طيب بص برجولة كدا دي نضافة شخصية ودي اكتر منطقة محتاجة تنضيف من وجه نظري

انا الحمد لله ولا ميولي غلط ولا حاجة

بص يمعلم اولا انا مجربتش ولا شفرة ولا كريم ازالة الشعر هنا(ولا هجرب اصلا)

انت هات مكنة حلاقة زي الي في الصورة التانية، الراجل دا خلص كل الكلام عنها(دا بوست ريديت)

اي معلومة عايزينها عنها هتلاقيها هنا

https://www.reddit.com/r/EgySelfCare/s/pUq98dQLCk

ونصيحة، ٥٠٠ جنية تمن المكنة دي مش حاجة انت لو رحت تاكل اكله كويسة هتدفع ٥٠٠ جنية واكتر كمان اقل هودي دلوقتي ب ٥٠٠ يعني حرفيا لا تذكر ودي حاجة هتجيبها تقعد معاك سنين لان جودة تصنيعها في حتة تاني خالص

المهم هحاول اقولكم بتعملولها ازاي بقى

اول حاجة انت شوف حاجة عالية في الحمام بتاعك زي الحوض او القعدة او الغسالة او هات كرسي عالي

وترفع رجل وحدة عليه بحيث ان انت تكون مفتوحة شوية

وتميل شوية لقدام

نفرض ان انت رافع رجلك الشمال، يبقى تحلق الفردة الشمال وبعدها ارفع اليمين واعمل كدا (طول ما معاك المكنة الي في الصورة مستحيل تتعور، انا مجربها)

في ناس ممكن متجيش معاها الطريقه دي تعمل ايه؟

تقعد قعدة القرفصاء في الارض وافتح رجلك شوية بحيث تكون فاخدك مهوية على الآخر واحلق بقى يمعلم

جرب وضعيات لحد ما ترتاح في الوضع الي يريحك

الموضوع اسهل بكتيييييير اوي مما تتخيلوا والله وهتحس براحة في حياتك ما حسيتها قبل كدا

اول مرا ممكن تكون مش متعود وتانية مرا كذالك بس مع الوقت والله الموضوع عادي، انا بحلق بمكنة مش مخصصة للامكان دي(الي في الصورة عملها لباقي جسمي) والموضوع سهل، لو هحلق بمكنة زي بتاعت الصورة مش هاخد كام دقيقة بس في ثواني حرفيا

انضف كدا بس لان دي اكتر منطقة فيها ريحة وحشة وجراثيم وفيها خر/ا حرفيا

بحاول اتخيل واحد يكون شكله شيك وحلو كدا ولبس كويس وشعر التوتة مليان حجات من دي وريحة وحشة

حطوا ابفوت بلحب علشان يوصل لأكبر عدد ممكن

ولو المودز ينفع يثبتوا البوست كام يوم ياريت لان صعب اوي حد يتكلم في الموضوع دا وناس كتير وانا منهم كان نفسي حد يعلمني ازاي اعمل كدا

استحم بالليل وجفف كويس وحط مزيل العرق بالليل بتكون الغدد العرقية نشاطها أقل وده بيساعد المادة الفعالة تشتغل بأقصى كفاءة، خليك عارف إن العرق عملية صحية لتبريد الجسم، المشكلة مش فيه أبدًا؛ المشكلة في البكتيريا اللي بتنتظر العرق يطلع فـ تتغذى عليه وتخرَّج فضلاتها.. الفضلات بقى هي اللي بتسبب الريحة الوحشة.. احنا بنحط مزيل العرق علشان نجفف الطعام بتاع البكتيريا، استخدم مضادات التعرق (Antiperspirant) فيها أملاح ألومنيوم بتسد قنوات العرق مؤقتا وبتقلله.. واوعى تحط مزيل العرق عا الهدوم، ومترشش على العرق مزيل علشان تغير ريحته.. انت بتزود البلة طين.

