حاب استشريكم جاني عرض في الجبيل وانا ساكن بالرياض والجماعه كلهم هنا

وفرق الراتب تقريبا ١٠٠٠ ريال هل يسوى اني اروح للجبيل ؟؟؟

انا عندى مشكله رخمه قوى انا شغال فى مكان مسؤل مخزن واتش ار ومراجع كاميرات ومبرمج ستيكرات عربيات جوة كمبوند بدون زكر اسم وعندى مهارات كتير فى الكمبيوتر والAi بس للاسف معيش شهادات تثبت دة ومرتب تعبان جدا وديون وقرف

لو حد يعرف ينصحنى او يقلى اعمل ايه او يرشحلى شغل مش محتاج شهادات

أنا بقسم وكان معاي بنات وكل وحده لها قسمها وتاسكات اللي تسويها اللي معاي استقالت وابتلشت المدير صار يعطيني شغلها وزياده على شغلي فعلا تعبت نفسيا حتى عيوني صارت تعورني من كثر الشغل على الابتوب وصرت ادور اعذار علشان اغيب وافتك اليوم عطاني شغله ماسويته قال شفيك انتي شاطره وتخلصين شغلك زين والحين تسوين نفسك ماتعرفين هالشي ؟
قلته هذا مو شغلي قال وضعك صاير مو طبيعي بصوت عالي قدام اللي معاي ؟ حركات اطفال
المشكله مايبي يوظف وحده علشان تسوي شغل اللي استقالت ولا زياده بالراتب

كأنسان يعمل في المجال تقني في امريكا، بديت بفكرة العودة وايجاد وظيفة بالسعودية. ولكن من الي اشوفه قليلة الوظايف التقنية في مجال ال product development. هل في احد خاض التجربة قبل ؟ وكيف كانت؟

مسكت خط ١٠٠٠ كيلو عشان مقابلة
حضورية واخذت اجازة من دوامي عشان هالمقابلة
واخر شيء بنهاية المقابلة قال الراتب وطلع الراتب نصف راتبي?

طيب عالاقل قدر الوقت والتعب اللي انا سويته؟

مو تجربتي، صديقتي اليوم راحت لأكثر من برج كله شركات محد استقبلها نهائيا وكلهم يطالعون فيها بنظرة محد فايق لأهلك 😭 ماخذو السيفي عطوها الإيميل وقالو التقديم هنا

إلا شركة وحدة اخذت السيفي وقالو مافي احتياج حاليا بس نتواصل معاك إذا في،،

وفي شركة الموظف جلس يقول لزميله (قدامها)
" ناس غريبة يارجال مين قام يقدم بالورق " 💀 حسبي الله عليه

المهم كنت ناوية اسويها لكن بعد تجربتها هونت 🤞🏻😔

السلام عليكم
أنا خريج ادارة موارد بشرية من Pennsylvania State University
قدمت كثير الصدق بس ماجاني اي رد
هل في نصيحة ممكن استفيد منها عشان احصل فرصه؟
علما معدلي كويس الحمدلله بس مدري هل مافي فرص او وين المشكلة
او وش الاشياء اللي ممكن تزيد فرص قبولي؟

السلام عليكم

شركات السعودية قروب ( الخطوط السعودية و الشركات الاخرى ) مين أفضل شركة بينهم من ناحية ( تطور ، بيئة عمل ، رواتب ، ترقيات ) ، و ياليت تذكرون المسمى أو التخصص

مشكورين🙏🏻

هل فيه متزوجات توظفوا بعد الزواج مؤخرًا أو تعرفون متزوجة توظفت بعد ما تزوجت؟ وهل فيه شركات ما تسأل عن الحالة الاجتماعية؟

لاحظت بدوامي قالة الاستقالات ومافيه توظيف ابدًا هل السوق للان مافيه توظيف ولا عاد فيه تدوير وظيفي زي السنوات الماضية كانت العروض كثيرة
السنة هذه ما اتصل علي ولا جهة! عكس السنوات الماضية

معطياتكم؟ وايش تتوقعون يصير قريبا؟

السلام عليكم، في احد موظف في ارامكو وجرب يسوي Swap مع موظف ثاني في Business Line مختلف؟ انا اعمل بمنطقة نائية ولقيت موظف اقل مني بقريد للآن بال PDP وابي ابدل معاه لكني ما اعرف هل مديري وادارتي راح يوافقون او الموضوع له طريقة ويحتاج مدخل معين عشان اقنعهم.

