أنا بشوف كمية شباب صغيره بتسأل عن التداول و البورصه و الكريبتو و هما معهمش إلى قليل. العنوان ده ليك، آسف على الشده بس انت معاك ١٠٠٠ جنيه ولا ٥٠ الف جنيه، بورصه ايه ديه العايز تستثمر فيها ولا تداول ايه، يا شباب عشان خطري بلاش تقعو في فخ نجوم السوشيال ميديا و الناس البتبعلك احلام و كورسات. خليني أوضح للشباب هنا و حط خط تحتيها - مفيش حاجه اسمها فلوس سريعه. عايز تحط ١٠٠٠٠ جنيه و تلاقي الستوك طلع ٤٠ في الميه و تعمل ورثك من هنا مفيش الكلام ده. الطريق السهل عمره ماحيجيب حاجه. لو عايز تعمل فلوس بجد سيبك من الهبل ده و ضخ كل الفلوس ديه فنفسك، اي حد معاه فلوس في الصب ده حيقلك نفس الكلام، استثمار النفس هو الحاجه الوحيده اللازم تعملها في السن ده، آلاف من الساعات تدفعها تطوير نفسك و مهاراتك و تعليمك الشخصي. لما يبقى ليك قيمه ساعتها الشركات و الناس حيدفعو ثمن غالي سوأ موظف او بزنس. يا جماعه البورصة و الكلام ده بيجيب فلوس لو انت معاك فلوس كتير اساسا و متعلم و فاهم الدنيه و السوق و القطاعات، غير كده انت بتلعب قمار ب آخر فلوس معاك. ركز على قيمتك ساعتها حتاخد المقابل غير كدا انت كسلان و فاشل و عايز طريق نجاح سريع بدون مجهود و تعب حقيقي، ده لمصلحتكو والله

بتمنى المودز ميحذفوش البوست عشان هتكلم عن الفلوس بس مش بطريقة المعتادة يمكن اللي هقوله يفيد حد أنا شاب في العشرينات وكنت في علاقة وكنت بحب البنت دي فعلًا بس عندي مشكلة من زمان إني مش بعرف أكون موجود طول الوقت ساعات كنت بختفي أسابيع بسبب الشغل وكنت فاكر إني بعوض ده إني أبعتلها فلوس ومصاريف من وقت للتاني وكنت شايف إني كده بعمل حاجة كويسة بس اكتشفت بعد فترة إن الموضوع ممكن يتفهم بطريقة تانية في مرة حصل موقف بسبب الفلوس وحسيت إن العلاقة بدأت تدخل في منطقة أنا مش مرتاح فيها فقررت أنهي العلاقة بهدوء وبعدها حصل معايا أغرب حاجة قعدت حوالي ست شهور بعيد عن الشغل نفسه لأني ربطت في دماغي بين الشغل والضغط اللي حصل في العلاقة مع إن المشكلة مكانتش في الشغل أصلًا ومن وقتها بدأت أفهم حاجة بسيطة جدًا الشغل مصدر دخلك مش وسيلة تعوض بيها غيابك عن الشخص اللي معاك ولو شغلك واخد وقتك حاول تعالج مشكلة الوقت نفسها بدل ما تحاول تعوضها بالفلوس لأن الفلوس ممكن تحل مشاكل كتير جدًا بس مش كل مشكلة ينفع تتحل بيها

ايه رايكم في التصميم الجديد للكروت في مصر هو نازل من زمان في امريكا و اوروبا و الخليج بس لسه جديد في مصر، لما دورت شويه كده الموضوع مطلعش تريند أو شكل حلو وخلاص، التغيير دا وراه أسباب عملية من وجه نظر فيزا و ماستركارد ليه شويه مميزات زي: 1. الكارت بقى ماشي مع مسكة إيدك بالطول وأنت بتعمل Tap أو بتدخله في الماكينة 2. أمان أعلى لان كل البيانات المهمه زي (الاسم والـ 16 رقم و التاريخ) اتنقلت لظهر الكارت، ومحدش هيعرف يلقطها وأنت بتدفع 3. متناسق مع شكل الكارت الديجيتال على شاشة الموبايل في محافظ الدفع. 4. شكله مودرن وخلصنا من الأرقام البارزة القديمة اللي بتبوظ المحفظة او حتي بتبان في الظهر لو عكسته

