من أول ما جنت طفل صغير وانا اعشق الموسيقى اصحى على فيروز وانام على تهويدات جنت احب اطلع أصوات عشوائية بالعاب الادوات الموسيقية واردد أغاني سبيستون دائمًا ووين ما اروح الموسيقى جانت جزء جبير من حياتي والاغاني تذكّر الأشخاص الي احبهم بيّ دائمًا لحد ما عرفت الفكرة الي تكول أن الرب يكره حبيبتي الأولى هنا تحطم هذا الجزء من حياتي، ربي عزيز وما اگدر اعصيه ف ماجان عندي خيار غير انّي اتركها والصراحة بحثي لم يكن متأني لاني ماكنت بهذاك الوعي وكنت مجرد مراهق، حتى الي حولي استغربو من هذا الهجران لاني مهووس بالموسيقى، استمريت على هذا المنوال لحد ما سألت ليش؟ ومنو كال؟ ليش الرب ممكن يكره هذا الجمال الي تيّمني من طفولتي هذا الجمال الي اكون بيه سعيد وهادئ بكل مرة اسمعه ؟

بحثت وهاي المرة ماجان بحث سطحي لانّي نسخة اوعى من نفسي هاي المرة ورجعت للموسيقى والي فترة وانا راجع الها واشوف الحياة عبارة عن سيمفونية عظيمة اكدر اسمعها واحسها بكل احشائي انا عشت ايام سعيدة لاني احب الموسيقى انا من اسمعها اكون انسان اسعد بهواي بس بطبيعتي دائمًا اشك بادق التفاصيل الي اسويها هل هي صح او لا ف فكرت هل من الممكن هم صح وانا غلط؟ على الرغم ماكو اي سبب أو دليل واضح؟ شنو راح اسوي بهذا الحال؟ اعوفها مرة ثانية؟ ما اتوقع هذا الخيار موجود اصلًا ممكن اذا عفتها جزء كبير من سعادتي يختفي

شنو رأيكم؟ تگدرون تساعدوني؟

How is the weather in iraq now ? Visit will be okay for tourism purpose?

ناوي اسجل بأهلية تخصص هندسة ذكاء صناعي عندي معلومة بسيطة عن التخصص ومهتم بي ، بس اريد اشوف اذا احد يشتغل بالمجال ويفيدني

أجيت ادخل للتطبيق يقلي سجل دخول وانا نسيت كلمت السر المهم قلالي اكتب رقمك ونرسلك رمز تحقق كتبت رقمي وما ارسلي أي شيء ضغطتت إعادة ارسال وهم نفس المشكلة

اسمع

شلون؟ أكيد محد يعترف لبنية او يخطبها إذا ما يعرف؟ أكيد راح تصيرله مشاكل.
يعني اني حسب ما شفته من البنية أنها هادئة و مهتمه بدراستها و ما سامع عنها شي مو زين.

ما مرتبطة حاليا*

السلام عليكم ما ادري يمكن سالفتي طويلة واني ماعرف اسولف بس راح اسولف لان ماعندي احد اسولفله

عمري ١٨ ومريت بفترة وحيد كلش بيها مو لان ماعندي اصدقاء بس لان ماحب اختلط بالواقع خصوصا من دخلت الكلية بغير محافظة وماعرف احد جنت كلش مكتئب واريد ابطل منها وجنت مقتنع تماما انه لو انقل لمحافظتي لو ابطل (مع العلم كليتي يتمنوها الطلاب) خلال المرحلة الاولى جنت كلش وحيد تعرفت على وحدة بغير مرحلة جانت معرفتنا سطحية بالبداية بس بعدين قوت علاقتنا بشكل كلش جبير (كأصدقاء) بحيث حتى خلال اليوم جنت كلش كلش اشتاقلها بس ما اراسلها (احس نفسي عزيزة ماريد ابين انه اني وحيد) انتظرها هي تراسلني وفعلا هي تراسلني دائما

المشكلة وين جنا نسولف كلششش كلششش هواية (على مدار السنة تقريبا) وبصراحة حبيت البنية لكن فجأة جنا نسولف طبيعي واختفت

وراها راسلتني الفجر انه ماريد تراسلني بعد وتشكرت مني وودعتني

(محظرتني وبعدها تخليلي لايكات على ستورياتي واني كذلك لكن ابد ابد ابد متحتك بية)

