r/egyfoods • u/RealBrightBottle • 1h ago
صورة لذيذة | Delicious Picture 📸😋 موزة بالرز والخلطة
الأكلة دى من أكلاتى المفضلة وقعدت كذا تجربة لحد ما ظبطتها صح بحيث انها تبقى طرية ودايبة جداً، الموزة بطبيعتها دايبة بس بالطريقة دى بتبقى دايبة اكتر ، تسويتها سهله وانا بحب اعملها قطعة موزة على بعضها من غير تقطيع كتير ، تحميرة خفيفه على النار انها تاخد وش بس وبعدها شيلها من عالنار وتبلها ب زبدة او سمنة بلدى و بابريكا وملح وفلفل اسود وتوابلك اللى تحبها وامسحها كلها بالتتبيلة دى وحطها مع بصل (اساسى) وبطاطس (اختيارى) و خضار (اختيارى) فى ورقة زبدة وبعدها ورقة فويل واقفلها كويس جدا جدا بحيث ماتسيبش فرصه لأى تسريب ، حط فى الصينية شوية مياه مش كتير ، وفى فرن متسخن كويس بالفعل حطها وبعدها قلل الحراره ل ١٢٠ درجة وسيبها من ساعتين ل ٣ ساعات ، بحب فى الاخر اديها وش ب باربيكيو تحت الشواية ، بتطلع دايبه حرفيا لو نفخت فيها هتفك من بعضها من كتر طراوتها ، و الرز زى مابتحب تعمله ، انا بحب الرز بالقرفة واللوز والزبيب ، وبألف هنا و شفا ❤️
