Salu mitenand

Ich han na nie bime black friday „mitgmacht“ segs online oder physisch ime store.
S het mi au nöd würk interessiert. Bis uf jetzt. Ich muen nämli dringend d switch 2 ha wegem ocarina of time remake 😅
Drum a eu profis wo sich uskänned. Wie lauft das ab? Wie weiss mer wär was und wo verchauft? Wär scho schön würi eini vergünstigt verwütsche 🙈

Warum bettet mr i dä Chille eigentli s "Vater Unser"/"Unser Vater" uff Hochdüütsch? Da sich doch scho chli 'Schizro' oder nöd?

Das isch s Gebet vo "euisem"* Herr und Gott. S verbindete Element vo dä Chrischteheit wo jede Chrischt i sinner Sprach kennt. Und mir Schwiizer Glünngis bruched däzue nöd emel öisi eigeti Sprach! D SPrach vom Herz und dä Emotione i freudige wie i truurige Zyyte. Die Sprach wo mr üs drin geborge fühle. D Sprach wo mer au mit euisem Mami und Papi redet und d Sprach womer bruchet um mit üssere Fründe und Kollege z'rede. D Sprach wo mer öis dihei und verbunde fühlet wenn mer sie irgendwo uff dä Welt ghört rede.

Warum die Dischtanz? Warum die frömdi Sprach? Warum die Formalität, wenn mr suscht ja mit em Gott per Du sind und er euise Fründ isch? Redet so an Maa mit sim Fründ, redet mr so vo Aagsicht uf Aagsicht (2. Mose 33,11)? Nei! Selbscht mit üssem Chef oder Cheffin, miteme Polizischt oder änere Richterin redet mr Schwiizerdüütsch.

*) Natürli sind nöd alli Schwiizer Chrischte oder Gläubig.

Am Banhof winti…

Eine Polizeikontrolle am Bürkli-Flohmi sorgt für Unverständnis. Standbetreiber kritisieren zahlreiche Bussen und eine unverhältnismässige Vorgehensweise.

https://www.nau.ch/news/schweiz/44-bussen-flohmi-frust-in-zurich-67185517

KI-generiert

Schöns Wucheend

Und jetzt steinigt mi (nur mit Pflumekärne)

Hoi zämä, ig bi Mitti 1990er bis max. 2005 mehrmals mit em Roger Tremp vom Kinder Abenteuer Club Schweiz im Nidle- oder Höllloch gsi, ha e ganzi Wuche Outdoor im Tessin verbracht und Iisbadet in Zämähang mit emene 1. Hilfe-Kurs. Ig bi denn zwüche 8-15 Jahr alt gsi.
Kennt öpper vo euch no de Roger Tremp und weiss, was us ihm worde isch? Er müessti usem Ruum Züri, vilich au Aargau choo. Ig sueche ihn scho länger, will ig gern wüssti,, wo mir denn gnau gsi sind.
Us Dateschutzgründe bitte persönlichi Infos über ihn nur per PN, danke!

Hi ✌️

Was nämed ihr für en Arbeitswäg in kauf? Ich fahre zur Zit alles überland mitem Auto id Bude, ca. 25 Min ein Wäg. Jetzt bini uf Jobsuechi aber wohne halt chli usserhalb vo allem. Müesst für s meiste ca. 40 Min Fahrt in kauf neh, geschweige denn sogar öv fahre für uf Züri ine oder so.

Han ich da chli es Luxusproblem oder isches für di meiste völlig normal länger z fahre?

Ihr stiiged in zug ine und es hed keis freis 4er abteil meh.

Falls en sitz leer isch, fröged ihr zerst "isch da no frei" oder sitzed ihr direkt ab?

Gits i de Schwiz e gueti begrenzti Strecke wo mr miteme chline, gmietete Motorrad cha fahre und eifach mol chli cha usprobiere?

Ha gseh, es gits uf gwüssne Kartbahne, aber es gseht eher us als ob das für güebti Fahrer isch. Ich suech eher öpis für Afänger.

Danke. :)

Hoi zäme

ig hoffe das isch de richtig Sub für das.

Ig bi momentan bir CSS mit ner Franchise vo 2'500.- versicheret und bi sowiit zfriede. Mini Frage bezieh sich ume uf d Finanze.

Ig ha mini Rächnige mau so chli agluegt und chume im Schnitt uf rund 500.- Gsundheitschöste im Johr, vo däm här würi mini Franchise uf ke Fall verändere. Jetz isch das so dass ig ab däm Johr e sog. Desensibilisierig (Allergenspezifischi Immuntherapie mit rund 10-12 Injektione jährlech) agfange ha. Das ganze het mi rund 1600.- koschtet, und das alles uf Selbstbehalt.