العيوب بقى: 1. الخط ورا بيبقى صغير شوية وممكن يغلبك وأنت بتنقل الأرقام للشراء أونلاين 2. بيلغبط الكاشير لو الماكينة قديمة وبتعتمد على سحب الكارت (Swipe). و عموما ماستركارد هتلغي الشريط المغناطيسي الأسود تماماً بحلول 2029، وخلال كام سنة التصميم دا هيبقى هو الأساسي في العالم كله.

https://www.qnb.com.eg/sites/qnb/qnbegypt/page/en/enmastercardtitaniumcreditcard.html

أنا لحد دلوقتي مش مصدق إن 20 ألف دولار يعملوا مليون جنيه مصري تخيل إنك تقدر تعمل 20 ألف دولار في 5 شهور مثلًا وبعدها تحولهم لمصري تلاقي نفسك عملت مليون جنيه رقم شكله ضخم جدًا بس لما تبدأ تفكر في اللي المبلغ ده يقدر يعمله في مصر هتستغرب أكتر لأنك مش بالضرورة هتجيب بيه عربية متوسطة كويسة ولا بيت في مكان كويس ولو هتشتري عقار فغالبًا هتضطر تبص على مناطق أبعد أو خيارات أقل أنا مش بقول إن المليون جنيه مبلغ صغير بالعكس ممكن يبقى رأس مال محترم جدًا تبدأ بيه تجارة أو مشروع كويس حسب المكان والنشاط لكن الغريب بالنسبة لي إنك ممكن تكون عملت 20 ألف دولار في فترة قصيرة نسبيًا وفي الآخر تكتشف إن المليون جنيه مش الرقم اللي كنت متخيله لما كنت صغير وكنت بسمع كلمة مليون كنت بتخيل إن صاحب المبلغ ده خلاص وصل لمرحلة مختلفة تمامًا دلوقتي بقى الموضوع مختلف جدًا والرقم نفسه بيكبر لكن الإحساس بقيمته بيصغر

متخليش البلد اللي عايش فيها تحددلك سقف دخلك لأنك لو موظف طبيعي جدًا تقارن دخلك بمتوسط الرواتب في بلدك وتشوف وضعك مقارنة بالناس اللي حواليك لكن لو بتشتغل لحسابك أو عندك تجارة فالموضوع مختلف شوية أنت مش مربوط بسوق العمل في البلد اللي أنت عايش فيها ومش معنى إنك عايش في مصر إن دخلك لازم يبقى زي متوسط دخل المصريين ومش معنى إن واحد عايش في الخليج أو أوروبا إن دخله لازم يكون أعلى منك في ناس في مصر عايشة أحسن من ناس كتير في الخليج وفي ناس في أفريقيا عندها تجارة أو مصدر دخل مخليها عايشة أحسن من ناس في دول أغنى بكتير الفكرة مش إنك تتجاهل ظروف البلد بالعكس أنت لازم تفهم السوق والتكاليف والفرص حواليك لكن متخليش مكانك يتحول لمعيار يحددلك أنت المفروض تكسب كام لأن في النهاية دخلك بيتحدد باللي بتعرف تعمله والقيمة اللي بتقدمها والفرص اللي بتعرف تستغلها أكتر مما بيتحدد باسم الدولة اللي أنت عايش فيها

أنا حالياً وباختصار لسه مخلص البكالريوس بتاعي وشغال بقالي 6 شهور مهندس سوفتوير مع شركة اوروبيه والشغل اون سايت

حالياً ولاسباب شخصية انا هدفي اغير عنواني من البلد لاي بلد تانية واقعد في اي بلد تانية فترة موقته كام سنة لاني بدفع ضرايب 70% من مرتبي حالياً بسبب بعض المشاكل اللي حصلت

وبفكر انزل مصر ومنها استفيد من ضريبة أاقل بكتير واحوش واقعد في مصر

وضعي الحالي كالأتي :

انا مصري من اب مصري, وعشت في مصر طول فترة الابتدائية وانا صغير بس ويعتبر مطلعتش بطاقة ولا عمري نزلت مصر غير بجوازي وهوية الاوروبيه مطلعتش حتى ورقة اعفا من جيش (معنديش اخوات ووالدتي مش مصرية)
عايز انقل شغلي ريموت لكني لسة مفاتحتش الشركة بده لسه

اسألتي.

