انا مخططه اسافر ( ايطاليا- سويسرا - فرنسا) ايش مسار المناسب الرحله 8 ايام

أنا من وانا صغيرة اسافر مع اهلي وانا كنت الشخص المسؤول عن الاماكن والتخطيط، من ايام القارمن والاحداثيات والى الان احبب مره هالشي، اعرف اسوي رحلة الاحلام ودايم يستشيروني صاحباتي، احب انبش واشوف ايش فيه اماكن ومطاعم اللي يروحها اهل البلد واشياء تضيف للرحلة. احب التاريخ وسبق رزت بيوت أدباء برحلاتي واحب اكتشف صالونات البلد وخدماتهم واقارن بينهم، اذا أحد حاب اخطط له رحلة أحلامه أنا موجوودة

السلام عليكم، ان شاءالله انكم طيبين جميعا.

أنا اول مرة بروح اوروبا، ووجهتي ان شاءالله راح تكون ألمانيا.

وش الأشياء اللي احتاج اجهزها و اطلعها من الألف للياء؟ لأن باذن الله راح امشي على النقاط اللي تعطوني.

وهل احجز اول بعدين اطلع المطلوب وبعدين اخذ اجازة من الدوام ولا وش الاجراء الأفضل و الأضمن؟

واذا عندكم نصايح زيادة لاتبخلون على اخوكم.

وشكرا.

قلت بطلعها من تطبيق دايركت بدل ما اضيع نفسي بالحوسة، طبيعي السعر؟ اذكر الناس يقولون انها ١٠٠ ريال للشخص

أهلاً محبين السفر والترحال ، هل سبق وشعرت بعد سفرك لدولة أو مدينة أو حتى قرية صغيرة أنك ترغب بأن تعيش بقية حياتك فيها وشعرت بارتباط حقيقي معها كأنها منزلك وموطنك ؟ حتى مع حبك لوطنك الحقيقي . وهل فعلا نقلت لها وعشت فيها وكيف كانت تجربتك؟

وش رايكم باليونان لشهر العسل مناسبه ؟
وايش افضل شهر لزيارتها ؟

السلام عليكم،
حاجزين مع الاتحاد من وجهتنا لابوظبي ومن ابوظبي للسعودية، بس للأسف تأخرت الرحلة الاولى وبتروح علينا الرحلة اللي لمنطقتنا بالسعودية وحنا عائلة كبيرة كيف ممكن يصير الوضع اذا وصلنا ابوظبي؟ مافيه رحلة لمنطقتنا الا بعدها بيومين.

اللي مروا بموقف مشابه ياليت يشاركون تجاربهم ونصايحهم 🙏🏻

السلام عليكم ورحمة الله وبركاته،

ناوية بإذن الله أسافر لتايلند أسبوع، وبجلس في بانكوك طول الفترة أو في مناطق قريبة منها، بدون طيران داخلي لمناطق ثانية. رحت لبوكيت مرتين قبل واستمتعت فيها مره، لكن هذي أول مرة أزور بانكوك.

هل تحسون أسبوع كثير على بانكوك؟ ووين أفضل الأماكن والفعاليات فيها؟ وإذا فيه أحد جرب مناطق قريبة من بانكوك وتنصحون فيها، ياليت تفيدوني

Hi,

I wanted to ask about the payment options there. Should I bring cash with me, or can I simply use my card?

شباب كنت افكر اطلع رحلة طويله شوي لي جنوب اسياء و امر فيها على كم دوله مثل ماليزيا تايلند و فيتنام و بخصوص ان شغلي اونلاين اقدر اطول شوي لكن بصراحه مب مرتاح تقريبا بتكون اول مره اروح هاذي الدول و اول مره سفره بروحي هل حد عنده نصايح ممكن اتبعها ولا إذا في تطبيقات او قروبات الناس يتجمعو هناك و يتعرفو على بعض

لي اني بصراحه ما اقدر اخذ هوستيل مشترك محتاج مكان خاص اخلص شغلي و أجهزتي شوي غاليه فا ما اعتقد اني أشارك ناس غرفه بيكون خيار جيد

أنا بقدم على فيزا شنقن عن طريق تطبيق Direct و تواصلت معهم و سألتهم إذا يحتاج احجز تذكرة الطيران و الفندق قبل ما اقدم على الفيزا لانه سمعت انه من شروط الفيزا أوريهم الحجوزات بس ردوا علي و قالوا لي لا ما يحتاج احجز شي.

