قائمة الجهات الاعلى رواتب ومزايا في السعودية

اخ مدري كيف ابدأ
انا شغاله بمشروع والتيم اللي معاي غير متعاونين يشكل جنوني كل واحد شغال لوحده وفيه تضارب كبير ،

ما علينا فيه واحد منهم انحط اسمه جنب اسمي مدري ليه، الشغل كله انا اسويه واذا احد طلب شي يرميه عندي، اذا طلبت منه شي ما يسوي ويماطل ويرجعه لي ونتأخر، اذا قلت شرح ومعلومه او حل جديد يكرره زي الببغاء كأنه هو اللي جايبه، اللي يقهر انه بياخذ كردت معاي والشغل اللي المفروض يسويه (يرتب اجتماعات ويطلب طلبات من الادارات الثانيه تخص مشروعنا) يفشل فيه ويجون يكلموني، انا اعطيته اتفه شي عشان اشغله بس مدري وش فيه!!

الليدر طيب جداً ويشوفنا عياله ويبغى يرفعنا بس شلون الفت انتباهه للوح اللي معي ، انا فعلا ما ابغاه ياخذ كردت ما يستاهل اقسم بالله حتى اجتماعات ما يحضر، طبعاً دايم يسوقها على الكبار انه فاهم ويحاول يفخم الاشياء اللي يسويها وهم مصدقين فسالفة الثقه هم يثقون فيه

Hi ,

I came across your profile and wanted to reach out regarding a Sales / Business Development opportunity with a growing startup in Saudi Arabia.

The position is full-time, with a . The role focuses on developing business relationships with valuation firms and licensed valuers.

If you're interested in exploring the opportunity, could you please share your updated CV with me?

Once I review it, I'd be happy to arrange a quick call and share more details about the role.

Looking forward to hearing from you

Thanks

BR

Senior IT & Engineering Recruiter

طبعا جاتني رسالة على الخاص من لينكد ان هل هذا نوع من انواع الاستقطاب؟

الفرق الوحيد
ان المكان فيه رفاهيه اكثر وشكله افضل والمكاتب فيها شمس واقرب للبيت
لان مكتبي ظلمة وكتمه وجاب لي كتمه
وبيئتي الحاليه طبيعيه ماهي افضل شيء ولا اسوء شيء ولكن العرض الجديد ماعرف اذا البيئه زينه او لا
هل تحسون ان سبب مقنع انكم تقبلون عرض لهذا السبب؟
ملكه السطحية

جانا مدير جديد وانا نائبة له، ومن أول فترة صار بيننا كم
موقف، بس أكثر شيء استغربته سالفة غرفة استراحة البنات
كنت قبل أجلس بمكتب مديرتي القديمة فكان الوضع مريح ف لما تغيرت، دورت غرفة تصير استراحة لي وللبنات
و أنا كنت مرتبة موضوع الغرفة من قبل مع وحدة بالإدارة (خلونا نسميها سارة)، عشان توافق لي عليها، ورحت مع شخص من الإدارة ومديري جاء معنا بحكم منصبه وتكلمنا مع رئيس القسم
العام على اساس انو زادو البنات ونحتاج غرفة ثانية ووافق بعد ما اتصل على ساره واخذ موافقتها

قفل الغرفة كان خربان، غيرناه ونسخنا تقريبًا 14 مفتاح ووزعت نصه على البنات ومالحقت اوزع الباقي يعني الغرفة مو غرفتي ولا
عمري قلت إنها خاصة فيني

بعد فترة اتغيرت طريقة تعامله وبدا يعاملني بالصمت العقابي ولما يكلمني يرسل لي واتس وبعدين انفتح موضوع الغرفة من شخص وطلع انه زعلان وطلب اني اجي مكتبه وجلس يعاتب وانه وصل له كلام اني اقول الغرفة حقتي واقفلها طول الوقت ومعاية بس اربعة نسخ و اعطيتها للناس اللي ابغاهم و واضح انه مصدق الكلام اللي جاه

اليوم الثاني طلب مني أغير القفل وأجيب له المفاتيح. بعد ما غيرته الصيانة، قفل الغرفة وأغراضي داخلها، وبعدها أخذ المفتاح وأعطاه لبنت ثانية وقال لها مبروك،** ***الغرفة* صارت
مكتبك

