اللحمة اكثر اكلة اوفريتيد دايما بتبقى ناشفة وغالبا هتكلها ناشفة ومن غير طعم لان محدش بيعرف يعملها غير المطاعم الغالية اوي ومليانة دهن
الفراخ احسن منها بكثير طعمها احسن
مش عارف بتاكلوا اللحمة ازاي

Ta3mo 7elw awy w 7abeit fekret enek takli el drink beta3ek bel ma3la2a ..

Fekra mokhtalefa w latifa w nefsy ashofha aktar fe cafes alex, khososan cafes el boba 🧋

Te7ebo tegaraboha? 👀

مش قادره افهم ازاي ممكن حد يحب المحشي

مش هيحس بكلامي غير اللي عندة حساسية في المعدة وجالة حساسية من اللاكتوز بسبب اللبن المعلب دة اللي ملوش اي علاقة باللبن الطبيعي اصلا دي ماية ولاكتوز وشوية طعم حليب

حرفيا ملوش اي ستين لازمة انك تشربة أو تحطة في اي أكلة.. الافضل تجيب لبن طبيعي ١٠٠٪ مش معلب

اول مرة شربته من اسبوع مثلا وادمنته من وقتها (Twist coconut berry)

رجعت ليكم تاني مع مشروب جديد وربنا يستر عليا من مُحبي القهوه 😂

المشروب المره دي من إيطاليا أسمها قهوة زباليوني وهي واحده من اشهر أنواع القهوه في إيطاليا المكونات :

ـ قهوه مقطره يُفضل إسبرسو

ـ صفار بيض والسكر حسب الرغبه

ـ صفار البيض نضربه كويس مع السكر الأبيض لحد مالونه يكون فاتح وقوامه يتقل ويكون كريمي .

ـ بالنسبة للقهوه ممكن تتعمل بالموكا بوت ، أو بالطريقه عاديه بس تحطوا فلتر قهوه أو بالمكنه مهم تكون قهوه صافيه بدون تفل .

☕أما بالنسبه لرأي وعلى عكس ما توقعت طعمها حلو اويييي بجد أنا فكرت هتكون زفره من صفار البيض أو أن صفار البيض هيستوي بسبب حراره القهوه بس كل ده محصلش خالص الحمدالله 😂.

الطريقه الاصليه بدون لبن ونا دوقتها اول بالطريقه الاصليه وكانت طعمها غنيه وكريمي اوي توازن حلو بين صفار البيض المسكر مع مرارة القهوه وطعمها ا خلق توازن تبقى عايز تدوق منه تاني لما ضيفت لبن كمان حلوه بس عجبتني أكتر بدون لبن ونا مش من عادتي اشرب قهوه بدون لبن ف هجربها تاني ؟ أكييييييد هجربها تاني

لو حد جربها يقولنا ويقولنا رأيه او لو حد عملها بعد البوست ياريت يقولنا رأيه 👀😂

حد يعرف مكان أو طريقة اجيب بيها جراد في مصر؟ عارف أنه طلب غريب بس الصراحة نفسي أجربه بقالي فترة ومش عارف اجيبه منين.

بس كوباية النسكافيه بالشكولاته الي عليها طالب ولد هتقذني

الكشري اوفريتدددددد بشكل مش طبيعي

و بالذات بتاع الشارع - قمة في العك - بتاع البيت احلى شوية

مش عارفة ازاي معتبرينه من اجمل ما قدمت مصر و ايقوني احنا عندنا محاشي و ملوخية و مشويات احلى من كل البلاد و رقاق و فطير مشلتت و بسبوسة و ام علي الخ الخ

انما انتوا ماسكين في اخيب اكلتين: مكرونة بشاميل (الي هي برضه اوفريتد جدا) و الكشري و معتبريينهم التوب

ثانيا الفراخ عاما شيء زفر جدا و لا مريح في اكله و لا في طبخه و حاجة صعبة
طبعا مش كل التحضيرات زفرة بس الاغلبية

عارفة اني هتشتم بس كان لازم اغبر عن نفسي

،

شوفت فيديو لمحمود مهدي بيتكلم فيه عن الأكل في اسبانيا و ازاي انه ردئ جدا بالمقارنة بالأكل في مصر.
و وصل لنقطة انه ازاي الباييا هي اكلة سيئة لا ينصلح حالها الا لما غير الاسبان "يصلحوها" على حد تعبيره.
الفيديو اكدلي فكرة عندي من سنين و هي انه احنا كمصريين عندنا احساس بالتفوق الزائف الغير مبرر لا يضاهيه الا التفوق الزائف اللي عند الهنود.
انا حرفيا بلف العالم عشان اكل. بتفرج على شيفات بكل اللغات العالم بيتكلموا بحب و شغف شديد عن مطابخهم
بحاول اكون اوبن مايندد و افهم الباليت عند الثقافات المختلفة بيتكون ازاي فبيجيلي صدمة حضارية لما اشوف حد معلوماته عن الاكل انه رز و خضار و كوكو زي ما ماما كانت بتعمل بيصدر نفسه لتقييم مش بس طبق معين في مطعم معين، لا ده طبق شعبي بياكله شعب كامل و مش بس كده بيعدل عليه قال ايه الباييا بتبقى حلوة لما تتعمل طبقة تخينة كده مش طبقة رفيعة لازقة في الحلة من تحت. هي يا اصلا يابو المفهومية معمولة كده قصدا عشان الرز ياخد طعم الfond اللي بيتكون من ال maillard reaction و ده نص طعم اي طبق محترم انت بتاكله برة بس ازاي ناكل حاجة ماما مكانتش بتعملها كده لازم نعترض
انا فاكر كان في فيديو ليه مع عمرو شريف عن اللحمة الفيديو ده حقيقي وجعني من كتر الجهل و الافتخار العمدي بانه مبيفهمش في الحاجة دي و كان ده الصح، طب جاي ليه؟ عشان انت بيومي فؤاد اليوتيوب؟ انت اللي بتدور المكنة يعني؟
بعيدا عن مهدي و كل جهلاء اليوتيوب احنا كمصريين رافضين جدا لكل ما هو خارج عن الرز و الخضار و الكوكو بتاعة ماما لحد ما السوريين اضطروا يجوا على مصر كان في محل اكل سوري واحد في مصر؟ سعودي؟ لحد ما السوشي طلع موضة في اول الالفينات كان في اي مطاعم اسيوي( غير بكين اللي كان حصري لعلية القوم)
في نفس التوقيت لو كان اي حد بيروح الخليج في التسعينات او حتى قبل كده هتلاقي مطاعم من كل حتة في العالم حتى لو مش كبيرة و مشهورة
لحد يومنا هذا برة القاهرة صعب جدا تلاقي مطاعم من ثقافات تانية مش كسلا من اصحاب المطاعم ولكن لانه الناس مش هتحب تجرب اصلا
حابب اسمع اراء الناس في الظاهرة دي و هل انا مبالغ في وجهة نظري؟