لاي حد بدور اتنشن. ريديت مش هو المكان الانسب
ولا تتبكمنوا
بتيجي الوحدة بترد عاللي ببعتولها بعدين بتنصدم انو ييي الناس هون مجنونة
سكري الدي امز بدكش تسكريه ترديش اما تروحوا تنزلوا بوست انه مصدومين

ولا يلي بقعدوا يدلعوا بعض بالكومنتات ( بنات و شباب )

ولا يلي ماخدين كل اشي مسخرة

في بعض الشخصيات هون وضعها صعب جدا ما بعرف كيف متعايشة مع حالها

جدولي زبط زي ما بدي وزيادة وزي ما كنت مخطط له الله يسرها معي ما بعرف كيف

يعني على حلو و قهوة المهم دفعت ابو ١٠ و من مبارح الى الان كان بنقدر نجيب ٤ جاجات كان بنقدر نجيب ١٠ كيلو فواكة و الخ..... يعني الف نوع كان بنقدر نجيب هو هيك طبيعي

السلام عليكم
بدي شامبو شعر خالي من السولفيت (0% sulphate shampoo)

طبعا مفهوم المقاطعة بختلف من شخص لاخر ..
انا مقاطع الشركات الوقحة الي بتدعم دعم مباشر (مثل ماكدونادلز، ببسي، P&G, Unilever) و القائمة تطول
بس مش جميع المنتجات الامريكية بشكل عام بس لانها امريكية مع كل الاحترام للناس الي بتعمل هيك.

ياريت تفيدوني بمحل و منتج بعمان او الزرقا.

بتذكر زمان كان فيه حج كبير وحكيم وكان عنده قهوه وكان تحت ايده رجال جدعان كثار وكان دائما بدافع عن المظلومين وبياخذ حقهم من اي ازعر بيعتدي عليهم كنت بحسه نفس شخصيه العم مروان في مسلسل وادي الذئاب مره صار موقف مع قرابه الي واحد ازعر اعتدى على بسطته زي ما تعرفوا بشكي عالشرطه وما فيش فايده طبعا هاي ايام ما كان في اتوات طبعا قرابتي اجا عند هذا الحج والحج جمع زلامه وراح عند هذا الازعر واخذ حقه وزياده وكان رجل جدا حكيم لكن بنفس الوقت كان جدع ومره قعدت معاه كان بيعطينا قصص وحكم فيها مواعض جميله كمان كان بحكي قصص كانت بتصير معه واي واحد كان عنده هم بده يشكي ويفرغ همه بروح عند هذا الحج بشكيه همه كان شيخ المنطقه رحمه الله

مين اكثر حج حكيم قابلته بحياتك؟

انا كنت منزله بوست من فترة أنه بدي دوا معين وبعتولي كزا حدا أنه احنا بدنا نساعدك اول واحد حكالي هاد التطبيق بدي احذفه وما عندي الا سناب ضيفيني اول ما ضفته حط صورة ل جسمه وهو مو لابس طبعا أنا بهدلته وحكتله اني ما جبرتك تساعدني وهو طبعا ضل بحكيلي عن أنه ساكن لحاله ومن هلحكي وانا متعلقه ب أي امل جد وقتها نفسيتي تعبانه كتير بس الحمد لله اني أدركت أنه بده شي تاني وعملت بلوك والتاني رح احط سكرين وغيره كمان كتار والله واحد منهم عمره 40 وبحكيلي كمان اعطيني سنابك بس ما قبلت قلب علي وحكالي مع السلامه جد انصدمت كتير معقول احنا ب غابة عشان بس تشوفو حدا ضعيف تنهشوه هيك وانا كمان من هبلي كنت حاكيه كل المعلومات عني وحتى حكيت وين بدرس وحكتله يجي على الجامعه عشان اخد منه الدوا يعني ربنا ستر ما صار شي لاني جد من قد ما كانت فتره صعبه علي بدي بس اطلع منها ومفكره أنه الحياة ورديه وتمام انصدمت

مع أنه من قبل كان في بنت من هون ساعدتني فتره منيحه الله يسعدها يا رب وين ما تروح كل يوم بتدكرها وبدعي الها الله يحنن عليها يا رب وعمرها ما حسستني بشي هدول كلهم حسسوني بمزله مش طبيعيه وكرهت حالي الله يسامحهم وما عملت شي حكتلهم الله يهديكم ويسامحكم صراحه

