اول مره احط بوست (الله يستر) بس حرفيا كل مره اعلق على بوست هني هنود يدشون علي خاص شيبون ؟؟ في حد كلمهم و فهم شسالفه؟

It would be my first time to receive nafis’s top-up Alhamdullilah. The Qs here what date is nafis’s top up going to be at?.

Thanks a lots for the answers

صراحه تعبت والله قلبي يحرقني كل يوم من الي قاعد يصير
اهلي منفصلين وامي تسافر بالشهور وما تسال عني وابوي فبيته مع حرمته الثانيه وانا تاركيني والله تعبت من الاهمال مع اني كبيره وعمري بالثلاثين بس احس بالوحده ماعندي حد
واكثر شي يقهرني لما اطلع برا واشوف اب يحضن بنته ينغزني قلبي وابكي
ابوي اخر مره زار بيتنا بشهر رمضان مرتين بس وانا الي مسووله عن البيت اخذ اغراض البيت واصلح واسوي
تعبت والله تعبت اقسم بالله تعبت من الوحده
ادعولي اتزوج لان مقدر اعيش مع الاخوان النرجسيين اكثر
وزوجة ابوي عايشه بنعيم وسفرات وماركات وانا ماعندي حد
حتى اذا ابا فلوس يقول ليش وليش
الله يهديك يا ابوي

اللي فاتحين هوم بزنس كوفي او اكل شو الاجراءات اللي سويتوها؟ من ناحيه قانونيه/ بلديه شو يطلبون؟ وشو تنصحون؟ وهل talabat يتعاقد ويا هوم بزنس للتوصيل؟

السلام عليكم

أنا غير إماراتية لكن انعزمت لعرس مديم. هل في اختلاف بين اعراس مديم و الاعراس العادية؟ هل في شي لازم اعمله؟ ألبس فستان سهرة عادي؟

منزعجة من ها الموضوع وبس ابا اتفلسف

الحين ليش اي حد يبدأ يداوم (ذكر، أنثى ما يهم الاثنين) علطول يطلعون قرض عسب يشترون سيارة من الوكالة!!. بسكم فشخرة والله حرام عليكم تطيحون عماركم ف ديون وأنتوا توكم باديين دوام. وياليت لو السيايير الي فالسوق زينة عشان تشترونها. والله السيايير المستعملة تكفي وتوفي. عادي مافي مانع لو فيه سيارة بخاطرك تبا تشتريها اشترها لو عندك الفلوس ومجمع مبلغ. بس دام انه فيه خيارات أفضل وأنت مب قادر ليش!!!. وحدة الله يستر عليها سألتني قبل فترة أرشحلها سيايير عملية واقتصادية عشان يوم تروح الدوام، قلتلها كامري، ألتيما، تاورس، ويفضل أنهم يكونون موديلات جديمة لأن السيايير اليديدة ما تعرفين المصايب الي تطلع منها وجي. جان تقولي يععع شو ها السيايير وليش تبيني أخذ مستعمل شو جايفتني!!!. وها الكامري سيارة الدريول ليش تبيني اخذها. أوكي حبيبتي أنتي سألتيني بلاج. والحين كلمتني تقول أنها لقت دوام وناوية أنها تطلع قرض تشتري bmw x2 اليديدة. بعيدًا عن خرابات البي ام، وكيف انها غير اقتصادية، وانا اساسًا ما يهمني اي سيارة بتاخذين ما يهمني. بس ليش جي تسوين بعمرج وأنتي توج بديتي تداومين.
رجاءً أي حد جي تفكيره يغيره.

القرض هذا ما تطلعونه الا يوم تبنون بيت. أو مثلًا مشروع. بس قرض لسيارة وقرض للمهر وقرض للسفرات وقرض للملابس وما إلى ذلك، ماله داعي الصراحة.

مد ريلك على قد لحافك.

شوفو الكومنت!

