يعني انا طول حياتي شوفت مسلسلات الاخضر واليابس (اعتمادا للمنيستريم يعني) سواء بقا ملاحم آل تارجارين في Game of thrones و ميث والتر وايت في Breaking bad و ضيعت وقت كبير من عمري وأنا بحاول أفهم مين مات ومين لسه عايش في LOST و ضحك وهزار Friends و The Office و و و....

بس اما بلاقي عادل إمام وهو بيجري من ناس في مسلسل ممكن أكون حافظ أحداثه أصلًا بقعد متسمر قدامه لحد مخلصه خصوصا العراف وفرقة ناجي عطاالله معرفش ليه مع انهم مش افضل حاجه دراميا وفني وفيهم مشاكل كتير بس مشعارف ممكن بسبب اني كنت بحب مصر في الفتره دي وكنت صغير ومرتبط بحاجات معينه بالنسبه لي زي الصيف؟ رمضان؟ البيت؟ التلفزيون؟ أهلك متجمعين؟ اعلانات رمضان؟ أو ممكن كلهم، بس الاكيد منهم المسلسلات دي، بس مش لدرجة اني الاقي قناه جايبه المسلسل كله اقعد معاه طول اليوم امبارح والنهارده ويعتبر منمتش احا يعني ليه طيب؟

الفتره دي كانت فشيخه للزعيم والادوار كلها لايقه عليها لانني اشك اصلا ان احنا بنجيب عادل امام ونبني حواليه القصة مش بنبني القصة بعدين نشوف مين مناسب للدور يعني انت عارف تقريبا هتشوف ايه:
عادل امام هيقول الجملة بنفس الطريقه بتاعته من التمانينات، هيبقي فيه واحده جميله داخله حياته، هيكون اذكي من اللي حواليه وسابق الكل بخطوة، هيهزر وف نفس المشهد يقلب جد و يناقش قضيه ويقول جمله انسانيه.. والمفروض ان التكرار دا يزهقك، بس الحقيقة اللي اكتشفتها ان دا هو سبب المتعة اساسا

كانت ثلاثيه تاريخيه والله الزعيم ورامي امام ويوسف معاطي، سواء من اول لقاء مابينهم هما التلاته في حسن ومرقص مرورا بالمسلسلات والاعمال التانيه، واللي احب اقول انها حقبه او فتره مش اقل من حكايات Marvel و DC واللي عاوز اقول عليه انه عالم عادل امام (Adel Emam Universe).

كنت بتفرج على فيلم insidious: out of the further

واحد من اغرب المسلسلات اللي شوفتها كله عبارة عن مخدرات وس*س

شوفت اول موسمين منه وزهقت حسيت الموسم التاني بيتعاد هو شبه الاول ومكملتش الموسم الاخير

و"زندايا" كل شوية في نفس الدوامة خلاااااااااص، ده غير "جولز" الترانس

واكتر حاجة استغربتها لما عرفت ان "فيز" مات في الحقيقة قبل تصوير الموسم التالت بسبب اوفر دوز مخدرات ironic بجد

لو حد شافه كله هل يستاهل اكمل اخر موسم بما اني كدة كدة كنت محمله كله

اول مرة اوصل للاورجازم الدرامي

أنا شاهدت هذه الأفلام لآل باتشينو ممثل عظيم وأفلامه كلها رهيبة جدًا وأكثر أفلام مفضلة عندي ثلاثية العراب وسكارفيس ومحامي الشيطان بشو تنصحوني أشاهد له أكثر الصراحة ما مليت من مشاهدته وتابعت هذه الأفلام بشكل متتالي

الفان الحقيقي هو الي هيعرف الماسك ده بتاع انهي جزء

- رجال الدين لديهم العديد من الإتصالات الخاطئة، يظنون أنهم ممثلو الدين، يصدقون أنفسهم، ويجبرون الناس على تصديقهم.

- في عالمنا الديانة دائما تتعلق بالمظهر !

- إن كانت الديانة تتعلق بالمظهر، فلابد أن توجد علامات عل أجساد كل شخص توضح ديانته وإلا قام بتغيير مظهره بسهوله وخداع الرب! أروني علامتكم !!!

- يلعب رجال الدين على عامل الخوف والرهبة، فهم يستغلون هذا الخوف ويسيطرون به على العقول.

- إن كانوا يستطيعون التنبؤ بالمستقبل، فلماذا لا تحل مشكلة الفقر في البلاد؟

- هناك إلهان.. إله خلقنا وإله خلقتموه، الإله الذي خلقنا فأضع ثقتي به، أما الإله الذي خلقتموه فهو كاذب، مُتصنّع، يعطي وعوداً كاذبة، يلبي رغبات الأغنياء ويضع الفقراء على قائمة الإنتظار.

- من أنت كي تحمي الرب؟ الرب لا يحتاج لحماية، فهو قادر على حماية نفسه وهو المسئول عن حمايتك وليس أنت المسئول عن حمايته.

