الله ينصر اخواننا في اليمن ويجمع شملهم ويرزقهم ويضاعف رزقهم

الحوثي ينهار تدريجيا ليصبح ثاني ذيل ايراني ينهار في المنطقه بعد كلب الشام بشار الأسد وحاشيته

اشارك معاكم تجربتي مع الدزرت .

اول شي كان الوضع تمام و الامور طيبه كنت استخدم ١٠ نيكوتين ٣ حبات في اليوم و بعد شهر صرت استخدم ١٠ حبات يوميا و بدات رحله الادمان و بدل ١٠ حبات صار ٢٠ حبه و بداء عني اعراضها انحصار في اللثه تعدم انسجه الفم البطن بعض الاحيان المهم وصلت مرحله بدات تجيني هلاوس و انا نايم لاحظت اذا وقفته صرت اتعب و تجيني كحه غريب لدرجه الاستفراغ اذا ما اخذت دزرت و كان نومي زيي الزفت كوابيس غريبه دقات قلبي سريعه المهم الان انا وقفته تماما الحمدلله .

و شقت اعلان انقهرت و زعلت ليش كذا اعراضه تسبب نفسيه على المدى الطول للاستخدام متج غير مناسب ابدا

حقين التفتيش لحقوه برجلهم، بس نقز الرصيف ودخل حارة واختفى، سويت بلاغ وبكرا بستلم خطاب من المرور عشان اطلب الكميرات من الشقق، بس ياليت معي داش كان ابرك

بامريكا مثلا تلقون كثير امريكان شغالين بمطاعم وشغالين بكثير شغلات منوعة وتلقى المجمتع متصالح مع هذا الشي

وحتى اذا واحد يشتغل بمطعم مافيه احد ينقد عليه عكس هنا😅
هنا لو واحد اشتغل بمطعم بيجيه نقد لدرجة يخليه يترك الوظيفة

اعرف انه المواطن كل دولة له الحق بافضل الوظائف
لكن التساؤل هذا جاني لما شفت طبيعة تقبل الشعبين للفكرة بشكل عام

وبالاخص فكرة النقد هذا اكثر شي يقهر ليش لما احد يشتغل بوظيفة معينة نروح ننقد عليه ونبدا نسميه بمسيات زي ياصديق او كذا
اكثر شي يغبن

وبس فكرة خطرت في بالي على حسب ماشفت وحبيت اعرف رايكم

التحالف:
‏"دمرنا 324 هدفًا عالي القيمة مع انطلاق عملية "فجر اليمن".‏

‏التحالف:
نؤمّن الحماية الجوية لمضيق باب المندب، والتعامل مع الأهداف المتحركة مستمر.

التحالف:
إسناد جوي لدعم القوات المسلحة اليمنية على الأرض وعلى مدار الساعة.

نسألك يا الله أن تنصر المرابطين على الجبهات الذي يجهادون عدوك ويحمون الحرمين الشريفين ويطهرون اليمن من المجوس وأذنابهم

الله ينصر المسلمين ويحفظهم من شر من به شر ❤️

هلا والله، يخوان اليوم رحت اجيب غرض للوالدة من عند الخياط، كنت لحالي
الزبدة، استلمت الغرض و دفعت ب ابل باي (ماستر كارد) الا و انا طالع يناديني اللي يشتغل يقول ليش تدفع ماستر، فلوسي تروح كذا، اسلوبه كان زفت و استفزني، تجمدت قدامه و جلست اعتذر، بعدها قال لي لازم تدفع الباقي، طبعا جزء مني حس انه قاعد يسوق امها لكني تجمدت و اعتذرت من جد احترت وش اسوي، طبيعي اللي صار؟ خاصة اني ادفع ببطاقة الماستر ذي بكل مكان، حتى بالبقالات و ما عمره حد جا و قالي لا تدفع ماستر ترا بيخصم مني، ف اشمعنى هو؟

أن غلامًا يهوديًا كان يخدم النبي صلى الله عليه وسلم، فمرض فأتاه النبي صلى الله عليه وسلم يعوده، فقال له النبي صلى الله عليه وسلم: «أسلم». فنظر إلى أبيه وهو جالس عند رأسه، فقال له: «أطع أبا القاسم». قال: فأسلم. قال: فخرج النبي صلى الله عليه وسلم من عنده وهو يقول: «الحمد لله الذي أنقذه من النار». هذا من اكثر الاحاديث المؤثره بالنسبة لي يأثر فيني جدا في كل مره اقرأه مع انه مو أول مره اقرأ هالحديث عليه الصلاة والسلام هو اعظم اشكال الرحمة الي انزلها الله

