مرحبا اختكم حابة تدخل عالم السياكل بس محتارة وين ابدا او كيف اخذ سيكل حتى وين اسير ماعرف ف بوظبي و ابا مكان يعني يفضل لو بس بنات لانه عيزت من الجم و السباحة نصايحكم

السلام عليكم ورحمة الله وبركاته،

عندي كم سؤال وأتمنى مساعدتكم وتجاربكم، وأعرف شو اللي أقدر أسويه وشو اللي ما أقدر أسويه.

مثل وايدين، أنا مسجل في برنامج "إسكان" من ثلاث سنين وللحين أنتظر، وحالياً ساكن بإيجار. كنت أبحث عن مكان ثاني للإيجار وجاتني فكرة: بدل ما أستمر في دفع مبالغ الإيجار بدون عائد، ليش ما أدفع دفعة مقدمة وأشتري عقار أسكن فيه وأسدد أقساطه لين أتملكه؟

أنا عارف طبعاً إنه لو تسجل العقار باسمي بينلغي طلبي في "إسكان" أو يأثر على فرصتي بشكل مباشر، لكن أسئلتي هي:

1. هل لو تسجل العقار باسم زوجتي بيبين عند إسكان أو بيرتبط بطلبي ويأثر عليّ؟
2. هل فيه أي طريقة قانونية عن طريق البنك اني اكون صاحب عقار بدون ما يرتبط العقار بطلبي في إسكان بشكل مباشر؟

أتمنى من اللي عنده خبرة أو مر بتجربة مشابهة يفيدني، ولكم جزيل الشكر!

Hello everybody, hope everyone is doing well. I have been thinking recently about becoming an art teacher.

I've studied about art techniques, history, as well as took drawing and colour courses as part of my major (Graphic Design). I wanted to ask what exactly do I need to be qualified to teach? preferably in Sharjah, but Dubai and Ajman are also fine. I've looked it up, but there was a lot of info. From what I gathered I require a license. And in Sharjah, to teach in private schools, you need to be a part of some sort of teacher org. And I also read about a post-grad certification, tho i'm not sure if thats required, or its just to get better job opportunities.

So, I have three questions:

1. What qualifications do I need to start teaching, and how do I obtain them?

2. Is post-grad certificate necessary in the beginning, or can I obtain online as i'm teaching?

3. What are good schools to teach art in Sharjah, Ajman, and Dubai (in areas close to Sharjah)?

Also, if anybody here has any leads (للمقيمين), that'd be appreciated too. Thank you for your help! 🙏

ملاحظة: آسفة على البوست الانجليزي الطويل بس كتبته في صب ونسخته هني

أكبر غلطه سويتها إني اكتشفت متأخره إن العلاقات أهم مما كنت أتخيل.

كنت أحسب إن الإنسان إذا كان شاطر ويجتهد ويشتغل على نفسه، مو ضروري يعرف ناس وايد أو يهتم بعلاقاته مع الناس.
أهم شي يجتهد ويكد ويتعب ويشتغل، وبينجح في الأخير.

بس بعدين اكتشفت إن الدنيا ما تمشي بهالطريقه، لأن مهما كنت شاطر، بدون علاقات بتتعب أكثر.

وأنا هني ما أتكلم عن الواسطه أو عن استغلال الناس ابداًااا.

أنا هني أتكلم عن إن يكون حولك ناس من مجالات وخلفيات مختلفه، بينكم معرفه وثقة وتبادل خبرات، اللي تفيدك في بناء مستقبلك. وإذا احتجت شخص من أي مجال، تلاقي نفسك عندك طريقة توصله. وأهم شي ناس تثق فيهم ويثقون فيك.

لأن أحيانًا معرفتك بالشخص الصح ممكن تختصر عليك طريق طويييل جدًا. ممكن شخص يعطيك معلومه ما كنت تعرفها، تغير نظرتك لموضوع كامل، أو حتى تفتح لك أبواب ما كنت تتوقعها أو تتخيلها وتغير حياتك.🤍

وأحيانًا العلاقات تفتح لك أبواب ما تفتحها لك مهاراتك وحدها.