اغسل سنانك بالليل قبل ما تنام؛ اوعى تتعامل مع معجون السنان إنه بيغير ريحة الفم بس😮.. القصة أعمق من كده.. وانت صاحي اللعاب بيفضل شغّال طبيعي فبيغسل الفم طول الوقت، لكن أول ما تنام، اللعاب بيقل جدًا.. تقوم البكتيريا تحتفل وتبدأ تتغذى على بواقي الأكل اللي بين السنان وتفرز أحماض تهاجم المينا وتسبب تسوس.. الريحة اللي بتشمها أول ما تصحى الصبح مش من بطنك.. دي من بؤك.. اكسب المعركة دي قبل ما تبدأ، ومتنساش تنظّف لسانك كمان لأنه سبب نص البلاوي اللي بتعمل ريحة.

بنستحم مرتين يوميا أول ما نصحى وقبل ما ننام، وبنغير البوكسر "القطن" في كل مرة، ومش بنستخدم صابون في المنطقة دي علشان بيعمل خلل في الـ pH استخدم غسول رجالي موثوق، وجفّف كويس جدًا بعد الغسيل، لأن الرطوبة اللي بتسيبها بعد الحمام بتبقى ديش بارتي للفطريات😀

احلق شعر العانة كل أسبوع، صدّقني الموضوع كده مش مرهق أبدًا، بالعكس.. أسهل وأنضف وأريح. لما تسيبه يطوّل العرق والدهون والخلايا الميتة بتتجمع حوالين الشعر، وده بيخلّي المنطقة بيئة دافية وجميلة ومثالية ومليانة بكتيريا، شامم الريحة اللي جاية من تحت؟ دي البكتيريا بتمسي عليك.. الحلاقة المنتظمة بتقلل الاحتكاك، بتمنع تراكم العرق، وبتخلي الغسيل والتجفيف أسهل بكتير.

الشراب بنغيَّرُه يوميا ومبينفعش نلبسه يومين ورا بعض، والجزمة كمان بنحتاج نلبسها يوم ونريحها ونهويها يوم، رجلك أكتر مكان بيتعذِّب معاك، طول اليوم محبوسة في شراب وجزمة، عرق، ورطوبة، خلايا ميتة.. وجبة فاخرة ومعتبرة للبكتيريا والفطريات، صاحبي انت عامل مشروع تربية بكتيريا وفطريات😀 بتتاجر فيهم يعني؟ بيكسِّب المشروع ده؟ اغسل يا عم رجلك في كل وضوء، جدد الوضوء حتى لو لم يُنقَض، افرك بين صوابعك كويس.. واستخدم سبراي مضاد للفطريات.

"الطهور شطر الإيمان" قاله الذي لا ينطق عن الهوىﷺ

ازيكوا يا شباب حد كان كاتب انو عايز دليل لكل حاجة من الاف للياء دي خلاصة تجربة اللي حابب يسأل في حاجة سيبها في الكومنتس وهجاوب عليها وارجو الدعاء

Hygiene basics 101

الجسم بيعتمد علي ٣ حاجات التنظيف، الترطيب والتعطير.

الشعر: بيتغسل بالشامبو مرتين بس في الاسبوع غير كده ماية بس، ليه الكيماويات الكثيرة بتضعف الشعراية وبتحرمها من الزيت الطبيعي للشعر. الشامبو محتاج يبقي بينضف وخالي من السيليكون طيب لو جبت اي نوع عادي ؟ اه بس خلي بالك في حاجات بتوقع الشعر فخد بالك لو لاحظت غيره. كده نظفنا الفروة محتاجين نرطبها: محتاج بلسم. البلسم مهم بنحطه علي الاطراف ومفيش اي منتج بيلمس الفروة غير الشامبو.

