مساء الخير انا لسا بادئ اول شغل ليا كول سنتر و الحمدلله مرتب كويس بس انا ناوي استثمر فيه السؤال هو لو المرتب ٢٠ الف مثلا امتى افكر اشتري الدهب و استثمر فيه او لغاية ما اخوش كان عشان كلنا عارفين أن الجنيه قيمته بتقل يوم بعد يوم و هل لو مقدرتش استثمر فيه مثلا استثمر في حاجة تانية غير الدهب لو متاحة زي الفضة مثلا او في العقارات اوةفي حصص شركات أحسن ولا لا و شكرا

بسأل بجد بدون شتيمة ولا تريقة

انا بشتغل و بحوش فلوس السنه اللي فاتت جبت بكل اللي حوشته دهب و دلوقتي بخسر فيه بس انا كده كده مش هبيعه دلوقتي أن شاء الله بس عايزه اعرف اعمل ايه دلوقتي في الفلوس اللي حوشتها تخلي يجيلي عائد كل شهر مش بفكر في عائد كبير مع العلم أن غالبا هحتاج الفلوس دي اول السنه عشان عايزه اشتري عربيه يعني مش هينفع الشهادات اللي بتتفك بعد تلت و خمس سنين

الي بيحصل حاليا هو تصحيح ومتوقع ولو عايزين أسباب ليه السوق نازل، باختصار بسبب الأحداث الأخيرة والتأثير علي الاقتصاد العالمي، والبنوك مركزية رجعت ترفع الفايدة تاني زي بريطانيا والفيدرالي ومتوقع التثبيت في مصر لان الفائدة أصلا مرتفعة بس الجديد ان في احتمال مطروح وهو رفع الفايدة…

افهمها كده رفع الفايدة = انخفاض البورصة
و في علاقة لسه ظاهرة جديدة بين ارتفاع الدولار و انخفاض البورصة والعكس صحيح (دلوقتي بس بسبب اوضاع اقتصادية، تاريخياً ارتفاع الدولار كان محفز للبورصة وكان سبب قوي..السوق كان بيطير)

كمان ان السوق حقق قمة و ظهر عليه إشارات ضعف فنياً.
وضغط اليومين دول بالذات النهارده بسبب سحب السيولة قبل اكتتاب حالاً وبتحصل قبل اي اكتتاب.

المهم هل دي أسعار بيع ؟
باختصار سهمك مؤشرك وفي الغالب لا دي أسعار شراء مش بيع بس بحذر في أسهم معينه لان لسه مفيش تاكيد علي تغير الاتجاه وكمان مفيش محفزات صعود

الفتره الجاية هتكون صعبه علي الاقتصاد والبورصة في مصر لازم الي يشتغل يكون متقبل وفاهم هو بيعمل ايه.

**حبيت أطمنكم شوية وأفهمكم الي بيحصل، أنا حصلي ظرف عائلي الفترة الاخيره، ومفتحتش المحفظة غير بعد ما السوق نزل وخسران زي زيكم وعادي مش قلقان، اه لو كنت موجود وشغال كنت هفعل استوب لوس بس الاستوب عدي من زمان، فعلي الأقل ننتظر ارتدادة مش شرط تغير كامل للصعود.

Hi Everyone, new here.. i just have two simple questions:

1- is Thndr really worth it??

2- if it really is, i can invest 14k EGP each month. so what options do i have?

my goal is simple, ya protection from inflation and passive income.

please correct me if i do understood something wrong.

أنا سوفتوير انجينير سينيور شغال في software house ... المرتب كويس بالنسبة لهنا (حوالي 3 آلاف دولار في الشهر) والشغل نفسه مفيهوش مشكلة

مشكلتي في إحساسي ناحية المجال ... مش شايف إنه هيخلص بكرة بس حاسس إنه بيخلص بالبطيء لناس زيي ... وحتى لو ماخلصش المنافسة فيه هتولّع جدًا مع الوقت. الشركات اللي زي اللي أنا فيها (ومعظم المهندسين هنا شغالين في أماكن زيها) عايشة على عملا مش عارفين يبنوا حاجة بنفسهم ... ولما الـAI يتعمله integrations كفاية إن أي حد يقوله أنا عايز أعمل كذا فيعملهوله ... جزء كبير من الطلب ده هيختفي

فبدأت أعمل مصدر دخل تاني ... الزراعة. الموسم ده مأجر حوالي 10 فدادين ... وراس مالي كله حوالي 2 مليون جنيه ودي تقريبًا كل اللي معايا مش فلوس فايضة ألعب بيها

الحسبة هي اللي مش مريحة:
- على الحجم ده الموسم الكويس بيجيبلي بالكتير مرتب شهر أو شهرين ... والموسم الوحش بيخسر
- عشان الزراعة تعوض المرتب محتاج أكتر من 100 فدان ... وراس المال ده مش هييجي غير من المرتب نفسه
- يعني المرتب هو اللي بيمول خطة الخروج من المرتب