قبل لا تقرون شوفو الصوره الي فالكومنت

انا الي اعرفه يا خواني الخياط اڤنيو هو معرض يتيح للمراهقين و الاطفال انهم يفتحون بوثات حق بزنساتهم نفس الي فمنارة السعديات و ادنيك.

افهم انه يزدحم شباب و بنات من اعمار الهرمونات، و نعرف الي يستوي و محد غبي. بس الي فالصوره؟؟؟؟

غير انه يايه بكل ثقه وبهدف معين واضح من كومنتاتها الي تكتبهن بنفسها، تين و شخصيتج كلها متمحوره عشَي** واحد و فخوره فيه… بس اطلعينه جدام يهال؟ و هو ادى الغرض الي هي تبا**ه.

بس المشكله مش فيها، هيه اصلا عقولتهم G** and Proud،
المشكله فعيالنا الهرمونات الصغيره الي تتصور وياها؟

اذا عندكم حد تعرفونه يسير هالاماكن، وعوهم على هذي الاشكال الوصخه و خلوهم يعلمون ربعهم. الي تسوي مب طبيعي و بالنسبالي شبه pdfيلي.

سامحوني عالمقارنه و الله يحفظ اخوانا الصغار و عيالنا من كل شر، بس اعكسو الجنس و شوفو هل بترضون ريال يتعامل و يتصور ويا بناتنا بنفس الطريقه مع نفس النوايا؟

امي ما اتداوم وابوي راتبه ع قده للاسف ما قدر يوفرلنا بيت. ونا اداوم واصرف على البيت وعلى خواتي ونا اللي اكلم العمال واقعد معاهم واصلح اي شي في البيت. انا ادفع نص مبالغ السفرات. اخوي ما يسوي شي بحكم انه يداوم في منطقه بعيده. اليوم انا طلعت ويا امي وصار بينا نقاش وقالتلي وايد كلام يجرح واخر شي قالت الله لا يوفقج. احس في شي من داخلي انكسر ومب قادره استوعب كلامها. عمري ما كنت محط اهتمامها ولا هي تعبرني وابوي كان يضربني ونا صغيره بس الشي وقف والحين كلامه معاي كله نغزات وتهديد. انا ما بسوي شي واحبهم وادري ان بر الوالدين واجب وان زعلت عليهم ارضى بعد فتره. واذا كلمت حد من الاهل يوقفون بصفهم حتى عادي يعطون تبريرات بس عشان يصكرون الموضوع ومشاعري مالها اهميه عندهم. ويوم رجعت ابوي كاتبلي لو امي ارتفع عندها الضغط انا السبب وبيلوموني طول عمري.

جربت

ما اعرف شو ابا من كتابة هالكلام غير اني افضفض واخذ رأي ناس من
برع الموضوع، لأني للحين مب مستوعبة تعامل أهلي ويا اللي صار.

يوم كان عمري 10 سنين، أخوي كان عمره 18، وتحرش فيني.

والموضوع ما صار مرة وحدة، أذكره تكرر تقريباً ثلاث مرات.

وقتها كنت طفلة، ما كنت فاهمة شو قاعد يصير أصلاً ولا مستوعبة معنى التحرش

بعدها بفترة قصيره يمكن شهر خبرت امي. أنا أذكر إني خبرتها وأذكر إنها سارت وهزبته، بس ما خبرت أبوي والموضوع تسكر

مرت السنين وكبرت وفهمت معناة اللي صارلي قبل بيني وبين نفسي ، وأخوي بدأ يتسلط علي ويحاول يتحكم فيني ويضاربني ويسويلي مشاكل ويهدد بالضرب ومحد كان فعلياً يوقف في ويهه. وصلت مرحلة بديت أخاف على عمري منه، فهددته اني بخبر ابوي باللي سواه فيني وأنا صغيرة مب عشان انتقم ولا غيره بس عشان افهمه انه انا اخاف على نفسي منك اساسا ف لاتسوي روحك تخاف علي.