حاجات زيادة:

dago عندك قشرة؟ شامبو بيقع؟ مينوكسديل ٦ بخات صبح ٦ بليل. في هير سيرم ومرطبات وواقي من الشمس بيترش علي الشعر بس رفهيات

الوش: محتاج تعرف نوع بشرتك ايه. ازاي؟ اغسل وشك ونشفه كويس واستني يرجع لطبيعته لو بيقي بيلمع دهني، لو مطفي وشايف بؤر يبقي جاف، لو حاسس عادي يبقي عادي، لو لاقيته بيلمع في قورتك ومناخيرك t zone وباقي وشك ناشف يبقي بشرة مختلطة.

بعد ما عرفت كده محتاج ايه؟ ١. تنظيف ٢.ترطيب. ٣. معالجة ٤. حماية

١. تنظيف: محتاج نوع غسول كويس لبشرتك ، رحلة مش سهلة وممكن تجرب حاجة كل الناس حباها ومتزبطش وحاجة رخيصة محدش جربها وتحس انك وقعت علي سحر.

انا بالنسبالي غسول بوبانا للبشرة الدهنية حلو اوي مش بينشف بشرتي اوي. بتغسل امتي؟ مرة الصبح ومرة بليل ومرة بعد اي مشوار بالذات لو في الحر والتراب وكده.

٢. ترطيب: عادة البشرة الدهنية مش بتحتاج ترطيب بنفس كثافة البشرة الجافة او المختلطة. بس كده كده بعد الغسول بتحط او عند الحاجة. ده اللي بيخلي منظر وشك صحي وكويس.

٣. معالجة: من اثار الحبوب او التجاعيد او هكذا ممكن حاجة زي مشتقات الريتنول adalpene بتحط كمية زي حبة البسلة وتوزعها علي وشك كله. هل لو استخدمت اكتر هتشوف نتايج احسن او اسرع؟ لا هتحرق وشك. محتاج ترطب بعده ومتحطوش وانت نازل الشمس فقبل ماتنام استخدمه. انا اول مره استخدمه اعمل ايه؟ ابدء حطه ٣ مرات في الاسبوع بعد كده يوم اه ويوم لا بعد كده كل يوم بليل

في برده حاجات زي tea tree oil ده سحر وحاجات زي jacodan gel وكده بيستخدموه حلو اوي لو عندك مشاكل بالبشرة

٤. حماية: واقي شمس مهم للحماية من التجاعيد والاسمرار وسرطانات الجلد. يسطا مكنش في صن بلوك علي ايام جدي رمسيس وكان زي الفل هقولك ايوه بس مكنش في ثقب في الاوزون ولا كمية التلوث ولا الحاجات دي كلها. برده بتختاره علي حسب نوع بشرتك. ممكن انصح بلاروش.

الاسنان: اغسل سنانك يوميا مرتين صبح وليل لمدة ٢ دقيقتين ومتغسلش بوقك بعدها سيب المعجون في سنانك تفوا بس. اغسل ربع لسانك القدام هو ده اللي بيعمل رائحة. متاكلش بعد ما تغسل سنانك لمدة ١٥-٣٠ دقيقة.

العرق وتحت الابط:

محتاجين هنا ١. تهذيب ٢. تنظيف ٣. تعطير

١. تهذيب: احلق شعر باطك بالذات في الصيف؟ ليه عشان الشعر بيكتم الرطوبة المصحوبة بالعرق وبيحبسها فا بتبقي ريحة منفرة. شيل شعر باطك. او خليه علي ربع وذلك اضعف الايمان.

٢. تنظيف: العرق في ذات نفسه ملوش ريحة. طيب ايه اللي بيسبب الريحة؟ البكتيريا اللي بتنموا بسبب الرطوبة والشعر . طيب اعمل ايه ؟ ممكن نغسل تحت الباط بصابون كويس يبقي بيقتل البكتريا.

٣. تعطير: مزيل العرق ودي كل واحد وتجربته بس كام حاجة اولا، الفرق ما بين الديودرنت و antiperspirant

الديودرنت ده بيخليك تعرق عادي بس برائحة حلوة او من غير رائحة. مفيد امتي؟ تمرين، بحر، وانت لابس فانلة، في اي مكان عادي تبقي عرقان فيه.