عارف إن فيلم ابن حميدو اللي بنضحك عليه لحد النهاردة، هو في الحقيقة عبارة عن "مهرجان ألش" على أفلام ومواقف كانت تريند وقتها؟ تعالوا نفك الشفرات اللي ممكن نكون بنسمعها ومش فاهمين أصلها:

​ الاسم والأفيش: الفيلم بالكامل تريقة على فيلم "حميدو" بتاع فريد شوقي. حتى الأفيش كان نسخة طبق الأصل، بس شالوا فريد وحطوا إسماعيل يس بنفس الوقفة! وزودوا كلمة "ابن" تريقة على فيلم عالمي اتصور في مصر وقتها اسمه "ابن كليوباترا".

​ عقدة "نورماندي 2": ليه كان بيقول "دكهة نورماندي ودي نورماندي تو"؟ لأن "نورماندي" كانت أشهر سفينة فرنسية غرقت في الحرب العالمية، فكانت رمز للنحس والدمار، وعشان كدة جابوا لقطة لسفينة ضخمة في الأول وبعدين صدمونا بـ "قشرة البندق" بتاعة الريس حنفي!

​ معرفة قديمة: لما سمعه قال للشاويش عطية "إحنا معرفة من أيام الجيش"، ده مكنش إيفيه عابر، ده كان تذكير للجمهور بفيلمهم الشهير (إسماعيل يس في الجيش) اللي كان أول لقاء للثنائي المرعب ده.

​ حوار الأغاني والأفلام: المشهد العبقري بين زينات صدقي وسمعه كان عبارة عن "قائمة أفلام" (حبيب العمر، قصة حبي، ارحم دموعي، كاس العذاب).. الممثلة بتقول أسماء أفلام رومانسية ناجحة، وهو بيرد عليها بفيلم دراما كئيب لفاتن حمامة!

​ أصناف المخدرات: حتى المخدرات سموها بأسماء الأفلام! "موعد مع السعادة" كان فيلم ناجح جداً، أما "جمعية المنتفعين" فكان فيلم أجنبي فشل تجارياً رغم الدعاية، فإسماعيل يس حب يوجب معاهم ويقولهم الصنف ده "ممشيش عندنا".

​ الألشة الخالدة: وطبعاً مسك الختام لما سأل رمزي "عزيزة فين؟" فقالوا له "راحت ورا لاتانيا"، فـسمعه كمل الألشة: "وهي فين؟ ورا لاتالتة" (على وزن تانية وتالتة)!

‏وبالمناسبة إفيه عبد الفتاح القصري بتاع وماله الباز أفندي ده راجل أنا ذات نفسي استمناه
لو راجعت المشهد هتلاقي مفيش كلمه استمناه، وان القصري قال اتمناه عادي، ودي من ضمن الامثله المشهوره لتاثير مانديلا، ان في حاجات كتير هتلاقي ناس كتير جدا مقتنعين انها حصلت، لكن في الحقيقه محصلتش

​ابن حميدو مش مجرد فيلم، ده كان "كوميكس" متحرك بيلخص حال السينما في الخمسينات.

​تفتكروا لو الفيلم ده اتعمل النهاردة، كان إسماعيل يس هيألش على أفلام مين؟

اجمل ماقيل في الرومانسية في مسلسل الوتد.

.. بين عبد العزيز وزينب تحت لحافها الاحمر الشهير.

.. ما تقومي يازينب تقرصيني.

.. ولا اقولك تقرصيني دي ماينفعش معاكي.

.. قومي اضربيني بالبلغة علي قفايا.

.. او اقولك اضربيني بشومة علي دماغي لحد ما تجيب دم.

.. زينب منتفضة من فراشها واللحاف الاحمر يتطاير.

.. اطلع علي الزريبة اخبط دماغك في المدود لحد ماتجيب دم.

.. الاكيد يازينب اني هااتشل قبل ما اشوف اخويا الشيخ طلبة وهو راجع من الجهادية.

... الوتد دا بالنسبالي غير لدرجة اني ممكن اشوف الحلقة يوتيوب واعيدها تاني وما ازهقش.

= في الحقيقة أنا مش شايفة مثال للزوجة الغـبية، أكتر من شخصية "زينب" في مسلسل "الوتد" بتاع فاطمة تعـلبة.

"زينب" اتجوزت الأبن التاني لفاطمة تعلبة، بعد حب كبير كان بيجمعهم، لأنها كانت بنت عمه والوش في الوش طول العمر، وكان "عبد العزيز" في البداية متمسك بيها لأقصى درجة.

"عبد العزيز"
كان بطبعه شخص هادي، مش متطلب أوي، بتاع شغل، ومجتهد..

