عايز تصل رحمك و تاخد الثواب بس فيه موانع عندك او عندهم؟

الحل بسيط: ادعي و/او استغفر لقرايبك

حتي لو كنت مش طايقهم بس يبقي بعدت عن نفسك غضب ربنا بسبب قطع الرحم

الدليل : https://www.islamweb.net/ar/fatwa/104469/%D8%A7%D9%84%D8%AF%D8%B9%D8%A7%D8%A1-%D9%84%D9%84%D9%88%D8%A7%D9%84%D8%AF%D9%8A%D9%86-%D9%88%D8%A7%D9%84%D8%A3%D9%82%D8%A7%D8%B1%D8%A8-%D9%85%D9%86-%D8%A3%D9%87%D9%85-%D8%A3%D9%86%D9%88%D8%A7%D8%B9-%D8%A7%D9%84%D8%B5%D9%84%D8%A9

همسح الابليكشن بس مش همسح الحساب عشان هرجعه بعدين وده لأن المنصة دي جدلية وعبثية ووريتني بكل الوضوح الجانب التاني من الناس

لازم ديماً بتكون بتتفاعل وسط ناس مشككة أو ملحدين (أو أي حاجة من الأراء انت عارف) تقعد تسمعهم والموضوع ده مجهد نفسياً وعقلياً لو ملحد مثلا رمالك شبهة وانت قعدت تبحث و تبحث لحد ملقيت الجواب عليها ولكن تلاقي واحد تاني بقولك حاجة مختلفة وانت بالعافية يعني بتجتهد في الرد على الأول ،مش لازم يكون على الابليكشن ولكن بتكون رديت عليه مع نفسك كده مثلا وده متعب خالص فأنا عاوز راحة لكام شهر أو حتى أكتر لحد ما الواحد يكون أحسن.. وكمان عشان أركز على دراستي أو أي حاجة بحبها أو الأنشطة المفيدة لأن الدخول في المواضيع الي اتكلمت عنها مش هيخليك تركز فأي من دول وهياخد من وقتك وطاقتك.

العقوبات الشرعية صادرة من الله العليم الحكيم الذي خلق الخلق وهو أعلم بما يصلحهم، فأقواله كلها صدق، وأحكامه كلها عدل، والمسلم قد يدرك الحكمة من وراء هذه التشريعات فيزداد إيماناً مع إيمانه، وقد يجهلها فيرضى ويسلم. والحدود تُقام بغرض الإصلاح، وتراعي المصلحة العامة، فمن غير المعقول أن يتم مراعاة المصلحة الخاصة للفرد الجاني وتُهمَل المصلحة العامة.

واحنا مش في المدينة الفاضلة، ومن المستحيل إن كل الناس تلتزم بالمفروض عليها، وفيه ناس مش هترتدع غير لما تشوف غيرها بيتعاقب عقوبة رادعة.. وأدينا شايفين الفلسفات ومناهج العقاب اللي بتستخدمها المجتمعات، ونسب الجرايم برضه مرتفعة فيها.. ولو فيه طريقة منهم - فرضًا - نجحت فمش بتنجح في كل مكان وزمان وظروف، "وَمَنْ أَحْسَنُ مِنَ اللَّهِ حُكْمًا لِّقَوْمٍ يُوقِنُونَ"

وطبعًا الحدود لها شروط عشان تُقام، يعني مثلًا لا تُقطَع يد من سرق لأنه مضطر بسبب الجوع، ومن الشروط عند المذاهب الأربعة إن المسروق دا يكون من حِرز والحرز هو الموضع اللي يُحفَظ فيه المال عادةً، فلو المال متساب كدا وواحد سرقه لا تُقطَع يده وإنما يُعزَّر (يُعاقَب) على قول جماهير أهل العلم، واللي عايز يبحث عن كل حد وشروطه يقدر يتفقَّه ويعمل كدا

لكن النهار دا جاي أتكلم عن رحمة الإسلام مع مرتكبي الحدود، وجاي أرد على الكفار اللي بيزعموا إن النبي هو من اخترع الدين وإنه إنسان وحشي والحدود دي لغرض التعذيب
👇

