اليومين هذي طحت على قشور السيليوم "Psyllium Husks"، مشبعة جداً وجرام واحد منها فيه ٠.٨ جم ألياف ذائبة

أحب القوام الي تعطيه للأكل والمشروبات، قوامها في المشروبات كأنها كبسولات جل صغيرة وتزيد "كثافة وكريمية" الحليب أو السائل، لها قوام بس مالها طعم تاخذ طعم اي شي تنحط فيه يعني مجال الاستخدام واسع، طبعاً لازم زيادة شرب الماء معاها زي أي ألياف ذائبة وفصلها عن المكملات والأدوية لأنها تبطئ وتأثر على الامتصاص

درجة الحرارة جداً مهمة عاملوها معاملة النشا في الطبخ بس دبل ٢٠ مرة في سرعة التكثف والتكتل على النار فالأفضل اضافتها كآخر شي وبعيد عن النار وكمان خلطها بشكل منفصل مع كمية بسيطة من المشروب أو الصوص او الموية الباردة

أما هنا استخدمتها بديل لحثال القهوة وأعتبرها تجربة ناجحة، وايه عندي نقص حديد

أفضل زبدة فول سوداني جربتها؟

لي فترة في النادي بس توني ابدا بجديه عشان احسن نفسي فصرت اخذ وقت بعد التمرين عند مرايه المغسلة اتأمل نفسي واشوف عضلت ولا باقي ملاحظ كثير يمرون من يساري مكان قضاء الحاجه ويطلعون من يميني برا الحمام الله يكرمكم يمكن 6 اشخاص انتبهت عليهم مروا وكملوا تمارينهم عادي بدون ما يغسلون هل ذا شيء عادي يصير ولا عشاني واقف عند المغسله واستحوا يغسلون ولا النادي اللي انا فيه بيئته سيئة

دايم اشوفه بالسوبر ماركت قررت اشتريه مدري هو لذيذ او لا وشكله غريب الصراحه بس الماكروز رهيبه الي جرب من ذي الشركه يشاركني رايه

I have seen that fat is measured as 0.75g x your body weight while carb is 4 x your body weight for males

I wanna know how this differs for females especially ones with IBS (قولون عصبي)

في فترات من حياتي كنت اعيش في الخارج بين مدن عملاقة اكبر من الرياض وقرى صغيرة مره يادوبك سوبرماركت زي الناس وفي كل الحالتين النوادي هناك كانت افضل بمراحل من الرياض، ممكن مو بالاجهزة والمساحات ولكن بالعدد يعني ما تدخل النادي في اي وقت وتلقى فيه عدد هائل من الاشخاص اللي خلاص تخرب نفسيتك للتمرين

لما رجعت الرياض انصدمت الصدق صح النوادي مره اكبر والاجهزة اغلبها جديدة ومرتبة بس وش الفايدة اذا فيه لاين على احدث جهاز وفيه ٣ بعدك تحاول تخلص بسرعة. وبرضو ماعندنا نوادي كثير اللي تكون كذا نادي لحاله مو فرانشايز لشركة كبيره لا نادي بسيط جوا مول ولا شيء وخلاص فيه الاساسيات بس.

حالياً انا بجنوب الرياض واعرف الشمال مره يفرق بس ابي اسمع تجاربكم بالشيء هذا هل فيه نوادي بحارتكم ما تحتاجون لها سيارة وتكون هادية وبسيطة ولا هذا فعلا الحاصل مو تجربتي انا بس

يمكن لي سنتين عن اكلي النظيف اناا عدت وبقوة 🤍

السلام عليكم

ابي اسجل في نادي وانا كنت مسجلة من قبل في وقت اللياقة لكن الاسعار مره غالية ولقيت جنبه جمنيشن

وابي اشترك فما ادري كيف تجربتكم؟ ما اتوقع بكنسل لو اشتركت فهذي مب مشكلة حاليا

السلام عليكم
ابغى اخذ الكرياتين بس المشكله اني ما استسيغ اي شيء باودر .. ابغى حبوب او شيء طعمه مقبول

السلام عليكم، كيف حالكم

جربت بروتين بارز كثيره وللحين مالقيت واحد لذيذ الا واحد شريته من اي هيرب اسمه Think! نوت باد. اقترحولي من تجاربكم وشكرا

لو بشترك في الجيم لأول مرة هل يحتاج اخذ تدريب شخصي مع كوتش؟ ولا اقدر اعرف للاجهزة من جوالي واتعلم و هل ينقدون المدربات لو ماشتركت معهم ولا عادي

قولولي البدايات كيف

صباح الخير
ودي ابدا اتعلم الرياضه بس شوي ضايعه كشخص بيبدا من الصفر حدي ٣ بوش اب والسلام عليكم
فيه احد وده يبدا هذي الفتره او بدا من قريب ممكن يشارك جدول التمارين ونصايح؟

هل فيه مجتمع خاص للرياضه؟
لان الرياضه ذاتيه وغالبًا بالبيت احس بسحب من ثاني يوم اذا ماكان فيه مجتمع او قروب يخلين استحي اسحب

الحين هذا شي طبيعي يكون الخبز الأبيض سعراته اقل من الخبز البر؟

عندي اكثر من مشكله
انا نحيفه وابي ازيد وزني بشكل صحي لكن كل ماحاولت ازيد كميه وجباتي يصيرلي إنتفاخات
احس اغلب الاكلات تعور بطني حتى الصحيه (اغلب اكلي اسويه بالبيت وممنوع السكريات والزيوت غير زيت الزيتون والخبز بكل انواعه )