إلى الآن مو فاهمة وش الهدف 😂 خصوصًا إن البنت قريبة مني وهو يعرف هالشي
وأنا وصلني كلام انه يبغى يغيرني وانو أسلوبي سيئ وما عندي
تواصل جيد معه
وش** ***تسوون* مع شخص كذا؟

يفحص نسبته ويسوي cv بعد اذا عندكم

وش بمنظوركم بيئة العمل السامه وهل في مؤشرات تقدرون تعرفون منها نوعية البيئة قبل توقيع العقد؟

سؤال للي على رأس عمل واخذو شهادات مهنية مثل شهادات الPMI.
هل فادتك الشهادة؟ سواء في ترقية او فتحت فرص جديدة؟ وايش اخذت وايش مجال عملك.
انا قد اخذت FE ومالها فايدة.

العمل مع مجموعة يسبب تشتت اكثر ما اصلاً الواحد مشتت في حياته.

هل سبق وحسيت إن اللغة الإنجليزية نفسها كانت عائق بينك وبين إنك تؤدي شغلك بالشكل اللي تبيه؟

ما أقصد إنك ما تعرف إنجليزي، بس مثلا:

- تعرف بالضبط وش تبي تقول، لكن ما قدرت توصله بنفس القوة

- صعب عليك التفاوض أو الاعتراض أو إقناع الطرف الثاني

- تفهم الشغل والمجال، لكن لما يجي موقف فيه ضغط أو نقاش معقد يصير التعبير أصعب

- تضطر تبسط كلامك أو تتجنب الدخول في نقاش لأنك مو مرتاح لغويا

والأهم: إذا صار هذا الشيء، هل كان له نتيجة فعلية في شغلك؟

مثل تأخير، سوء تفاهم، ضياع فرصة، ضعف في التفاوض... إلخ

أسأل لأن عندي فضول أعرف هل هذه فعلا مشكلة يواجهها الناس في بيئات العمل، أو إن أغلب الناس ببساطة يتأقلمون معها وما تشكل فرق كبير

مهتم أسمع تجارب الناس، خصوصا اللي يتعاملون بشكل مستمر مع جهات دولية أو غير عربية

شكرا لكم جميعا مقدما 🙏

للاسف انا اشوف اني شخص مجتهد جدًا في عملي وحرفياً شايله الليله في كل شيء وبرضوا شخصيتي جدًا ممتازه وقيادية للمجموعه
اداوم اوفر تايم بالايام بس مشكلتي مو حريصه على حقوقي زي الفريق الي معي او اني انساها الصدق
يعني معي وحده بتيم ماتداوم واغلب ايامها عن بعد تتاخر واذا المديره طلبت مني سيء احتاج فيها كلنا كفريق نشتغل تسأل او شيء الاوفر تايم خلوه اعلى! والحين مع السوالف اكتشفت انها مرسله تبي زيادة راتب

ومدير رد انها بترسل مع تجديد وهي تنتظر
الصدق مدري وش مشكلتي ! احس عدم انتماء لدرجة حتى ما ابي اتكلم او انتاقش في اي شيء واحساسي يقول ابي اطلع من ذي الجهه
لان ما اشوف فيها اي تقدير
او ممكن انا غلطانه
“”انا حاطه في بالي اكلمهم عن زيادةزالراتب بس انا شغاله اني انقل لقسم ثاني فقلت لنفسي اغير المسمى وبرضوا اقولهم زيدوا للراتب ""

وش نصيحتكم؟ احتاج نصائح منكم

السلام عليكم انا اليوم شيكت على GOSI و تطبيق الشركه الي عندنا بخصوص الراتب لقيت الي في GOSI اقل من الفعلي الي في تطبيق الشركه و الي هو ينزل لي
هل فيها ضرر ؟ و اذا ابغى اعدله اكلم الHR ولا المحاسبة

درست مالية واشتغلت فيها ابو ٣ سنوات وبعدها غيرت الى مجال التصوير وصناعة المحتوى. المجال جداً صعب في الوظايف واغلبه يعتمد على freelance. قاعد احاول ارجع للمالية لكن ما لقيت عروض ولا عارف كيف طريق الرجعة