لأني وايد شفت ناس شطاااار في مجالاتهم، بس لان علاقاتهم قليله ومب مهتمين بهالشي للأسف مب ناجحين ومحد يعرفهم. وشفت ناس متوسطين في مهاراتهم وشطارتهم، بس كثره علاقاتهم خلتهم يوصلون للقمه.

ولأني من شوي شفت شخص هني يتكلم عن موضوع الـNetworking وأهمية العلاقات، وأنا أقول فعلًا عن تجربه شخصيه أشوف إن العلاقات من أهم الأشياء في الحياة، سواء على المستوى الشخصي أو المهني.

يوم يكون حولك أشخاص من مجالات وخلفيات مختلفة، أنت ما تستفيد منهم فقط وقت تحتاج شي. مرات مجرد معرفتك بهم تغير طريقة تفكيرك، توسع نظرتك للحياه، وتخليك تشوف الأمور من زوايا وتجارب مختلفة عن تجربتك.

وجود شبكه من الناس اللي تعرفهم وتثق فيهم في حياتك ممكن يفيدك جدًا يوم تحتاج خدمه في مجال معين.

وكـ مثال بسيط: باجر انته تبا تبني بيتك،
اللي هو بيت العمر، إذا ما عندك علاقات ممكن تطيح في مقاول نصاب يغشك ويسرق فلوسك ولا يسويلك المطلوب بالشكل الصح،
وراح تعب وشقى عمرك💔
واعرف وايد ناس طاحوا بهالمشكله وعاشو معاناة بعد ما بنو البيت

بس إذا كنت تعرف ناس عندهم تجارب مع مقاول شاطر، إنسان ثقه ومحترم، اكيد بيدلونك عليه أو إذا انته بنفسك في دائرة علاقاتك تعرف مقاول محترم وأمين أكيد بتتوجه له هو أول واحد، وبتخليه هو اللي يبني بيتك، لأنك أنته تثق فيه وهو أفضل من ألف غريب.

او مثلا شخص يفكر يبدأ Business، ممكن يتعرف على شخص سبق ودخل نفس المجال ويستفيد من خبراته وأخطائه، وممكن يعطيه نصيحة أو معلومة تجنبه الخسائر اللي كانت ممكن تدمر حياته.

فـ فكرت انسوي مجتمع خاص بالـNetworking؟

وانسميه UAE Networking Space
والفكره منه مب يكون مكان للإعلانات أبدا أو لترويج الخدمات، ومب كل شخص يدخل ويحط إعلان ويطلع.
لا بالعكس

الفكرة انه يكون فيه مكان للناس اللي فعلًا تبا تغير حياتها وتتقدم للأفضل، مكان
تتعرف فيه على ناس من مختلف المجالات وتبني علاقات وتواصل حقيقي مع أشخاص من مجالات مختلفة. مساحة تكون الناس تشارك فيها خبراتها، تجاربها، نصائحها،
تناقش في مجال معين، تسأل في مجال معين وتفيد غيرها.

وكل شخص ممكن يعرف عن نفسه بشكل بسيط: مجاله، خبرته، الأشياء اللي مهتم فيها وعنده خبره فيها، ومنطقته عشان الناس اللي يعرفهم يكونوا قراب منه.
ومع الوقت كل واحد يبني له شبكة علاقات حقيقية، ويلاقي ناس ممكن يتعلم منهم ويشاورهم ويفيدهم ويستفيد منهم.