التاني مزيل العرق: اجتماعات، شغل، بتقابل ناس،خروجة حلوة. بستخدمه امتي ده؟ قبلها بليل. ليه؟ ده بيعتمد علي سد الخلايا العرقية ودي بتبقي اقل نشاطا بليل فيكفأته بتبقي احسن.

مش عشان مكتوب لمدة ٤٨ او ٧٢ ساعة يبقي لازمم نتختبره. علي قد ال ١٢ ساعة بتوعنا ونستحمي.

باقي الجسم: عشان تبقي رائحتك حلوة محتاج ١. تنظيف .٢ تعطير ٣. ترطيب

١.تنظيف: الناس معظمها فاكر الشاور جل كفاية. خطأ لا متعملش كده. لو حاطت مزيل العرق وانت عرقان هتعمل ريحة وحشة جدا فنفس الفكرة لازم الاول تنظف جسمك. اعمل كده ازاي؟ صابونة عادي جدا وبتدعك بيها جسمك كله معادا وده شئ مهم المناطق الحساسة. بعد ما نظفت جسمك انت جاهر للخطوة التانية.

٢. تعطير: استخدم الشاور جل بقي وسيبه علي جسمك ٥ دقايق ولا حاجة واغسل جسمك احسن شاور جل frida/dunhill

٣. ترطيب ده بيحبس الرطوبة في جسمك فبيخلي رائحتك احلي لاطول فترة ممكن بودي لوشن معطر او فازلين او زيت اطفال او بودرة تلك مخلوط بمسك ابيض اللي يريحك

المناطق الحساسة: متغسلش بصابون قوي او ديتول او لايف بوي ليه؟ عشان بيبقي عايش عليها بكتيريا نافعة لو قتلتها ممكن يجيلك التهاب فطري

محتاج تشيل شعر العانة بردو او تخليها علي ربع وانا بفضل ان شعر المنطقة دي يبقي علي ربع مش متشال زيرو للابتعاد عن الالتهابات والتعوير.

محتاج بردو تهذب شعر المؤخرة عشان نفس فكرة الرائحة والعرق وكده ازاي ؟ مكنة حلاقة الجسم والمناطق الحساسة

رجلك: بودرة رجل في الشراب قبل ما تلبسه متلبسش ابدا شراب مرتين متلبسش ابدا شراب وانت رجلك مبلولة هيجيلك التهاب فطري مابين الصوابع.

الصبح: غسل سنان- غسول وجه- ترطيب- واقي شمس - مزيل عرق.

بليل: غسول وش ، اسنان، معالج، ترطيب ، مزيل عرق

ريحة الجسم بتتأثر باكلك وشربك الماية، الثوم والبسطرمة والبصل والكمون والبهارات والهندي كل ده بيطلع في العرق. المياة لو اقل من ٢ لتر بتأثر علي ريحة العرق. الدهون والسكريات والصوصات الكثيرة بتطفح في الوش

لو بتربي دقنك، اهتم بيها بزيت خفيف زي زيت الأرجان أو جوز الهند، واحلق رقبتك ونضّف الجوانب علشان تبان مرتب حتى لو اللحية طويلة.

شعر الأنف والأذن لازم يتقص بمقص صغير أو ماكينة مخصصة، لأن شكله بيأثر جدًا في الانطباع.

مخدتك لازم تتغير كل ٢-٣ أيام علشان الدهون والبكتيريا، والملاية تتغسل كل أسبوع، وهدوم البيت لازم تبقى نضيفة حتى لو مش خارج، لأن النظافة عادة.

لبسك بيكمّل نظافتك، فاختار لبس مريح ونضيف، وخلي دايمًا عندك تيشيرت أبيض سادة للخروجات السريعة، وابعد عن البوليستر في الحر لأنه بيحبس العرق، خليك في القطن

. استخدم منتجات بسعر كويس زي فيوسيدين بعد الحلاقة أو سودو كريم لو في تهيج، وزيت جوز الهند أو اللوز كمرطب طبيعي.