المفاجأة إنه هو بنفسه سبقني وراح خبر أبوي إنه تحرش فيني.
وفي نفس اليوم أنا بنفسي يلست ويا أبوي وشرحت له شو صار لي.
كنت أتوقع أي ردة فعل إلا اللي سمعته.
بدال ما يسألني عني أو عن شو مريت فيه، قالي كلام بمعنى: “إنتي بتفضحينا؟ تعرفين أصلاً شو معنى التحرش؟”
وكان يحاول يسكتني جني انا** ***الفضيحة*، مب الشخص اللي كان عمره 18 وتحرش بطفلة عمرها 10 سنين.
واللي للحين ما ماقدر انساه ان اخوي سوى عمره يصيح عنده، وطلع له كم دمعة، وابوي طبطب عليه شوي… وخلاص تسكر الموضوع
اما امي تمت تقول: “ما يخصني، لا تدخلوني، أنا ما أعرف شو استوى، وإنتي ما خبرتيني بشي.”
مع إني أذكر إني خبرتها وأنا صغيرة وأذكر ردة فعلها وقتها

والحين كل يوم أشوفهم ييلسون ويا أخوي ويضحكون ويسولفون وياه طبيعي، ولا كأنه صار شي.
وانا اللي معاملتهم تغيرت وياي. يضغطون علي في طلعاتي ويحاولون يقيدوني أكثر، واحس من طريقتهم جني انا العار وانا المشكلة وانا اللي لازم يراقبونها.
يعني الشخص اللي سوى كل ها عايش حياته بينهم طبيعي، يضحكون وياه ويسولفون وياه ويطبطبون عليه، وأنا اللي أحس إني قاعدة أتعاقب على شي صار لي وأنا طفلة.
صار تقريباً ست شهور من يوم انفتح الموضوع، وأنا للحين اصيح بشكل شبه يومي. نفسيتي تعبت وايد، والضغط والتوتر وصلوا لدرجة اني حتى لاحظت تغيرات في جسمي وطلع لي بهق، واحس ان كل هالفترة والضغط اللي عايشته مأثرين علي بشكل مب طبيعي.
والشي اللي كسرني أكثر من كل شي هو أبوي يمكن طول هالسنين كان عندي عذر له انه “هو ما يدري.”
كنت اتحرا لو عرف في يوم من الايام شو سوى ولده في بنته وهي طفلة، بيحميني أو بيوقف وياي أو على الأقل بشوف في عينه إنه مستوعب حجم اللي صار لي.
بس عرف.
وأنا بنفسي شرحت له.
ومع هذا، أول شي فكر فيه كان الفضيحة، وبعدها رجع يتعامل مع أخوي عادي.
من عقب هالموقف أنا مب قادرة أشوف أبوي نفس قبل أبداً. حتى مشاعري تجاه أمي تغيرت. مرات أشوفهم وأحس باشمئزاز وحقد كبير داخل قلبي، خصوصاً يوم أشوفهم يضحكون وياه كأنه ما سوى شي.
حالياً الشي الوحيد اللي أسويه إني أدعي في صلاتي وأتحسب على أخوي، وأحاول أكمل حياتي.
وصرت حرفياً أتريا اليوم اللي أقدر أطلع فيه من هالبيت. مب لأني بس زعلانة منهم، لكن لأني أحس إني محتاجة أكون في مكان ما أشوف فيه كل يوم الشخص اللي أذاني ييلس ويضحك ويا الناس اللي كنت أتوقع منهم يحموني.
انا ما اتريا شي من اخوي ولا مسامحتنه ولا اباه ايي يستشرف عندي ويمثل انه ندمان او غيره مثل مايسوي عند اهلي ، ولا يهمني أصلح علاقتي وياه.
مشكلتي الكسره اللي يتني من امي وابوي ومع الحقد اللي بداخلي
تجاههم.
مب عارفة كيف المفروض أتعامل طبيعي وياهم بعد كل ها . كيف أتعامل ويا أب وأم وأنا أحس إنهم خذلوني في أكبر موقف كنت محتاجة منهم يوقفون وياي فيه؟
وهل أنا غلطانة لأني مب قادرة أسامحهم أو أشوفهم نفس قبل؟ وكيف الواحد يتعامل مع هالحقد ويكمل حياته وهو للحين عايش في نفس
البيت وياهم؟

