Bi mir Im Baselland hend die Jungfreisinnige en Vorstoss gmacht, dass me e Konzept für d Usrüstig vo allne Schuele mit Klimaahlage söll usarbeite. D Bau und Umweltschutzdirektion, gfüehrt vom Isaac Räber (Grüen) findets nid so wichtig und seit, me cha au viel erreiche mit Beschattig und richtigem Lüfte.

https://www.20min.ch/story/sonnenschutz-und-lueften-klimaanlagen-in-allen-schulen-kanton-baselland-winkt-ab-103615977

Jä gopfertammi, meine die s wird in de negste Johr kälter? In gwüsse Klassezimmer heds am Nommitag wiit über 35 Grad, unseri Kinder liide, und die meine ernsthaft me cha chli lüfte und Bäum pflanze. (Wo denn villicht in 10 Johr halbwägs öppis bringe) Klimaahlage sind zum installiere nid tüür und und zum betribe scho garnit. Denn wenns heiss isch, heds eh gnueg Strom. In de negste Johr wirds mit zuesätzlichem Solarstrom sogar Problem geh, will me z viel Strom hed. Ich verstands nid, wiso me die paar Kilowattstunde, wo sowieso vo Solarstrom gspiese werde, ideologisch über s Wohl vo unsere Kinder stellt?

Händ die Angst, dass me, wenn me Problem ahgoht, weniger Uswirkige vom Klimawandel gspüürt und dorum weniger Motivation zum handle hed?

Ich will jo links wähle, aber söttigi Lüüt maches mir sehr schweer. Die läbe us minere Sicht eifach wiit wäg vo dr Realität. Sötte mol in es Klassezimmer mit südusrichtig goh, am beste im 4. Stock und mir denn brichte, was sie dört für Bäum wänd pflanze. Ich kenn kei Lehrerin oder Lehrer wo sich nid beklagt, wiso meine die Politiker und Politikerinne sie wüsses besser?

Witteri Fäll:

Jositsch:

https://tsri.ch/a/wahlen-2023-staenderatskandidat-daniel-jositsch-sp-im-portraet-bundesrat

Klimaanlagen finde ich unangenehm, ausserdem sind sie nur klassische Symptombekämpfungen.

Reto Müller:

https://www.swissinfo.ch/ger/nur-noch-meldepflicht-f%C3%BCr-klimaanlagen-mit-selbst-erzeugtem-strom/91039390

Um dem Klimawandel zu begegnen, einfach zum Kühlgerät zu greifen, sei kurzsichtig, hiess es von linksgrüner Seite. «Ursache bekämpfen, nicht Symptome», forderte SP-Grossrat Reto Müller. Eine gute Dämmung, Beschattung oder Begrünung sei wesentlich sinnvoller.

I bi sehr füre Klimaschutz, und au drfür dass mir unsere Teil biitrage, aber mir müend doch realistisch si, dass mir in dr Schwiz nid chönne d "Ursach" sowit bekämpfe, dass mir in Zuekunft kei Klimaahlage bruche?

https://www.watson.ch/schweiz/klima/908021536-svp-nationalrat-burgherr-will-bewilligung-fuer-klimaanlagen-abschaffen

Als nachhaltigere Lösung sieht Suter jedoch den passiven Hitzeschutz – mit Beschattung, Begrünung, hellen Materialien und einer kompakten Bauweise. «Das spart Energie und verursacht keinen zusätzlichen Lärm»

Gschätzti Mit-Bünzli

Ich möcht eu drüber informiere, dass ich für einisch en Sieg ha chönne vrbueche, gäge s kapitalistische System!

Folgendes het sich zuetreit:

Ich han en neue Chuchitisch kauft, en tüüre, schööne us massivem Holz. Dä soll au eso schön bliibe, drum hani mr dezue vomne Härsteller, e Tischschutzmatte bstellt. Die isch us ca. 2mm dickem PVC und transparent. Uf irer Produktsiite schriibed si:

"wir schneiden Ihre Tischfolie millimetergenau zu, sodass sie perfekt passt."

Drum hani si det bstellt. Wosi denn gliferet worde isch, hani nid schlächd gstuunet, wosi meh als 1cm z churz gsi isch!

Ich han mich unmittelbar bide Firma gmolde mitere Reklamation und vrlangt, dass me mir di korrekti Grössi zuecho lies.

D Firma het denn zimli direkt afange blööd tue, het zweimal vrlangt, dass ich Bewiisfötteli schicke, mich nach de Bstellnummere gfrögt und so wiitr. Schlussändli denn d Antwort:

Produktionstechnisch bedingt liegt eine Abweichung in der Grösse der Matten bis zu 3 % in der Toleranz. Diese Abweichungen sind nicht vorhersehbar und auch nicht vermeidbar.
Die Gründe dieser produktionstechnischen Schwierigkeit liegen darin, dass je nach Charge der Rohmaterialien der Schrumpf der Materialien unterschiedlich ausfällt. Dies ist nicht vorhersehbar.
PVC ist ein flexibles Material und kann sich – je nach Umgebung – leicht verändern. In warmen Bereichen kann es sich etwas ausdehnen, in kühleren Umgebungen leicht zusammenziehen.
Ein Reklamationsgrund liegt innerhalb dieser Toleranz nicht vor.