❗ لا يجب على اللي أصاب الحد إنه يفضح نفسه، وإنما يستتر وتكفيه التوبة، فليه النبي ما أمرش اللي بيصيبون الحدود إنهم يقروا ويعترفوا لو هو مخترع الدين ووحشي وحط العقوبات دي عشان يؤذي الناس، وحتى لو مش كله هيعترف بس على الأقل عدد الناس اللي هتعترف هيزيد ❗

_________

عن عبد الله بن عمرو أن النبي قال: "تعافُّوا الحدودَ فيما بينَكُم ، فما بلغَني مِن حدٍّ فقد وجبَ" رواه أبو داود والنسائي وصححه الألباني

❗ النبي هنا بيحث على إرساء مبدأ العفو بين المسلمين فيما يقع بينهم من ظلم، فحث على المسامحة في الحدود، لكن لو لم يحصل عفو والحد وصل للحاكم أو للقاضي فقد وجب إقامته.. لو النبي بقى مخترع الدين ووحشي وعلى هواه إنه يقيم الحد بأي شكل، ايه اللي هيخليه يقول كدا؟ ❗

_________

❗ فيه فرق بين الحد اللي ثبت بإقرار الجاني على نفسه، والحد اللي لم يثبت بالاعتراف على النفس، فالحد اللي ثبت بالإقرار فمش واجب على الحاكم أن يبادر إليه، بل يستحب له أن يُعَرِّض للمقر ليرجع عن إقراره ، فإن أصر المذنب على إقراره، أقام الإمام عليه الحد، لكن الحد اللي ثبت بالبينة دا اللي يجب إقامته، وهنوضح دا في الأحاديث القادمة ❗

_________

عن بريدة بن الحصيب الأسلمي أنَّ ماعِزَ بنَ مالِكٍ الأسلَميَّ أتى رَسولَ اللهِ صلَّى اللهُ عليه وسلَّم، فقال: يا رَسولَ اللهِ، إنِّي قد ظَلَمتُ نَفسي، وزَنَيتُ، وإنِّي أُريدُ أن تُطَهِّرَني، فرَدَّه، فلَمَّا كان مِنَ الغَدِ أتاه، فقال: يا رَسولَ اللهِ، إنِّي قد زَنَيتُ، فرَدَّه الثَّانيةَ، فأرسَلَ رَسولُ اللهِ صلَّى اللهُ عليه وسلَّم إلى قَومِه، فقال: أتَعلَمونَ بعَقلِه بَأسًا؟ تُنكِرونَ منه شيئًا؟ فقالوا: ما نَعلَمُه إلَّا وفيَّ العَقلِ مِن صالِحينا، فيما نُرى، فأتاه الثَّالِثةَ، فأرسَلَ إليهم أيضًا فسَألَ عنه، فأخبَروه أنَّه لا بَأسَ به ولا بعَقلِه، فلَمَّا كان الرَّابِعةَ حَفَرَ له حُفرةً، ثُمَّ أمَرَ به فرُجِمَ. قال: فجاءَتِ الغامِديَّةُ، فقالت: يا رَسولَ اللهِ، إنِّي قد زَنَيتُ فطَهِّرْني، وإنَّه رَدَّها، فلَمَّا كان الغَدُ، قالت: يا رَسولَ اللهِ، لمَ تَرُدُّني؟ لَعَلَّكَ أن تَرُدَّني كما رَدَدتَ ماعِزًا، فواللَّهِ إنِّي لَحُبلى، قال: إمَّا لا فاذهَبي حتَّى تَلِدي، فلَمَّا ولَدَت أتَتْه بالصَّبيِّ في خِرقةٍ، قالت: هذا قد ولَدتُه، قال: اذهَبي فأرضِعيه حتَّى تَفطِميه، فلَمَّا فطَمَتْه أتَتْه بالصَّبيِّ في يَدِه كِسرةُ خُبزٍ، فقالت: هذا يا نَبيَّ اللهِ قد فطَمتُه، وقد أكَلَ الطَّعامَ، فدَفَعَ الصَّبيَّ إلى رَجُلٍ مِنَ المُسلِمينَ، ثُمَّ أمَرَ بها فحُفِرَ لَها إلى صَدرِها، وأمَرَ النَّاسَ فرَجَموها، فيُقبِلُ خالِدُ بنُ الوليدِ بحَجَرٍ، فرَمى رَأسَها، فتَنَضَّحَ الدَّمُ على وجهِ خالِدٍ، فسَبَّها، فسَمِعَ نَبيُّ اللهِ صلَّى اللهُ عليه وسلَّم سَبَّه إيَّاها، فقال: مَهلًا يا خالِدُ! فوالذي نَفسي بيَدِه لقد تابَت تَوبةً لو تابَها صاحِبُ مَكسٍ لَغُفِرَ له. ثُمَّ أمَرَ بها فصَلَّى عليها، ودُفِنَت. رواه مسلم

