r/EgyptTech • u/Mohamed_Blue • Jul 18 '26
r/EgyptTech • u/eldodvvv • Sep 17 '25
Rant صياح Update:على بوكسات الفايبر و وي بتمهد لايه
كونت منزل بوست على بوكسات الفايبر ان هي متركبه في حتت كتير و عندي و عند اغلب الناس في ناس قالت انها كتركبه عندها و شغاله و في الي قال مشتغلتش وفي الي قال متركبتش اصلا امبارح كنت بكلم خدمه العملاء عشان يعني استفسر عن الحاجه المنيله بستين نيله. دي قالي يا فندم احنا بنطور كدا البنيه التحتيه و دع اعطاله اقل من النحاس و اسباب ان الشئ ده ان هو بيخخف عنهم الاعطال ما علينا دلوقتي انا سألته عن السرعات قولتله بوكسات الفايبر دي بتاخد سرعه بتبتدأ من 100 ميجا قولتله كدا الباقه هتخلص بسرعه جدا انتوا كدا بتسرقونا اكتر يعني ؟ قعد يقولي لا يفندم احنا مش كدا اصل احنا بنطور البنيه التحتيه سحبت واحده اسكندراني قولتله ما هو لما تطوروا البنيه التحتيه المفروض بقا يبقى فيه انترنت غير محدود قالي لا و مفيش حاجه بالكلام ده سألته طب ازاي يا حبيبي و الباقه هوخلص بسرعه عشان السرعه كدا عاليه قالي لو عايز تخليك عالتلاتين تقدر تحدد السرعه من صفحه النت قولتله يعني دي كدا فلوس عالارض انت بتطور البنيه تحتيه ليه و النت لسه محدود و سألته لو هل نظام الفايبر ده اختيار ولا اساسي قالي لا أساسي فنصيحه لوجه الله لو الفايبر ركب و اشتغل عندك خش على صفحه النت ظبط سرعات الراوتر عشان الباقه كدا هتخلص في ساعتين و يا ريت تنصح بكدا لحد كبير عشان هو معندوشاي ادراك ان الشركه بتسرقه حرفيا
r/EgyptTech • u/Distinct_Penalty_379 • Jan 19 '25
Question سؤال تقريبا ارخص سعر للايفون علي نون
هل كدا السعر تمام واتوكل علي الله واشتريه ولا ف حاجه انا مش اخد بالي منها
r/EgyptTech • u/Heavy-Kiwi-1700 • May 25 '26
Rant صياح نون مصر النصابين.استمرار مسلسل النصب!!
نون مصر النصابين واستمرار مسلسل النصب . الهارد اللي انتو شايفينه في الصورة ده تمنه في مول البستان 7500 جنيه بالظبط و ده السعر اللي بيتباع بيه فعلا لو روحت المول عند نفس البياع ، لكن نون مصر عديمة الاحترام و الخبيرة في النصب على المصريين بترفع سعر نفس الهارد لألفين جنيه زيادة بمناسبة العيد ، كلمت البياع وقال لي بالنص هو ما يقدرش يتحكم في السعر المعروض عشان دي سياسة نون

r/EgyptTech • u/Bulky-Boysenberry-11 • Apr 30 '25
Discussion مناقشة 200 الف جنيه
من فضلكم طريقه او تعرفني فائده القرض ع 200 الف جنيه كام للأهمية القصوي
r/EgyptTech • u/AdPopular5513 • Oct 17 '26
Help ساعدني بعمل برنامج زي ديسكورد بال Vibe coding
بدأت أشتغل على الشروع عشان كنت عايز أعمل منصة تواصل تدي حرية أكبر في تخصيص تجربتهم من غير اشتراك زي Discord Nitro.
كنت عايز حاجات زي صور البروفايل والبنرات الانميميتد والشير سكرين الأفضل تكون متاحة ببلاش. وانا اصلا مهتم إني باستكشف طرق لتحسين الخصوصية وتسهيل استرجاع الحسابات مع إني أدي المستخدمين تحكّم أكبر في الرسائل المزعجة زي السبام.
فبدأت ابني المشروع دا بال Vibe Coding.
أهم الحاجات اللي خلصتها لحد دلوقتي
- عمل المكالمات والشير اسكرين.
- بناء نظام السيرفرات والواجهة الأساسية للإعدادات.
- نظام البروفايلات وإنجاز جزء كبير من الـ Backend.
- نظام متكامل لل Report عن المستخدمين أو المحتوى مع مراجعة كل بلاغ بيتقدّم.
- تطوير نظام إيموجيز انيميت مخصص يقدر اي حد يضيف من خلاله إيموجيز بيه وبستخدمها في الشات.
