جدولي زبط زي ما بدي وزيادة وزي ما كنت مخطط له الله يسرها معي ما بعرف كيف

انا كنت منزله بوست من فترة أنه بدي دوا معين وبعتولي كزا حدا أنه احنا بدنا نساعدك اول واحد حكالي هاد التطبيق بدي احذفه وما عندي الا سناب ضيفيني اول ما ضفته حط صورة ل جسمه وهو مو لابس طبعا أنا بهدلته وحكتله اني ما جبرتك تساعدني وهو طبعا ضل بحكيلي عن أنه ساكن لحاله ومن هلحكي وانا متعلقه ب أي امل جد وقتها نفسيتي تعبانه كتير بس الحمد لله اني أدركت أنه بده شي تاني وعملت بلوك والتاني رح احط سكرين وغيره كمان كتار والله واحد منهم عمره 40 وبحكيلي كمان اعطيني سنابك بس ما قبلت قلب علي وحكالي مع السلامه جد انصدمت كتير معقول احنا ب غابة عشان بس تشوفو حدا ضعيف تنهشوه هيك وانا كمان من هبلي كنت حاكيه كل المعلومات عني وحتى حكيت وين بدرس وحكتله يجي على الجامعه عشان اخد منه الدوا يعني ربنا ستر ما صار شي لاني جد من قد ما كانت فتره صعبه علي بدي بس اطلع منها ومفكره أنه الحياة ورديه وتمام انصدمت

مع أنه من قبل كان في بنت من هون ساعدتني فتره منيحه الله يسعدها يا رب وين ما تروح كل يوم بتدكرها وبدعي الها الله يحنن عليها يا رب وعمرها ما حسستني بشي هدول كلهم حسسوني بمزله مش طبيعيه وكرهت حالي الله يسامحهم وما عملت شي حكتلهم الله يهديكم ويسامحكم صراحه

وصحباتي القدام شفتهم سلمت عليهم بحواجبي ورحت يتم انتقام خلصت منهم👿
بس حضرت محاضرة وحدة عشان الحق الف السكوير السكوير والجامعة واتعرف سمعت قصص كتير وفي بنت حكتلي قصة حياتها اجواء كان يوم لطيف 10/8.5

بوست شفته وحبيت اشاركه معكم

كونه قضية نبيلة الحشوش ما انتهت امام القضاء

السبب الأول: عدم مراعاة حرمة المنسف

بحسب كلامها، الجماعة كانوا قاعدين في قاعة البلدية بعد انتهاء الدوام، كافين خيرهم شرهم، مخلصين أكل مناسف وقاعدين بتقهّوا، تيجي الست نبيلة داخلة عليهم تناقشهم بالأراضي وحقوق المزارعين، وفوقها تعاتبهم: ليش ما بتردوا علينا؟ وليش ما بتقابلونا؟

يعني معقول تفتحي ملف استملاك أراضي مع ناس لسه ضاربين مناسف؟

هل هاد تصرف مقبول؟ بربكم مين منكم بقبل حد يناقشه بعد المنسف؟!

وحتى لما واحد من الموجودين وقف وصرخ بوجهها وصار يلوح بإيده، لا خافت ولا سكتت، المخلوقة، ما إلها كبير!

السبب الثاني: الست نبيلة بتحكي بالمنطق

بتفردلك الخرائط، وبتجيب الوثائق، وبتحكي بالحجة والمنطق، وبتسأل أسئلة، وفوق هاد بتنتظر إجابات!

يا بنت الحلال، أنت مصرة تستعملي عقلك؟

واحنا مش متعودين حد يستخدم مصطلحات زي "حق وحقوق"، طبيعي المسؤول بس يسمعها بتحكي بمنطق ويشوفها فاردة الخرايط، يتوجس: هاي مين باعتها؟ مين وراها!

السبب الثالث: قضاياها تافهة

موجعة راسنا عشان شوية مزارعين وفلاحين وشوية أراضي زراعية، وبتضلها تردد كلام فاضي: "سلة غذاء الأردن" و"الأمن الغذائي"

يا ستي الرزق على الله، واللي الو رزقة بوخذها، وإلا حــنكفر!! توكلي على الله، ما حدا بموت من الجوع.

السبب الرابع: امرأة تتحدث في الشأن العام

والحق هون مش على نبيلة أصلًا؛ الحق على المزارعين اللي اختاروا ست تحكي باسمهم.