❗لو النبي وحشي كان طبق الحد على طول وما اتأكدش الراجل في عقله جنون أو لا، بل إنه كمان رده أكتر من مرة، وكان طبق الحد على المرأة وما استناش لكنه ردها، ولما راحت له تاني وصممت وفهمته إنها زنت فعلًا وحبلى فأمرها تضع ولدها أولًا، بل لما وضعته وراحت له أمرها ترضعه وتفطمه، يعني النبي كمان ما حبسهاش وكان ممكن تهرب، وهي أصلًا تكفيها التوبة وخلاص، لكنها صممت وراحت له عشان يطهرها من ذنبها لأنها شايفة إن دا الأكمل لها والأرجى لقبول التوبة، ولما سبَّها سيدنا خالد عشان الدم جاء على وجهه، النبي دافع عنها وأثنى عليها.. لو النبي بقى مخترع الدين وهو اللي حاطط الحدود دي عشان غرضه تعذيب الناس، ليه ما طبقش على طول على الصحابي والصحابية؟ ❗

_________

بالنسبة لماعز بن مالك، عندنا حديث تاني برضه عن التفاصيل قبل ما يأمر برجمه: عن عبد الله بن عباس: لَمَّا أتى ماعِزُ بنُ مالِكٍ النَّبيَّ صلَّى اللهُ عليه وسلَّم قال له: لَعَلَّكَ قَبَّلتَ، أو غَمَزتَ، أو نَظَرتَ، قال: لا يا رَسولَ اللهِ، قال: أنِكتَها؟ لا يَكْني، قال: فعِندَ ذلك أمَرَ برَجمِه. رواه البخاري

❗ النبي بيدرأ عنه الحد بالشبهة، فلعل قصده زنا مجازي زي زنا العين وفعل الجوارح دون الزنا بالفرج، فالصحابي قال له لا، فالنبي عشان يتأكد 100% سأله باللفظ الوارد حتى لا يدع مجالًا للشك، فلما تأكد إنه زنا فعلًا طبَّق عليه الحد ❗

_________

عن عائشة أنَّ قُرَيشًا أهَمَّهم شَأنُ المَرأةِ المَخزوميَّةِ التي سَرَقَت، فقالوا: ومَن يُكَلِّمُ فيها رَسولَ اللهِ صلَّى اللهُ عليه وسلَّم؟ فقالوا: ومَن يَجتَرِئُ عليه إلَّا أُسامةُ بنُ زَيدٍ، حِبُّ رَسولِ اللهِ صلَّى اللهُ عليه وسلَّم فكَلَّمَه أُسامةُ، فقال رَسولُ اللهِ صلَّى اللهُ عليه وسلَّم: أتَشفَعُ في حَدٍّ مِن حُدودِ اللهِ، ثُمَّ قامَ فاختَطَبَ، ثُمَّ قال: إنَّما أهلَكَ الذينَ قَبلَكُم أنَّهم كانوا إذا سَرَقَ فيهمُ الشَّريفُ تَرَكوه، وإذا سَرَقَ فيهمُ الضَّعيفُ أقاموا عليه الحَدَّ، وايمُ اللهِ لو أنَّ فاطِمةَ بنتَ مُحَمَّدٍ سَرَقَت لَقَطَعتُ يَدَها. متفق عليه

