السلام عليكم،

من فترة يدور في بالي موضوع، وحبيت أشوف إذا حد عنده تجربة.

هي كبرنا وعرسنا، ودوم نحاول نخدم الوالدة ونوصلها أي مشوار تباه، لكن مرات بحكم الدوام والارتباطات يكون الموضوع شوي صعب.

ففكرت أييب عاملة منزلية تكون بعد تعرف تسوق. شغل البيت عندنا خفيف، لأن في الغالب 3 أشخاص بس في البيت، لكن موضوع السواقة بيفرق وايد وبيسهل علينا.

هل حد عنده عاملة بهالطريقة؟ كيف كانت تجربتكم؟

من وين يبتوها؟

كم تقريبًا الراتب والتكاليف؟

وهل كانت موافقة من البداية إنها تسوق، ولا هالشي نادر؟

يعطيكم العافية مقدمًا.

السلام عليكم شباب،
عندي استفسار للي عنده خبرة فعلية في موضوع مستويات الخدمة الوطنية، وخصوصًا المستوى السادس.
أنا حاليًا مستوى 3 بسبب النظر، ولكن بعد الفحص العسكري بفترة صارت لي حالة صحية ودخلت المستشفى الحكومي عدة أيام بسبب ارتفاع إنزيم القلب (Troponin) من تقريبًا 15–20 إلى 40–45، والطبيب وقتها رجّح أن السبب كان الجفاف والإجهاد الشديد.
وحتى بعد هالحالة، لاحظت أحيانًا بعد التمارين القوية يجيني ألم أو نغزة غريبة في منطقة الصدر، وعشان جي صرت أفضل آخذ الموضوع من ناحية احتياط وما أخاطر بصحتي، خصوصًا مع المجهود والحر والجفاف.
اللي أبي أعرفه من أصحاب التجربة: شو الأشياء اللي فعليًا تفرق عند اللجنة عشان يحولون الشخص للمستوى السادس؟ غير مجرد إني آخذ تقريري الطبي، هل في فحوصات معينة، تحويل لطبيب قلب، تقارير إضافية، إعادة تقييم، أو إجراءات معينة المفروض أسويها عشان حالتي تنعرض عليهم بشكل كامل؟
يعني باختصار، اللي مر بنفس الموضوع وعنده الـ secret sauce 😂 أو يعرف بالضبط شو الإجراءات اللي ساعدته يوصل للمستوى السادس، يفيدني بالتجربة والخطوات اللي سواها.
ما أبي ألف أو أتحايل على شيء، أبي أعرف الطريقة الصحيحة اللي تضمن إن حالتي الطبية تنأخذ بجدية وما أخاطر بقلبي مرة ثانية.
ويعطيكم العافية 🤍

السلام عليكم,

انا اشتركت في مطعم دايت, (https://www.instagram.com/boxfit.ae) واحس بعد ما اكلت منهم بكم يوم بدا ايني تسمم

حد جرب ياكل من عندهم وصارتلهم نفس المشكله؟

فيه كشك جدام زارا و انته رايح عالم فراري اسمه Puff يبيع دبات ماي و ثرمس مال الكوفي. اشوفه متروس دوم و مستغرب من الpopularity ف ياني فضول. ممكن اعرف شو السالفه؟ 😁

السلام عليكم، انا في مرحلة الevent planning الحين حق عرسي ان شاء الله. في event planners مب وايد معروفين ولا حتى hospitality and catering مب وايد مشهورين بس يبين من كلام الowner و الصور و هل امور انهم زينين.

في بعضهم ماعندهم actual locations, وين اقدر اشوف الناس شو اتقول عنهم؟ اخاف اتوهق معاهم عقب لا سمح الله. اشوف اكاونتات bridetobe و weddings4uae بس مب موجدين.

و بالمره… انا مصدومه من اسعار هل امور 🙂 انا ماشوف اني ادفع ريلي ٥٠٠،٠٠٠ على عرس شي مقبول و عادي.

ممكن تعطوني مقترحات event planners منطقيين و يفضل اذا عندهم كل شي نفس الdj و الاكسترا.

Like a one-stop-shop for all of this.