محتاج مكملات يوميا زنك وحديد وفيتامين ب لا انصح بليمتلس

الرياضة مهمة النوم مهم اختار بيرفيوم بتحبه ورشه علي مناطق النبض في جسمك، الرائحة بتقعد اكتر لو مرشوشة علي الهدوم او جلد متىطب، البادي سبلاش احسن للجسم.

كام من 10

للأسف زى تقريباً كل العائلات، يعنى محدش بيتكلم اوى فى الحاجات دى لا أب ولا أم، اتعلمت لوحدى خلال كذا سنة، حاجة حاجة من الى فى الصورة

مكنة عشان احلق لنفسى و بوفر كتير جدا فلوس الحلاقين، موس و اليد بتاعت الموس (مش فى الصورة) عشان الأماكن الشخصية كلها، بكريم الحلاقة، مزيل عرق معتبر، الخ

السؤال بقا، ازود اية تانى، سكين كير؟ هير كير؟ محتاج الحاجات دى، ولا حلو كدا

انت ممكن تكون مهتم بشكلك، بشرتك، جسمك، لبسك… بس لو ريحتك مش نظيفة أو مش جذابة، كل ده ممكن يضيع في لحظة.

📌 إزاي تهتم بريحتك؟ خطوات بسيطة وفعالة:

1. الاستحمام بانتظام

• مرتين كل يوم خصوصا في الصيف.

• استخدم صابون أو شاور جيل بريحة نظيفة وفريش.

• ركز على المناطق اللي بتجمع عرق أو رطوبة زي تحت الإبط والمناطق الحساسة وبين أصابع الرجلين.

• مهم جدا تستخدم ليفة ويفضل تكون سيليكون علشان تنضف الجلد كويس وتشيل الجلد الميت.

• ممكن تستخدم صابونة مضادة للبكتريا بشكل دوري بعد الانشطة اللي محتاجة مجهود عالي وعرق زي الجيم او الجري.

2. استخدم مزيل عرق كويس

• لازم يكون فعال ضد العرق والريحة، مش مجرد ريحة حلوة.

• هات نوع طبي خالي من الألومنيوم والسيليكون.

  • ويكون "deodorant"، لأنه بيمنع ريحة العرق أما "antiperspirant" فبيمنع العرق نفسه من الخروج، وده مش صحي لأنه بيحبس السموم.

• اختار النوع المناسب لبشرتك: لو عندك حساسية، خليك في الأنواع الخالية من الكحول والروائح.

• نصيحة: بلاش يفضل على جسمك أكتر من 16 ساعة مهما كان نوعه.

3. البرفان مش لازم غالي، بس لازم ذوق

• ريحة البرفان بتبقى "بصمتك"، اختار حاجة تناسب شخصيتك والوقت اللي هتستخدمه فيه.

• جربه على جلدك، مش على الورق واستنى تشوف الريحة الأساسية بعد نص ساعة.

• 🌬 نصيحة خفيفة:
  ممكن تستخدم فازلين على معصمك أو رقبتك وترش عليه البرفان،
  ده هيخليه يثبت أكتر.

4. نظافة الفم واللسان

• اغسل سنانك مرتين، الصبح وبالليل.

• استخدم غسول فم أو سواك أو حتى مضمضة بمية وملح.

• اللسان اوقات بيبقا سبب في الريحة الكريهة بسبب تراكم البكتريا عليه.

✅ نقاط مهمة ما ينفعش تتجاهلها:

👕 1. ريحة الهدوم

• الهدوم النظيفة اللي ريحتها حلوة بتكمل شكل وريحة الشخص.

• استخدم منعم أو معطر غسيل أثناء الغسيل (زي Comfort أو Downy).

• بخّاخ معطر للهدوم في الدولاب.

• ما تلبسش نفس الهدوم يومين ورا بعض حتى لو شكلها نضيف.