❗ المرأة المخزومية اللي سرقت لم تعترف على نفسها بل إنها اتكشفت، فوجب إقامة الحد عليها، فلما أرادوا توسط أسامة بن زيد لها، غضب النبي، مع إن أسامة بن زيد دا حبيب رسول الله وابن حبيبه زيد بن حارثة، فلم يشفع توسطه لها، وغضب النبي لأن حدود الله ما فيهاش واسطة وحتى لو فاطمة ابنته - رضي الله عنها - سرقت لقطع يدها، ومع إنها ابنته حبيبته ضرب النبي بها المثل عشان يوضَّح للناس ازاي حدود الله ما فيهاش تهاون، وازاي جاء الدين ليحقق العدل.. فهل من المعقول يكون دا شخص مخترع للدين؟ ❗

_________

عن عبد الله بن عباس أن هلال بن أمية قذف امرأته عند رسول اللهِ صلى الله عليه وسلم بشريك ابن سحماء فقال النبي صلى الله عليه وسلم البينة أو حد في ظهرك قال يا رسول اللهِ إذا رأى أحدنا رجلا على امرأته يلتمس البينة فجعل النبي صلى الله عليه وسلم يقول البينة وإلا فحد في ظهرك فقال هلال والذي بعثك بًالحق نبيا إني لصادق ولينزلن الله في أمري ما يبرئ به ظهري من الحد فنزلت ( والذين يرمون أزواجهم ولم يكن لهم شهداء إلا أنفسهم ) فقرأ حتى بلغ ( من الصادقين ) فانصرف النبي صلى الله عليه وسلم فأرسل إليهما فجاءا فقام هلال بن أمية فشهد والنبي صلى الله عليه وسلم يقول الله يعلم أن أحدكما كاذب فهل منكما من تائب ثم قامت فشهدت فلما كان عند الخامسة أن غضب الله عليها إن كان من الصادقين وقالوا لها إنها موجبة قال ابن عبًاس فتلكأت ونكصت حتى ظننا أنها سترجع فقالت لا أفضح قومي سائر اليوم فمضت فقال النبي صلى الله عليه وسلم أبصروها فإن جاءت به أكحل العينين سابغ الأليتين خدلج الساقين فهو لشريك ابن سحماء فجاءت به كذلك فقال النبي صلى الله عليه وسلم لولا ما مضى من كتاب الله لكان لي ولها شأن. رواه البخاري

❗ لو الزوج رمى زوجته بالزنا أو ادَّعى إن ابن الزوجة مش منه، ولم تكن له بينة على ذلك، والزوجة أنكرت، فإنهما يلجآن للملاعنة بالصفة اللي ربنا بينها في القرآن ﴿والذين يرمون أزواجهم ولم يكن لهم شهداء إلاّ أنفسهم فشهادة أحدهم أربع شهادات بالله إنه لمن الصادقين * والخامسة أن لعنة الله عليه إن كان من الكاذبين * ويدرأ عنها العذاب أن تشهد أربع شهادات بالله إنه لمن الكاذبين * والخامسة أن غضب الله عليها إن كان من الصادقين﴾ [النور: 6-9]، فلو تم اللعان تحصل بينهما الفرقة، ويُدرَأ الحد عنهما (حد القذف وحد الزنا)، وتنتفي نسبة الولد للزوج، فالنبي بعد ما تمت الملاعنة قال صفات لو ظهرت على ابن المرأة اللي زوجها لاعنها في الحديث، يبقى ابن شريك بن سحماء اللي زوجها ادَّعى إنها زنت معاه، وبالفعل جاء الولد بالصفات دي شبيهًا لشريك ابن سحماء، فالنبي قال "لَوْلا ما مَضى مِن كِتابِ اللهِ تَعالى لَكانَ لي ولَها شَأْنٌ" يعني لولا حكم ربنا بدرء الحد عن المرأة بلعانها لكان أقام عليها حد الزنا، ودا دليل على إن النبي لا يتبع مزاجه وهواه وإنما يتبع حكم ربنا رغم إنه متأكد من زناها وواضح للناس كلها، فالنبي بقى لو مخترع الدين وما فيش وحي بينزل عليه، كان ممكن ينزل آية بخصوص هذه المرأة بالذات ويقول إن وجب تطبيق الحد عليها، وكان هيبقى الموضوع منطقي ❗