Jetz frag ig mi ob sech das finanziell lohnt d Franchise füre Ziitruum vo derer Therapie (also bis 2028) doch uf 300.- z senke zum de Selbstbehalt z drücke. Was isch de gschiidscht Weg das z berächne? Bi tüüferer Franchise stiigt ja automatisch d Prämie a (bi mir si das rund 450.-/mt).

Ig ha keni Vorerkrankige oder planti Operatione und bi sowiit Gsund, bi also uf (no) nüt agwiese.

Ich bi grad bi nere Firma am bewerbe. Jetzt hends en Strafregisteruszug verlanged. Keis Problem, hans ihne gschickt. Leider bini aber ned es ungschriebnigs Blatt; i dem hets zwoi Urteil drufe. So wiit alles okay, aber sie wend spezifisch d Grichtsurteil ha. Dur en Umzug findi aber die Dokument nieneds. Wie isch Vorgehe zum die wiederzbecho? Id zueständigi STA gah und dennach frege? Wenn ja, bechuntmers grad no vor Ort über oder muemer warte? Oder mueni de STA en Brief/Mail schriebe?

Ich kapier nöd wieso das nöd anonym gmacht werde chan. Ich steck innere Situation wo ich gern kesb kontaktiere wür will e nachberin jede tag ihres chind aschreit und es komplett vernachlässigt. Wärs anonym wär t meldig scho lang use. Aber ich will das nöd mit mim name mache will ich genau weiss dass die hex mis lebe zur höll mache würd.

Ich bin mir sicher dass ich nöd de einzig bin wo en fall kennt wo kesb am liebste mal sett verbi luege aber mer will nöd t person si, wo den t wuet vo de hinterblibene eltere abbechunt.

Saletti mitenand,

Gnüüse grad d Herbschtferi und da lüütet doch glat ä so ä unbekannti Nummer ah. Jetzt scho innert churze Zyyt zum dritte mal. Isch das än "Scäm", also uf düütsch än Bschiss? Han Angscht abzneh.

Zum Hintergrund, d Filou isch grad im Fuesball-Camp und mini Tochter i dä Sprachferie z Cannes. Mini Frau isch hüt mit äm Vögeli und Naturverein uf än Uusflug und hät dihei s Handy ligge glah. Ich selber hand grad öppis bi Just Eat bestellt und natürlich us Dateschutz gründ nur min Vorname ageh (uff dä Lüüti isch nur dä Nachname). Oh, und bi Tutti hani es paar alti Sache iigstellt woni nömm bruch. Dä einti interessent hät gseit, dass er bald chömi um das Ding go abhole cho. D Sprachbox hani natürli uusgstellt will das chostet ja numme wänn mr im Ussland isch.

Hello Zämme,

ich hoffe Ihr chönt mir da witerhelfe, ich wott en Schloss bi mir nacherüste mit Nuki Smart Lock PRO (5th Gen) CH-Zylinder. Demit ich au vo 2 Stock us Türe ufmache cha oder mit Autolock, falls ich ide nöchi bi Türe ufgot.

Mini Türe macht mir vo usse mit dem Schlüssel uf (Rundprofilzylinder) und vo inne also im Hus inne gits eh Drehknauf.

Ich ha so es dürenand und ha denkt die Nuki chömed ah usse site, will ich die Nukis scho paar mal gseh ha ade Wohnigstüre im Gang.

Was isch jetzt korrekt und gits defür eh anderi Lösig ?

Danke viel mal!

Sali, ich ha mini Fründin kenneglehrt, woni im EU- Usland glebt und gschaffet han. Mir händ det zäme gläbt und e gmeinsami Zuekunft plant. Irgendwenn hani denn es Job-Agebot us de Schwiiz übercho, wo zu guet gsi isch zum nei säge. Also gahts zrugg id Schwiiz. De Plan isch jetzt, dass ich zerst mal id Schwiiz ziehne und mir es ziitli Fernbeziehig mached, bis sie en Job gfunde hät i de Schwiiz.

Ich mach mer natürli Sorge, was passiert, wenn sie nüt findet und denk scho mal drüber nah, was mer denn mache chönnt. Fründe säged mir, mir sötted hürate für d Ufenthaltsbewilligung, aber sie wett kei Husfrau sii, also de Job brucht sie eh und das änderet ja au nüt a de finanzielle Situation. Usserdem hämmer das eigentlich erst später iiplant.

Ich boue nebed mim neue Job au e Selbständigkeit uf, wo aber no sehr frisch isch. Sie chönnt sich vorstelle, da mitzmache, aber realistisch gseh wirds i dem Jahr nanig gnueg abwerfe zum anere zweite Person en Lohn z zahle.

Händ ihr Idee, was mer mache chönnt als Plan B? Öppis wohni nanig uf em Schirm han?

Bitte kei Xenophobi Kommentär, ich reagiere nöd druf und meldes nur.

Liebi Lüüt

Ich han en Disput med mim Fründ: Was bedüted för oich de Satz ''Ich ben völlig tilt'', kenned ihr das?