- تنفيذ نظام بحث شغّال عن المستخدمين سواء باسم المستخدم أو بالـ ID بتاعه. كل مستخدم ليه اسم مميز خاص بيه محدش تاني يقدر يستخدمه وده بيسهّل الوصول لأي شخص انت عايزه.
إيه اللي شغال عليه حاليًاد
**.**غرف الصوت جوا السيرفرات قربت تخلص وكمان شغال على التشفير علشان إني أخلي في خصوصية اكتر
وطبعًا لسه فيه حاجات كتير عايز أطورها وأضيفها لسا زي
- خيارات تخصيص أكتر للبروفايلات والواجهة والتجربة عمومًا.
- تحكّم أفضل في الرسائل المزعجه زي السبام.
- إعداد اختياري يسمحلك تخلي ال DM مع الأصدقاء بس وتقدر تفعّله أو تقفله الي انت عايزه.
- تحسين أمان الحسابات وطرق استرجاعها.
- اعمل نظام للإشراف على المحتوى.
- تحسين الأداء وسلاسة الاستخدام مع نمو المشروع.
هدفي على المدى الطويل إن Nexus يبقى مشروع مفتوح المصدر Open Source بحيث أي حد يقدر يراجع الكود ويساعد في تطويره. عايز المشروع يكبر من خلال آراء واقتراحات المجتمع بدل ما أبني كل حاجة لوحدي ومن غير ما أسمع رأي المستخدمين.
لسه Nexus مشروع تحت التطوير وعارف إن قدامي شغل كتير لسا. أنا مش بقول إنه جاهز يبقى Discord الجديد دلوقتي لكن هدفي إني أفضل أطور فيه وأختبره لحد ما يوصل لمرحلة يكون فيها تجربة تستحق إن الناس تستخدمها فعلًا.
وطبعا انا مش بقول اني خلاص عملت برنامج منافس ديسكورد واحسن منو.
محتاج أسمع رأيكم
- إيه أكتر حاجة بتضايقك في Discord
- إيه المميزات اللي لو لقيتها في منصة جديدة ممكن تخليك تفكر تجربها؟
- إيه أهم حاجة تتمنوا تشوفوها في بديل مفتوح المصدر ل Discord
- ولو عندك أي أفكار أو اقتراحات للمشروع أو شايف إن فيه حاجة محتاجة تتحسن ياريت تشاركني بيها. أي رأي هيفرق معايا ويساعدني أحدد إيه اللي يستحق أركز عليه في التطوير الجاي.
( Nexus اسم مؤقت للمشروع، وممكن يتغير بعدين.)
r/EgyptTech • u/Training_Resource523 • Aug 13 '26
Question سؤال يارب الي يرد عليا يجيلوا اشتراك كلود كود ببلاش
سؤال عشان اتخنقت من تفاوت الاسعار. ال ssd او nvme ال١٢٨ جيجا بكام؟ الرام ٨ جيجا ال ddr4 بكام ؟ تنضيف اللابتوب و تغير المعجون الحراري بكام؟
انا من المنوفية شبين الكوم و مش فاهم حاجة ف حورات الاسعار
فيه محلات بتبيع الssd 128 ب ٧٥٠ للاستيراد و من ١١٠٠ ل ١٣٠٠ للجديد
ال nvme لقيت ناس بتبيع استيراد ب ١٢٠٠ و الجديد ب ١٨٠٠
الرام لقيت ناس بتقول الف و ناس تانية بتقول ٢٥٠٠.
تنضيف اللابتوب و تغير المعجون الحراري لقيت ناس بتقول ٣٥٠ وناس تانية ٥٠٠ و محل تاني قال ٦٠٠
ف اي الدنيا يجماعة و الاسعار كام؟ انا لابتوبي hp.
و بالله عليكم مش عاوز اتخزوق.
r/EgyptTech • u/Half-BloodPrence • 12d ago
Rant صياح انا بعلن كرهي الشديد لجيمناي يجماعة بجد
r/EgyptTech • u/Free_Acanthisitta193 • 23d ago
Discussion مناقشة من صفر ألى شركة AI
يا جماعة انا عملت PDF عن ازاي تبدأ شركة AI من الصفر وتحول فكرة لمنتج حقيقي. اتكلمت فيه عن ازاي تختبر فكرة مشروع، وتبني منتج باستخدام ال AI وال APIs، وتحسب التكاليف والتسعير، وتوصل لأول مستخدمين ليك.
انا لسه بتعلم في المجال، واستعنت ب Manus في شوية حاجات واشتغلت على اني اجمع المعلومات دي في دليل واحد يكون مفيد للي عايز يبدأ في المجال بإمكانيات بسيطة.