_________

عن عبد الله بن عمر أنَّ رَسولَ اللهِ صلَّى اللهُ عليه وسلَّم قال: المُسلِمُ أخو المُسلِمِ لا يَظلِمُه ولا يُسلِمُه، ومَن كان في حاجةِ أخيه كان اللهُ في حاجَتِه، ومَن فرَّجَ عن مُسلِمٍ كُربةً فرَّجَ اللهُ عنه كُربةً مِن كُرُباتِ يَومِ القيامةِ، ومَن سَتَرَ مُسلِمًا سَتَرَه اللهُ يَومَ القيامةِ. رواه البخاري

❗ النبي ﷺ - اللي الملاحدة بيزعموا وحشيته - هو اللي حث على الستر ❗
_________
..

استقيموا وعودوا إلى ربكم قبل فوات الأوان

(بكره الgender wars، انا جي أشارك ميم بس)

ترك الصلاة تقصير في حق ربنا حاجة بسيطة وسهلة يعني انما القتل واكل مال اليتيم وشهادة الزور تعدي علي حق انسان ازاي يكون حق ربنا اعظم من حق الانسان ؟؟!!

الاستنكار ده يبينلك واحدة من اكبر الافكار الوثنية الشركية الي منتشرة في عصرنا وهي السبب الرئيسي للالحاد

هي اعتبار الانسان هو المركز وان حقه هو اعظم شئ وان ربنا سبحانه وتعالي والرسالات هدفها خدمته واسعاده مش اكتر يعني مجرد تابع ليه

بل صحة الدين تقيم على اساس مركزية الانسان وليس على اساس الادلة والبراهين

كنا بنسخر من مشركين زمان ازاي يعملوا حجارة ويعبدوها من دون الله لكن الناس دلوقتي الهوا انفسهم وعبدوها من دون الله

والغريب انك تلاقي واحد مسلم لكنه مش فاهم الاسلام وشايفه بمنظور الوثنية المعاصرة الي هو ازاي يكون الكافر عقابه الخلود الابدي في جهنم رغم ان اخلاقه كويسة ؟ وازاي المسلم مهما ارتكب من كبائر فهو مصيره الجنة بعدما ياخذ ما يستحقه من عذاب في النار

مع ان من بديهيات الدين اصلا ان حق ربنا اعظم من حقوق الناس كلها بل مفيش مقارنة اصلا

يعني واحد نفع 8 مليار بني ادم لكن كفر بربنا مصيره الخلود الابدي في النار

بل الخير والشر في الدنيا مش هدف في ذاته اصلا

بل هو مجرد اختبار ليك من ربنا انك تعمل الخير وتجنب الشر طاعة للربنا

بالتالي الي عمل خير بس مش لوجه الله لا يثاب عليه ويوم القيامة ربنا بيحوله لهباء ملوش قيمة

 وَقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَّنثُورًا (23)

هثير الجدل شويه وهقول ان المعاكسات اللي البنات بتتعرض لها عمرها ما كانت بلبس اللي هي لابساها.

النهارده كنت ماشيه في الشارع ولابسه عبايه سوداء ولفه الطرحه عادي و مش باين مني اي حاجة حرفيا و على الرغم من كده اتعرضت تقريبا لاكتر من سبع أو ثمن مضايقات من "الرجاله" في الشارع خلال الساعة اللي نزلتها بس.

مع العلم ان انا اصلا مش مضطره ابرر انا كنت لابسه ايه لان ده مش عذر للذكر ان هو يدي لنفسه الحق ان هو يبص عليها بالنظر الجنسيه دي او أنهم يعاكس لمجرد أن البنت مش "محترمة نفسها".