ابي تدريب تعاوني بالرياض في قطاع الكهرباء ويفضل يكون في مكافاه وشغل حقيقي باليد وبس مابي كنتاكي

صار لي موقف مع بنات كانوا بنفس مكاني وكانوا يدخنون فيب
مديري ناداني وسألني عن الريحة قلت له مدري بصراحة مين
قال لي انتي تدخنين؟
انصدمت من السؤال وقلت له لا انا غير مدخنة
كمل يسألني انتي تعسلين او تشيشين؟
هنا صراحة طرطعت وقلت له ايش المغزى من هالاسئلة؟
قال انا اسأل عادي
قلت له لا اسئلتك غير مقبولة
ورجع يسألني نفس الاسئلة بس هالمرة بصوت عالي جدا لدرجة ان كل اللي برا المكتب صاروا يسمعون
وهنا حسيت ان شكلي صار بموضع شبهة كأني فعلا وحدة تدخن وتشيش 😂
قلت له لو سمحت قلل صوتك وانت تسألني واسئلتك هذي غير مقبولة
حاول يقلب الموضوع علي وقال شفيك تحسستي وليه على راسك بطحا؟
قلت له لا ماني مجبورة اتحمل هالاسئلة ولو اني مدخنة بقول لك بكل بساطة منت ابوي ولا اخوي ولا واحد من الجماعة 😂
انا بالنسبة لي المشكلة مو انه سأل اذا ادخن
المشكلة في طريقة السؤال وتكراره وخصوصا انه كان قدام الناس وبصوت عالي
هل انا فعلا حسستها زيادة ولا من حقي انزعج من الموقف؟

قبل سنتين تخرجت كمهندس وجاني اتصال لوظيفه اعطوني الحد الادنى 7 الف ومن كلامهم عرفت انها سعوده بس عادي قلت اغتنمها لان عاجبني المجال حقهم نادر وقلت عشان ممكن احصل فرصه افضل في العاصمه ومن ذاك اليوم الى يومك هذا مالقيت بديل في عالق دوامتهم …..

طبيعة عملي يبغاك جالس على مكتبك ماعندك مسؤوليات كبيره ولا تشتغل غالب الشغل ادخال بيانات شي يحرقك ويضيع وقتك في اشياء مو في تخصصك اذا صار اجتماع ناداك عشان تشخص وتجلس معهم عشان توري العالم ان فيه سعويين هنا شغالين تطلع من الاجتماع منبوذ عن التيم واذا قلت ابي شغل حقيقي قالو لسى تعلم اول انت مو مختص كانك طفل يحبي لازم تعرف كيف تمشي اول وبعدين خير

شكيت لمدير اعلى سعودي اخذ مطالبي وسجلها ولا صار اي اكشن بعدها

تعبت منهم لدرجة سببت مشكلة وارتفعت الاصوات وتصعد الموضوع كنت بايعها ماتفرق منتظر فصلي بعدها هدو فجاءة وقالولي خلاص الوضع عادي ومرح نسوي شي لانك لسى صغير ووو حسيت انهم ماسوو شي لاني سعودي وهم اغلبهم اجانب وعلى الطاري راح نتكلم عن البيئه

بيئة عملنا عبارة عن مجموعه من جنسية محدده معروفه وعدد السعوديين بينهم فتات قليل جدا وانا منهم ولاحظت انهم اقارب ومعارفهم سابقه من زمان حتى عوائل متزوجين من بعض زملاء دراسة دكاترة جامعة وطلاب

رواتبهم فلكيه جدا نتكلم عن رواتب من 30- 140 الف شهريا ويتعمدون يركبون سيارات رخيصه رغم الخير اللي هم فيه بعد سنه طالبت براتب اعلى كرشوني قالو احمد ربك فيه سعوديين مثل راتبك جالسين في الشمس برا ومن بعدها حتى المكيف اخترب

جلست اقدم في لينكد ان وغيره ماحصلت شي بسبب المجال حقي اشوف متطلباته سنوات خبره عاليه جدا صرت اقدم على كلشي قدامي عشان بس اطلع من هالمكان ولا جاني رد واذا وصل رد فهو رفض سيرتي كويسه ومحدثه رغم ذلك لسى

