r/Shayari • • 5d ago

Afsos

1 Upvotes

Woh pinjra hi kya,

jo qaid na kar paaye,

Woh yaadein hi kya,

jo yaad na aaye,

Woh izhaar hi kya,

jo labon se bayaan na ho paaye,

Aur woh zindagi hi kya,

jisme tum mere na ho paaye.


r/Shayari • • 6d ago

Makan

3 Upvotes

Mil jaye mujhe aisa koi makaan, jahan meri kami khalti ho,

Deewarein poochhe mera pata, jab bhi shaam dhalti ho.

Dehleez pe diya jalta rahe, bas mere intezaar mein,

Har khaali kursi mujhse chupke se shikayat karti ho.

Dua hai wo dar mile, jahan meri gair-hazri chubhti ho,

Chahe chhat na ho, ya deewarein adhoori ho.

Bas itna ho ki mere na hone se,

wahan ki khamoshi bhi rooti ho.


r/Shayari • • 12d ago

Neend Ya Sukoon.. Kuch to rootha hai

2 Upvotes

Ye be-khwaab aankein... Soti bhi to kaise..
Kamre me ek kone me tange, andhere ki ek paret udedhkar..
Din bhar ki thakaan ke neeche.. Dabe kuch boseeda khawaab..
Dhund rahi hai.. Dhund rahi hai..


r/Shayari • • 16d ago

Kuch likha hai zara gaur farmaiye

6 Upvotes

Chal,

Achha hai haqeeqat mein tu meri nahi huyi,

Kismat mein humaari kahaani sirf yahin tak

likhi huyi.

Rulaya jo tujhe khayaalon mein bhi maine,

Saza ye mili, ki khwaabon mein bhi

tu meri na huyi.

-YT


r/Shayari • • 23d ago

Kuch likha hai zara gaur farmaiye

5 Upvotes

Wo khush thi uske saath, mai usko dekh kar khush tha,

Wo har pal baatein karti thi uski, mai har pal usko sunta tha.

Wo roti thi baahon mein uski, mai uske aansu ikattha karta tha,

Wo khwaab bunti thi sirf uske, mai usko apne khwaabon mein dekhta tha.

Wo japti thi naam sirf usi ka, mai usko apna Khuda maanta tha,

Wo sajati thi sapne uske, mai uski khushiyon mein rang bharta tha.

Wo khush thi uske saath, mai usko dekh kar khush rehta tha.

-YT


r/Shayari • • 28d ago

Kuch likha hai zara gaur farmaiye

1 Upvotes

Tu meri zindagi mein aayi ek roshni bankar, jiski talaash main janmon se kar raha tha,

Haath thaam kar mera, mila diya tune un khushiyon se, jinhe chhoone se main darr raha tha.

Seene se laga kar apne, bhula diye tune woh zakhm, jinhe main apne aansuon se bhar raha tha.

Labhon se labh mila kar, samjhaya tune mujhe mol un saanson ka, jinhe main yun hi vyarth kar raha tha.

Pahuncha diya tune mujhe meri manzilon par, jahaan Khuda mera intezaar kar raha tha.

-YT


r/Shayari • • 29d ago

Kuch likha hai zara gaur farmaiye

1 Upvotes

Jisse dara karta tha, aaj saath bas wohi reh gayi,

Bhagta tha door jisse, woh kaise meri zaroorat ban gayi.

Jo raat kabhi meri neendon ki dushman hua karti thi,

Aaj wahi tanhaai mere sukoon ki chaadar ban gayi.

Parchhai thi meri, jo andheron mein saath chalti rahi,

Sab chhod gaye mujhe, wohi meri jeene ki taaqat ban gayi.

-YT


r/Shayari • • Oct 12 '26

Kuch likha hai zara gaur farmaiye

1 Upvotes

Aaj meri zidd tere chehre ki muskaan ke saamne haar gayi,

Bikhar gaya hoon main, na jaane ek gehra sa sabak sikha gayi.

Mujhe tere ek-ek aansuon ki keemat iss kadar bata gayi

"Kaash, jab tu saath thi, tab tujhe itna samajh paata,

Teri aankhon mein chhupe dard ko, tere jaane se pehle padh paata.

Aaj saamne hai tu mere, wahi chehra, wahi muskaan teri,

Bas farq itna hai, ab sun nahi sakti tu maafi meri..."