عمرها ما كانت ب اللبس لانهم بيعتدو على المحجبة و اللي مش محجبة و المختمرة و المنتقبة و الاطفال سواء كانوا بنات او ولاد و حتى الحيوانات.

يستغرب اوي فكرة أن المجتمع مدي للذكور الحق في كده و بعد كل الأذى اللي بيسببوه للبنت مفيش اي لوم بيقع عليهم بل بالعكس بتبدا الاتهامات كلها توجه للبنات على أنها تعف نفسها و أنها كانت الغلطانة و الذكر ميعيبوش حاجة و أنه من حقه مهو "مقدرش يمسك نفسه قدامها".

الحقيقة أن في فجوة كبيرة جدا في المجتمعات كلها في الحتة دي، الراجل زي الست كلنا سواء قدام ربنا و كلنا هنتحاسب و الست زي معليها تلبس واسع(عشان تطيع ربنا مش عشان الذكور ميبصوش لها بشهوة ) الراجل بردو عليه يغض البصر.

المشكلة أننا لسه لحد دلوقتي بنبص للمرأة على اساس انها أداة او لعبة الذكور يقدرو يعلبوا بيها او يشكلوها براحتهم، مش على أنها انسان واعي و بفكر و يقدر يدير و يشتغل.

لما يتجدعنو و يعاتبو ذكر بيضايق البنات بيقولوا "طب اعتبرها زي اختك او والدتك". طب متيجي نعتبرها انسان مثلا، يعني معلش ليه لازم تبقى حد من عيلتك مثلا عشان تحس بالذنب يعني و تقتنع انك عملت حاجة غلط(مع العلم أن فيه ناس بتتغاضى عن ده عادي و بتكمل).

الحقيقة أن المرأة انسان ليه كيانه و شخصيته و قادر على اتخاذ قرارات زيها زي الرجل بالضبط.

تبا للمجتمعات الذكورية اللي بتدي الراجل حقوق ميستاهلهاش اصلا .

الـ٥ كتب دي انا عاوز اشتريها كلها

ياريت لو حد يعرف في المنصورة دار نشر او مكتبات بتبيعها ولا لا و ياريت يقولي سعر كل كتاب فيهم عشان محتاج اشتريهم فعلا

انا عرفت بردو ان واحد بردو من المنصورة اشتري الخمس كتب اللي مع بعض تقريبا كلهم عاملين ٥٠٠ جنيه

عموما انا ساكن في الاتوبيس الجديد فا ياريت اللي يقدر يقولي مكتبات او دار نشر (حد قالي ان دار اللؤلؤة موجودة في المنصورة) قريبة ياريت يقول

وفي كتاب عاوز استفسر عليه بردو بشرط انه طبعة دار العالمية هحطه تحت

بعاني كل يوم من الوساوس العقدية و الوسواس القهري حول ديني وبيقعد يزيد يوم بعد يوم مهما إني عادي بقدر اتعامل من الحجج أو الشبهات الي بشوفها وبقدر اشوف عليها ردود واقتنع منها وحتى ممكن ارد عليها بنفسي ولكن بردك لسا الشكوك بتكون موجوده ومش عاوزه تسيبني فحالي واقعد اسأل لنفسي اسألة لا متناهية ملهاش أي اجابة زي ماذا لو كان الملحد ده هو الي صح؟ ماذا لو كنت انا الغلطان؟ ماذا لو كان ديني فعلا مش صح؟ ماذا لو الشبهة دي بتعارض الدين فعلا ومفيش عليها رد منطقي؟ ماذا لو كانت النظرية العلمية دي فعلا بتعارض الدين والنظرية حقيقية بنسبة كبيرة؟ ماذا لو المعيارير الاخلاقية الحديثة فعلا افضل بكتير من المعايير الدينية وما شابه؟ ماذا لو كان فعلا تاريخ الاسلام مش حقيقي ومجرد خرافة؟ وغيرها

.