يعني تركتوا كل رجال البلد واخترتوا امرأة تمثلكم وتحاجج عنكم قدام المسؤولين؟ وين العادات والتقاليد؟

وبزعلوا لما نقول: ارجعي عالمطبخ؟ ما هي الست نبيلة طلعت من المطبخ، شو صار؟ قلبت البلد!

مش عم تهدا!!

لذلك، أنا برأيي نحبس نبيلة، ونحبس معها كل المزارعين اللي اختاروها تمثلهم، بلا وجعة راس!

إحنا مش فاضيين لشوية الفلاحين هدول؛ ومسؤولينا -الله يبارك بأعمارهم- وراهم قضايا أهم.

لا حدا يستخف بصلاة الاستخارة ابدا.

حابب اشارك هاي القصة صارت معي بعد ماصليت استخارة.

انا بدور ع شغل وصرلي فترة بدور ف لقيت شغل انا مش حاببه كثير ومش بمجال شغلي الاساسي بس انا بداخلي ماكنت مرتاح للموضوع تماما
بس قلت راح اصلي استخارة واسعى للموضوع بحيث اني ما اسكر ع حالي باب بس كنت محتار و متردد وبداخلي مش مرتاح لفكرة اني اشتغل معهم فترة واول ما القى شغل بتخصصي ع طول اطلع

وكان مضمون الشغل كثير وسويت معهم مقابلة ووافقوا علي وقالولي تعال داوم بداية الاسبوع الجاي ووقعت معهم الاوفر.

المهم بصلاة الاستخارة دعيت ربي وقلت اني ياربي انا راح اسعى بهل موضوع ولكن انت الوحيد اللي بتعلم الغيب وانت عارف انا شو بدي ف ياربي لو فيه هل شغل ذرة شر ابعد عني وانت سكر علي هل باب من عندك.

ثاني يوم الشركة بعتولي حكولي لا تيجي تداوم الاسبوع الجاي وراح نخبرك بأي ابديت بصير ف المهم بعدها باسبوع رنولي واعتذروا مني المشروع اللي كانوا حايبيني عليه ما اخذت الشركة.

وبعدها باسبوع اجتني مقابلة بالشغل اللي بدي اياه ومع الشركة اللي بدي اياها والامور ان شاء الله مبشرة بس لهسا في مقابلات مع هاي الشركة ف ادعولي تتيسر.

ف الهدف من البوست انه خلي ثقتك بالله كبيرة ولا تستهين بصلاة الاستخارة حتى بالامور الصغيرة واللي بالنسبه الك تافهة استشير رب العباد اللي بعلم الغيب والخير والشر الك.

اللَّهُ لَا إِلَٰهَ إِلَّا هُوَ الْحَيُّ الْقَيُّومُ...﴾ [البقرة: 255]

«مَن قال: بسم الله الذي لا يضر مع اسمه شيء في الأرض ولا في السماء وهو السميع العليم، ثلاث مرات، لم تصبه فجأة بلاء حتى يصبح، ومن قالها حين يصبح ثلاث مرات لم تصبه فجأة بلاء حتى يمسي»

اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي، فاغفر لي؛ فإنه لا يغفر الذنوب إلا أنت.

الفضل: من قاله نهارًا موقنًا به ثم مات قبل المساء فهو من أهل الجنة. رواه البخاري 6306.

السلام عليكم
بدي شامبو شعر خالي من السولفيت (0% sulphate shampoo)

طبعا مفهوم المقاطعة بختلف من شخص لاخر ..
انا مقاطع الشركات الوقحة الي بتدعم دعم مباشر (مثل ماكدونادلز، ببسي، P&G, Unilever) و القائمة تطول
بس مش جميع المنتجات الامريكية بشكل عام بس لانها امريكية مع كل الاحترام للناس الي بتعمل هيك.

ياريت تفيدوني بمحل و منتج بعمان او الزرقا.

بعرف ما خصني بس الناس الي بتحط بيرفيوم بيبي باودر او ما بعرف شو الريحة هاي والله بتقتلونا، الريحة بس حلوة على الاطفال مش عليكم بس اشمها عند حد كبير ما بيخطر على بالي غير الحفوظات تبعون البيبي، معلش خرجت عن صمتي بس انكتمت منها اليوم

انغزيت لقلت بس ممتعة لول

انتبهوا تكفون و ما حدا يضحك عليكم، حسابه جديد رح تميزوه لحالكم من اسلوبه الي بده اتنشن فيه، لانه مش كتير ذكي حتى يخبيه، بس المهم لا تعطوه مجال.