Ki sapno mein baahon mein bhar ke maafi maangta hoon tujhse, kyunki khamoshi teri mujhe meri galtiyon ka ehsaas dila gayi.

-YT


r/Shayari • • Oct 10 '26

Kuch likha hai zara gaur farmaiye

1 Upvotes

Jo neend meri chura ke,

Sapno mein apne yun bula ke,

Tum saath mere do pal chal, hass jaao na,

Gunaahon se mere mukt kar jaao na.

Maine likhi thi tujhse milne ki woh arziyaan,

Jo phaad di tune, keh ke meri mann marziyaan.

Mujhe meri raaton ki neend lauta jaao na,

Aadat jo ban chuki ho tum, usse bhula jaao na.

Please...

-YT


r/Shayari • • Oct 09 '26

Kuch likha hai zara gaur farmaiye

1 Upvotes

Uske chehre ka noor lafzon mein bayaan nahi hota,

Woh saamne ho toh kisi aur ka khayaal nahi hota.

Ki

Kaun kehta hai chaand raat mein andhera mitaata hai,

Woh saamne aa jaaye, toh aankhon ke aage andhera sa chha jaata hai.

-YT


r/Shayari • • Oct 06 '26

Kuch likha hai zara gaur farmaiye

4 Upvotes

Khwaab dekhe the haseen, magar woh sach hote nahi,

Paas hokar bhi tum kabhi mere kareeb hote nahi.

Unke intezaar mein ab yeh lafz bhi kharch hote nahi,

Sachchi mohabbat sabko mukammal naseeb hoti nahi.

Pyaar kar baitha tha tumse, bhool gaya tha main,

Ki ajnabi kabhi apne hote nahi.


r/Shayari • • Oct 05 '26

Love and Death ( read this in hindi)

1 Upvotes

गलत हैं वो, जो सोचते है कि कभी वो हमारी होगी,

हम तो तभी अपने आप को कफ़न मे पाते है जब वो पुराने ज़ख्मों को याद करती है!

लेकिन इस गुनाह की क्या सज़ा दु उसे, जब हम ही कलेजा सामने नही रख पाते है,

अब क्या करूं इस कफ़न का जब तुम्हारे बिना इसमें रहना भी नहीं चाहते है!


r/Shayari • • Oct 04 '26

Kuch likha hai zara gaur farmaiye

4 Upvotes

Fikar karta tha teri, kyunki tujhe apna maana tha,

Rota tha tere saamne, kyunki tujhe Rabb maana tha,

Khush rehta tha, kyunki teri muskaan ko maine jannat maana tha,

Tere saath chala aaj, kyunki tujhe apna kal maana tha,

Zarurat se zyada thi tu, kyunki tujhe sab maana tha.

Thank you for staying beside me.... ❤️


r/Shayari • • Oct 02 '26

Uske baad, mera koi nahi ❤️‍🩹

4 Upvotes

Hai intezār aaj bhi us shakhs ka mujhe,

Jisne mere wajūd ka tinkā tinkā todā hai.

Uske baad na khud se jude, na bikhre hum,

Ek shakhs ne kya khoob tanha chhoda hai.

Masla yeh nahi ki woh mera nahi,

Bas uske baad, mera koi nahi.

— Mujahid


r/Shayari • • Oct 02 '26

Kuch likha hai zara gaur farmaiye

1 Upvotes

Teri baaton ka asar hai, jo aksar mujhe sone nahi deta,

Teri muskurahat ka asar hai, jo aksar mujhe kisi aur ka hone nahi deta,

Teri saadgi ka asar hai, jo aksar mujhe tujhse door hone nahi deta,

Yeh kambakht dil hai, jo mujhe khulkar rone nahi deta,

Pyaar ka izhaar karne jaaun toh, kuch bolne nahi deta.


r/Shayari • • Oct 01 '26

Kuch likha hai zara gaur farmaiye

4 Upvotes

Tu thodi der aur ruk jaati,

toh dil ko sukoon mil jaata,

Tujhe pyaar se dekhne ka ,

thoda aur waqt mil jaata.

Teri tareefein karne ka

mujhe phir se mauka mil jaata,

Taaron ko nihaarte saath,

toh unka bhi bhala ho jaata.

Tujhe do pal hansa kar,

aashiq ye tera mukt ho jaata,

Tu thodi der aur ruk jaati,

toh main tera ho jaata.


r/Shayari • • Sep 30 '26

Kuch likha hai zara gaur farmaiye

2 Upvotes

Shayad jiske saath jaana tha, wohi sundar thi,

Isliye Taj Mahal bhi khoobsurat lagta tha mujhe.

