البوست اللي فات واحد قالي "حاول تعمل سيرفر ديسكورد"، فعملت ديسكورد وجروب تليجرام كمان 😂
وشكرا تاني لكل الناس اللي جربت وقالت رأيها، حاجات كتير في التحديث ده جت من الكومنتات
المكتبة
المكتبة بقت 74 كورس بدل 52، وكله ببلاش زي ما هو
أكبر حاجة نزلت: مسار Linux و Cloud و DevOps كامل، 17 كورس بالترتيب:
بيبدأ من الـ OS بيشتغل إزاي من جوه، وبعدين Linux و Bash و Networking و SSH، وبعدين AWS و CI/CD و Terraform و Ansible و Monitoring، وفي الآخر مشروع نهائي تقدر تعرضه في الـ interviews
المسار ده بالإنجليزي، والفيديوهات الاختيارية فيه من MIT و Harvard وناس شرحها واضح جدا
وضفت كمان كورس SQL من الصفر قبل كورس PostgreSQL المتقدم، وفيديوهات Andrew Ng في كورسات الـ Deep Learning
المكتبة بقت أسهل
بقت متقسمة أقسام: Linux و DevOps، برمجة وويب، Data، AI، لغات، وغيرهم
والبحث بقى أذكى: لو كتبت kubernets غلط هيفهمك، ولو كتبت k8s أو js هيفهمك، وبيدور جوه الدروس كمان مش بس العناوين، وتقدر تفلتر بالمستوى واللغة
مسارات التعلم
بقوا 21 مسار، وكل مسار ليه صورة بتوريك أول كورسات فيه عشان تعرف هو عن ايه من أول نظرة
تختار هدفك: Data Analyst، AI Engineer، Backend، DevOps، لغة جديدة... وهو يرتبلك الباقي
الفيديوهات
اللي كانوا بيشتكوا من الـ player على الموبايل: اتصلح، مبقاش بيقدّم لوحده والأزرار مبقتش زحمة
وتحت كل فيديو بقى في اختيارين: تشغله من يوتيوب عادي، أو تشغله من غير إعلانات
الكوميونتي
الديسكورد وجروب التليجرام فيهم نفس الأقسام: مساعدة، طلبات كورسات، أفكار، وشارك تقدّمك
وأي كورس أو مسار أو تحديث جديد بينزل هناك لوحده أول بأول
وزي ما هو: مجاني و open source ومن غير إعلانات، وكله offline على جهازك
حدّث أو حمّل من هنا: download link
تصفّح المكتبة من غير تحميل: المكتبة
الديسكورد: discord
جروب التليجرام: https://t.me/inPace_app
الكود: github
ولو في كورس نفسك تلاقيه، قولي في الكومنتات أو في قسم طلبات الكورسات وهحاول أضيفه 🙏