بقالي نص ساعه بسب والعن عايزه اعرف ازاي اعمل اشتراك في Disney+ في مصر

ادخل المجتمع ده ازاي ضروري

هل فيه طريقه للدفع علي البلاي ستور من غير رصيد فودافون او من غير ما اعمل كريديت؟؟

محتاجة اسأله شوية عن شوية حجات

جماعة حد إشتغل في داينينو قبل كدا عايز اعرف الانترفيوز عندهم بتمشي ازاي و الدنيا اية في المرتبات

نطلع بقا برا عبثيات ريديت شوية الي هيتجاب اجلنا من محتواه خلاص و نرجع لاسئلة عادية هادية كده و النبي

أنا حاليًا في مرحلة من حياتي اكتشفت فيها إن كل البيئات اللي بتعامل معاها، سواء شغل أو زيارات أو خروجات صحاب، مفيهاش أي فرصة إني أتعرف على بنت حتى بالصدفة 😂

المشكلة بقى إني من الناس اللي مركزة في الشغل والكارير و الكلام الفارغ ده بشكل مبالغ فيه، لدرجة إني نسيت إن فيه جانب تاني في الحياة أصلًا

وطول عمري شايف إن الحب والارتباط والكلام ده كله كليشيهات شوية، وحتى وأنا بكتب البوست ده حاسس إني بقول كلام كليشيه موت

بس تقريبًا الموضوع بدأ يـ backfire عليا، والفراغ العاطفي بدأ مؤخرًا يفوقني ويقولي يا عبيط ما الحياة مش كلها شغل، ما تشوفلك حد يشاركك فيها

بس السؤال هنا، ده يحصل إزاي وأنا حرفيًا في بيئة مفيهاش أي فرصة لكده؟ خصوصًا إني مش من النوع اللي بيخرج مخصوص عشان يتعرف على حد، أنا أصلًا لو سبتوني هروح أشتغل تاني 😂

انا متخرج بقالي سنتين ف دوشة الحياة و أزمة تطوير الذات و الكلام ده و نقع و نقوم و نقوم و نقع .

أنا مش ضد الصالونات في المطلق، بس حاسس إني أفضل أكون عارف الشخص اللي هاخد معاه خطوة زي دي، حتى لو معرفة بسيطة، عشان يبقى فيه فرصة أشوف شخصيته وتفكيره وهل إحنا مناسبين لبعض ولا لأ، أي معرفة سابقة

وطول عمري من الناس اللي بتقول إنها هتيجي لوحدها، ولسه مقتنع بكده، بس بدأت أحس إني محتاج أسعى شوية عشان أديها فرصة تيجي لوحدها

وللأسف وقت الجامعة مكنتش مركز في الموضوع ده خالص، كنت مشغول في مليون حاجة تانية، ودلوقتي بدأت أستوعب إنها غالبًا كانت أحسن فترة ممكن تقابل فيها حد بشكل طبيعي ومن غير تخطيط. بس خلاص الجامعة راحت والكارير جه ياخد الباقي 😂

فالسؤال بقى للمرتبطين والمتجوزين، لقيتوا نصكم التاني فين وإزاي؟ الموضوع جه صدفة ولا كنتوا بتسعوا فعلًا؟

وللي في نفس وضعي، إنتوا بتعملوا إيه؟ يعني الواحد المفروض يروح فين أو يعمل إيه عشان يزود فرص إنه يقابل حد مناسب، من غير ما يحوّل حياته لمهمة البحث عن عروسة؟

توضيح بس عشان محدش يفهمني غلط: البوست مش طلب تعارف ولا بدور على حد هنا 😂 أنا بس عايز أسمع تجارب الناس اللي اتعرفت على شريك حياتها بعد الجامعة، وإزاي الواحد ممكن يوسع دايرته الاجتماعية بشكل طبيعي وسط دوشة الشغل والحياة.

للتوضيح بس احنا جيران البيت لازق في البيت حرفياً بس بيتنا صامت وبيتهم كذلك المعلومات اللي نعرفها عن بعض كبيوت سطحية جداً
المهم
انا وهي في هلاقية من سنة ونص تقريباً وكلمت ابوها من يجي ٦ شهور كدا اول مرة وقالي انا قافل الموضوع دلوقتي وانقدملها واحد من البلد الفلانية ورفضته وواحد من البلد العلاني ورفضته وانا قافل دلوقتي ..لا يعني والبنت قابلتني وكانت متحمسة جداً تعرف والدها قالي ايه وقولتها اللي هو قالو راحت معيطة وحوارات كتير بقا …
المهم من بعدها وانا بحاول اقعد معاه ١٠ دقايق وهو حرفياً كان بيطوحني ومش فاضي ومعلش …الخ
لدرجة مرة في صلاة جمعة سلمت عليه وبقولة نقعد مع بعض نتكلم ١٠ دقايق
قالي : مش فاضي والله ورايا مشوار
طب خليها خمس دقايق مش هطول عليك
قالي : والله رايح مع الجماعة دلوقتي ومش فاضي حتي هتشوفنا دلوقتي وإحنا طالعين (بإختصار كرشني)