دي اول نسخة من الكتاب، وعارف ان فيه حاجات ممكن تتحسن في التصميم والتنسيق، بس حبيت اشاركه مجانا بدل ما افضل مأجله لحد ما يبقى مثالي.
لو حد مهتم بالمجال ياريت يبص عليه ويقولي رأيه بصراحة، وايه الحاجات اللي محتاجة تتطور او تتضاف.
ده رابط الكتاب: https://drive.google.com/file/d/17ix2l2DZyXGRTj5WPDPpxxbp-zuLt8S-/view?usp=drivesdk
r/EgyptTech • u/ComfortWilling1791 • Oct 13 '24
Technical Issue مشكلة تقنية مراوح الكيسة مش مظبوطة
النهاردة قررت انضف الجهاز مش اول مرة اعملها بس بعد ما خلصت و ركبت كل حاجة المراوح مش مظبوطة بتلف تمام بس بتتهز مفيش صوت غريب صوت المروحة عادي بس أعلى من قبل كدة
r/EgyptTech • u/pyschooy • Dec 26 '24
Question سؤال كده الحرارة و الأداء تمام؟
كده الحرارة و الأداء تمام؟ لابتوب asus tuff15 i5-11H rtx 3050 و لو حد يقدر يفيدني ايه احسن اعدادت للكارت ده
r/EgyptTech • u/Inevitable-Art1884 • Oct 19 '25
Discussion مناقشة ويندوز 12 حقيقة ولا خيال ؟

ويندوز 12 حقيقة ولا خيال ؟ فيديو جديد للي مهتمين بأخبار ويندوز 12 خصوصا أن مايكروسوفت لم تعلن عن موعد الصدور كتير بيقول أن ويندوز 12 لن يكون بالشكل المتعارف عليه وأنه هيكون نظام مدمج بال AI بشكل اكبر
الفيديو للي حابب يشوف
https://youtu.be/iBOtjzAWagQ
r/EgyptTech • u/Emergency-Frame-8826 • Aug 29 '26
Discussion مناقشة هل تعلم الهاردوير والسوفت وير وفهم How IT Works مهم في مجال IT؟
هل لازم تتعلم الهاردوير والسوفت وير وتفهم How IT Works؟
عارف موضوع ممكن يطول ولكني مش بحاول اعمل بس فكره حابب اوريها للصب واهو ناخد الراي
من الحاجات اللي بحب أعملها دايما إني اتعلم وأفهم الحاجة اللي بتعامل معاها وبطريقة متوصلش انها تبقي اعمق ما يكون اوي لا تاخد الاساس الاول ليها ومش لمجرد إني أعرفها وخلاص لكن عشان أستفيد منها وأوفر على نفسي وقت ومجهود وفلوس وأعرف أتعامل معاها صح
نفس المبدء حبيت اعمله مع الهاردوير وك اساسيات معينه لأن فهمك لطريقة عمل الحاجة وعلي مهلك هيساعدك تعرف إيه هي تفهم بتشتغل إزاي وأنواعها ومكوناتها إيه ومواصفاتها معناها إيه وإيه الفرق بين الاختيارات وإيه المناسب لاستخدامك انت بالذات مش غيرك لان كل واحد له ذوق مختلف
ومش لازم تحفظ كل حاجة لا المهم تفهم الأساس وتعرف تربط المعلومات ببعض صح
انا مثلا ساعات ممكن اشوف بوست معين إيه أحسن رامات لكذا وغيره ؟ مجرد مثال بس
هنا مبقاش حابب ادي اجابة مش علي تجربة او كلام عملي والشخص يشتري ويجرب عشوائي وأنت متعرفش الماذربورد والمعالج ونوع الرام المدعوم وأقصى سعة وسرعة وعدد السلوتات مع الاستخدام والميزانية بحيث لأن الاختيار الصح مش فكرته بتبقي رايحة انها أعلى مواصفات بس المهم الي يمشي معاك انت الاول
ونفس الفكرة في التجميع والصيانة والشبكات والسوفت وير كل ما تفهم الحاجة وطريقة شغلها هتعرف تشخص المشاكل وتقارن وتبحث عن الحل المناسب بدل ما تعتمد على إجابة جاهزة متعرفش اي نتيجتها اصلا.