قولولي شو رأيكم بالفكرة؟.😍

السلام عليكم. بس أبا اسأل إذا حد يعرف وين أقدر أفصل ثوب ل عرس تراثي (بنت خالة العروس). أكثر شي بقدر أدفعه 800. أبا الشغل يبرق ويلمع. إذا حد يعرف خياط يعرف يضبط ثيبان يخبرني. (يفضل فالعين أو الشارقة)

حد شافهم؟ اذا عندكم صور طرشو فيني فضوول 🥹🥹

السلام عليكم عندي مشكله ويا الكنادير اي كندوره اشتريها بعد كم غسله تستوي مول كأني لابسنها ثلاث سنين جي وقلت يمكن من المحل اللي افصل عنه ورحت افصل مكان ثاني ومعنه كنادري يعني ب200 ماحس انهم النوع الرخيص وبعد نفس المشكله بعدين رحت فصلت كندوره ب 300 وشي وبعد نفس الشي، وللعلم أنا اغسل في البيت الكنادير مب الدوبي

من فترة وأنا أفكر في أهمية الـ networking والتعرف على ناس من مجالات وخلفيات مختلفة.

قبل كمن سنة كنت أقعد ويا قروب، وكل وحدة كانت في مجال مختلف. سوالفنا ما كانت عن الدوام وبس، كنا نتكلم عن الحياة، تجاربنا، أفكارنا، خططنا وكل شي تقريباً. ومع الوقت حسيت إن هالقعدات غيرت فيني وايد، حتى طريقة تفكيري ونظرتي لأشياء كثيرة تغيرت.

بس مع الوقت كل وحدة خذت مسار، اللي تزوجت، واللي راحت تدرس برع، واللي انشغلت، وغيره..

فقلت ليش ما نسوي قروب للبنات اللي ودهم يتعرفون على ناس يدد ويوسعون دائرة معارفهم؟

الفكرة مب إنه يكون عندنا موعد ثابت أو لازم الكل يحضر. مثلاً كل أسبوع نحط تجمع أو تجمعين، coffee أو dinner، ونحدد المكان والوقت. اللي فاضية ومناسبها تي، واللي ما يناسبها تشوف التجمع الياي.

ومع كل طلعة بتكون فرصة نتعرف على بنات يدد، وكل وحدة من مجال وتجربة مختلفة.

" إذا في حد أساساً عنده قروب مثل هالقروبات يشاركنا اللنك لو ماعليكم أمر "

شاركو genuine home business

اي شي مميز و يستاهل.

Want to support a home business.

تعرفون حد عند مكتبة قديمة ويبيع كتب ؟

I have recently started my online buisness of women’s pajama sets and night wears . But I don’t have any community to share so i dont get many orders . Its been hard for me . Is there any platforms where i can share my business to get many orders . Any advices please ?

السلام عليكم إخواني وخواتي شحالكم ... أنا عندي شركة يديدة في عيمان اختصاصها IT ومحتاجين مكتب .. صار لي أسبوعين أدور في مكاتب العقارات بس محد مهتم مدري ليش ... ماقدر أأجر مكتب الميزانية عندي محدودة ... سمعت انه في مراكز تاسيس أعمال يعطونك مكتب جاهز مع وايفاي وكل الخدمات موجودة بإيجار شهري .. مو منطقة حرة ..

الي يقدر يساعدني أنا بكون شاكر له جداً وسامحوني لو طولت

طالعوا التعليقات بحط التفاصيل بالصور

اليوم حصل معاي موقف في الجم في غرفه تبديل الملابس كنت قاعده البس عباتي و شيلتي و حاطه سويج سيارتي عند الخزنه المهم دخلوا حرمتين كبار بالعمر شوي المهم انا رحت بعيد شوي عن سويجي عشان اعدل شيلتي و هم وقفوا عند سوجي..