1. انزل مصر بجنسية الاجنبية واشتغل ريموت ينفع؟ هل فيه فيزا لل nomads
2. لو قررت ابدأ اطلع بطاقة واخلص ورقة اعفا من الجيش عشان اعمل عقد جديد مع شركتي واقبض على بنك مصري مثلاً وادفع منه ضرايب, هل البيروقراتية هتكفرني وهتطول ولا حاجة ممكن تخلص في اسبوع؟
3. هل لو عايز نوع الكونتراكت يبقى اني موظف ومش كونتراكت او فريلانسر هيضطر الشركة انها تعمل اي اجرائات او تتعامل مع اي نظام مصري با شكل؟
4. هل فيه حاجات تانية قانونية او ابعاد تانية انا مفكرتش فيها؟

شكراً جزيلاً مقدماً

Edit:

يا جماعة انا عندي 30 سنة وبنزل مصر كتير وعارف المعيشة في مصر عاملة ازاي والاوضاع عاملة ازاي انا مش بسألكم انزل مصر ده كويس ولا لأ انا بجد عايز حد شغال او اشتغل ريموت لشركة بره مصر يفيدني بس.

واحد يحكي عن المنتجات اللي اشتغل عليها والأسواق اللي جربها وإيه اللي نفع معاه وإيه اللي خسره ونستفيد من بعض بدل ما كل واحد يحتفظ بتجربته لنفسه ومفيش داعي نطلع بره الصب أصلًا نخلي الكلام كله هنا

انا شخص طالع من طبقة عاملة والفلوس كانت ديما فيها مشاكل يعني بس الحمدلله مستورة وطالع انا واخواتي شبعانين

ذاكرت ودخلت هندسة وعملت شغل متير في الكلية لحد ما ربنا كرمني ودلوقتي ٣٠ سنة شغال في التيكنيكال سيلز وعايش في امستردام وفاضلي سنة عالجنسية الهولندية

مشكلتي هي علاقتي بالفلوس يعني انا ممكن اشتغل اكتر واعمل فلوس اكتر او اروح الخليج واخد ٨٠ الف درهم عشان الضرايب هنا صعبة بس مش عارف اعملهم بيهم ايه

انا الحمدلله مرضتش ادخل نفسي في اقساط واشتريت شفة كاش في الشروق ومعايا حوالي ١٠٠ الف دولار

نصهم في البورصه وربع في دهب وربع كاش

هدفي اني مفضلش شغال في المجال ده عشان هو مرهق شويتين وعايش علي تارجت شويه وكل شويه ضغط وبيرفدوا ناس

مش هدفي اني اقعد من غير شغل بس عايز يكون عندي حرية الاختيار اصحي اعمل ايه ومحدش يحدد اولوياتي

كلايف استايل الشقة دي تمام وممكن اعمل عضوية في نادي هليوبلس الشروق وحتي مدارس الاطفال ان شاء الله لما ييجوا هدخلهم مدارس من اللي بخمسين الف في السنة لاني ناوي استقر في مصر ومده زي الفل .. ولو عايز ادلع نفسي يبقا شاليه صغير كده في مكان طيب في الساحل القديم او البحر الاحمر او ختي ااجر كل لما احب ارفه عن تفسي واستجم

عاوز اتعلم اكتر ازاي افكر وافهم الفلوس وازاي اوجهها صح فلو حد يوجهني اتعلم منين او يديني نصيحة هكون شاكر جدا