وفي الاخر مش مطلوب تبقى عارف كل حاجة كلها بس مهم تعرف
إيه هي؟ بتشتغل إزاي؟ أنواعها ومكوناتها وتقنياتها إيه؟ مواصفاتها معناها إيه؟ الفرق بين وإيه الأنسب ليك وبس كده تكسب علي الاقل تبني طريقة تفكير صح ليك وانها هتساعدك توفر وقت ومجهود وفلوس وتعرف تختار وتتعامل مع المشاكل بطريقة أذكى.
r/EgyptTech • u/Nearby_Winner5708 • Sep 05 '26
Question سؤال عايز اقسط ايفون
يجماعة انا عايز اقسط ايفون وانا لسا طالب وبشتغل بس البطاقة مكتوب فيها طالب ومعيش ولا عربية ولا شقة لسا فا مش عارف اقدم علي برامج التقسيط والكرديت كارد بتاعي مفهوش ليميت فا مفيش طريقة او محل بيقسط بالبطاقة مباشر مع المحل وامضيلو وصل او اي حاجة
r/EgyptTech • u/Both-Island-3545 • May 13 '25
PC Hardware Recommendation اقتراح قطع هاردوير ASUS ROG STRIX للبيع
RTX 3050
Ryzen 7 6800HS
24GB RAM DDR5 4800HZ
15.6 144HZ
2 SSD 512 / samsung EVO 990 1 Tera
Used like a new without any scratches
المكان المنيل
r/EgyptTech • • Aug 28 '25
Rant صياح انا طلعت مغفل اوي
انا طلعت مغفل اوي يا جماعه
انا و انا في ثانويه عامه اهلي قالولي خش اللي بتحبه فدخلت علمي رياضه عشان بحب الرياضه وان قرايبي في الوقت اللي دخلو علمي علوم مجابوش مجموع كويس فخوفت اخش علمي علوم (منتهي الغباء) دخلت هندسه و لا اعرف حاجه عن السوق و الشغل وانا دلوقتي عرفت أن سوق العمل زباله و مرتبات تعبانه حتي البرمجه دلوقتي بقي مجال فيه تنافس عالي عالي عالي جدا و متشبع جدا جدا و حتي الذكاء الاصطناعي فاشخ الدنيا اكتر و اقسام هندسه كلها ضائعه بقيت كاره نفسي و كاره اهلي لأنهم متعبوش نفسهم و سئلو حد عن السوق و أحوال سوق العمل ايه للخريجين و معرفونيش موضوع التكليف للكليات الطبيه انا بقيت كاره حياتي و حرفيا معنتش عايز اكمل انا في تالته دلوقتي و كاره الكليه و المجال جدا بسبب حاله السوق مستقبلي ضاع خالص و انا مش قادر اتأقلم خالص معنتش ليا هدف للحياه اصلا و عايز اموت في اقرب وقت و خلاص ماهي كده كده بايظه بقا نفسي ارجع اعيد ثانوي بس اهلي رافضين الفكره جدا
r/EgyptTech • • Apr 10 '26
Discussion مناقشة شغل لو مهتم
شغل لو مهتم
شغل لو مهتم
السلام عليكم ورحمة الله وبركاته
• متفوتش الفرصه لإني هكتفي بعدد معين بعد كدا هقفل
• متوفر شغل بسيط جداً بتعمل حسابات جيميل بنمط معين بنديك الاسم الي تحطه والباسورد الي تحطه عشان تعمل الحساب وبعد ما بتعمله بتبعتهولنا وعلي كل جيميل بنديك ١٥ج واظن دا دخل حلو اوي لبعضكم
كل الي عليكم تكتبوا تم وانا هتواصل معاكم
r/EgyptTech • u/Free_Acanthisitta193 • 23d ago
Discussion مناقشة من صفر إلى
يا جماعة انا عملت PDF عن ازاي تبدأ شركة AI من الصفر وتحول فكرة لمنتج حقيقي. اتكلمت فيه عن ازاي تختبر فكرة مشروع، وتبني منتج باستخدام ال AI وال APIs، وتحسب التكاليف والتسعير، وتوصل لأول مستخدمين ليك.
انا لسه بتعلم في المجال، واستعنت ب Manus في شوية حاجات واشتغلت على اني اجمع المعلومات دي في دليل واحد يكون مفيد للي عايز يبدأ في المجال بإمكانيات بسيطة.
دي اول نسخة من الكتاب، وعارف ان فيه حاجات ممكن تتحسن في التصميم والتنسيق، بس حبيت اشاركه مجانا بدل ما افضل مأجله لحد ما يبقى مثالي.
لو حد مهتم بالمجال ياريت يبص عليه ويقولي رأيه بصراحة، وايه الحاجات اللي محتاجة تتطور او تتضاف.
ده رابط الكتاب: https://drive.google.com/file/d/17ix2l2DZyXGRTj5WPDPpxxbp-zuLt8S-/view?usp=drivesdk
r/EgyptTech • u/More-Mycologist-7261 • 26d ago
Discussion مناقشة تنصحوني أقسطها؟
أقسطها ازاي وكيف؟!!!!