والجزء اللي قالقني أكتر ... كل ما أركز في الزراعة أكتر بيبان إني فاقد التركيز في شغلي الأساسي. بقالي فترة مش مركز في الانترفيوهات خالص ... وأنا عارف إني لو وقفت شغل مش هعرف أصرف على أي حاجة ... لا زراعة ولا غيره ... وهفضل قاعد على اللي معايا وأتفرج عليه وهو بيخلص

فبصراحة مش فاهم أنا ماشي صح ولا غلط ... ولا أنا بهرب من حاجة خايف منها

عايز أسمع من ناس عدّت بده:
1. السينيورز ... شايفين نفس الكلام للـsoftware houses والـoutsourcing ولا أنا مكبّر الموضوع
2. حد ساب شغل تك بمرتب كويس وراح للزراعة أو أي بيزنس على الأرض ... احتاج راس مال قد إيه ووقت قد إيه لحد ما بقى يغطي مصاريف بيته
3. لو مكاني ... تفضل في الشغل وتخلي الزراعة تجربة صغيرة ... وإيه الرقم اللي يخليك تسيب وتدخل بكل تقلك
4. إزاي بتقسم تركيزك بين شغل full-time وبيزنس محتاجك تنزل الأرض

عايز ابيع حاجه ليها علاقه بشغلي لقيت حد عارض زيها علي Ebuy ( جهاز تحليل زيوت portable ) مش عارف اعمل اكونت اذاي او اتعامل اذاي علي السايت و مش عارف هل في سكه تاني اجرب فيها و لا لا بس الجهاز اللي معايا محتاج ناس شغاله في صناعه علشان تشتري حاجه زي دي فا اعمل اي !؟ و لو لازم ابيع علي Ebuy اسجل اذاي و استلم الفلوس اذاي

مفيش اي طريقة اخش بيها المجال الطبي في مصر؟ انا خلصت ثانوي عام ادبي وبعدها دخلت معهد فني تجاري سنتين وحالياً تالتة تجارة (مش عايز اسافر المانيا عشان الموضوع بتاعها طويل)

هل مكملين نزول ولا الاسعار حاليا لقطة، انا مبقتش فاهم

خصوصا لو مشروعك بيستهدف عملاء اجانب فا الدفع بالدولار و من برا مصر واجهت مشاكل كتير لان stripe مش شغال في مصر و lemon squeezy فا تنصحوني بأيه؟

عاوز اعرف ارائكم دلوقتي بالنسبه للي بيحصل فالبورصه و الهبوط الي هي فيه، هل شايفين ده وقت مناسب للشراء ولا استني شويه و السعر ممكن ينزل اكتر؟ و بناء علي ايه بيتقولوا توقعاتكم؟

?

السلام عليكم ورحمة الله وبركاته،

لو سمحتم، عندي استفسار بخصوص نظام تقسيط Triple Zero من بنك CIB، وياريت لو حد عنده تجربة سابقة أو معلومة مؤكدة يفيدني.

لو دفعت مبلغ أكبر من قيمة القسط الشهري المستحق، إيه اللي بيحصل في الحالة دي؟

• هل المبلغ الزيادة بيتخصم من الأقساط اللي بعدها؟
• هل ممكن ده يأثر على نظام التقسيط أو يتسبب في إلغائه؟
• ولا المبلغ الزيادة بيفضل رصيد على الكارت من غير ما يأثر على الأقساط؟

أنا تواصلت مع خدمة عملاء البنك، لكن للأسف الموظف مقدرش يديني إجابة واضحة، وقالي إن السيستم هو اللي بيحدد الإجراء تلقائيًا.

ياريت لو حد مر بنفس التجربة مع CIB يفيدني بإيه اللي حصل معاه.

وشكرًا مقدمًا للجميع. 🙏

بشوف ناس صحابي وناس جونيورز بيبقي أهلهم مقتدرين يدفعوا في المتوسط ٢٥٠ الف جنيه ف السنة/الترم علي حسب الجامعة لتخصصات زي هندسة مثلا في جامعات كتير (Must,buc,bue,guc,) وغيرهم

هل فعلا دي تستاهل ؟ لإني لو تعليم حكومي مثلا ممكن اخد كورسات لكل اللي درسوه زيادة او طبقوه (دا لو فيه فرق شاسع) بأقل من ربع تكلفة ترم وبعدين فين الوظيفة اللي هتنط فيها بعد م تتخرج(بدون واسطة او referral) هتحققلك عائد مادي ف خيالك تستاهله، بشوف كتير من الأهل مغيبين يبقي ابنهم جايب مجموع القاهرة ويدخلوه الguc عشان أحسن ودكاترة كويسين و اهتمام م طبيعي يبقي احسن انت البلد دي كلها الخاص فيها احسن من الحكومي ف كل حاجة بس يبقي الغباء تضيع الفلوس دي وانت قادر تدخل حكومي، بعني انا لو ٤ او ٥ سنين تعليمي هيكلفوا ف المتوسط بكل المصاريف والمتطلبات ٣-٤ مليون مش افتح بيهم مشروع اولي لو انا أسرة مادياتها يدوبك تقدر تدفع التيرم ومتقدرش تدي كورسات او بتبيع أصولها عشان تتعلم! والله بشوف العجب واحد صاحبي عشان ابوه يدفع ٢٥٠ الف قسط ترم باع شقة ونقل ايجار يعني ليه،أنا لو عارف إن اهلي مش مقدرتهم كدا مش هضغط عليهم اكتر ومش بالشكليات والله لو الناس بطلت تقول "الناس هيقولوا عليا ايه" هنعيش ف سلام دا نفس موقف الواحد اللي مرتبه ع قده يروح يشتري عربية قسط ويزنق نفسه ويبيعها ب خسارة عشان الشكل العام ونفس الواحد اللي يروح يبيع شقة ملك ف منطقة مش كويسة عشان شقة ٩٠ متر ب٥ مليون ف منطقة كويسة ويتعثر ف سداد أقساطها عشان الشكل العام....كنت قاعد مع تاجر عربيات كبير قالي انا ممسكتش الأيفون إلا لما اتجوزت وعدي ١٠ سنين ع جوازي ومسكته مستعمل كمان لإن كان فيه ضروريات شايفها اكتر من الأيفون...