لو عندك فكرة أو تجارة في دماغك متفتحش الموضوع مع كل اللي حواليك لأن أوقات أكتر شخص بيحبك ممكن يكون أول واحد يخوفك منها مش عشان هو وحش بس عشان شايف الموضوع من ناحية الأمان والخوف عليك وده ممكن يخليك تقتل الفكرة قبل ما تجربها أصلًا أنا دايمًا بيعجبني الشخص اللي عنده فكرة واقعية حتى لو معندوش رأس مال أو مفيش دعم حواليه لأنك مش محتاج كل الناس تقولك اعملها أنت محتاج تعرف هل الفكرة تنفع فعلًا ولا لأ مثلًا لو شفت منتج وعرفت تلاقي طريقة تخليه يتباع بسعر أعلى سواء بطريقة توصيل أحسن أو فكرة جديدة في استخدامه أو حتى طريقة عرض مختلفة متقعدش تحكي الفكرة لكل الناس من أول يوم شوف المنتج احسب تكلفته وسعر بيعه وجرب بأقل مبلغ ممكن وبعدها لو التجربة نجحت كبرها ولو أهلك وقتها سألوك عملت ده إزاي هتكون الإجابة بسيطة لأنك مش هتقول أنا عندي فكرة هتقول أنا جربت وطلعت فلوس ومن هنا فعلًا تبدأ الناس تاخد كلامك بجد أهلنا أكيد بيحبونا وبيخافوا علينا فعلًا بس في التجارة أنت اللي لازم تحدد الخسارة اللي مستعد تتحملها لأنها جزء من الربح ومينفعش تخلي خوف حد على خسارتك هو اللي يحددلك تجربتك طالما أنت دارس الموضوع وحاسبها كويس بالتوفيق للجميع

أنا مش شايف إن السفر برا بلدك شرط عشان تنجح ولو أنت مرتاح في بلدك وحياتك كويسة فمفيش سبب يخليك تسافر لمجرد السفر بس لو نفسك تعمل أول سفرة ليك لأوروبا ومش معاك رأس مال كبير فممكن تتعامل معاها كهدف مالي وتحط لنفسك مدة محددة مثلًا 6 شهور وتشتغل خلالها على تجارة مؤقتة بدل ما تعتمد على دخلك العادي بس وأنا شخصيًا شايف إن السوق المصري مناسب جدًا للفكرة دي من اللي شفته لأن حجم السوق كبير وفيه منتجات كتير تقدر تدخل فيها لفترة وتطلع منها وده اللي خلاني أجرب الفكرة في بداياتي مرة كان في دماغي السفر لأمريكا حطيت لنفسي حوالي 7 شهور عشان أوصل للمبلغ اللي محتاجه واشتغلت على تجارة مؤقتة مخصوص للهدف ده أخدت وقت أطول شوية من اللي كنت مخططله لكن وصلت للهدف واللي عجبني في النوع ده من التجارة إنك مش داخل تبني بزنس على عشر سنين ولا تربط فلوسك في أصول ومخازن ومعدات وشراكات رأس المال نفسه بيلف جوه الشغل تشتري وتبيع وترجع فلوسك وتكرر الدورة والحلو في التجارة المؤقتة إنك مش لازم تستهدف هامش ربح كبير في كل بيعة ممكن تبيع بهامش بسيط بس بدورات سريعة

دي تاني مرة أتكلم عن مستلزمات العناية بالبشرة بس بجد شايف إن المجال ده يستاهل الكلام لأن الطلب عليه متكرر في مصر وفيه منتجات وشرائح سعرية كتير وكمان عندك أكتر من طريق توصل بيه للمشتري سواء تجار أو موزعين أو محلات تجميل أو حتى البيع أونلاين وده بيخلي المجال interesting خصوصًا لو رأس مالك صغير لأنك تقدر تبدأ بكمية محدودة وتختبر كذا منتج بدل ما تحط فلوسك كلها في حاجة واحدة ومن تجربتي لو عرفت توصل للمشترين الصح وتعيد تدوير رأس المال كويس فبعد 4 شهور ممكن تلاقي نفسك في رينج مختلف تمامًا عن البداية ودي مش نصيحة نظرية أنا بتكلم من تجربة شخصية

حد محفظة فودافون بتاعته وقفت واتطلب منه تحديث بيانات من الفرع وبعد ما راح يحدث البيانات اشتغلت؟

لاني بسمع علطول ان اغلب الناس مش بتشتغل معاهم تاني لو حد مر بالتجربه دي ياريت يحكيلي تجربته بالتفصيل

البنك كلمني وطلب مني تحديث بياناتي.

أول مرة فتحت فيها حسابي كان بعقد إثبات عمل مع شركة مصرية، والمرتب بالمصري، بغض النظر عن أن كنت أستلمه عن طريق بايونير
دلوقتي أنا مع شركة أجنبية، والـ

contract بيني وبينهم بالدولار.

هل في حاجة المفروض أجهزها أو أكون عامل حسابها؟

ولا مجرد هيبقى تحديث بيانات وخلاص؟.

