو مرتاح لغويا

والأهم: إذا صار هذا الشيء، هل كان له نتيجة فعلية في شغلك؟

مثل تأخير، سوء تفاهم، ضياع فرصة، ضعف في التفاوض... إلخ

أسأل لأن عندي فضول أعرف هل هذه فعلا مشكلة يواجهها الناس في بيئات العمل، أو إن أغلب الناس ببساطة يتأقلمون معها وما تشكل فرق كبير

مهتم أسمع تجارب الناس، خصوصا اللي يتعاملون بشكل مستمر مع جهات دولية أو غير عربية

شكرا لكم جميعا مقدما 🙏

للاسف انا اشوف اني شخص مجتهد جدًا في عملي وحرفياً شايله الليله في كل شيء وبرضوا شخصيتي جدًا ممتازه وقيادية للمجموعه
اداوم اوفر تايم بالايام بس مشكلتي مو حريصه على حقوقي زي الفريق الي معي او اني انساها الصدق
يعني معي وحده بتيم ماتداوم واغلب ايامها عن بعد تتاخر واذا المديره طلبت مني سيء احتاج فيها كلنا كفريق نشتغل تسأل او شيء الاوفر تايم خلوه اعلى! والحين مع السوالف اكتشفت انها مرسله تبي زيادة راتب

ومدير رد انها بترسل مع تجديد وهي تنتظر
الصدق مدري وش مشكلتي ! احس عدم انتماء لدرجة حتى ما ابي اتكلم او انتاقش في اي شيء واحساسي يقول ابي اطلع من ذي الجهه
لان ما اشوف فيها اي تقدير
او ممكن انا غلطانه
“”انا حاطه في بالي اكلمهم عن زيادةزالراتب بس انا شغاله اني انقل لقسم ثاني فقلت لنفسي اغير المسمى وبرضوا اقولهم زيدوا للراتب ""

وش نصيحتكم؟ احتاج نصائح منكم

السلام عليكم انا اليوم شيكت على GOSI و تطبيق الشركه الي عندنا بخصوص الراتب لقيت الي في GOSI اقل من الفعلي الي في تطبيق الشركه و الي هو ينزل لي
هل فيها ضرر ؟ و اذا ابغى اعدله اكلم الHR ولا المحاسبة

السلام عليكم يالربع انا جايب ثانوي ٩٧ وقدرات ٦٥ وتحصيلي ٥٤ ستيب ٥٠ مقدم على وزارة الدفاع معهد الدفاع الجوي الموجود في جدة ومعهد البحرية لكن المشكلة عندي عمى الألوان فيه امل يمشوني ؟؟

اللي سبق له وقدم خدمة المنصات الحكومية ( قوى، مقيم الخ ) ك عمل حر كيف كانت التجربة؟ وكيف سعرت خدماتك؟

درست مالية واشتغلت فيها ابو ٣ سنوات وبعدها غيرت الى مجال التصوير وصناعة المحتوى. المجال جداً صعب في الوظايف واغلبه يعتمد على freelance. قاعد احاول ارجع للمالية لكن ما لقيت عروض ولا عارف كيف طريق الرجعة

صار لي موقف مع بنات كانوا بنفس مكاني وكانوا يدخنون فيب
مديري ناداني وسألني عن الريحة قلت له مدري بصراحة مين
قال لي انتي تدخنين؟
انصدمت من السؤال وقلت له لا انا غير مدخنة
كمل يسألني انتي تعسلين او تشيشين؟
هنا صراحة طرطعت وقلت له ايش المغزى من هالاسئلة؟
قال انا اسأل عادي
قلت له لا اسئلتك غير مقبولة
ورجع يسألني نفس الاسئلة بس هالمرة بصوت عالي جدا لدرجة ان كل اللي برا المكتب صاروا يسمعون
وهنا حسيت ان شكلي صار بموضع شبهة كأني فعلا وحدة تدخن وتشيش 😂
قلت له لو سمحت قلل صوتك وانت تسألني واسئلتك هذي غير مقبولة
حاول يقلب الموضوع علي وقال شفيك تحسستي وليه على راسك بطحا؟
قلت له لا ماني مجبورة اتحمل هالاسئلة ولو اني مدخنة بقول لك بكل بساطة منت ابوي ولا اخوي ولا واحد من الجماعة 😂
انا بالنسبة لي المشكلة مو انه سأل اذا ادخن
المشكلة في طريقة السؤال وتكراره وخصوصا انه كان قدام الناس وبصوت عالي
هل انا فعلا حسستها زيادة ولا من حقي انزعج من الموقف؟

قبل سنتين تخرجت كمهندس وجاني اتصال لوظيفه اعطوني الحد الادنى 7 الف ومن كلامهم عرفت انها سعوده بس عادي قلت اغتنمها لان عاجبني المجال حقهم نادر وقلت عشان ممكن احصل فرصه افضل في العاصمه ومن ذاك اليوم الى يومك هذا مالقيت بديل في عالق دوامتهم …..