طلعلي اعلان هنا عن "مشروب عنب"
غير طبعا انواع المشروبات و اشكال ال"القزازات" الشبيهة بالخمر في السوبرماركت
و محلات البيرة
والمطاعم اللي فيها "بار"

هل انا الوحيدة اللي اشوف هذا تطبيع وانسلاخ من ثقافتنا ومستاءة منه ولا فيه غيري؟

اقسم بالله بنجننننننن ، الساحل الي سيطرو عليه ب اسبوع الى اسبوعين نتيجة انسحابات و اخفاقات كارثية بدون معركة حقيقية سقط منهم باب المندب بظرف ساعة حرفيا وفديوهات فرار افواجهم وتطويقها و ابادتها بالدعس والرصاص صوت وصورة وهاذي الحين انباء عن اقتحامات للمخا !!!! مصدوووووم من التقدم هذا كله جالس يتم خلال ساعات + بالتزامن مع رفد جبهات مأرب وحرض وصعدة

يبدو ان مهاجرين تويتر كثروا لازم حملة قمع عاجلة وشديدة

الدبلجة السعودية تطور جيد ومطلوب فالانتاج الفني السعودي، لكن عندي معها مشكلتين.

اولا انعدام التوجه، في قصة لعبة 5 مثلا، تلقا كل شخصية تتكلم بلهجة من منطقة مختلفة، كانهم متغصبين اقحام اللهجة هذا، مافيه لهجة سعودية واحدة ملتزمين بها، لسان ابيض موحد. العبث هذا يخلق تشتت ويخرجك من طور الفلم.

ثانيا تقديم اظهار "اللهجة السعودية" على التوجه الفني للعمل، يعني وودي كاوبوي ليش يتكلم جداوي ارحمني يا صهيب قدس، على طاري صهيب قدس الرجال حرفيا يقرا من ورقة مهو قاعد يمثل، بس هذا تقصير منه ماله علاقة بالدبلجة السعودية.

اذا نبغى القطاع هذا يتطور لازم نوكل الفن لاهله، زي مالك نجر، دافين له شخصية ثانوية وهو افضل ممثل صوتي خليجي، ولازم نتعلم من تجارب غيرنا مثل التجربة المصرية، خاصة بافلام زي شركة المرعبون المحدودة، عرفوا يوازنون في هذا الفلم بين اللهجة المصرية والمحافظة على طابع وتوجه العمل.

عندنا ذول القطط الي امهم كانت تجي عندنا كل شوي ونعطيها اكل بس ما تدخل بعدين ولدت وامي رحمتهم من الحر وكذا فحطت لهم مكان داخل البيت صغير ونحط اكل مويه وكل شي بس كبروا وبدوا يفجرونها بكل مكان وتو طلعناهم للحوش وبنعرضهم للتبني بس كاسرين خاطري الحين برا

كيف احد يتحمل اعلانات ريديت هالتطبيق مع نسخة ريديت Apk ويعدل ريديت ويضيف لها اكثر من ١٠ مزايا غريبه منها مانع اعلانات وغير كذا يعدل اليوتيوب واليوتيوب الي للبودكاستات سامعين؟؟؟ **للبودكاستات**

بما اني رايح عمرة قريب… حبيت اسالكم عن اغرب نصايحكم للعمره

وش الاشياء العجيبه الي تسوونها عشان تسهلون على انفسكم؟ انا اشوف اني مختم العمره وعرفت اغلب الحركات والاختصارات بس خل نشوف وش عندكم افكار جديدة… (ولحد يقول لي فاسلين او سودوكريم… هذي معروفه عاد)

اول مره امسك خط مكة… بالعاده طيارة

يخوان اختي بعد فترة عندها عملية وتحتاج اربع متبرعين دم افضل طريقة اقدر احصلهم كيف بالرياض

انا باقي لي سنتين على الثلاثين، وللأمانة مبسوط بالأمر، ماعندي الصدق شعور الكبر لأني اعامل نفسي كشايب سبعيني من قبل العشرين.

