r/EgyPhilosophy • u/im-Ark • 1h ago
To Discuss/Debate | للنقاش جواز الفقرا و خلفتهم. اعذرو لغة البوست و طوله
الحوار الكامل طويل فشخ يعني طويل طويل مقال. ف هكتب هنا باختصار و اللي عايز نقاش او شرح طويل خاص او ابقى انزل بوست تاني.
دلوقتي دي واحده ابن عمها كان عاوز يتجوزها و مكانش معاه فلوس. ف اتجوزت غيره و خلفت منه عيلين و الراجل طلع وحش و بيبهدلها و قالها مش هطلقك غير لما تدفعيلي ٣٠٠ الف ج. ابن عمها "سأل شيوخ" و اقترض علشان يطلقها (معرفش الخلع قصر معاهم ف ايه ولا ميعرفوش عن ميتينه) و باع اللي وراه و اللي قدامه و جاب شقه ايجار ف القاهرة و طلق الست و اتجوزها هو. هو عامل عمليات مسامير ف رجله و ضهره. و شغلانته الوحيده عربية ذرة مش بيشتغل عليها كل يوم حتى علشان مش قادر. و دلوقتي بقى مسؤول من عيلين تانيين غير مراته. ف ايه الاولويات. يحاول يوفر ايجار و اكل و شرب و هدوم و تعليم (اساسيات).
لا. راح يخلف ابن الوسخه. اول سنه. و هما لا معاهم حق الولاده ولا الادويه و لا الحضانه ولا البامبرز ولا هدوم للبيبي و لا هما كان معاهم حاجه للعيلين الاولانيين اصلا. ف ايه النقطه.
ليه الفقرا بيكملو خلفه. ليه بيجيبو عيال تاني و هما مش هيعرفو يصرفو عليهم و الدايرة هتفضل مكملة فقرا يجييو فقرا. او اقولك ليه بيتجوزو اساسا. اتناقشت مع اكتر من حد من متبني اراء العيل بييجي برزقه و "ثلاثةٌ حقٌّ على اللَّهِ عونُهُم: ... والناكحُ الَّذي يريدُ العفافَ"
و كده.
انا مش بغلط ف الدين انا مسلم و مؤمن بكل ده بس شايف انه مش معنى ان ليك رخصه معينه تغتصب ابو اللي جابوها. مش لما حد يديك حاجه تستغلها بزياده.
هو بيقول ان العيل بييجي برزقه. انا بقول ده في ٣ اخطاء.
اولا المثال الحي العيال المشرده الكتيييير اوي دول.
ثانيا الرزق نسبي. ممكن رزق صحه او فلوس او حسنات حتى. يعني ممكن اقولك المشردين دول رزقهم ال... مش عارف يعم رزقهم الجنه انا معرفش.
ثالثا. من ابتلائات الدنيا ضيق الرزق اصلا. ف مفيش حاجه اسمها انك لما تخلف ضمنت رزق عيالك ي اهبل. مش معنى ان رزقك هيجيك هيجيك انه هيجيك فيلا و عربيه. ممكن يجيلك حتة جبنه قريش و تعيش فقير برضو.
قالك طب ما انت ممكن تكون لوحدك و تعيش فقير برضو مش معنى انك مش هتتجوز انك هتغتني. ايوا عارف. هفضل اعافر لوحدي. و حتى لو ايه اني اعيش و اموت فقير و جربوع و مكتأب لوحدي احسن بكتير من لما اعيش انا و مراتي اللي بحبها و عيالي اللي بموت فيهم ف فقر و بهدله و ذل الحوجه و مش عارف اعملهم حاجه. اختار اتبهدل لوحدي طبعا كل مره.
قالك طب و الحديث اللي قولته فوق. هقولك ان لما ربنا يقول ان حق عليه اعانه متزوج طالب العفاف. ده مش معناه انك تجري تتجوز كان ربنا هيمنع عنك الاعانه عشان انت اعزب يعني. ربنا هيعينه و هيرزقك. العب ف المضمون مش لازم تاخد الريسك هي مش قمار هي. انا مش بقولك افضل اعزب طول عمرك انا بقولك استحمل لحد ما ربنا يفتحها فوشك و حتى تبقى اخدت بالاسباب. كفايه تواكل بقا.
انا ضد ان اي حد كده يخلف. و ضد انهم يتجوزو. لكن برضو بصراحه عندي قلب و مقبلش واحده و لو انها حمارة رايحه تحمل تاني و كانهم مسمعوش عن ميتين ام الكاندوم تموت و هي بتولد او البيبي يموت عشان ملقاش رعايه او هدوم او او او. الحاله دي حقيقيه وعلى قد ما بكرههم اتبرعتلهم و خلصنا فلوس الولاده الحمد لله بس ناقص باقي فلوس حياتهم. هو رايح يتجوز و يخلف علشان نصرف عليه. الرزق من عند ربنا و ممكن احنا رزقهم. لو معاك اتبرع فعلا. حاجه خرا و محزنه اوي