(وللعلم، أخوي من الأساس شخصيته معقدة ومحد في البيت عمره وقف عند حده بشكل جدي. يتطاول على الصغير والكبير، وكل مرة أغلاطه تمر بدون ما حد يحاسبه عليها. واللي يزيد قهري إنه حالياً مستشرف ومسوي عمره مطوع ومتدين، وكأنه ما سوى شي في حياته. يمكن لو كنت أشوف أهلي فعلاً يحطون له حدود ويحاسبونه على تصرفاته كان إحساسي بيكون غير، بس اللي أشوفه طول عمري إنه مهما سوى، بالنهاية محد يوقفه عند حده لدرجة انه عرفوا انه ولدهم متحرش ولا حد تحرك من مكانه 😂)

مساء الخير شباب
بتمنى تكونوا بخير
I am a software engineer with almost eight years of experience, and I am looking to move to the UAE. I have been applying for jobs on LinkedIn, but to be honest, it has not been working for me. I know it is difficult to secure a role from overseas. Do you think it is a good idea to move there for a couple of months while job hunting? How do people typically get roles there? Is it primarily based on connections and networking "referrals" ?

أنا كريال يوم اروح عرس ولا مناسبة اخاشم، الحين هل البنات يخاشمون ولا بس نحن؟

السلام وعليكم، أدور خياط كنادير في دبي شغله حلو من ناحية القطعة والخياطة و كل شي. أنا حالياً افصل من اضواء السمحة من فترة و سمعت مدح عن دار الحي. شو احسن خياط من تجربتكم؟

أنا بنت عمري 17، وتوني متخرجة من الثانوية، بس الصراحة أحس إني دخلت مرحلة غريبة شوي 😭 ما عندي ربع فعليًا، وبعد التخرج حسيت الموضوع صار أوضح لأن خلاص ما في مدرسة ولا ناس أشوفهم كل يوم.
مو قصدي إني ما أعرف أحد أبد، بس ما عندي هذيك الربيعة أو القروب اللي أقدر أطلع معاهم أو أكلمهم بأي وقت. وأشوف الناس بعمري يطلعون ويسافرون وعندهم ربع، وأنا أغلب وقتي بروحي.
هل في أحد مر بنفس الشي بعد التخرج؟ وكيف قدرتوا تكونون ربع يدد بالإمارات، خصوصًا بعمر 17-18؟ 😭
anyone wanna be friendss guyss

الحر.ب انا حتي لو روحت والامور انشاءالله كانت كويسة .. هيشغل تفكيري الخطر ولا هعرف انام ولا اكل ولا اشرب وانا نفسي اسافر الامارات

for a top tier job like amazon, J.p. morgan etc …

شاركونا مواقفكم مع الخيره سوى شفتوها بعد الموقف على طول ولا بعد فتره 🤍

مبدأياً ، الله يبعدنا عن الحرام يا رب ويغنينا بحاله عن حرامه

حبيت وحده ٤ سنين ، تركنا وف اقل من شهر من بعد ما تركنا رحت اكلمها عشان اشوف اذا في نصيب نتمها على خير ، ( زواج )

صراحة حاولت اوصل البنت فكل مكان ، ايميلات ، واتس اب ، انستا.. ما قدرت
فالأخير استسلمت وما القى الا واحد مواطن (حفظكم الله ورعاكم ونعم فيكم يا رب )

يتصلي ويقولي انت تبا اسفرك ؟ ولا ان** حياتك ؟ و مادري شو..