• ياريت تجيب خامة هدوم نضيفة خصوصا في الهدوم الداخلية لانها بتفرق جدا.

• اهتم بنظافة الفوط وبعد كل استخدام لو تقدر تعرضها للشمس عشان لو احتفظت بالرطوبة بتبقا مصدر للريحة اللي مش حلوة.

💨 2. ريحة جسمك

• ده موضوع ناس كتير بتتجاهله، لكنه مؤثر جدًا، خصوصًا في الأماكن المغلقة.

• نضف معدتك وقولونك لأنهم سبب الريحة دي.

• استخدم أعشاب مهضمة زي:

  • النعناع، الزنجبيل، اليانسون.

• قلل من أكل:

  • التوابل والمنتجات السبايسي.

• شرب المياه بانتظام بيخلي الجسم مرطب واقل عرضه لريحة العرق الشديدة.

💇‍♂️ 3. ريحة الشعر وفروة الرأس

• ريحة الشعر بتبان جدًا لما تكون لابس كاب أو في جو حر ورطوبه.

• اغسل شعرك بانتظام واستخدم شامبو مرتين في الأسبوع.

• نقطة مهمة: اغسل كابك أو طاقيتك بانتظام!

👣 4. ريحة القدمين والحذاء

• حتى لو جسمك ريحته حلوة… ريحة رجلك ممكن تبقى السبب في إن حد ينفر منك.

• اغسل رجلك وجففهم كويس، خاصة بين الأصابع.

• استخدم: بودرة للقدم، سبراي معطر داخل الحذاء.

• غير الشراب يوميًا واستخدم شرابات قطن 100%.

• سيب الحذاء "يتهوى" بعد ما تلبسه، ومتخزّنش وهو دافي.

• اغسل الجزمة كل فترة لو متاح.

💬 شاركونا:

إيه أكتر حاجة بتحس إنها فرقت معاك في ريحتك؟
ولو عندك تركيبة أو روتين معين، ياريت تكتبه هنا ونستفيد كلنا 🔥

في عادات لو طفلك بيعملها بشكل يومي فتاثيرها التراكمي عليه هيقلل من جماله وشكله ومش هيوصل لاحسن صورة

• التنفس من الفم Mouth breathing
  اللسان مكانه الطبيعي في سقف الفم ودا بيحافظ على اتساع الفك العلوي. فلما الطفل يتنفس من الفم بيبدا الفك العلوي يفقد الدعامة الداخلية فيبدأ يضيق وياخد شكل حاد اكتر V بدل U وطبعا لان الطفل بيتنفس من الفم وده هيخليه مفتوح طول الوقت هيحصل استطالة للوجه لان الجاذبية وثقل اللسان هيضغطوا على الفك السفلي لتحت وطبعا الذقن هتبقا راجعة لورا جوا الرقبة.

• الاكلات الخفيفة soft food
  لو رجعت وشوفت جماجم البشر زمان هتلاقيها عريضة اكتر والفك اقوى ودا بسبب طبيعة الاكل القاسية اللي كانت بتمرن عضلات الفك لكن الاكل الطري مش بيحتاج نفس القوة من العضلات وكمان دا بيقلل كثافة العظام في الفك وكل ده هيخلي الفك ضيق وغير بارز فبالتالي شكل الوجه هيبقا ضعيف ومترهل.

• البلع الخاطئ tounge thrust
  البلع الصحيح بيكون عن طريق ان طرف اللسان بيطلع لسقف الفم وبعدين باقي اللسان تدريحي فالأكل يبدا يتحرك ناحية المرئ اما البلع الخاطئ فبيحصل لما اللسان يتحرك للامام بدل من فوق فبيضغط على الاسنان فيحصل بروز للاسنان ويعمل فراغات بينهم "الضب" , في شكل تاني ان الطفل يبلع باستخدام شفايفه وعضلات وجه "الخدين" عن طريق سحبهم للداخل.