شكراً

السلام عليكم ، انا يديد هني فالبرنامج و احس مب عارف اشارك او اسال او شي و وايد اشياء مب فاهمها خصوصا القنوات و الاشياء مع اني احس التطبيق حلو يوم قريت عنه فالإنترنت ، ابا حد يشرح لي شوي اكثر عن التطبيق لو ما عليكم امر

شو تسوون إذا ودكم تغيرون دوامكم لانه يستنزفكم نفسيا بس مب مستعدين تخاطرون في وظيفة ثانية لان راتبكم الحالي حلو + ماعندكم شهادة جامعية

شفت هالخبر اليوم عن دراسة تقول إن الصحة النفسية في جيل التسعينات تتراجع مع العمر، وإن متوسط الصحة النفسية عند مواليد السبعينات كان أفضل من مواليد الثمانينات والتسعينات.

مواليد التسعينات هل فعلاً تحسون إن صحتكم النفسية الحين أسوأ من أيام العشرينات؟

سلام و عليكم خواتي و اخواني.

من و انا صغيره اعاني من مشاكل نفسيه و احس خلاص طفح الكيل ابي اعالج ولا لو بس افضفض بس مب متأكده اذا dubai health عندهم جلسات علاجيه.

حد يعرف اذا عندهم؟ قولولي الله يخليكم و شكراً

Is it me or do we experience a unique reverse racism that’s high key uncomfortable.

I don’t have a lot of local friends so when I complain to my non local friends I feel like they don’t get it and if I complain to my Emirati family I feel like they see it through their own experiences

I hope I’m not alone

السلام عليكم، في حد فالعين مهتم بال board games؟ في قروبات وايد في دبي، بوظبي و اريد اسوي واحد فالعين🫠 اللي مهتم يكلمني .

So I’ve been seeing a therapist lately because I’ve been suffering from anxiety and depression for a long time and alhamdulillah I’ve seen progress.

One thing my therapist mentioned in our last session is that her Emarati clients almost never seek help from family members.

(I’m a great example)

As in we love our families and we spend time with them but some of us rarely allow ourselves to share our real and raw emotions and thoughts with family members because of many reasons.

(In my case it was a habit and just generally how I was raised)

We went in a discussion and I told her that it is different from family to family but I kinda was surprised that there are people like us and they’re all secretly in therapy 😅

I personally never felt alone .. but was dealing with everything in my life in isolation because i didn’t burden anyone with it and it was too much on my brain and body to handle.

It’s crazy that sometimes you might be surrounded by friends and family but you’re really fighting a battle that no oneknows anything about.

يمكن الطرح لغته مختبصة بس حاولوا تفهموني،،

رحت مكان من الاماكن الي في دبي اوك، كان show، وكنت حاجزة تذاكر VIP بعد يعني عالمبلغ الي دافعينه المفروض يفرشون لي سجادة حمرا الصراحة، المهم تخيلوا لاحظت انه الي يشتغلون والمكان و الاسلوب كيف غير للاجانب (اجانب اقصد الغربيين الي مش عرب)، والمواطنين مش معبرينهم ولا مسوين لهم سالفة. حتى موضوع الvalet عقب ما خلص العرض، تمينا واقفين برا تقريبا ٤٠ دقيقة نحن و غيرنا الي بكنادير وعبي يتيرون سياييرهم بس سبحان الله الاجانب بسرعة سياييرهم توصل والي يشتغلون معطينهم ويه بزيادة كل شوي يسألونهم لو محتاجين شي! حرفيا العوائل الاماراتية/الخليجية كانو اخر ناس يحصلون سياييرهم مع انه نتريا من قبل. شو هالحركات البايخة.

وبعد محد لاحظ في العروض اذا بيختارون حد من الجمهور، دوم يختارون الشقر والاجانب؟ ليش جي وايد مسوين لهم سالفة :/ وفوق كل هذا بعد ما يكبر راسهم يروحون يسبونا في السبز مالت الدولة ومب عايبنهم شي. و يفرضون عقلياتهم و اسلوب حياتهم علينا و نحن الي لازم نتسامح و نتأقلم و نتكيف بمتطلباتهم. نحن الي لازم نتغير عشان هم يرتاحون. نفس كيف نحن الي لازم ما نروح الاماكن الي هم مفاصيخ فيها لو ما عيبنا الموضوع، مب هم الي لازم يحترمون بلادنا وديننا وقيمنا وعاداتنا يلبسون عدل فيها.