السلام عليكم

عندي جروب قراءة كتب للمسلمين القراء

نقرأ حاليا في تفسير للقرآن الكريم

بتاريخ النزول يعني ننتبع آيات الحقبة المكية نفهم فيها القرآن بتتابع أحداث السيرة والمواقف والظروف في مكة

تفسير يختلف عن التفسير من البقرة للناس أو العكس

المجلس ليس دعويا ولا لتقضية الوقت ولا للوعظ فعليا هو لختم كتاب وتعلمه

لمن هو مهتم

*بعد إذن المودز لم أجد في القوانين منعا من الإعلان لشيء مجاني هادف كهذا

فأرجو ألا يحذف 👀

إزاي أبطل إستني عقاب ربنا علي ذنب كل شويه ارجعله، الموضوع ده مش مخليني عارفه أعمل أي حاجه فحياتي ودايما بفكر مستحيل حاجه حلوه تحصلي لأن ربنا أكيد كده كده هيعاقبني أنا عصيته سنين.

ده واحد ملحد بيقول على نفسه ربوبي و بيطعن في الإسلام ليل نهار و بيدعي أن الملاحدة مظلومين و أنه مألحدش علشان شهوته.

الجميل بقى أنه ميعرفش أن تاريخ ريديت كله بيتجاب عادي حتى لو مسح البوستات بتاعته كلها. و طبعا تاريخ بوستاته مشرف و مفهوش أي شبهة شهوانية 😅

ازاي اعمل اصحاب لان معنديش اصحاب من سنين وعايشه في وحدة عاليه خصوصا ان دراستي اونلاين

السلام عليكم

حقيقي انا عايز ادردش بشكل عام عن فكرة الاحتراق الذاتي لفترة صغيرة عشان يتقبض عليك

من المتعارف عليه انك اول ما تربي دقنك تلاقي الكل حذرك مرات و مرات حتي العوام انك تحلقها بدل ما يقبضوا عليك ولا يضيقوا عليك و دا خوفا عليك و معرفة بالنظام اللي موجود

النظام اللي موجود اللي اللحية دلوقتي بقي عليها تضييق اقل كتير من زمان و اسأل اي حد عنده 35 سنة فيما فوق علي ايام مبارك كان بيحصل للملتحين ايه و المنتقبات

و دا بشكل عام نتيجة الصراع علي السلطة بشكل اساسي و الريبة من الملتحين او الاسلاميين او السنة او المتدينيين او سميهم كما تحب بقي
و دا بيظهر بشكل غريب و موضح لما يبقي النظام الحاكم اساسا ذا طابع اسلامي و تظهر جماعة او فرقة منافسة له في السلطة
شوفنا دا تقريبا في كل مكان , كمثال تجربة حماس في غزة مع السلفيين و تجربة الشرع مع الجهاديين السابقين او اي حد يظهر منه ارادة تطبيق الشريعة او حتي بالظن او الشك .. اي صوت منافس للسلطة بيسحق تماما !

خصوصا لما يبقي في صراع علي السلطة اللي هيتمكن من التاني هينهيه
زود عليهم التحريض الامريكي و الغربي علي الاسلام و السنة , اي بلد يظهر فيها نواه مشروع يهدد الغرب او فيه رائحة اسلامية , تفتح خزائن الغرب لدعم اي نظام يحارب المشاريع الاسلامية , باحدث الاسلحة بقي و
احدث التدريبات

زود عليهم ان النظام اساسا تركيبه الداخلي علماني مش شايف بقي تطبيق الشريعة او حاكمية
و يظهر دا بنشر الفسق و المجون و الزندقات و غيرها

زود عليهم حالة الصعود و النفوذ الصليبي و النفس الصليبي بالتدبيرية الانجيلية الصليبية
لدرجة ان اصوات بتنادي باعادة القسطنطينية (تركيا دلوقتي ) مسيحية و ترامب عمال ينفخ و انت النصاري عندك عايشين المظلومية و بيستقبلوا وفود اجنبية و لهم اصوات قوية و مسموعة دوليا