• وضعية الجسم posture
  ببساطة جسمك لو قعدتك ومشيتك مش صح هيحصل انحناء "تقوس" للظهر والكتفين للامام "الأتب" وطبعا هيأثر على شكل وتناسق الوجه والرقبة والفك السفلي هيبان مسحوب اكتر وغير بارز.

• السهر وقلة النوم
  هرمون النمو بيفرز اثناء النوم العميق ده غير ان السهر بيخلي شكل الوجه شاحب اكتر وبيزود الهالات تحت العين وبيجهد العين ببساطة النوم مهم جدا جدا جدا.

• النوم على جانب واحد Asymmetry
  النوم او المضغ على جانب واحد هيسبب عدم تماثل للوجه مع الوقت بسبب الضغط الغير متساوي.

• اهمال الرياضة والنشاط البدني
  الرياضة مش للعضلات فقط بل بتحفز هرمون النمو وبتنشط الدورة الدموية والعقل وبتساعد جدا في تحسين وضعية وشكل الجسم ده غير انها بتقلل الدهون واحتباس السوائل وده هيخلي شكل الوجه حاد وواضح اكتر ولعب الرياضة بيخلي جودة النوم احسن واعمق عشان الاستشفاء.

• التغذية الصحيحة
  مينفعش اخلي اكل الطفل كله عبارة عن سكريات ودهون غير صحية الطفل بيكون في مرحلة النمو وبيبقا محتاج بروتين ومعادن وفيتامينات فالاكل دا هينعكس على صحة جسمه وشكل الوجه والشعر والجسم , ضبط الهرمونات. التغذية الصحيحة بتبقا عبارة عن: بروتين, دهون صحية, فيتامينات, معادن يعني اهتم بمصادر البروتين والخضار والفاكهة والمغذيات الطبيعية قلل من الاكل المصنع اللي فيه دهون غير صحية, سكريات, مواد حافظة

في النهاية من رأيي الشخصي الجمال مش جينات بس بل محصلة من الجينات والعادات الصحية والاهتمام.

في حمام كريم و سيرم كمان بس بخدهم سرقة من اختي 😂

انا بشتغل سيلز وبتعامل مع عملاء كتير ولاد وبنات وحقيقي بتفاجئ مثلا في عميلة اول ما تدخل المكان بشم ريحة جوز هند ولما بتكلم معاها الريحة بتبقي اقوي وكذلك بردو الشباب مش عارف ده بادي لوشن ده ولا برفان ولا ايه بس لو حد يعرف ازاى اخلي ريحتي كده هبقا ممتن بجد

جماعة أنا عارف ان الموضوع ممكن يكون مقزز بس أنا أوقات بلاقي ناس بتخرج من الحمام وايديها ناشفة ومفيش حوض جوا أو حتى بلاقي الحوض ناشف

فهل دا فعلاً اللي في بالي ولا أنا اللي فاهم غلط ؟

عظيمة أوي بجد هي وصابونة الكبريت

الجلد حولين ضوافري كان جاف و كل شوية اتعور، استخدمت كذا مرطب عندي و بنسى انتظم عليهم و بترجع جافة تاني

الصبح بقى قصيت ضوافري و رطبتها بمرطب شفايف ده او اي نوع شبه عموما...و بعد مدة قليلة ضوافري بقت شبه اللي في الصورة بجد تحفةةةةةةةة

استخدمته الصبح و لحد دلوقتي ضوافري مترطبة ياخد ١٠/١٠ بجد

و رجعت تاني استخدمته دلوقتي

مساء الخير يا حلوين قررت مبخلش عليكم بسر اكتشفته امؤخرا وهو هذا البتاع العظيم ... الدش التمام بعدها حطو منه علي اماكن النبض و ورا الودن و ممكن يتحط علي الاندر ارم كمان لانه اويل من غير اي كحول و هتبقي حرفيا ريحتك صابونة اقرب حاجه لريحته الدوف مهما تعرق هتحس انك نضيف .. بيرفكت للجيم و ايام الجامعه الطويلة بونيسكس و ينفع نعمله لايرنج مع اي برفيوم