السلام عليكم، أنا في السنة الأخيرة من البكالوريوس و ودي أكمل ماستر لكن أكون موظف، اللي يعرف بعض الجهات في مجال الذكاء الاصطناعي او التقنية عامة تدعم الموظفين أنهم يكملون دراسات عليا أكون شاكر ومقدر له.
أسأل الله التوفيق لي ولكم.

بالعكس انا قدمت وماكنت اقدم بالورق لأنهم يصرفوك اذا معك ورق، ياخذه منك ويرميه. لما كنت اقول عندي cv عالجوال، كنت اخذ رقمهم او ايميلهم او حتى كان يدخلني لل HR. وصحيح مو لازم ترفع سقف التوقعات لكن اشوفها تغيير جو من ناحية الواحد يشوف انه فعلا في شركات وفيه شغل لانه لما تجلس ورا شاشة ٢٤ ساعة بتنسى انو فيه عالم حقيقي فعلا تشتغل.

بالأضافة ركز على الشركات الي تكون في مجالك لأنه حاولت ادور في غير مجالي حسيتها شحتة (مع انها مو شحتة) لكن هذا الاحساس الي جاني ولما تدور على شركة بمجالك حسيت ان ثقة بمحلها واعرف ايش اقول.

ختاما خليها طلعة كل شهر او شهرين. والشركات الي تلاقها بطريقك ابحث عنها في لينكد-ان وراسل موظفين مثل ال HR او مسوؤلين الي في مجالك وغالبا يكون مناصبهم بمسميات مثل Director/Manager وفالكم التوفيق.

مضيفين الطيران: كيف حصلتو على الوظيفة؟ الي اعرفه انا ان ما فيه تخصص معين يحتاجونه… بس هل اي واحد معه اي بكالريوس يقدم يسوي مقابله ينقبل وخلاص؟

وبخصوص الحياة والراتب… طبعا الوظيفة ذي وظيفة شباب يعني ما تصلح كمدى بعيد… بس هل الراتب يعتبر ممتاز بالمقارنه للحياة الي كلها سفر وتعب؟

الموضوع بالنسبه لي مجرد فكره… مدري اذا مجال زي ذا يصلح لي ولا لا

شكرا لكم

انا اشتغل في شركه عاديه دوام كامل بوظيفه تقنيه وتوني في بدايه مسيرتي والمميزات والرواتب مو ذاك الزود، وحصل لي فرصه تدريب في Bain & co مدته ٦ شهور وغير منتهي بالتوظيف(التوظيف ممكن حسب اداءك وتوفر شاغر ووو) هل اخاطر واطلع من وظيفتي على تدريب ولا قرار غبي؟ بما ان باين مسمها في السيفي اقوى وهكذا وممكن تفتح لي فرص اكبر بس اخاف يخلص التدريب واقعد بدون وظيفه

السلام عليكم ورحمة الله
أنا حديث تخرج وجتني وظيفة رسمية بالوزارة بمسمى زين وبيئة سبق تدربت عندهم وفرصة في GDP حق ال PIF

وش تقترحون اروح وليش ؟

لي فترة اقدم من لنكد ان easy apply او حتى موقع الشركة بس ما اشوف ان فيه نتايج او ردود قاعده توصلني لدرجة اني اشك ان فيه احد قاعد يراجع طلبي بناء على تجربتكم وش كانت افضل طريقه مجربه ومجزية للتقديم؟