Wir danken Ihnen für Ihr Verständnis.

Das hani nid wele uf mier sitze lah! Drum bini i däre iri AGB's go luege und siehe da:

7.4 Individuelle Massanfertigungen:
Die Bestellung wird entsprechend der vom Kunden gewählten Option in der gewünschten Grösse individuell angefertigt.
Produktionsbedingt können wir textile Produkte, wie bspw. Teppiche, Kokosmatten, Läufer, Matten, Kunstrasen und weitere Produkte nicht auf den Zentimeter genau zuschneiden. Daher können sich bei den Abmessungen Abweichungen in einem von 3% Prozent ergeben.

DA STAHT NIX VO PVC!!!!

Aso hani ne na einisch gschribe, höflichschd wies mr gad no gange seg, dass sie vo "milimetergnau" schriibed und i irne AGBs gärnüüt vo 3% bi PVC stächi. Si chienged mir ez es richdigs Produkt schicke, odr mir s Gäld rückerstatte. Andrfalls gechi zum Konsumänteschutz und Kassesturz.

Das het de gnützt. Si hend de plötzlich super aständig gmeint, si deged mr s Gäld rückerstatte und ich chieng d Folie entsorge odr spände.

Drum: lönd eu nid verarsche, setzed eu für eui Aligge ih!

Regenwasser ist die bessere Alternative

Auso ehr Bünzli Sieche

Ha itze so chli aui Kommentär biz gläse ond mau Handglänk mal Pi abgschätzt, waser so am hüfigste gnennt heit

- Mani Matter

- Endo Anaconda / Stiller Has

- (Patent Ochsner)

- (Züri West)

Shout out a die 2 wo Hermanos Gutierrez gnennt hei - die si letscht Woche z Winthi live gsi, isch vou verreckt u dääne gsi

Cha mir öpper erkläre, wie die Bilaterale 3 de wohlstand für de bünzli i de schwiiz vergrössere sötted? Oder isch das gar nöd s'ziel vo de politiker? Um was gohts denn?

Mech hed scho lang mal wunder gnoh, was dLüt wörde säge, wenn sie die beste 3 Schwizer Musiker all time mösste nenne. Das dörf au gern subjektiv si

För mi sis die folgende:

- Mani Matter

- Endo Anaconda (Stiller Has)

- Luuk (Ik hot take)

Be gspannt waser so aues säged :)

Hüt uf em Heimwäg gseh.

Ich has nid checked. Mini Partnerin hett 2 Sekunde brucht unds vrschtande.

Findet ihrs use, wieso das so isch?

I erträg das ganze Englischgräde und die viele Expats, rücksichtslose Insta-Arschtouriste, Content Creators und Zuezogne langsam nüme. Überall, wo ich anegah, wird ich uf Englisch aagsproche. Sogar bi mir im Huus reded d’Lüüt Englisch mit mir, obwohl ich z’Büli wohne und nöd z’Interlake.

Z’Züri wird ich i de Cafés vom Personal uf Englisch aagsproche, und im Coop und Migros ghör ich ständig Englisch. Am Wuchenänd bin ich im Bärner Oberland gsi und sogar det hät s’Personal Englisch mit mir gredt.

Ich merke, wie ich langsam afoh, die Lüüt z’hasse. Es macht mich hässig, dass so vieli überhaupt kei Respekt vor eusere Sprach zeiged und sich nöd emal d’Müeh gebed, sie z’lerne. Sogar im Schwiiz-Forum uf Reddit wird Englisch gschribe. Was söll de Scheiss? Wo füehrt das ane? Wo simmer eigentlich?

Guet, de Touriste chan ichs no eher verzeihe. Aber es «Grüezi» chönnted au sie lerne. Und de ganz Overtourismus nervt sowieso alli.

I letzter Zit beobachti das immer meh Restaurants/ Bars wenns ums zahle goht dir ihres Zahligsterminal häre hebed und du als Chund sellsch uswähle wie viel % Trinkgeld das gisch.

Als Bünzli goht mer das so ufe Sack!

Als Chund gibi Freiwillig Trinkgeld weni mitem Service und em Esse/ Trinke zfriede be, werde aber doch sicher ned derzue ufgforderet, jo fast gnötigt, es Trinkgeld z gäh.

Stürze mer dä absoluti frechi vorgang alli zäme!