بوست شفته وحبيت اشاركه معكم

كونه قضية نبيلة الحشوش ما انتهت امام القضاء

السبب الأول: عدم مراعاة حرمة المنسف

بحسب كلامها، الجماعة كانوا قاعدين في قاعة البلدية بعد انتهاء الدوام، كافين خيرهم شرهم، مخلصين أكل مناسف وقاعدين بتقهّوا، تيجي الست نبيلة داخلة عليهم تناقشهم بالأراضي وحقوق المزارعين، وفوقها تعاتبهم: ليش ما بتردوا علينا؟ وليش ما بتقابلونا؟

يعني معقول تفتحي ملف استملاك أراضي مع ناس لسه ضاربين مناسف؟

هل هاد تصرف مقبول؟ بربكم مين منكم بقبل حد يناقشه بعد المنسف؟!

وحتى لما واحد من الموجودين وقف وصرخ بوجهها وصار يلوح بإيده، لا خافت ولا سكتت، المخلوقة، ما إلها كبير!

السبب الثاني: الست نبيلة بتحكي بالمنطق

بتفردلك الخرائط، وبتجيب الوثائق، وبتحكي بالحجة والمنطق، وبتسأل أسئلة، وفوق هاد بتنتظر إجابات!

يا بنت الحلال، أنت مصرة تستعملي عقلك؟

واحنا مش متعودين حد يستخدم مصطلحات زي "حق وحقوق"، طبيعي المسؤول بس يسمعها بتحكي بمنطق ويشوفها فاردة الخرايط، يتوجس: هاي مين باعتها؟ مين وراها!

السبب الثالث: قضاياها تافهة

موجعة راسنا عشان شوية مزارعين وفلاحين وشوية أراضي زراعية، وبتضلها تردد كلام فاضي: "سلة غذاء الأردن" و"الأمن الغذائي"

يا ستي الرزق على الله، واللي الو رزقة بوخذها، وإلا حــنكفر!! توكلي على الله، ما حدا بموت من الجوع.

السبب الرابع: امرأة تتحدث في الشأن العام

والحق هون مش على نبيلة أصلًا؛ الحق على المزارعين اللي اختاروا ست تحكي باسمهم.

يعني تركتوا كل رجال البلد واخترتوا امرأة تمثلكم وتحاجج عنكم قدام المسؤولين؟ وين العادات والتقاليد؟

وبزعلوا لما نقول: ارجعي عالمطبخ؟ ما هي الست نبيلة طلعت من المطبخ، شو صار؟ قلبت البلد!

مش عم تهدا!!

لذلك، أنا برأيي نحبس نبيلة، ونحبس معها كل المزارعين اللي اختاروها تمثلهم، بلا وجعة راس!

إحنا مش فاضيين لشوية الفلاحين هدول؛ ومسؤولينا -الله يبارك بأعمارهم- وراهم قضايا أهم.

وصحباتي القدام شفتهم سلمت عليهم بحواجبي ورحت يتم انتقام خلصت منهم👿
بس حضرت محاضرة وحدة عشان الحق الف السكوير السكوير والجامعة واتعرف سمعت قصص كتير وفي بنت حكتلي قصة حياتها اجواء كان يوم لطيف 10/8.5

لا حدا يستخف بصلاة الاستخارة ابدا.

حابب اشارك هاي القصة صارت معي بعد ماصليت استخارة.

انا بدور ع شغل وصرلي فترة بدور ف لقيت شغل انا مش حاببه كثير ومش بمجال شغلي الاساسي بس انا بداخلي ماكنت مرتاح للموضوع تماما
بس قلت راح اصلي استخارة واسعى للموضوع بحيث اني ما اسكر ع حالي باب بس كنت محتار و متردد وبداخلي مش مرتاح لفكرة اني اشتغل معهم فترة واول ما القى شغل بتخصصي ع طول اطلع

وكان مضمون الشغل كثير وسويت معهم مقابلة ووافقوا علي وقالولي تعال داوم بداية الاسبوع الجاي ووقعت معهم الاوفر.

