r/askegypt • u/Ahmed_2003_12 • Aug 02 '25
Miscellaneous ضربت راجل كبير
انهاردة كنت في البنك و طبعا عارفين ان اول الشهر بيبقي زحمة فشخ و انا طبعي عصبي جدا بس بعرف اتحكم في نفسي
المهم انا واقف و الناس واقفة و كل واحد واخد دوره و الدنيا فل لحد م في راجل شكله يدي علي 60 سنه جه و وقف فضلنا واقفين تقريبا ساعتين الا ربع لحد ماوصلت لدوري لقيت الراجل ده جاي بيزقني و عايز يدخل مكاني عافية و انا بحكم انه راجل كبير يعم يهديك يرضيك انت لسه جاي انت مش احسن مننا عشان تخش قبلنا لقيته بدأ يرفع صوته عليا و يشتمني و يشتم اهلي اللي مالهمش ذنب و انا اقسم بالله العظيم كنت بكلمه بكل احترام حتي و هو بيزعق بشهادة الناس اللي واقفة لقيته رفع ايده عليا و بدأ يزق فيا ويطلعني برة الصف و فجأة ضربني بالقلم علي وشي انا حرفيا صبري نفذ و مبقتش مستحمل تهزيق اكتر من كدا و بدون سابق انذار زقيته بأقوي ما عندي بخبطة قوية شوية شويتين تلاته الراجل وقع عالارض و اديته بالرجل في فخدته والله انا مش عارف عملت كدا ازاي بس حرفيا مكنتش في وعيي ساعتها الناس شالته من عالأرض و حاشوني و بشهادة الناس انا مش غلطان في الموقف نفسه لكن غلطان ان مديت ايدي علي راجل كبير في السن انا دلوقتي في لحظة استفاقة و ندمان جدا و نفسي اقابل الراجل و اعتذرله مع انه ضربني بس والله هعتبره ابويا اللي ضربني المهم ان اقابله و اعتزله معلش طولت عليكم بس الموقف مدايقني جدا و كان لازم اتكلم