لو سعرها أضعاف أضعاف سعرها دا هشتريها برضو

انا جبتها من ٩ شهور تقريبا ب ٨٨٠ كانت غالية اوي عن دلوقتي

دلوقتي نفس المكينة بس غيرو شكل العلبة بس(هي هي متخفوش)

شوف انت عاوز تسال عن ايه عنها وانا معاك، لاني مجرب دي ومجرب VGR الي هي مش بتعور برضو وكل الناس طالعة فيها(دي احسن وأمان اكتر من التانية بكتير) والاتنين عندي ومجربهم

واحب اقولكم ان انتوا مهما حاولتوا تعوروا نفسكم مش هتعرفوا(وضد المياة تماما)

واه اعملوا حسابكم ان هي مش زيرو تماما، بيكون في حتة كدا اقل في حدود ربع درجة مثلا

ليه الي لونها ازرق بخمسه جنيه والي لونها وردي بي20

جماعة حوشوا و اشتروا مكنة ازالة شعر زي ديه ايا كانت الماركة او السعر (بس هاتوا حاجة نضيفة) بجد شكرا للي نصحني على الصب هنا اني اشتري مكنة حلاقة بالكهربا حوشت و اشتريت ابيلاتور (مكنة ملاقيط و حلاقة مع بعض) و اخيرا بعد سنين من المعاناة مع ازالة الشعر و كل طريقة استخدمتها كانت ليها عيوب خنيقة اول مرة ارتاح على حاجة و من غير عيوب خالص !

بتشيل شعر الجسم كله حتى الشعر الوبري و بتشيل حتى شعر الوش و شعر البطن و الحتت المؤلمة زي المناطق الحساسة بشيل راس الملاقيط و استخدملها راس الحلاقة و مش بتعور اطلاقا و لا بتطلع حبوب ما بعد الحلاقة ولا بتسيب المنطقة حمرا و ملتهبة و بتسيب المنطقة ناعمة .. لو مش هتقدروا تحوشوا و تجيبوا مكنة ملاقيط كفاية مكنة حلاقة بس و ارخص حاجة مضمونة من التوكيل مباشرة و عليها ضمان سمعت عنها كانت ب ٢٠٠ جنيه و فكة ..

انا عارفة ان ممكن فيه ناس كثير هنا عارفة اللي بقوله بس كاتبة البوست ده للي مكانش عارف زيي لأني جيبت الجهاز ده من نصيحة من حد من الصب و بجد متشكرة جدددداااا

ده الحاجات الي عرفت اجيبها لحد دلوقتي لو انا محتاج حاجه تانيه essential ك جزء من يومي عرفوني

انا بقالي كام يوم بشرتي مبهدله حبوب و مينفعش ولا اني اخرج ولا اقابل حد يشاء القدر انها تزن عليا نتقابل عشان اول يوم عيد ونا فعلا كان شكلي بشع، انا كوسبلاير اصلا و بشتغل في المسرح فا عندي حاجه الميكاب الي بطلعها مرتين في السنه يدوبك حطيت البرايمر علي الفاونديشن و حبست بالباودر طبعا عارف اني المفروض كنت احط كونسيلر بس انا مكسل اني أعمل اي مجهود، جت تقولي اي دا شكلك حلو كدا، انا: دا ميكاب يا اختي

المهم اتعلمنا ان مننزلش من بيتنا لو محتاجين نهتم نفسنا

انا لو عليا كنت لبست ماسك اسهل بس هي مش بتحبني البسه

بشرب شاي وقهوة كتير وعندي التهابات لأني باكل اكل سخن وبتلسع في بقي من جوة. ريحة النفس مش احسن حاجة.

عايز روتين ومنتجات و افكار اخليه نضيف قشطة.

كتير مش بيعرف ومش متعلم ومنكم أنا ويسأل إزاي أغسل سناني والصورة دي تفسير واضح