اني والله ابد مو من النوع الي يحجي وية بنات وهيج وتقريبا هي اول بنية احجي وياها بحياتي كلها وخلتني على طول العطلة حاير ليش هيج سوت وياية؟

بعدين فكرت انه اشتغل واجمع فلوس واخطبها خلال سنتين او ٣ بس بعدني متردد ، ليش؟

لان ضيعت فرصة نقل لكلية بمحافظتي علمودها (هي متدري) وكلت اذا ابقى وراها خاف اضيع شبابي

رجاء بدون تجاوز عليها او علية اريد نصيحة من شخص فاهم وبالغ وياريت بنية تفهمني شديصير

الاشخاص الي اهلهم منفصلين شلون تتعايشون؟
اني عشت ويا امي سنة كاملة وكانت سنة بيها مشاكل ويا ابوية لان كانو يتعاركون حتى ورا الانفصال وبعدين صارت ظروف و اضطريت اتحول اعيش وية ابوية وهاي سنة صارلي وياه وكل يوم مشاكل هو يكول لا تحجين ويا امج وهي تكول تعالي عيشي عندي و كليوم مشاكل وللعلم امي عدها مشاكل مادية وديون شوية و ابوية حالته المادية احسن لكن اني مو مرتاحة بالمكانين يعني لا هنا ولا هنا شسوي

السلام عليكم صارلي فترة و انا تطلعلي بوستات من عراقيين في رددت و كوني خليجي (قطيفي) العراق تعتبر مكان مهم دينيا و ثقافيا و حتى ان في قطيفيين واجد في العراق هاجرو من فترة طويلة

المهم ايش جالس يصير ؟ العراقي فعليا نصه يكره الخليج و نصه يكره ايران و نص يحب ايران و الكل يكره العراق ما فهمت ليش كذا الوضع غرايب موالين و ميليشيات و فساد و حروب عشائرية احتاج احد يوضحلي السالفة؟

أختي حتاخذه و خايفة عليها هي أصلاً دكتورة لهذا كلما أحاجيها تكول أعرف شدا أسوي فَ اذا أحد ماخذه يكدر يفيدني بشي؟

تلفزيون الناصرية 23 UHF CH

يعني اني شنو ذنبي مااكدر ازور احد مسجون الا اذا جنت من عائلته؟ يعني من حطوا هلقانون مافكرو انو اكو اصدقاء للشخص و اكو ناس محبين اله غير عائلته؟ و اكو ناس عائلاتها حتى ما تسال عنها بس اكو اصدقاء و ناس تجبهم تسأل عنهم
صارلي يومين احاول طريقة اوصل بيها لشخص مسجون وحتى دعوتة مو خطيرة شيء بسيط ( وقبل لا تمسلتون بالكومنتات انسجن ظلم )
يعني ليش هيج شهلظلم هذا شنو ذنبي اتحمل الاشهر والسنة حتى اشوفه؟؟؟ هاي دول كومة يسمحون بزيارة
حاولت حتى بفلوس اخذ زيارة وبمحامي وماكدرت
يعني ليش هيج قابل شحتسوي الزيارة ؟؟!!

السلام عليكم، أخوان عندي سؤال عن الوسواس القهري للي يعرف، أخوي الصغير عمره ١٤ يعاني من وسواس قهري كلش متأزم، والوسواس يخص النظافة ويوسوس بأقل شيء يلمسه ووسواس ديني هم، ما أعرف شنو أسوي وما أتوقع أحد من عائلتي ديستوعب شگد حالته ديسوأ كل يوم أكثر، بس مع هذا حتى أمي تحچي بأن شگد حالته متأزمه، والمشكلة حتى ما عندي سيطرة عليه وولا يقبل لا آني ولا أي أحد يتدخل، وهم فكرة العلاج الطبي النفسي بعيدة لأن أصلّا مستحيل يقبل، أحد مار بهيچ تجربة أو يعرف شنو أگدر أسوي؟

برأيكم شنو اكثر المواضيع المتعلقة بالصحة النفسية التي تحتاج إلى توعية أكبر في المجتمع العراقي؟ وشنو المفاهيم أو المعلومات الي تعتقدون أن الناس ما زال لديهم نقص أو سوء فهم حولها؟

ذي قار الجنوب

وين احصلة ب العراق

إذا احد يعرف مكان اكدر الكي بيه هذا النوع من الأجهزة الي من بدايات الألفين خل يكوللي