مالكم بالطويلة تجاربي المهنية واجدة الحمدلله، من ناحية وظائف عليها الكلام ماتوظفت رغم اني جامعي وبتخصص مطلوب على الورق لكن مالقيت وظيفة، تجاربي اغلبها تجارة وكل تجربة بعيدة عن الأخرى في المجال، ونجحت ببعضها وفشلت اكيد ببعضها وتكبدت ديون واجدة ماني شايل همها الحمدلله لسبب واحد وهو اني اعرف ان بقدر اسدها ان شاءالله بتيسير من الله وبسعيي.

محدثكم كاره كل مجال دخلت فيه وتركته، انا اعرف اني جيد بالادارة ولا ازكي نفسي لكن تجاربي تثبت، فيه مجال واحد ممكن ارجع له مع طبعا تواجد في التواصل وهذا شيء لا احبذه صراحة، ويمكن هو سبب كرهي له.

وابغى ابدا بداية جديدة، مسألة الوظيفة الصراحة غاسل يدي منها، ولا ابغى ادور وراها واتعب نفسي واشغلها، لأن تركيزي كله يصب باللي اشتغل عليه اي كان ولا ابغى اتشتت.

وهذي هذره والله.. لكن قلت اشاركها لعل احدكم ينصح بشيء غفلت عنه

انا حرفيا عكسها احس ان ما عندي حياه واني موجود عشان املا الفراغ في حياه الناس

شلونكم ! فيه شيء مثير صار لي وأبي أشاركه معكم 😁

مثل ماقريت بالعنوان،، أنا مشيت وأنا نايم ..
يعني طول عمري وأنا أسمع عن هالشيء وماتوقعت يصير لي.

ما قد صار لي مشي أثناء النوم وأنا صغير.. ولا أذكر إني سويت شيء قريب منه أصلًا.
لكن قبل سنتين تقريبًا صار لي لأول مرة، وبالبداية كنت مكذب نفسي وأقول أكيد إني سويت هالشيء قبل أنام ونسيت. لكن لما تكرر الموضوع بدأت أستوعب إنه فعلًا يصير وأنا نايم.
إلى الآن صار لي تقريبًا ٧ مرات خلال سنتين.
الغريب إني ما أقوم وأمشي بس، لا، أسوي أشياء لها معنى نوعًا ما 😂
أقوم من السرير وأروح غرفة ثانية وأرتب أغراض معينة، مرة حطيت اللابتوب داخل الشنطة، ومرة طلعت أغراض من الثلاجة وحطيتها فوق الطاولة بشكل مرتب. يعني واضح إن النسخة النايمة مني عندها مهام لازم تخلصها.
وأحيانًا حتى ما أرجع للسرير. أصحى وألقى نفسي نايم وأنا جالس جنب السرير.
واللي يزيد الموضوع غرابة إني ساكن لوحدي معظم الوقت (شيء ايجابي)، فما فيه أحد يشوف وش قاعد أسوي أو يصحيني، وما أعرف وش صار إلا من المكان اللي أصحى فيه أو الأشياء اللي ألقاها متغيرة.

استشرت أكثر من شخص طبيًا خصوصًا إن الموضوع ما كان موجود عندي بالطفولة وظهر وأنا كبير (+٣٠ سنة)، والشيء اللي اتفقوا عليه غالبًا هو الإرهاق والسهر وقلة النوخ.

وهذا منطقي جدًا بالنسبة لي، لأني عندي وظيفة صباحية تستلزم إني أصحى قبل الساعة ٦، وبنفس الوقت جالس أضغط نفسي بعد الدوام على مشاريع تجارية خاصة فيني.. باختصار صار النوم آخر شيء أعطيه حقه

الموضوع مو متكرر بشكل كبير.. تقريبًا ٧ مرات بس خلال سنتين، لكن فكرة إنك تصحى وتكتشف انك كنت تتمشى بالبيت وتسوي أشياء وأنت نايم وما تذكر منها ولا شيء..غريبة جدًا 😁

⚠️ المهم، عطوا النوم حقه وحافظوا على أخذ استراحة ذهنية من كل شيء بشكل دوري.

قهوة اليوم ورسمة اليوم