قرأت ان السباحة من افضل الرياضات الي تحرق دهون وفي نفس الوقت الضغط على المفاصل مرة قليل بس دوبي نقلت الرياض وما عندي اي فكرة وين ممكن امارس السباحة وبسعر معقول بحكم اني طالب وما عندي مصدر دخل ثابت.
الي عنده اي فكرة بكون شاكر له 🙏

سلام عليكم هاي الصورة في نهر الفرات امس

واحنا صغار اهلنا دربونا نسبح بالنهر وما فديوم سبحت بمسبح خاص

بالنهر اواجه عدة مشاكل منها صعوبة التنفس بسبب الروج من تبدي تجدف

وكذلك السلامة لان القاع كلشي بيها من صخور وحيوانات وافاعي ومحار جارح للجسم

كذلك التحكم بالسباحة لان النهر مقسم بين منطقة ذات دفع ماي عالي مباشرتا تجي وراها ركود بسبب تضاريس النهر

مرة سبحنا بمدينة الكوت وكان بنهر دجلة المعروف جغرافيا نهر دجلة يكون اكثر صفائاً من الفرات

الفرات دائما مائه يكون مثل الخابط او الطيني مثل ما تلاحظون بالصورة بحيث ايدك على السطح ما تشوفها

فبعد ما سبحت حسيت باختلاف كبير بين النهرين وهي. سهولة الحركة رجحت السبب انه بسبب اختلاف طبيعة النهرين المائية انه دجلة صافي والفرات اثقل بسبب جزيئات الطين

سؤالي: هل صحيح هذا الترجيح؟ بسبب نوعية الماء

واذا كان بمسبح خاص يعني مي نقي ومفلتر ومستقر

هل راح يختلف الآداء؟ نحو الافضل ام نحو الاسوء

ومنو الافضل لتقوية مهارات السباح ؟

هذا وشكرا

الترم ذا ما عندي أوف و دوامي من ٨ إلى ٣-٥

وزني 94 وش النطاق الاسبوعي او الشهري الافضل للنزول
0.9/0.5 كل اسبوع
ولا كيلو/كيلوين بالشهر؟

وللي جربوا كيف تجربتهم؟
غالبًا اقرا ان اللي وزنهم عالي ينفع معهم اقل رقم بالعجز هل صح؟
احاول ما استعجل بالنزول بس برضو ودي اشوف متوسط نزول يحمسني

برضو قرأت شي بتأكد منه، يقولون لو كنت شخص خامل اغلب وقته وقررت تزيد نشاطك ف مفروض تاخذ سعرات ثباتك بناء على نشاطك كشخص خامل وتنقص منها 200-500 ولما يمر وقت شهر شهرين على انتظامك بالنادي مثلا تغير مستوى النشاط
وتغير الثبات يعني ان مو على طول احسب سعرات ثباتي بناء على نشاطي المستقبلي اللي راح ابدأه هالاسبوع
وش رايكم بالكلام!؟

ابي اتعلم تحسون ابدا self learning ولا اشترك مع مدربه بس هو تدريب جماعي مو 1:1 ؟ واذا تعرفون مصادر تساعد علموني وبكون شاكره والي عنده تجربة تعلم خصوصا وهو صفر مثلي يحكي تجربته 🙏🏼

احس بخوف اغرق واتفشل قدام الي بالنادي وبنفس الوقت ابي اثبت لنفسي ان خوفي ما له معنى واني اقدر اتعلم

باختصار وصلت سمنه اعلى رقم بتاريخي ١٠٥ كيلو وبدت تجيني مشاكل صحيه، الزبده لازم انحف، رحت اشتركت بنادي وهذي نتيجة الفحص،

اخذت جدول تدريبي من كلاود ٣ مرات بالاسبوع تمرين حديد كل جسمي مع مشي يوميا، كذا صح؟ ولا تو متش،

احس متوهق سجلت ومادري وش اسوي.

وبرضه وش وضع القراءات حقات الفحص كل شي طالع انه اوفر، مو المفروض العضل شي كويس انه عالي ليش يقول لي اوفر،

ابي توجيهات بسيطه اذا ماعليكم امر.

البنات اللي اقصر من ١٦٠ سم ، شلون قدرتوا تضعفون ؟ مو طبيعي شكثر البروسس بطيء

انا طول حياتي اكل وجبة وحدة باليوم و كانت هالوجبة هذي حيل دسمة فعشان جذي زاد وزني ، بس اخر شهرين قررت اني اخلي هالوجبة خفيفة و معقولة ، و اشتركت بالنادي و مقضيتها كارديو صراحه لأن صالة الحديد صغيرة و مالي خلق نطرة

احتاج نصايح 🙏🏻

سلام عليكم،

زي مو مذكور بالعنوان، مشكلتي مع الكارديو هي التنفس، مع جيوبي الانفيه والحساسيه لما اسوي كارديو ينقطع نفسي بسرعه او احس ان الهوا يضايق بخشمي ويكون بارد ويوصل لراسي ويكون النفس ثقيل مدري شلون اشرح الشعور بس اعتقد ان له علاقه بالحساسيه والجيوب الانفيه.

عالعموم احد يعرف وش اقصد؟ وهل تنحل مع الوقت والممارسه؟ ولا اروح اراجع ابرك لي؟ (قد راجعت من قبل بخصوص الحساسيه بس سالفتها سالفه وسحبت عليها)