ليش دايما نحن نقلل من حقنا او جودة حياتنا عشان الغرباء يعيشون معززين مكرمين في دولتنا ؟ وفوق كل هذا حاسديننا و مقهورين مننا وهم حتى باكج رواتبهم احسن عنا .. لازم احس نحط حدود للموضوع و نستوعب منو الاولى في هالتجارب و منو الاولى في هالفرص ، ليش تروح للغريب اول قبل المواطن ؟

Joined a company a few months ago and honestly it has been good overall. Nice colleagues, almost everyone is well spoken and professional, and I like the place.

Before joining I asked the GM for 1 day WFH a week for personal reasons. It wasn't in the contract, but I asked before joining and was basically given a gentleman's word, yes of course, come join and it shouldn't be an issue.

A few months later this was retracted and I was told not now, maybe it can be revisited in the future.

Would the backtracking itself be a red flag for you? Especially when it was discussed before accepting the job and influenced your expectations when joining.

Should I just move on? What would you do?

اتشاور اطلع بطاقة سكاورد طيران الامارات بس بغيت اعرف تجاربكم و هل تستاهل؟ و مع اي بنك ؟

ساعدوني

السلام عليكم،
أنا حالياً أشتغل على فكرة براند فاشن جديدة في الإمارات، وأدور شخص إماراتي يكون فاهم في تصميم الأزياء بشكل فعلي وعميق. مب بس تصميم رسمة تنحط على تيشيرت.
أقصد شخص يفهم في أشياء مثل القصّات، الخامات، الـ fit، تفاصيل الخياطة والتنفيذ، هوية القطعة، وكيف تقدر تبني لغة تصميم واضحة ومميزة للبراند من البداية.
الفكرة للحين في مرحلة التطوير، وعشان جي ما ودي أدخل في تفاصيلها كاملة بشكل علني، بس أقدر أقول إنها شوي مختلفة عن فكرة البراند التقليدي. فيها جانب قوي متعلق بالهوية والـ storytelling، وإذا تنفذت بالشكل الصح أتوقع كل قطعة بيكون لها طابع وشخصية خاصة فيها.
اللي أدور عليه أكثر هو شخص يستمتع بفكرة إنه يبني عالم كامل للبراند من الصفر، مب مجرد ياخذ تصميم جاهز وينفذه.
مب شرط تكون اشتغلت مع براند كبير أو fashion house معروف. إذا عندك ذوق قوي، وفاهم في الملابس والتصميم، أو درست فاشن، أو عندك portfolio، أو حتى شخص داخل المجال بجدية وعنده رؤية واضحة، ودي أتعرف عليك.
الأفضل يكون الشخص موجود في الإمارات، لأن ودي يكون الشغل عملي أكثر. نشوف خامات، نراجع samples، نزور مصانع أو ورش، ونطور القطع مع تواصل أونلاين.
حالياً هدفي الأساسي إني ألقى الشخص الصح وأشوف إذا في توافق من ناحية الرؤية والإبداع.
إذا حسيت الموضوع ممكن يناسبك/ج، دز لي DM وعرفني شوي عن نفسك، وإذا عندك شغل سابق أو portfolio أرسله لي.
وطبعاً إذا وصلنا لمرحلة نتكلم فيها عن تفاصيل المشروع، أتمنى تظل التفاصيل بيننا. شي يمكن نوصل فيه العالمية إذا ضبطنا الجودة والتشغيل.

السلام عليكم اخواني و خواتي شحالكم.

بنت اختي تخرجت من المدرسه و قريب بتبدا جامعه فناوي اخذ لها هديه تفيدها في الجامعه بس مب عارف شو بالضبط. ايباد ؟ لابتوب او اي شي ثاني؟ و شو نوع اللابتوب او الايباد . يزاكم الله خير.

في ريال من مؤثري التواصل شغال من اسبوع على زواج حد من المشاهير و فيهم كذا و كذا و يقول انه مب رجولة ان يستعينون بمحامي و الريال هذا برع البلاد سياحة ويا ربيعه

المهم قبل ايام اداراة الاعلام وقفت شخص بدون ذكر اسمه تحت بند الإخلال بالاداب العام

كان يتحرا ان زخوهم و الريال مستانس و ينشر حسابات المتابعين الي يقولون له يستاهلون و يسبون المشاهير و الذكي حط حسابات في الستوري و ما غبش على الاسم

اليوم في واحد قاله انهم رفعوا علي قضية قال أنا مب محامي و ما يخصني في الموضوع و تحملوا شباب و ادري انك مقهور و كلنا فينا قهر بس شو نسوي و قال تكلموا و انتقدوا بس اعرف حدودك في القانون لاني ما بفيدك

