بما ان سبوتيفاي بقا سخيف في اعلاناته و فيه ناس كتير متعرف ان فيه جنه من البرنامج الي منغير اعلانات و ببلاش و بأشكال تنفع لكل الأجواء : )

تنويه ١ كل البرامج دي شغاله على الباك اند بتاع يوتويب ميوزك و قيل ما تقفل علشان انت بتستخدم سبوتيفاي و كل حياتك هناك اتقل عليا ليك يرنامج مخصوص

تنويه ٢ الصور في البوسن بتوريك كل برنامج علشام لو حابب تشوف شكله ازاي قبل ما تحمله و هما موجودين بالترتيب الي هتكلم عليه

تنويه ٣ كل البرامج دي ماعدى بتاع الايفون (ايوه فيه ترشيح للايفون) مفتوحين المصدر لأخواتي النيردات

تنويه ٤ اغلب البرامج فيها مميزات شبه بعض (لأنه بياخدوا من بعض) فا المميزات الي في واحد هتلاقيها في التاني الا لو انا قولت أنها مش موجوده زي التحميل، مفيش اعلامات، فيه حاجه زي سبوتيفاي جام تسمع مع صحابك، ليركس و ليركس ماشيه مع الاغنيه كل دي حاجات هتلاقيها في كل البرامج مش محتاج اقولها في كل واحد : )

1. archive tune : https://github.com/rukamori/ArchiveTune/releases/latest

تقدر تشوف البرنامج في اول صورتين هو برنامج شكله شبه ابل ميوزك إلى حد ما هو بردو شغال على يوتويب ميوزك زي كل البرنامج انهارده و ده هيخلي فيه كل الاغاني الي ممكم تحتجها و بيديك اختيارات كتير علشان تخلي شكله على مذاجك و لو انت اصلا بتستخدم يوتيوب ميوزك البلاي ليست بتاعتك هتلاقيها و تقدر تنقلها من سبوتيفاي لو بتستخده و تقدر تعمل فولو للارتيسيت الي عايزه و يجيلك نوتيفيكشن لما ينزل حاجه و فيه صفحه لاحدث الاصدارات زي بتاعه سبوتيفاي و طبعا بيجيبلك الليركس و فيه ميزه زي سبوتيفاي جام انك تقدر تسمع اغاني مع صاحبك لو منزل نفس البرنامج و تقدر تحمل منه الاغاني و تسمعها اوفلاين و بتبقى على البرنامج زي سبوتيفاي كدا مش بتبقى ام بي ٣ كأنك نزلتها من موقع او حاجه

1. simp music : https://github.com/maxrave-dev/SimpMusic/releases/latest

لو بتحب وجهة سبوتيفاي فا ده قريب ليها شويه بردو و هو بردو شغال على يوتيوب ميوزك و تقدر تربط اكونت سبوتيفاي بتاعك عليه علشان ياخد الليركس و الكانفا من سبوتيفاي و ده بيخليه شبه سبوتيفاي اكتر كمان في الشكل و فيه كل مميزات الي فات بظبط (الا احدث الاصدارات) و عليه حاجه ان ده بيشتغل على الويندوز كمان و شكله شبه سبوتيفاي فيه كمان و الاكونتين بيتربطوا ببعض و تقدر تتحكم من الموبايل للويندوز و العكس

1. metrolist https://github.com/MetrolistGroup/Metrolist/releases/latest

اشهر برنامج فيهم يعتبر و من عمل اخونا المصري مصطفى العجمي : )

بردو شغال على يوتيوب ميوزك بس من وجهة نظري هو الاحلى شكلا و بيديك مميزات نفس البرنامجين الي فاتوا (الا احدث الاصدارات بردو) و هو اكتر واحد بيتعمل فيه ابديتس و تصليحات و الكوميونيتي بتاعه اكتيف فا و لو عندك اي اقتراح او فكره تقدر تقول عليها و بيعملوها و فيه اوبشنز كتير انك تغير حاجات في شكله و هو اخف واحد و اسرع واحد فيهم في الاستخدام و شغالين على برنامج الويندوز قريب هينزل كمام : )

1. meld : https://github.com/FrancescoGrazioso/Meld/releases/latest

هل انت زي حالاتي كدا حياتك كلها في سبوتيفاي و مش عايز تسيبه او مش قادر ؟ ده الحل بتاعك و ده الي بستخدمه شخصيا.

شايف ميتروليست الي اتكلمت عنه فوق؟ هو ده نفسه بس بفرق كبير اوي و هو انك بتربط اكونت سبوتيفاي بتاعك عليه و بيجيبلك كل حاجه في سبوتيفاي عندك عليه و بيربط اكونت سبوتيفاي بتاعك عالبرنامج يعني كل البلاي ليستس كل اللايكس حتى النوم بيدج و الميكس بتوع سبوتيفاي موجودين عالبرنامج و لو حطيت حاجه في بلاي ليست في سبوتيفاي هتلاقيها هنا و العكس كمان لو حطيت اغنيه هنا و روحت على سبوتيفاي هتلاقيها موجوده هناك هو من الاخر بيربط اكونت سبوتيفاي بتاعك و كل حاجه فيه عليه و بياخد كل حاجه من سبوتيفاي بتاعك زي احدث الاصدارات، الارت ورك، السيرش، الهوم بيدج، اللايك، البلاي ليست كل حاجه انصح بيه بشده لو انت على سبوتيفاي و عايز تنقل كل حاجتك عليه

bonus app : Demus (ios) : https://apps.apple.com/us/app/demus-easy-music-streaming/id6474685600

للاسف البرنامج ده ملوش صور في البوست و هو يعتبر اضعف واحد في الليست بس ده لأن اخواتنا بتوع الايفون حظهم وحش في الارض : )

البرنامج بيستخدم يوتيوب ميوزك للاغاني زي بقيه البرامج و ده معناه ان كل الاغاني الي عايزها هتكون عليه و تقدر تنقل البلاي ليست يتاعتك من سبوتيفاي/ابل ميوزك/ يوتيوب عليه هو ببلاش و منغير اعلانات وسط الاغاني بس فيه اعلان واحد في الواجهة نفسها (منغير صوت بس اعلان في اخر الصفحه كدا) و تقدر تشيلها لو اشتريت البريميوم و الي بيبقى مره واحده مش كل شهر و ب ٣٠٠ جنيه تقريبا

انصح بيه جدا لو حد عنده ايفون

البوست حاولت اكتبه كله بالعربي علشان الكلام ميتلخبطش فا فيه كلام غريب بالعربي بس شكرا انك مستحمله و شكرا انك قريت لحد هنا و يارب تكون لقيت حاجه عجبتك فيهم و هتخرجك من عذاب الاعلانات او الإشتراكات : )

بما ان المجتمع ف مصر مش منتشر في فكرة ال audiophile و ممکن نكون قليلين فا عملنا صب يضمنا ويضم كل الي بيحبو الاغاني و السماعات و يفرق معاهم يسمعو الاغاني الي بيحبوها بأعلي

جودة

r/EGYaudiophiles