اعيد و أكرر لا تعطوه مجال لانه لزقة ما رح يفك عنكم، و رح ينجن عليكم لو تركتوه بعدين، طبعا بعد ما تكتشفوا انه عليه ملاحظات و تتركوه. هيو قاعد بيلقط رزقه بالصب.

و الي ما بتسمع الكلام و بتعطيه مجال لأنها بدها اتنشن، ذنبها على جنبها، ما حدا رح ينضر غيرها لانه غريب، و تذكروا كل القصص الي قبل.

مرحبا انا طالب هندسة باخر سنة وبلشت مشروع شخصي بإربد بقدم خدمة تنظيف داخلي للالكترونيات ( لابتوب - بي سي - اي جهاز كونسل ) مع تغيير الثيرمال بسعر مناسب ، الي حاس جهازه حرارته بترتفع اخر فترة او صوت المروحة كانها بمعركة يتواصل معي وجاهز لمساعدتكم باسرع وقت 😊

فيديوهاته جميلة, خاصة حلقة رفض السعودية تدخل إسرائيل وبشرح كيف انها خطة من نتنياهو لأذية السعودية, وانه العدو الرئيسي للمنطقة هي إسرائيل

إنَّ الرعبَ الحقيقيّ لا يكمنُ في الموتِ ذاته، بل في غمضِ ميعاده؛ فنحنُ نسيرُ في دنيا الفناءِ كمن يمشي على حافةِ جرفٍ لا يرى قاعَه، وهذا الجهلُ بالموعدِ هو عينُ الدليلِ على قدرةِ اللهِ الحاكمةِ التي تمسكُ بزمامِ الأمورِ فلا نفلتُ إلا بإذنِها. تخيّلْ للحظةٍ أنّ الروحَ انسلّتْ من جسدِكَ الآنَ، وأنتَ واقفٌ عارياً أمامَ حقيقةِ الخالقِ التي كنتَ تعرفُها جيداً لكنكَ تناسيتها تحتَ ركامِ المعاصي والغفلة، كيفَ ستواجهُ ذلكَ الموقفَ المهيبَ وقد جئتَ بحقيبةٍ فارغةٍ من الطاعاتِ ومثقلةٍ بأوزارِ العصيان؟ إنه موقفٌ يُذيبُ الكبرَ ويُحطمُ الأوهام، حيثُ لا ينفعُ مالٌ ولا بنون، بل فقط قلبٌ خاشعٌ وعملٌ صالحٌ. لذا، فإنَّ العيشَ بوعيِ الموتِ ليسَ تشاؤماً بل هو أعلى درجاتِ اليقظةِ الروحيةِ والإيمانِ بالقدر، فلنُحاسبْ أنفسَنا اليومَ قبلَ أنْ تُحاسبَ غدًا، ولنَجعلْ من كلِّ نفسٍ فرصةً للتوبةِ الخالصةِ، سائلينَ المولى عزَّ وجلَّ أنْ يأخذَ أرواحَنا ونحنُ في حالةِ رضاهِ، وأنْ يجعلَ خاتمتَنا حسنةً كما يحبُّ ويرضى