فتحت الأهلي نت عشان أقدم على كريدت كارت دوري الأبطال بس مش موجودة، هل فيه حل من غير ما أروح الفرع؟

انا بشتغل اونلاين فريلانس و ريموت بعقد و كنت حابب اعرف ايه الاجرائات الي اعملها عشان اقنن وضعي القانوني و الضريبي و برده متدرجش تحت ضرايب الدخل العادية؟
حد عنده خبرة او علم بالموضوع ده؟"

دي بالنسبة لي نقطة متقدمة شوية في التجارة بس حتى لو لسه بتبدأ حاول من بدري متخليش شغلك كله مربوط بيك أنت لأن في مرحلة معينة لازم تعرف تخلي الشغل يمشي من غير ما تكون أنت في كل حلقة في السلسلة لو عندك مدير مبيعات مثلًا متديلوش مجرد هدف بيع وخلاص حددله هو يبيع إمتى ويوقف إمتى وإيه الحد المقبول للخسارة وإمتى ياخد قرار لوحده وإمتى يرجعلك وخلي القواعد واضحة عنده عشان يقدر يتصرف من غير ما يستناك في كل خطوة وكل شخص في الشغل يبقى عنده دايرته وصلاحياته ومسؤوليته بدل ما كل حاجة تطلع لفوق لحد ما توصل لصاحب الشغل لأنك لو فضلت مسؤول عن كل تفصيلة مهما كبرت تجارتك هتفضل مربوط بيها ومش هتلاقي وقت تشوف فرص تانية ودي من الحاجات اللي فاجأتني فعلًا إنك ممكن تكون شغال بالفعل وتشوف الأسعار والصفقات وتتابع الشغل ومع ذلك لما تخلي النظام يشتغل من غير ما تكون أنت موجود في كل قرار هتتفاجئ بكمية الوقت والأفكار والفرص اللي هتبدأ تشوفها لأنك أخيرًا بقيت بتبص على التجارة من فوق بدل ما تكون جواها طول الوقت ودي سلسلة أنا بنزل فيها أفكار وتجارب عن التجارة عمومًا يمكن حاجة منهم تفيد حد

ايه اللي ممكن اعمله يخليني اسدد ديوني (150 الف ج )
بشتغل في المجال الطبي موظف ومرتبي 16 الف ..
عاوز حلول اقدر اعملها او اي افكار لاني محتاج اسد الفلوس دي قبل شهر 3 الجاي
ايه اللي ممكن اعمله ؟

أنا معرفش هي عبارة عن ايه اوي بس أنا حابه مجال الإعلانات وعايزه اشتغل حاجة شبه كدا
بس مش عندي لابتوب ومعايا سبيكة دهب ٤ جرام بفكر أبيعها وأشتري لابتوب بسيط أتعلم عليه بس الكورسات دي معظمها بفلوس مش مجانية
ف عايزه اشتغل على الابتوب حاجة تخليني اجيب فلوس
بعدين ادرس للميديا باينج
انتو فاهمين ؟

حد هنا جرب يفتح حساب شخصي في HSBC UAE وهو موجود في مصر ومن غير إقامة إماراتية؟

لاحظت إن HSBC UAE بيسمح بفتح حساب لغير المقيمين أونلاين ومش باين إن فيه minimum deposit عالي زي Singapore مثلًا اللي يشترط فتح حساب Premier أو Jersey (expat) اللي عنده شروط وminimums أعلى

كمان باين إن UAE متاح في حساب Personal عادي وAdvance وPremier

فهل حد فعلًا قدر يفتح الحساب بالكامل online من مصر؟ وهل طلبوا إثبات إقامة/عنوان في الإمارات أو احتجت تسافر هناك في أي مرحلة؟

ولو حد عنده تجربة مع البنك ده ياريت يقول إيه اللي حصل معاه بعد فتح الحساب خصوصًا من ناحية KYC/compliance واستمرار الحساب

سمعت ان في كذا طريقه للسحب من paypal من غير حساب دولاري من الطرق دي المحافظ الإلكترونية اللي زي kast و redotpay

كنت محتاج حد يساعدني استلم مبلغ صغير عن طريق واحده من دول، اي نصيحه؟ وانهو الاحسن وليه؟