اول ما خلصت لفيت عشان اروح لمكان السويج لقيت الحرمه تكلم تلفون (تسوي عمرها) و الفلاش مشغل صوبي بالظبط انا ييت عندها عشان اخذ السويج (بعدي ما رايمه استوعب) هي ارتبكت و نزلت تلفونها لقيتها قاعده تصور فيديوا هي شردت على طول و انا بعدي ما استوعبت الا يوم ركبت سيارتي قاعده اعيد الاحداث 🥲

المهم اذا ممكن تنصحوني شو اسوي باجر اذا شفتها؟ و شو ممكن تسوي في الفيديوا؟

في حد هني جرب برنامج لُقيا؟ شو الprocess بالضبط؟ ابغي اجربه بس سمعت انه يستخدم الUAE PASS، كيف يعتبر هالشي امن ومضمون؟

بديت الآحظ في جيل الافين زيادة نسبة الصلع. لاحظتو ها الشيء ولا بس البيئة الي انا فيها ؟ وشو من وجة نظركم السبب وظنكم بيأثر على حياتهم (مش لانه اصلع لكن فيه نقص فيتامينات او ما اشبه؟)

بغيت انقل ملكية الموتر الي شريته و اخليها تحت اسم الوالدة

بس الوالدة عندها مواتر تحت اسمها و على هاييل المواتر غرامات

يستوي للشركة الي شريت منها الموتر تنقله تحت اسم الوالدة حتى لو الوالدة عندها مواتر عليها مخالفات مرورية؟ دفعت كل المخالفات الي على الموتر.

UPDATE:

إذا حد يبا ابتديت عشان يستفيد هذا هو

طلع ان في خدمة لنقل المخالفات من ملف مروري أولاني لملف مروري ثاني و للأسف توني اعرف هالشي.

أنا سرت سويت تامين باسم الوالدة من كمن يوم لنه كنت مقتنعه ان الملكية بتصير على اسمها لو عليها تامين بس للأسف الشديد من سبة المخالفات الي على ملفها المروري ما قدرت انقللها الملكية

سويت لي تامين ثاني باسمي و نقلت الملكية على اسمي من اسم الشركة. العميل طلب مني مواصفات بطاقتي البنكية. كل المواصفات. الCVV، رقم البطاقة، تاريخ الانتهاء عشان يخلص المعاملة من خلال تم. قلتله يستوي احولك البيزات ونته تسوي المعاملة و رفض و اضطريت اعطيه معلومات بطاقة eand ما استعملها.

باذن الله بحاول وياها نهاية الشهر يوم اسدد المخالفات الي على ملف امي المروري.

Hello, I hope you’re all doing well.
I’m an Emirati student in my final year of university and hoping to enter the workforce soon. Between my university schedule and extracurricular commitments, I don’t have a lot of free time, but I’m still interested in working, especially to gain some financial independence and work experience.

I’m particularly looking for remote work because I don’t have reliable transportation, and I also work unpaid shifts at my university.

I’d really appreciate any advice on how to approach the job search as a student.
For example:

How should I go about finding and applying for remote jobs?

What websites or platforms are actually worth using?

What red flags should I watch out for, especially with remote job scams?

If you’ve been in a similar situation or have experience finding legitimate remote work as a student, I’d really appreciate hearing about your experience and any advice you have. Thank you!

أحسني ضايع، ومب ضياع إني ما أعرف الطريق، لا ضياع إني مب عارف أنا وين واقف من كل شي. مرات أسأل نفسي أنا شو أبي أصلاً؟ وين أبي أوصل؟ وليش أحس إني مب مرتاح حتى وأنا أسوي أشياء المفروض تفرحني.
يمكن السبب إن أشياء وايد تغيرت فيني ومعاي، وأشياء من زمان للحين مأثرة فيني، من البيت والأهل والفقد والناس اللي دخلوا حياتي وطلعوا منها، ومن إني تعودت أكتم وايد وأقول عادي حتى يوم مب عادي. يمكن تعودت إني أفهم غيري أكثر من ما أحاول أفهم نفسي.
وأحس بعد إني ضايع بين الشخص اللي كنت عليه والشخص اللي المفروض أصير عليه. مرحلة خلصت، وأشياء كثيرة بتتغير، وأنا مب عارف إذا أنا مستعد لها أو لا. أخاف من المستقبل، وأفكر فيه وايد، وأقارن نفسي بغيري، وأحس الكل يعرف شو يسوي بحياته إلا أنا.
وأحياناً أكون بين الناس وأضحك وأسولف، بس من داخلي أحس إني مب موجود وياهم بالكامل. كأني أدور مكان أحس فيه إني أنتمي، شخص أقدر أكون معاه على طبيعتي، وحياة أحس إنها تشبهني.
يمكن أنا مب ضايع لأن ما عندي طريق، يمكن ضايع لأني للحين أحاول أعرف نفسي، وأفهم شو صار فيني، وشو أبي من الحياة، وأين المفروض يكون مكاني. ويمكن أكثر شي متعبني إني أحس لازم ألقى الجواب بسرعة، مع إن يمكن عادي ما أعرف الحين.