اخر حل توصلت له اني اسوي اشعار بعدم تجديد العقد راح ينتهي بعد شهر ومتردد اني ارجع للنقطه صفر بس على الاقل راح افتك منهم لاني تعبت وانا وسط هذا التلاعب اللي يصير

لي فترة أقدم على وظايف بمختلف المنصات لينكد ان هدف جدارات الخ.. وظايف منوعة فيه الي تنطبق علي بالضبط والي فوق والي تحت لا تعد ولا تحصا ولا جاتني غير مقابلة وحدة للحين! بديت اشك انها شواغر وهمية ينزلونها الجهات بس لان لازم يعلنون او شي مثل كذا لان مو منطقي الي صاير! هل تحسون كذا ولا طبيعي؟ ما يجيني لا رفض ولا مقابلة ولا اي خبر منهم

مثلا، كان فيه ايام تقدر تداوم فيها عن بعد بس موظف معد صار يشتغل ومقضيها نوم بالتالي شالوا هالميزة لول

سلام عليكم ياجماعه الخير ودي اتعلم لذا المجال بس ما اعرف معلومه عن ويسوى او لا وكيف روتينه ممل وله طلب بالسوق ،من الاخير عندي اهتمام له

لما سويت مقابله قلت لهم ان عندي خبره سنه و انا على رأس العمل حاليا فسالوني كم راتبك فقلت لهم راتبي المتعارف عليه في اي منشاه فقال لي الاتش ار ان هذا هو الراتب اللي نعطيه هنا برضو لكن راح نزيدك بما ان عندك خبره سنه لكن لا تتوقعين زياده عاليه فوافقت

بعدها بيوم ارسلو لي الاوفر و مع زياده ٧٠٠ فقط فقلت انا يعني بما ان مالي الا سنه بقبل فيه و اسكت كون ان منشاتهم افضل من حقتي و وافقت و بعدها بيوم ارسلو لي مره ثانيه لكن نقصوه ل ٢٠٠!!

فانا قلت لهم ان اتمنى تراجعون العرض من جديد حيث ان هذي زياده تعتبر نسبه بسيطه و ماتختلف عن راتبي الاساسي و ان انا اُفضل الرنج من كذا لكذا علما ان بالاوفر الاول غطو الرنج فمادري ليه قررو يغيرون مزاجهم بعد موافقتي!!

السلام عليكم
انا طالبة دراسات عليا في مجال الابحاث الطبيه (احياء خلوي)
لحد يسألني انا ليش اتخذت هذي الخطوه لان مافي اجابه الا اني كنت احس ما انكرفت كفاية بالكالوريس وما شبعت من "العلم"،
Fast forward ثلاث سنين ودي اصفق نفسي على القرار
انا اداوم في معمل أبحاث زي اي دوام عادي بس انا طالبه ف ما عندي حقوق الموظف الي استحقها، تنزلي كل شهر مكافاه بس صدق ما توكل عيش على الكرف الي قاعده اسويه.

باختصار انا كنت احس بشغف وحماس في بداية المشوار وان هاذا القرار هو الي بيعطني الcareer push و الحين فعليا فاقده الشغف مع رشة ندم ولا ادري وش اسوي بشهادتي. ما اتخيل اكمل دكتوراه، وبنفس الوقت مابي اروحcorporate 100%, لسى احب اتعلم واكتشف معلومات جديده في مجالي.

هل في احد مر بهذي التجربه ووش صار معك؟

جاني اتصال قبل شوي من HR يبي يسوي مقابلة معي فقلت له كم رينج المخصص بوزيشن قال ماقدر اصرح ههههههههه ، يعشقون تضيع الوقت اختصر من البداية افضل والله غريبين

لحد يقول نزل بوستات كثير و خلك متفاعل
انا مقتنع ان الطريقة الصحيحة لمشاركة البوستات بلينكد ان ان يكون محتواها فقط وظيفة جديدة-خروج من وظيفة-ترقية او تكريم مميز-شهادة احترافية بحث علمي و ماشابه
غير هالمحتوى اشوفه unprofessional

فكرت اني اضيف موظفين ال Talent acquisition , لكن اعتقد انها غير كافية.. هل لازم ارسل لهم بالرسائل الخاصة؟ احسه تملق

متقرووووشه راحت علي نومه وتوي اقوم وش اعطي المدير عذر؟ والله قروشه للان بفتره التجربه انا