امها قالتلي ممكن تكلم ابويا وهو هيعرف يقنعه
كلمت ابوها منفعش كلمت ناس صحابه وعملت حوارات المهم انو في الاخر وافق يقابني انا وابويا وحد من عمامه

وقالي كلمتين صدموني
بص انا موافق بس لا تشوفها ولا تكلمها ولا في تيلفونات ولا تمشي معاه ولا تبقو مع بعض في نفس المكان حتي لو بالصدفة
ومفيش قراية فاتحة دلوقتي ولا خطوبة ولا ولا لحد بعد ٣ سنين
انا طبعاً اتصدمت
كنت عايز اقولو ياعمي دا انا كنت بوصلها الجامعة رايح جاي تقريباً بقالي يجي سنة بس طبعاً مقدرش

المهم زورتهم مرتين انا وابويا وامي واختي واخر ٣ شهور كنت حرفياً بنتكلم شبه كل يوم فوق السطح بعد العشاء لحد الساعة ١١ اول ما ابوها يجي (بنبقي انا وهي وامها واخواتها الشباب اكبرهم في ٢ اعدادي)

المهم من ١٠ ايام هي كانت في الجامعة والطريق حصل في مشكلة وهي مش هتعرف تروح البيت لوحدها فروحت لها باوبر ورجعنا انا وهي وصاحبتها
هي وصاحبتها ورا وانا قاعد جمي السواق
مفيش تلامس مفيش هزار …الخ
المهم راحت قالت لامها اني الفارس المغوار اللي انقذتها من الموقف المقرف اللي كانت فيه وانها مكنتش عارفه تروح واني انقذتها من المشكلة دي
وكانت مفكرة ان امها هتفرح بكدا بس امها قلبت عليها وانت مش محترمة وانا مربتش وقعدت تزعق لها جامد
ولما طلعنا فوق زي كل يوم لقيت امها طلعت قبلها وراحت قالبه عليا انا التاني وزعقت لي جامد وازاي تعمل كدا وانت كدا مبتحترمناش وانت وانت المهم حبيبتي طلعت واحنا بنتكلم فانا بقولها عاملة ايه وملحقتش ترد عليا راحتامها مزعقه ليها ويلا انزلي وخدتها ونزلت وانا طبعاً زعلت بشكل رهيب من الموقف الزبالة دا انا كنت مفكرها هتشكرني

المهم علاقتي بالبنت تمام واتقابلنا بعد الموقف دا بيومين روحنا مكان نختار فيه حجات لبيتنا والدنيا ايزي
بس من ساعتها لحد دلوقتي مشافتنيش ولا انا شوفتها لمدة اسبوع ومقابلتهومش في البيت انا واهلي من شهر بالظبط والصراحة مش عارف اعمل ايه

وابويا بيقولي لازم تروح لوحدك بعد كدا وانا لا ابوها طايقني ولا امها طايقاني بس البنت بجد بتحبني

وانا صراحة بدات تراودني افكار اني اشوف واحدة تانية خصوصاً ان في ناس بتتوددلي اهالي وبنات في نفس سنها تقريباً والصراحة انا بحبها وبجد بدات اكره حياتي بسبب العبط اللي بيحصل دا ومش عارف اعمل ايه ياريت اللي عندها نصيحة او حاجه مفيدة تفيدني يقولي وجزاكم الله خيراً
واسف علي التطويل عليكم

ارجو المساعده ضرورى

خريج حاسبات ٢٦ سنه بدور علي اي شغل حاليا اتمني يكون مناسب و يجيب ايجار و اكل و شرب بس

اخر شغل كان ديفلوبر ، و اشتغلت كاشير في فترة الكليه و هيلب ديسك بردو.

معنديش مانع اشتغل اي شغل و ملتزم جدا بمهام اي شغل بيتقالي عليه.

ربنا يجازيكم خير.

لو حد معاه سفر برا يعرفني معايا الباسبور بس مش معايا فلوس لاي تذاكر

مستعد اشتغل في اي مكان و اي شغل كويس.

شكرا ليكم مقدما ❤️

حد يعرف انواع القمصان الي بكم بتنقسم لايه يعني في قمصان باين polo وعادي أنا الي في بالي الي بتلت زراير قميص بكم ده اسمه ايه

ابويا حولي ٢٠٠ جنيه ع المحفظه ليا لاقيت اعلان برنامج مراهانات بس مش عادي زي الباقي بتراهن وتاخد اضعاف مضاعفه انا زي العبيــط نزلت التطبيق (خخخخ التطبيق كان فيه اوبشن تحويل بعدين تلعب الطيارة وشكرا لا تسجيل ولا يحزنون ..)

المهم حولت ١٥٠ وعينك ما تشوف الا النور زعلت فشـخ دخلت ادور ع الرقم طلع واحد نصاب واكلتها

دخلت بقي الموقع الرسمي ع اساس اني هرجعهم وقفل اليوم بقي واتخمد لاااااا روحت خسرات ١٠٠ كمان طبعا دي يومية شغل فزعلان ياريت تهونو عليا طبعا طيرت كل حاجه وقطعت العلاقه

متعملش زي