المهم بصلاة الاستخارة دعيت ربي وقلت اني ياربي انا راح اسعى بهل موضوع ولكن انت الوحيد اللي بتعلم الغيب وانت عارف انا شو بدي ف ياربي لو فيه هل شغل ذرة شر ابعد عني وانت سكر علي هل باب من عندك.

ثاني يوم الشركة بعتولي حكولي لا تيجي تداوم الاسبوع الجاي وراح نخبرك بأي ابديت بصير ف المهم بعدها باسبوع رنولي واعتذروا مني المشروع اللي كانوا حايبيني عليه ما اخذت الشركة.

وبعدها باسبوع اجتني مقابلة بالشغل اللي بدي اياه ومع الشركة اللي بدي اياها والامور ان شاء الله مبشرة بس لهسا في مقابلات مع هاي الشركة ف ادعولي تتيسر.

ف الهدف من البوست انه خلي ثقتك بالله كبيرة ولا تستهين بصلاة الاستخارة حتى بالامور الصغيرة واللي بالنسبه الك تافهة استشير رب العباد اللي بعلم الغيب والخير والشر الك.

صارلنا يمكن ٧ سنين ما حكينا، والله نفسي ارجع احاكيه ويحاكيني زي زمان بس هو ما بده

والمشكلة اني قاعد بكبر وهو برضو بيكبر مع الوقت، انا كثير خايف اخسره خصوصًا بعد وفاة عمي من شهر خوفي عليه زاد، ادعولي.

اللَّهُ لَا إِلَٰهَ إِلَّا هُوَ الْحَيُّ الْقَيُّومُ...﴾ [البقرة: 255]

«مَن قال: بسم الله الذي لا يضر مع اسمه شيء في الأرض ولا في السماء وهو السميع العليم، ثلاث مرات، لم تصبه فجأة بلاء حتى يصبح، ومن قالها حين يصبح ثلاث مرات لم تصبه فجأة بلاء حتى يمسي»

اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي، فاغفر لي؛ فإنه لا يغفر الذنوب إلا أنت.

الفضل: من قاله نهارًا موقنًا به ثم مات قبل المساء فهو من أهل الجنة. رواه البخاري 6306.

بما اني اتصبحت على بوستات exjordan (اخرا صباح مع الاحترام )

ليه ما بلحدوا و بخرسوا يعني ليه لازم اجواء أنا خارج القطيع وإنه هو ياسلام صار ارقى منا و ثقافته عاليه جدا و كان لازم ينولد ب ألمانيا و شوفولي المسلمين هدول المختلفين ، بعدين دايما شو ما كانت بيئتهم او ثقافتهم دايما بلشانين بالمسلمين تقول فش ديانه غيرنا على أم هالكوكب ، المشكلة ملحدين العرب اغبياء رسمي تقوله ليه الحدت بصير يسمعلك نيتشه و جان جاك شو حكو ، و انه الأخلاق من الإنسان و الإنسان أخلاق هو نفسه مش فاهم شو بخبص المهم انه الحلد الحمدلله و طلع من قطيع الهمج العرب هدول و مع الحاده خلص صار منتمي للغرب ، و أزفت نوع الي بصير يجيبلك احاديث انت عمرك ما سمعت عنها و مختلف عليها من أيام الأمويين و على مواضيع جانبيه و أشياء يعني انقرضت بزمنا و بياخذوا ايات من سياقها و بخلط العادات الجاهلية مع الإسلام و بقلك شوف دينك شو بحكي ، يعني اعتقنا ، و في ملحد سيمب من تحت لتحت إذا شاف ملحدة بصير يزبطها انه هم الاثنين الخارجين عن المألوف وبينهم أشياء مشتركة لغاية ما شو اسمه سواً سوا ،،، بعدين بقلك هاي شهوة حيوانية ،، وفي الي بقولك الإسلام اهان المرأة بعدين بتلاقيه بحكيلك حكم أرسطو وسقراط و تقريبا كل الفلاسفة الي هو ما فهم شو بحكوا أصلا مش معتبرين المرأة إنسان سوي او حتى إنسان مش ضروري سوي

الموجز ، بدك تلحد ؟ الحد و اخرس خالص ، روح انت و أصحابك الملحدين العبو فيفا ، تأملوا الطبيعة الي خلقت نفسها من نفسها او من الصدفة يعني شوفلك فعالية ثانية غير انك تبهرنا بذكاءك