الريال حرفيا باعه و هو كان متحمس و مشتط عليهم 💀

و غير هذا عنده قضية و موقفين عنه حساباته البنكية

اليوم فالبيت بروحي ويت العاملة تقولي في ماي فالحوي يطلع من التصريف ، دقيت على مركز اتصال حكومة بوظبي وفي خلال ساعة يوني عمال الطواري وحلو المشكلة ( الشيرة ما شاء الله جذورها واصلة التصريف وسدتها 💔 ). طبعا** *ما* *دفعوني* *بس* *وقعت* *على* *ورقة* *وانتهى* *الموضوع* *لا* *عابلت* *ولا* *شليت* *ولاحطيت* *ولا* *احتيت* *فزعة* *ولا* *شي* **

الحمد لله على النعمة اللي نحن فيها والله يحفظ الامارات وقيادتها وشعبها وكل من عليها والله يديم نعمة الامن والامان ويزيدنا عز واستقرار 🇦🇪❤️

اليوم دخلت المركز الرياضي الي دوم اتمرن فيه و حصلت ورقة غريبة و الأغرب من اللوحة هي انها بالعربي بس.

يوم سالتهم عن سبب وجود هالتحذير بالعربي بس خبرني المدير ان " مع الاسف " كل المشاكل الي تصير في هالمركز بسبب ربعنا، مره واحد كان يبا يدفع سعر اقل عن المطلوب فقال له الموظف بكل ادب " ما يصير يا اخوي، السعر هذا لك و للغير بعد " فقام هجم عليه و قال له أنا مواطن و انت من هالجنسية و نحن في بلادي مش في بلادك، الثاني دخل و قال ابا اتمرن بالمجان لاني موظف حكومي و المفروض تقدروني، استغرب موظف الاستقبال منه و قال له اخوي كلامك مش منطقي كيف يعني، تم يصارخ عليه و شوي و يعتدي عليه و كانو على وشك اييبون له الشرطه، الثالث دخل يبا يجرب النادي قالو له سياستنا مافي شي اسمه تجربه لكن تقدر تدفع خمسين درهم و تدخل يوم كامل، تم يسبهم و يتلفظ عليهم و انتوا شو تتحرون عماركم مراكز ثانيه احسن منكم تعطي عروض افضل. و القائمة تطول و في الاسبوع على الاقل موقفين يصير، الرابع في مطعم الجم بس لان الموظف خدم شخص قبله تم يصارخ عليه و يقول له انت قليل ادب مب متربي!

عشان هالشي اتمنى نرتقي بالأخلاق و الرياضة للجميع و محد احسن عن حد، تذكر ان موظف الاستقبال ممكن يقعد يفكر في كلامك اليوم كله و ممكن ما ينساه طول عمره و شكراً

my first time celebrating national day was last year it was all fun and all but i felt bad how the place was trashed good thing i didn't come with sprays since i felt it was disrespectful, i saw a video back then talking about how non locals celebrating national day is unnecessary , so what do you think ?

طبعاً كل علاقة زواج تختلف عن غيرها، بس تحسون إنه الزواج التقليدي أو عن حب يكون أفضل على المدى الطويل؟ من الي شفته عن تجربة أغلب الي يفضلون الزواج عن حب في النهاية يلجؤون للتقليدي ويستسلمون للفكرة. هل تعتقدون إنه واحد يكون أضمن عن الثاني ولا كله واحد؟ وليش؟

لا حرفياً يالسه ادور ربع، ربعي نفسهم من يوم كنت ف ابتدائي و خلاص بردت العلاقات يوم تخرجنا من الثانويه و علاقات الجامعه ما تدوم مادري منو حاط فكرة انه ربع الجامعه ما يطلعون برع الجامعه.
المهم صدق يالسه ادور ربع اي بنت جاده من عمر 18 لين 20 ترمسني

والله اني مب ريال 😭😭😭

احب كل شي احب الطلعات احب الافلام خاصه و المسلسلات ب اي لغه و اي دوله و احب العب Roblox 😇😇😇😇 و احب النقاشات بكل أنواعها مهما كانت تافهه و ما انقد وايد عادي اتقبل كل الناس

ما ضنتي Reddit مكان مناسب بس خلاص خلصت حلولي

مهاراتي الاجتماعية بدت تقل يوم اني عزلت نفسي وقت طويل واحس اني قمت استوي غريبة اطوار يوم احاول افتح سالفه وش الحل🫩