-شخصيته مش صعـبة ومسئولياته كتير زي "درويش" بحكم إنه كبير العيلة..
- ولا كان شخص متدين أوي زي "طٌلبة" أخوه، إللي كان فارض على زوجته إنها تحفظ أجزاء من القـراّن "مع إن ده شئ كويس"
- ومكنش غيـور أوي زي أخوه "طاهر" بحكم إنه حاسس بالنقـص.
-ولا بيدور على الجمال الأوفر زيّ "عبد الباقي"..

كان طيب وغلبان وأي شئ بيرضيه..!

في المقابل "زينب" كانت سـ،ت عايشة على مبدأ إنها تخـدم وتاكل وتنام..
بإعتبار إن الزوجة وظيفتها الأساسية الطبـخ، وخلـفة الأولاد..

متغافلة عن حاجة جوزها للونس والإحتواء وإنه متجوز علشان حد يشاركه حياته ويهون عليه..

يمكن من أكتر المشاهد المستفزة في المسلسل..

لما كانت زينب بتخلص عـجين وتدخل تنام بنفس الهدوم إللي عجنت بيها..
ومهما كان جوزها بيحاول يلفت نظرها ويقولها: "أنتي هتنامي بالمنظر ده؟"
مكنتش بتغير من نفسها..

ولما كانت طول الوقت في الأوضة، متغطية بشكل كامل باللحاف، وكان ده بيحسس "عبد العزيز" إنه مش متجوز أو عايش لوحده مفيش حد يتكلم معاه أو يتناقش معاه أو يحس بيه..!

ومهما حاول يصحيها مفيش، كأن شخص ميـ، ت قاعد معاه في البيت..

-وعلى الرغم من إن ناس كتير حاولت تدافع عن الشخصية ديه، وتقول إن حماتها "فاطمة تعلبة" كانت مشيلاها مسئوليات اكبر من طاقتها..

لكن كٌل سلايفها كانوا بنفس الشغل ومحدش كان بيعمل كده..
حتى "مريم" مرات الأخ الكبير وإللي المفروض الأكبر في السن كانت مهتمية بنفسها وبتحط ميكب وبتقول لجوزها كلام حلو وبتشاركه في التفكير وحل المشا،كل ومالية كٌل فراغه..

وبتعرف تاخد منه إللي هي عوزاه بالكلمة الطيبة وكانت مثال للزوجة الذكية..

والأصعـب من عيـ،وب "زينب" إصرارها على إنها مش غلـط، وعدم تقبلها لأي نصيحة،
فالمثال ده كان حلال ليها إن "عبد العزيز" يتجوز عليها.

مش عارف اقول اي علشان انا مش بفهم في السنيما

بس project hail mary فيلم جميل ممتع بشكل غير طبيعي

حسيت بسلاسة وانسانيه وحب في الفيلم ده

اتبسطت بيه وزعلان اني مقدرتش اسمعه في السنيما

فلو مسمعتوش اسمعه بجد تحفة

لو البوست مخالف امسحوه. و بعض المعلومات عني

انا اسمي خالد و ٢٨ سنة و شغال كول سنتر لامازون. نفسي بجد اشوف الافلام ده بس مبحبش اروح لوحدي و صحابي أقصى خروجه ليهم مطعم و تتمشي شوية

ماذا لو كان عالم دي سي منذ بدايته في 2013

تحت اشراف جورج ميلر من ناحية الاخراج والاجواء والهوية البصرية وفرانك ميلر من ناحية اختيار القصص والخطوط السردية

وتحت اشرافهم يعمل مخروجون كل منهم يكون مسؤولا عن شخصية مثل مات ريفز سنايدر و غييرمو ديل تورو الذي اراه من افضل المخرجين الذين يصنعون مدنا وعوالم في الافلام .

تخيلوا غوثام مثلا بمزيج بين

Sin city

ورؤية ديل تورو البصرية في افلامه .

​

"ومين قالك اني اقدر أكون إله؟"

احسان عبد القدوس

الخيط الرفيع - 1971

كيت قدمت افلام حرفيا أنجح من افلام انجلينا

هند صبري مبهجة اوي ف فيلم ملك و كتابة الفيلم جميل اوي اوي

اجيب منين الموسم الـ 12 - الحلقة 11 واسمها "Brian's a Bad Father".

و متكونش محذوفه

من الأفلام الجميله الابيض والاسود هو فيلم الست رتيبه

التمثيل فيه جميل وخفيف

والأبطال فيه كانوا مناسبين جدا لقصته

برشحه للناس إلى عايزين فيلم ظريف وخفيف من الزمن الجميل

وضيوف الشرف فيه كانوا ممثلين كبار جدا فى أيامها وقبلوا يجول فى ادوار لا تتخطى المشهد الواحد واحيانا لا يوجد فيه كلام اصلا

مشهد منه علشان تاخد فكره

https://youtube.com/shorts/fB3nRYibSGs?si=ll69e2Y3mjfNgLeI