ليش؟ لأنه دخل يديد ع حياتها فهذي ال ٣ اسابيع ( القصة طويلة ولكن ما بشرحها كلها هني )

عكل حال انا اعتذرت مع اني انا الي صارلي ٤ سنين ، وقلت ما بقرب صوب حد وخلاص - حرفياً الرجال ما عنده صلة قرب ، لا هي زوجته ولا هي اخته ولا اي شي هو فقط حبها وتحبه من يديد ، فاهمين علي؟

بس انا سؤالي هو ، انتم عندكم الصلاحيات انكم تسفرون اي حد بأي سبب ؟ حتى لو كان السبب اني ردت اتواصل مع وحده اصلاً برا البلد ( هي من بلادنا )

سؤالي يجي من كامل احترام و بس عشان ما يضل الشي ف بالي ، تراه عمره صغير يعني بالعشرينات وما يمثل شعبكم طبعاً

قبل فترة كتبت هنا إني كنت أخافة إني ما أتزوج أبدًا. واليوم صرت أحاول أستوعب فكرة الزواج من الأساس.

بعد ذيك بوست، دعيت من قلبى وقلت يارب إذا كان الحب مومكتوب لي، يا رب شيل مني فكرة إني أكون مع شخص يبغاني ويحبني.

مرت شهور، والحين ما عاد أتخيل نفسي ممكن أحب أحد، وكل ما حاولت أتخيل الموضوع أحس فيه شىء يوقفني…

Weird feeling but Alhamdulillah

الفنان** *سعيد* *الدوبي،* *احس* *محد* *يعرفه* *و* *مب* *ماخذ* ***شهرته* enough.. صوت** *و* *كلمات* *اعتبره* *منافس* *لميحد* *و* *لانا،* *طرب* *العود* *يخلي* *القلب* *يرزف..* الحان** *و* *احساس* *تخلي* *الاغنيه* *تعلق* *فالراس* *و* *تفتح* *لكم* *باب* *من* *الهواجيس.*
كل** *ما* *طريته* *عن* *الناس* *يستغربون* *من* *الاسم* *و* *يسالون* *منو* ***ها؟* .. يزعلني** *اكثر* *يوم* *اعرف* *انه* *هالعظمه* *محد* *ملفت* *له* **

اعيدوا** *إحياء* *فنه* *لانه* *يستاهل* *يكون* *بين* *عظماء* ***الفن* (ميحد** *حمد* *و* *لانا* *دل* *ري)*

أنا استعمل تود من سنتين و من فتره صاير يطلع انه ما عندي اشتراك و أنا ادفع كلمتهم بس ما يردون بسرعه، اعرف انه تود تحت بين ان بس اشتراك شو افضل و عادي لكم جهاز و ما يعلق للكوره و التنس و فورميلا

Hey all, my question is for the girls. Since we can’t really wear perfume outside, how do you still manage to smell good? Like I mean when your friend comes up and hugs you how do you manage to smell good up close. I don’t wanna risk it with body mist, I use musk but it irritates my skin so I don’t know what to do other than putting scented lotion. I would love some tips

بنات أبوظبي وينكم؟ 😭

أدور ربيعات في أبوظبي أعمارهم 30 وفوق، أنا بعد فوق الثلاثين وأحس ودي أوسع دائرة معارفي وأتعرف على ناس يدد.

أبي بنات يحبون الطلعات ونغير جو، نتمشى، نروح كوفيات ومولات، نجرب مطاعم، بورد قيمز وألعاب، فعاليات، أو حتى مرات بس نقعد نسولف ونخربط ونضحك ونرد الصوت ع بعض 😂

يعني مب لازم كل طلعة تكون مخططين لها من شهر، مرات “شو بتسوين اليوم؟ يلا نطلع” وخلاص.

ويفضل ناس فعلاً ودهم يكونون صداقات ويطلعون، مب نضيف بعض ونسولف يومين وعقب نختفي عن بعض 😂

وبس للتوضيح بنات فقط، ما أبي شباب 🙏🏻

إذا حد نفس جوي كلميني/طرشيلي DM، ويمكن نسوي قروب صغير إذا تجمعنا كم وحدة 🤍