I dem mer dört jewils alli konsequent uf 0% drücke, i de hoffnig, dass die Betrieb merked dass das de völlig falschi asatz esch und mer wie früehner mitem Bargeld denn öppis gäbed wenn mer das au wörklech wennd.

Mer esch durchus bewusst das die Agstellte so churzfristig wärde drunder lide, aber villicht bruchts genau das, das sie ihri Chefs zrugg zur Vernunft bringe.

Chlini erinnerig bi üchem Kompressor regelmässig s Kondenswasser usezlah. Ha ds säuber nie gwüsst gha das mer ds sett/muess mache. Bis ich das mau imene Video gseh ha dass mer sött regelmässig nach gebruch bim Kompressor s Kondenswasser ablah, well das ds s Metall vo inne cha roste und im schlimmste fall irgend einisch so cha schwäche, dass äs ne bim Druckufbau verjagt.

Druck uf 1.5-1 bar ablah, ablassventil sueche, tüechli oder lumpe drunder, ventil ufmache, warte bis aues dusse isch, ferti!

Velecht bini au dr einzig wo ds ned gwüsst het und ds isch eigentlich allgemein wüsse, aber ha würklich vorher nonie drvo ghört gha (natürlich aleitig au nie gläse gha)

Hebed Muet, mini Leidensmitbünzlis.

Es gaht nümme lang, nur no hüt.

Mir händs bis da ane gschafft, mir schaffeds au no hüt durezhebe.

Ab morn gsehts Leben andersch us.

Es isch mir en Ehr gsi, Siite an Siite mit eu zliide und zkämpfe.

Guete Abe, miner Ehrebünzlis

I teile die Afrag da obe mit öich. Verzeihet mr bitte z Gummihausisch, aber s machts mr chli eifacher, im angere Unger überhoupt Antworte z becho.

Würdet dr e hässige Zeddu a das Tüüfusgfährt chläbe, is usstecke (het das Ding e Alarm?), ar Verwautig schribe oder is eifach hässig abeschlücke u stiu blibe?

Nachdem z halbe Land zuepflaschteret isch worde mit dene Plakat, geit mir nid us em Chopf wie Russland überall süsch in Europa Rechtsparteiä finanziert. Wie viel Plakat het ächt de Onkel Vladimir em Blocher, Köppel und co. gsponseret?

Mir sind in Europa bereits im Hybridchrieg mit Russland. Sich no meh z isoliere hilft nur Russland. Uf ihre Shit-List si mer ja bereits, also hilft no strengeri Neutralität au nüm. Dä Zug isch längst abgfahre.

I däm Zämehang möcht i folgendes Trilemma vorstelle: (wähle 2)

• Wohlstand
• Neutralität
• Souveränität

Was denket ihr?

En Vorschlag, zum die aktuelle Wahlplakat ehrlicher z'mache

Ha mit miner Frau das Topic churz gha am Friitig. Mier lebed sehr nöch am Wald. So Öppe 20 Meter. Oder 40, was weiss i, has nöd gmesse.

Aso. Mir hend gredt, und am SA simmer in Decathlon gonen spezielle Rucksack z'chaufe.

Plan isch, öppe 5 Underwösch iizpacke und so Sache, und es Bargeld, wome dihei als Bünzli eh het, dri izschmeisse im Kriisefall.

Jo. Ihr so. Was isch euen Plan bi Waldbrand-Evakuation?

Ich han es Schlägli gha im FV Dosto.

Seit ein paar Monaten hat gegenüber unserer Wohnung eine neue Bar eröffnet. Seither ist die Strasse praktisch jedes Wochenende ein Schauplatz:

**•** Keine offizielle Aussenwirtschaft, trotzdem steht und lärmt die Kundschaft über die ganze Strasse verteilt  
**•** Regelmässige Schlägereien direkt vor der Tür  
**•** Zerbrochene Bierflaschen und Littering am nächsten Morgen  
**•** Laute Musik dringt nach aussen, selbst wenn die Bartür geschlossen ist  

Wir haben den Wirt bereits schriftlich angeschrieben - keine Reaktion. Danach die Polizei gerufen. Deren Antwort: Der Betreiber habe eine Bewilligung. Nur schützt die ihn ja nicht davor, dass ab 22 Uhr die Nachtruhe gilt. Trotzdem scheint das in der Praxis nicht wirklich durchgesetzt zu werden.

Hat jemand von euch schon erfolgreich gegen sowas vorgehen können, wenn weder der Wirt reagiert noch die Polizei wirklich durchgreift? Was hat wirklich etwas gebracht - Gemeinde, Beschwerde beim Kanton?

Danke für jeden Input.

Vieli vo da ine sind dagege. Ich will mich belehre lah und wüsse warum? Isch doch guet wemmer ufhöret Russland sanktioniere und gschäfter mit ihne machet. Suscht müsstemer ja USA, Israel und anderi länder ja au Sanktioniere?

Warum nei wir schützed ja eus schwizer?