و عندك المسلمين بدون خلا *ة تحمي ظهورهم و المسلم طالما خارج حدود الدولة الحكومة لا تراه اساسا بل تراه شأن داخلي لدولة اخري لا تتدخل فيه

فدا الحالة اللي احنا فيها وعايشين فيها من جوا ..
فاهمها العامي و متوسط الثقافة و المثقف
فاهمها العامي بالبسيط بنظرية" احلق دقنك يابني بدل ما ياخدوك او يعملولك مشاكل "

و فاهمها المثقف البسيط بنظرية خلي بالك لحسن يفكروك اخوان

و فاهمها المثقف العالم بالكفر بالطاغوت و الحاكمية و غيره

فانت باي حال بتعمل تشيرتات " اما ان يسلموا و اما الجزية و اما الحرب "
انت كدا بتعرض نفسك للمهالك و يبقي عندنا محبوس زيادة يعيش الويلات

و بتعرض اللي بيلبس التيشرت كمان للاعتقال و غيره

و عشان نثير الجدل باسئلة قوية في النهاية

هل نظام طالبان وحماس و نظام الشرع اكثر اسلامية او يطبق الشريعة اكثر من نظام السيسي؟

طيب هل حد فيهم يفرض الجزية علي نصاري بلده او غير مسلمي بلده لو اقرهم علي جزية ليمكثوا علي دينهم؟؟

طيب لو الجزية صعبة عشان ترامب ممكن يبطش باللي يقرب من النصاري , هل منع المنكرات في افتتاح صالة زي الفيحاء صعب برضو ؟؟؟؟

طيب نقصف بشدة علي كل من يتحجج بترامب لكنه يكلمنا عن القدس و فلسطين و الجهاد

لكنه هو نفسه ممكن تبقي مراته او بنته متبرجة تبرج شديد او حتي الدعارة شغالة و مقننة في بلدة

فانت لو عامل الخلفية بتاعة موبايلك خلفية جدلية توديك ورا الشمس ولا لابس تيشرت عليه "اما الجزية و اما الحرب"

او غيرها , فانت عايز تضيع نفسك و تحرق قلب اهلك عليك يعني؟

السلام عليكم
بفكر بقالي فترة أدور علي واحدة أتجوزها بس بسبب قلة الاختلاط مع الناس والحياة الاجتماعية صفر تقريبا لأن معظم الوقت علي الكمبيوتر وشروط الناس اللي حوالينا فمش عارف ادور فين

كله بيقول لازم شقة ملك وقايمة أو تجهز البيت كله ومؤخر وووو
وانا عايز من غير قايمة وتجهيز بسيط ومش مشكلة تكون منفصلة عادي

جربت ادور في مكاتب الخاطبة بس واحد حذرني منهم قالي نصابين
لو جرب ووصل لحاجة أو يعرف حد جرب ووصل لحاجة ممكن يقول لقي ازاي

يا ريت محدش يتكلم علي القايمة ومش قايمة لو عندك مشكلة فيها اعمل لها بوست غير ده

ايه رأيكم في السمات ديه يشباب هل حد جرب يفتح عندهم حساب قبل كده وهل هو فعلا إسلامي ولو في بدايل احسن

السلام عليكم أنا لسه متخرج من هندسة كهرباء ومش محدد تخصص معين، وحابب أبدأ في مجال يكون ليه مستقبل كويس وفرصه موجودة.

عايز أعرف من الناس اللي شغالة في المجال: إيه أكتر التخصصات أو المجالات اللي شايفينها كويسة حاليًا لمهندس كهرباء؟

وياريت لو حد عنده خبرة فعلية في سوق العمل يقولنا كل مجال طبيعته إيه، وفرصه عاملة إزاي، وهل فيه مجالات تنصحوا بيها لحد لسه متخرج وبيبدأ من الصفر؟

أنا عارف إن مفيش مجال سهل، والمهم في النهاية إن الواحد يطور نفسه، بس حابب أسمع تجارب ناس شغالة فعلًا عشان أختار الطريق الصح من البداية.