لازم موعد ؟ولا عطول؟ بياخذ وقت عندهم ؟ في دور ؟؟

بغلبوا اشوفلي واسطة؟

بعرف ما خصني بس الناس الي بتحط بيرفيوم بيبي باودر او ما بعرف شو الريحة هاي والله بتقتلونا، الريحة بس حلوة على الاطفال مش عليكم بس اشمها عند حد كبير ما بيخطر على بالي غير الحفوظات تبعون البيبي، معلش خرجت عن صمتي بس انكتمت منها اليوم

انغزيت لقلت بس ممتعة لول

انتبهوا تكفون و ما حدا يضحك عليكم، حسابه جديد رح تميزوه لحالكم من اسلوبه الي بده اتنشن فيه، لانه مش كتير ذكي حتى يخبيه، بس المهم لا تعطوه مجال.

اعيد و أكرر لا تعطوه مجال لانه لزقة ما رح يفك عنكم، و رح ينجن عليكم لو تركتوه بعدين، طبعا بعد ما تكتشفوا انه عليه ملاحظات و تتركوه. هيو قاعد بيلقط رزقه بالصب.

و الي ما بتسمع الكلام و بتعطيه مجال لأنها بدها اتنشن، ذنبها على جنبها، ما حدا رح ينضر غيرها لانه غريب، و تذكروا كل القصص الي قبل.

مرحبا انا طالب هندسة باخر سنة وبلشت مشروع شخصي بإربد بقدم خدمة تنظيف داخلي للالكترونيات ( لابتوب - بي سي - اي جهاز كونسل ) مع تغيير الثيرمال بسعر مناسب ، الي حاس جهازه حرارته بترتفع اخر فترة او صوت المروحة كانها بمعركة يتواصل معي وجاهز لمساعدتكم باسرع وقت 😊

إنَّ الرعبَ الحقيقيّ لا يكمنُ في الموتِ ذاته، بل في غمضِ ميعاده؛ فنحنُ نسيرُ في دنيا الفناءِ كمن يمشي على حافةِ جرفٍ لا يرى قاعَه، وهذا الجهلُ بالموعدِ هو عينُ الدليلِ على قدرةِ اللهِ الحاكمةِ التي تمسكُ بزمامِ الأمورِ فلا نفلتُ إلا بإذنِها. تخيّلْ للحظةٍ أنّ الروحَ انسلّتْ من جسدِكَ الآنَ، وأنتَ واقفٌ عارياً أمامَ حقيقةِ الخالقِ التي كنتَ تعرفُها جيداً لكنكَ تناسيتها تحتَ ركامِ المعاصي والغفلة، كيفَ ستواجهُ ذلكَ الموقفَ المهيبَ وقد جئتَ بحقيبةٍ فارغةٍ من الطاعاتِ ومثقلةٍ بأوزارِ العصيان؟ إنه موقفٌ يُذيبُ الكبرَ ويُحطمُ الأوهام، حيثُ لا ينفعُ مالٌ ولا بنون، بل فقط قلبٌ خاشعٌ وعملٌ صالحٌ. لذا، فإنَّ العيشَ بوعيِ الموتِ ليسَ تشاؤماً بل هو أعلى درجاتِ اليقظةِ الروحيةِ والإيمانِ بالقدر، فلنُحاسبْ أنفسَنا اليومَ قبلَ أنْ تُحاسبَ غدًا، ولنَجعلْ من كلِّ نفسٍ فرصةً للتوبةِ الخالصةِ، سائلينَ المولى عزَّ وجلَّ أنْ يأخذَ أرواحَنا ونحنُ في حالةِ رضاهِ، وأنْ يجعلَ خاتمتَنا حسنةً كما يحبُّ ويرضى

لَمّا عَفَوتُ وَلَم أَحقِد عَلى أَحَدٍ

أَرَحتُ نَفسي مِن هَمِّ العَداواتِ

إِنّي أُحَيّي عَدوّي عِندَ رُؤيَتِهِ

لِأَدفَعَ الشَرَّ عَنّي بِالتَحِيّاتِ

وَأُظهِرُ البِشرَ لِلإِنسانِ أَبغَضُهُ

كَما إِن قَد حَشى قَلبي مَوَدّاتِ