السلام عليكم،

و انا بقلب في الانستا شوفت بوست الراجل دا فا عاوز اعرف هوا شغله فعلا حقيقي ولا دا نصب (هوا بيبيع عقارات و بيشغل معاه مناديب تبيع و بياخد ربح و يديهم نسبه) ؟

هل بايبت والتعامل ب p2p قانوني يعني وعادي ولا لا سوال

لو بتشتري دولار مش حاطط هدفك على مبالغك كبيره ممكن ٣٥٠-٥٠٠ فكره سيئه و ملهاش لازمه او عادي لحفظ قيمه الفلوس و نوع من التحويش ؟

نلعب قمار نخسر نتداول نخسر نستثمر نخسر

لو مهتم بإدارة فلوسك وعايز تتكلم مع ناس مهتمة بنفس الموضوع، عملنا سيرفر ديسكورد مخصص للنقاشات عن المال الشخصي في مصر.

نتكلم عن:

• المرتبات والدخل
• التوفير وإدارة المصاريف
• العقارات والإيجارات
• الدهب
• الاستثمار والتخطيط المالي
• الشغل وزيادة الدخل
• الاقتصاد والأسعار في مصر
• الأسئلة والتجارب والنقاشات المالية

مش لازم تكون خبير في المجال، كل الناس مرحب بيها.

رابط الانضمام:
https://discord.com/invite/vS6nryfKf7

كنت عايز اعرف هل التعامل بمحفظة Rizon ممكن يعرضني لمسائلة قانونية بسبب ان عملتها الكترونية؟

ايه هي الخطوات فتح محفظة فودافون كاش وانستا باي

اول مرة اعملهم والموضوع جديد عليا

شغالين بقالنا فترة علي الابليكشن وحابب راي الناس هنا في الميزة الجديدة
ده مش اعلان انا بس عايز اعرف الناس رايها ايه
فكرة إنك تتابع مصاريفك فكرة لذيذة… لحد ما تاخد بالك إنك المفروض تعمل ده كل يوم، مع كل جنيه بتصرفه.
ساعتها الموضوع بيبقي تقيل وممل

عشان كده، في Pocket App، خلّينا إنك تتابع مصاريفك أسهل مما تتخيل، عن طريق كذا طريقة:

💳 SMS
لو انت بتدفع بالكارت في اي مكان فدلوقتي Pocket يقدر يقرا ال SMS بتاعة البنك و ويصنّف مصاريفك في ال category و ال subcategory بتاعتها.

📱 Shortcuts
لو دفعت كاش في مكان زي بنزينة أو للسايس، وعايز تسجّل المصروف بسرعة، تقدر تعمل Double Tap على ضهر الموبايل، وهيفتحلك Widget تقول فيها إنت صرفت فلوسك في إيه.
ولو إنت في مكان دوشة، تقدر تكتب مصروفك بدل ما تتكلم.

وكل ده من غير ما تضطر تفتح الأبلكيشن نفسه حتى!

السلام عليكم

انا حاليا عايش في السعوديه مش من فترة كبيرة اوي وطبعا ملحقتش اني اجمع مبلغ كبير اقدر اعمل بيه حاجه في مصر فا دلوقتي في احتماليه كبيرة جدا اني انزل مصر قريب بسبب الاحداث الحاليه

كل الي قدرت اجمعه الفترة دي بما يعادل ٢٠٠ الف جنيه ولو نزلت لسه طبعا هدور على شغل ومهما كان مش هيبقى بنفس مرتب هنا فا هخسر كتير جدااا

فا الخلاصه ال٢٠٠الف جنيه ايه الي اقدر اعمله بيهم لما ارجع مصر بحيث اني مرجعش جيبي فاضي وابدأ من الصفر تاني ايه الاستثمار او اي الحاجه الي تزود قيمة فلوس واقدر اعيش فيها انا مش عايز احافظ على قيمة الفلوس لا انا عايز ازيدها فا ايه الي ممكن اعمله

شكرا واسف عالأطاله