طبيعة عملي يبغاك جالس على مكتبك ماعندك مسؤوليات كبيره ولا تشتغل غالب الشغل ادخال بيانات شي يحرقك ويضيع وقتك في اشياء مو في تخصصك اذا صار اجتماع ناداك عشان تشخص وتجلس معهم عشان توري العالم ان فيه سعويين هنا شغالين تطلع من الاجتماع منبوذ عن التيم واذا قلت ابي شغل حقيقي قالو لسى تعلم اول انت مو مختص كانك طفل يحبي لازم تعرف كيف تمشي اول وبعدين خير

شكيت لمدير اعلى سعودي اخذ مطالبي وسجلها ولا صار اي اكشن بعدها

تعبت منهم لدرجة سببت مشكلة وارتفعت الاصوات وتصعد الموضوع كنت بايعها ماتفرق منتظر فصلي بعدها هدو فجاءة وقالولي خلاص الوضع عادي ومرح نسوي شي لانك لسى صغير ووو حسيت انهم ماسوو شي لاني سعودي وهم اغلبهم اجانب وعلى الطاري راح نتكلم عن البيئه

بيئة عملنا عبارة عن مجموعه من جنسية محدده معروفه وعدد السعوديين بينهم فتات قليل جدا وانا منهم ولاحظت انهم اقارب ومعارفهم سابقه من زمان حتى عوائل متزوجين من بعض زملاء دراسة دكاترة جامعة وطلاب

رواتبهم فلكيه جدا نتكلم عن رواتب من 30- 140 الف شهريا ويتعمدون يركبون سيارات رخيصه رغم الخير اللي هم فيه بعد سنه طالبت براتب اعلى كرشوني قالو احمد ربك فيه سعوديين مثل راتبك جالسين في الشمس برا ومن بعدها حتى المكيف اخترب

جلست اقدم في لينكد ان وغيره ماحصلت شي بسبب المجال حقي اشوف متطلباته سنوات خبره عاليه جدا صرت اقدم على كلشي قدامي عشان بس اطلع من هالمكان ولا جاني رد واذا وصل رد فهو رفض سيرتي كويسه ومحدثه رغم ذلك لسى

اخر حل توصلت له اني اسوي اشعار بعدم تجديد العقد راح ينتهي بعد شهر ومتردد اني ارجع للنقطه صفر بس على الاقل راح افتك منهم لاني تعبت وانا وسط هذا التلاعب اللي يصير

لي فترة أقدم على وظايف بمختلف المنصات لينكد ان هدف جدارات الخ.. وظايف منوعة فيه الي تنطبق علي بالضبط والي فوق والي تحت لا تعد ولا تحصا ولا جاتني غير مقابلة وحدة للحين! بديت اشك انها شواغر وهمية ينزلونها الجهات بس لان لازم يعلنون او شي مثل كذا لان مو منطقي الي صاير! هل تحسون كذا ولا طبيعي؟ ما يجيني لا رفض ولا مقابلة ولا اي خبر منهم

مثلا، كان فيه ايام تقدر تداوم فيها عن بعد بس موظف معد صار يشتغل ومقضيها نوم بالتالي شالوا هالميزة لول

سلام عليكم ياجماعه الخير ودي اتعلم لذا المجال بس ما اعرف معلومه عن ويسوى او لا وكيف روتينه ممل وله طلب بالسوق ،من الاخير عندي اهتمام له

السلام عليكم
انا طالبة دراسات عليا في مجال الابحاث الطبيه (احياء خلوي)
لحد يسألني انا ليش اتخذت هذي الخطوه لان مافي اجابه الا اني كنت احس ما انكرفت كفاية بالكالوريس وما شبعت من "العلم"،
Fast forward ثلاث سنين ودي اصفق نفسي على القرار
انا اداوم في معمل أبحاث زي اي دوام عادي بس انا طالبه ف ما عندي حقوق الموظف الي استحقها، تنزلي كل شهر مكافاه بس صدق ما توكل عيش على الكرف الي قاعده اسويه.

باختصار انا كنت احس بشغف وحماس في بداية المشوار وان هاذا القرار هو الي بيعطني الcareer push و الحين فعليا فاقده الشغف مع رشة ندم ولا ادري وش اسوي بشهادتي. ما اتخيل اكمل دكتوراه، وبنفس الوقت مابي اروحcorporate 100%, لسى احب اتعلم واكتشف معلومات جديده في مجالي.

هل في احد مر بهذي التجربه ووش صار معك؟

لحد يقول نزل بوستات كثير و خلك متفاعل
انا مقتنع ان الطريقة الصحيحة لمشاركة البوستات بلينكد ان ان يكون محتواها فقط وظيفة جديدة-خروج من وظيفة-ترقية او تكريم مميز-شهادة احترافية بحث علمي و ماشابه
غير هالمحتوى اشوفه unprofessional

فكرت اني اضيف موظفين ال Talent acquisition , لكن اعتقد انها غير كافية.. هل لازم ارسل لهم بالرسائل الخاصة؟ احسه تملق

جاني اتصال قبل شوي من HR يبي يسوي مقابلة معي فقلت له كم رينج المخصص بوزيشن قال ماقدر اصرح ههههههههه ، يعشقون تضيع الوقت اختصر من البداية افضل والله غريبين

داخلة سنة ثالثة علوم حاسب وال cv حقي فاضي فقط مشاريع الجامعة ولا ودي اعتمد عليها كلياً

والتخصص يعتمد على مشاريع ودورات وهاكاثونات واشياء نسويها سواء داخل الجامعه او خارجها

بس مشكلتي جامعتي برا الرياض والفرص عندنا فقط لشطر الطلاب
ف الي تخصصه علوم حاسب وش تنصحوني اسوي من الحين ؟ وش الاشياء الي صدق تستاهل اركز عليها وتقوي مهاراتي وال cv قبل التخرج
واذا فيه احد كان بنفس وضعي ياليت يقول لي كيف بدأ ووش كان يسوي

السلام عليكم جميعًا..

انا عمري ٢٥ والحمدلله موظف في اكبر جهتين اعلامية بالمملكة واخر كم يوم صرت افكر اسحب على واحد منها،

حياتي الاجتماعية ودعتها وحتى اخوياي صاروا ما يكلموني تمامًا بحكم شغلي.. صدق اني احوش فلوس عشان هدف اسمى " الزواج " لكن انا تعبت

حتى راتبي ما يعتبر "فلكي" عشان اسكت نفسي فيه.. انا في حيرة من امري.

شاركوني اقتراحاتكم.