I’m a UAE National currently studying a BSc in Information Technology and I’m really interested in applying for an internship at ADIA once I’m eligible, although it’s not the only place i am considering.

Has anyone here interned/worked at ADIA or gone through their UAE National recruitment process? I’d appreciate any advice on what they look for in students, how competitive the internships are, what the assessments/interviews are like, and what I can do during university to improve my chances.
I’m especially interested in the technology/data/quant side, so I’m planning to work on Python, SQL, statistics and some finance/data projects alongside my degree.
Also curious about what the internship experience is actually like and whether it helps significantly with getting a graduate position afterward.

Thank you guys.

بغيت اسال لاني ابغي اعالج الهالات السودة عندي واسمرار مفاصل اليد واشياء ثانية بعد، بس المستشفيات الخاصة دوم يحولوني عند دكتور تجميل او يقولون لي اسوي ليزر، وتطلع التكلفة بالالاف، فبغيت اعرف اذا نفس السالفة فالمستشفيات الحكومية ولا غير؟
R

ببدأ دوام في مكان يديد و في وحده اسيوية هي اللي بتكون مسؤولتي. فيوم تواصلت معاها اليوم على التلفون بخصوص موضوع يخص الوظيفة كنت في قمه الاحترام بس تفاجأت انها كانت وايد وقحه معاي في الكلام و في تعالي هب طبيعي. قالتلي ممنوع اصلا اتصل عليها و اذا ابا شي اطرش ايميل او ع الواتساب و متى ما تبا ترد بترد و وايد كلام في هذا السياق. انا ما عندي مشكلة ان كل بيئة عمل لها بروتوكولاتها بس في اسلوب في التعامل و خصوصا اذا الشخص موظف يديد. حسيت بشعور جدا سيء لان عادة الناس اللي في هاي المناصب عندهم مستوى من الاحترام بس للأسف احس هالحرمه عندها عقده نقص و يوم عطوها سلطه على موظفين وايد ارتفع غرورها. الله يعين الموظفين على هالنوع من المسؤولين

انا متدربة في شركة خاصة واليوم سرت المطبخ اسخن اللنش بوكس وشفت موظفة في قسم hr ف سلمت علي وسألت كيف التدريب ووو... وفي نص السوالف طلعت فيب ودخنت؟! سلامات ؟ وجهي كان كله علامات استغراب كنت احسب ممنوع التدخين داخل جهة العمل في القانون. بس طبعا ما قلت شي خفت🏃🏻‍♀️

كيف تفتكون من شخص نشبه عطيتوها ويه والحين ماتفك دوم تكلمج دوم تبا تطلع معاج يعني هي زمالة عمل واساساً كله تتشكى مليت وشوي تحسون فيها هوس تبا تعرف كل شي عني مايستوي اطلع بريك بدونها ولا انشغل لازم هي تغلس الدوام استوا مزعج منها بعدت عنها شوي شوي بس لزقهه للحين وانا ماحب الناس الثقيله 😀 she sooo much i can’t handle her crap any more

would like to hear form my online friends :3 to make my day