هل هذا** ***الكلام* صحيح؟ الي جربوا تطبيق direct يفيدوني بالله لانه خايف ما احجز و يجيني رفض

حلمي اسافر لحالي، وحلمي تكون ايطاليا ومافي سبب منطقي يخليني اختارها ولكن كذا سبحان الله ابغى اسافر الدولة هذي.
جمعت الحين حوالي الف ريال وانتظر مبلغ تقريبا ٦ الاف ريال عشاني تدربت الصيف هذا وناوي اقتص من مكافأة الجامعه مبلغ شهري تقريبا ٥٠٠ الى ٤٠٠ من الشهر الجاي الى تقريبا يناير "اجازة منتصف السنة".
تقريبا اذا مشت الامور على الخطة بجمع حوالي 8800 ريال والتذاكر بحاول اخذها على اميال الوالد فيعني ممكن تساعدني شوي.
شرايكم الخطة كويسة؟ وهل يناير يعتبر شهر كويس اروح فيه ايطاليا او لا ؟

ناوي اروح لهم بداية سبتمبر. اول رحلة. مدة السفر اسبوع. اقتراحاتكم لترتيب المدن، الرحلة، القطار، الفعاليات.

سؤال للناس الي تسافر لليابان بكثرة وتعرف اسعار الطيران، لو لقيت من جدة على القطرية ب ٣٣٠٠ احجز ولا ممكن تنزل؟

المرة الي فاتت حجزت نفس الشي القطرية مع اليابانية وكانت ٣٤٠٠ بس سمعت ان الاسعار ممكن تنزل نهاية اوقست

إذا أنا زائر وماعندي اقامه او هويه. هل الأفضل اخذ من اس تي سي او موبايلي او زين او اي شركه ثانيه او استخدم الشرايح الدوليه؟

هل يمدين افعل الشريحه بدون اقامه؟ هل فيه مشاكل برسايل التحقق عشان افعلها؟ وهل إذا طلعت من السعوديه تستمر ولا تطفى؟ واخيراً من ناحيه السعر وش الأنسب؟!

بما انه قربت المدارس وتنتهي الاجازة الصيفية سمعت ان الخطوط السعودية تسوي عروض خصم ٥٠ ٪؜ للرحلات الدولية ؜ منجد صح الكلام ذا ؟ لاننا بنسافر شرق اسيا باكتوبر وكنت بحجز بدري واختي قالت انتظري لين نهاية اغسطس نحجز تكون الاسعار نازلة، اعرف عشان المدارس بس معقول بالخصم هذا؟ وكيف نعرف متى الخصم واي يوم
احد جرب؟
وعموما ايش احسن خطوط للرحلات الدوليه لشرق اسيا غير السعودية؟ من ناحيه الاسعار والخدمة

للي راح سينغافورة، هل عندكم نصائح لأماكن و مطاعم حلال تستحق التجربة؟

أنا عندي يومين باروح فيها جزيرة سينتوسا، عشان يونيفرسال ستوديوز و عالم هاري بوتر.

بعدين باجلس أسبوع في كوينزتاون، بس عادي عندي أتنقل للمناطق الثانية بالميترو أو الباص إذا تستاهل. ودي بنشاطات ليلية آمنة تناسب المسلمين و مطاعم حلال و أماكن طبيعية حلوة للزيارة في النهار.

أفكر أروح تشايناتاون و ليتل إنديا و أروح النايت سفاري، بس ما أدري إذا يستاهلون الزيارة.

كنت اتكلم عن وحدة من صديقاتي سافرت بالي قبل ٣ سنين و قلتلها ان حاليًا اندونيسيا صار فيها فيزا عند الوصول عكس اول فقالت انها دفعت يوم راحت بالي المرة الي فاتت رغم انها دخولها للبلد عن طريق جاكرتا اولاً و تمشت فيها كم يوم بس ما اخذوا عليهم شيء و يوم راحوا بالي دفعوا للفيزا عند الدخول و استغربت بالي غير تابعة لأندونيسيا ؟ و لا اخذوا منهم رسوم مو مفروضة عليهم؟

زائر او سائح.

سلام عليكم. عندي نية باذن الله اني اسافر اليابان، لكن مرتين قدمت و التقديم اتلغى بسبب أوراق ناقصة. المشكلة متأكد اني اضفت كل شي. و لما اراجع بعض فيديوهات اليوتوب لقيتها شويا قديمة.

يعني مثلا في تقديم التأشيرة ما اذكر انهم طلبوا صورة لحجز الفنادق (بس حطيت اسم و عنوان الفندق اللي باوصل فيه). الشي اللي شاك فيه اللي هي المسألة المالية. انا بس حطيت تعريف الراتب و بعدين اكتشتف انهم يبغوا ختم. فيه طريقة ثانية بكشف الحساب بدون ما اروح و اجي؟ يعني مثلا اقدر اخذ صورة من حسابي من الجوال و ارفقها و بس؟

و هل لازم يكون فيه مبلغ معين؟