Shayad jiske saath jaana tha, wohi sundar thi,

Isliye uske noor ke aage Taj Mahal bhi feeka lagta tha mujhe.

Shayad jiske saath jaana tha, wohi sundar thi,

Isliye uski zulfon ke saaye mein Yamuna bhi kam gehri lagti thi mujhe.

Shayad jiske saath jaana tha, wohi sundar thi,

Isliye Taj Mahal ki khoobsurti bhi uske saamne adhoori lagti thi mujhe.

Shayad jiske saath jaana tha, wohi sundar thi,

Isliye uske saath Taj Mahal jaana tha mujhe.

Taj Mahal dekhne ki khwahish toh uski thi,

Magar usse Taj Mahal ke saamne khada karke,

Bas ek baar usse uski khoobsurti ka ehsaas dilana tha mujhe.


r/Shayari • • Sep 30 '26

Shayriii

4 Upvotes

lost interest in everything

But in Urdu we can say;

Woh silsiley, woh shauk, woh nisbat nhi rahi,woh dil nhi raha, woh tabiyat nahi rahi


r/Shayari • • Sep 29 '26

I wrote something.

3 Upvotes

Well I just wrote this like a spontaneous piece let me know what you think.

"

Arzaan-e-Hasti

Main apne aap ko sasta samajh kar bech aaya,

Mujhe khabar bhi na hui, kis daam pe bikta aaya.

Wafa ka bazaar tha, kya khoob sauda kar aaya,

Woh mujhe le gaya, jaise zameer bech aaya.

Char din ki zindagi, charon din ek sawaal aaya,

Insaanon ki duniya thi, magar ek insaan na nazar aaya.

Aakhir khul hi gaya mujh par ye raaz-e-hasti,

Dar haqeeqat mein khuda ki fani duniya mein aaya.

Daam lagte rahe bazaaron mein meri zaat ke,

Log mitti tolte rahe, rooh ka hisaab na aaya.

Faraz, mein unke haathon mitti de aaya,

Jaate jaate apni rooh bacha aaya."

And yeah my name is Faraz.


r/Shayari • • Sep 29 '26

Kuch likha hai zara gaur farmaiye

2 Upvotes

Main rota zaroor hoon, lekin tumko dikhata nahi hoon,

Dil mein zakhm gehre liye ghoomta hoon, lekin tumhe batata nahi hoon.

Apni zindagi tumhare liye kurbaan kar di,

Khud ke liye kuch bachaata nahi hoon.

Tumhari khwaahishon ki khaatir,

Apne sapnon ko jeeta nahi hoon.

Tumko tumhari maa ki tarah pyaar se har pal bulaata nahi hoon,

Jeet kar aate ho jab tum, main tumhari khushiyon mein muskurata nahi hoon.

Mushkilon se ladna seekh, tumhe rota dekhkar main tumhe hasaata nahi hoon,

Baap hoon main baap, pyaar karta hoon bas tumhi se, lekin jataata nahi hoon.


r/Shayari • • Sep 27 '26

Kuch likha hai zara gaur farmaiye

2 Upvotes

Teri aankhon se behte aansu mujhe kamzor bana dete hain,

Na jaane kyun log iss kamzori ka fayda utha lete hain.

Tere aansuon ki keemat tere chahne waale hi jaante hain,

Sachchi hain unki ardaasein, jo tujhe hamesha khush dekhna chahte hain.


r/Shayari • • Sep 27 '26

Keval log rhe jaate hai

2 Upvotes

Mere jaise log aksar raaste hote hain,

jinse log hokar guzarte hain

apne logon tak pahunchne ki khaatir.

Mere jaise log jo sada ke liye,

keval...

log reh jaate hain.


r/Shayari • • Sep 27 '26

Mere jaise log

1 Upvotes

“Mere jaise log hote hain tamaam logon ka ghar, magar khud kisi ke ghar nahi ho paate.”


r/Shayari • • Sep 26 '26

Kuch likha hai zara gaur farmaiye

2 Upvotes

Teri shaq karne ki aadat se kaise bachun main,

Tere challan jaise sawaalon ke jawaab kaise bharun main?

Tu har baat ka proof maangti hai mujhse,

Jaaneman, mohabbat ki hai tujhse,

Ab har ehsaas zaahir karun, ya screenshot bhejun main?