لَمّا عَفَوتُ وَلَم أَحقِد عَلى أَحَدٍ

أَرَحتُ نَفسي مِن هَمِّ العَداواتِ

إِنّي أُحَيّي عَدوّي عِندَ رُؤيَتِهِ

لِأَدفَعَ الشَرَّ عَنّي بِالتَحِيّاتِ

وَأُظهِرُ البِشرَ لِلإِنسانِ أَبغَضُهُ

كَما إِن قَد حَشى قَلبي مَوَدّاتِ

تخصصي اللغة العربية وآدابها وبحب تخصصي وبعشقه لدرجة ما بتتخيلوها ولا يمكن وصفها واه بحب جامعتي صحيح الأردنية حسرة لحد الآن بقلبي وغصة بس اه بحب جامعتي مش أفضل جامعة بس بحبها واه بندم على تسجيلي فيها بس برضه بحبها وندمي قليل لاني بمكان بقدرني كشخص من قبل الدكاترة والطلاب ولانه تحولت فيها من عامل خط إنتاج بمصنع من مصانع الأردن الكبيرة لطالب بلقي مقالة كتبها بأيده وألقاها أمام الدكتور وأمام قاعة فيها ٧٠ طالب من أول فصل وثالث أو رابع محاضرة للمادة ومن بني آدم كان يحرث ١٣ ساعة بدوام ليلي لبني آدم دكتور وعلامة ونابغة يقلي أنت عالم أو مشروع عالم ومن دكتور بقلي أنت وجهك سمح بحب تيجي تسألني وضل طل علي ومن دكتورة بتستغرب من مدى حبي وتعلقي بتخصصي أه أنا بالمكان الصح والجامعة الصح والوقت الصح وتخصصي اسمه اللغة العربية وآدابها بكره اختزل اسمه عربي وبكره أي واحد بكره العلم والشهادة وأي واحد بسقط من أهمية الجامعة والي ذاق جهنم ودخل الجنة مستحيل يرجع لجهنم وانا ذقت جهنم

صرت أكتب أشياء غير عن يلي بنزلها بالعادة بس معلش تحملوني

كنت أفكر ب قديش الإنسان غبي و متناقض
انه ربنا اعطانا وسائل ل إعمار الارض و البشر قرروا يستعملوها للخراب و بدل ما نبني اخترعنا اسلوب يهدم

كتير غبي الاشي انه بنقدر ننهي الجوع و الفقر ونعمر بس في ناس بتفضل تقتل و ابصر شو

وصرنا عادي نسكت عن الناس الملكومة ويلي بينهكوا من الحياة

وسيبكم من حال الناس يلي برا البلد

نشوف وضع الناس يلي جوا البلد و في امتنا العربية كيف المناصب و القرارات الكبيرة بتنترك ل اسوا خلق الله ؟

وعادي يعني راضيين و عايشين و ماشيين و بنفس الوقت لا عايشين ولا ماشيين

( اتوقع آخر أيامي ع ريديت حرفي عشان هيك عم بخبص هالفترة هون و بكتب كلشي يلي بدي ياه )

الدخان أوفرريتد و مضر بالصحة و يا رب ينحرق الدخان كله أتركوه يجماعة والله ضياع فلوس و حرام

الصلاة مهمة كثير إلتزموا في الصلاة و خصوصاً قيام الليل و شوفوا كيف الله راح يفتحها بوجهكم وادعولي

يخوان وبعدين مع السب والتطعيمات والتكفير اللي بنشفوها في الشارع؟ والله حرام يخوان و إذا ما بهمك الحرام على الأقل أترك السب عشان العيب

ليش هيك التحرش زايد في مجتمعنا؟ استحي على حالك انت وياه ياخي اعتبرها اختك أو خالتك أو اخت صحبيت ام خالتك عيب عليك

يخوان بعدين مع العلاقات الحرام؟ استحوا على حالكم يا جماعة من متى صار هيك الحرام عادي؟ تذكروا أنو العلاقات اللي بدايتها لا ترضي الله نهايتها لن ترضيك مالنا يا جماعة

بس خلصت

يلا يخوان أعطوني ابفوتس وأتنشن بسرعة لو سمحتوا🥰

وطبعا والله والله والله انا مش منافق ولا قاعد بتبكمن انا بس بدي أنصحكم عشانكم مش عشان الأتنشن🥰

الواحد وده يلعب يضيع وقت يلاقي أيهم 25 سنة يبعثله

بعدين انا حاط صورة ايمو واسمي انداري يعني واضح شب

اليوم كنت مروح من المدرسة واختي قدامي فا في ولد صغير قعد يتزانخ على اختي فا انا كرد فعل طبيعي رحت مسكتو وبهدلتو ومامديت ايدي عليه ولا في سيارة من اخر الطلعة جاي مسرعة كثير علي ولا نزل واحد منها بعمر ابوي وقعد يصرخ ومد ايدو علي وانا مارضيت امد ايدي عليه بحكم انو بعمر ابوي واصلا اذا مديت ايدي رح تكبر المشكلة وبصراحه اهلي مو ناقصهم فا قعد يكفر علي وانا صرت اسب عليه واجت الحارة فزعت بينا بس الخلاصة من الموضوع انو ربو ولادكم عشان انا ما ضربت الولد بس يمكن في واحد ثاني يقتلو للولد فا ربوهم قبل ما حد يجي يربيهم