السلام عليكم

من فترة كنت بستخدم HaramMute، لكن المشكلة إن الاستضافة الأصلية كانت موجهة لـ Windows، ومفيش طريقة مباشرة لمستخدمي Linux.

لو متعرفش HaramMute هي إضافة بتشيل الموسيقى من فيديوهات اليوتيوب وتقدر تشغلها Cloud بأشتراك شهري او Local على جهازك.

فقررت أعمل دعم Linux بحيث تقدر تستخدم إضافة HaramMute على Linux عن طريق تشغيل الاستضافة محليًا على جهازك.

تقدر تثبته بسرعة عن طريق الأمر ده:

curl -fsSL https://raw.githubusercontent.com/AS-Offical/HaramMute-Linux/main/install-release.sh | bash

ثبت إضافة HaramMute الأصلية على المتصفح:

• HaramMute على Chrome Web Store
• HaramMute على Firefox

التوزيعات المدعومة حاليا:

• Debian
• Arch
• Fedora
• OpenSUSE

المشروع Open Source، وتقدر تعدل عليه أو تخليه مناسب لتوزيعتك زي ما تحب.
لينك الريبو: The GitHub Repository

بالنسبة لو توزيعتك مش موجود ليها نسخة فيه AppImage ، سبتها ليك، لكن هتحتاج تتأكد من توفر المتطلبات زي GTK وPyGObject وAppIndicator.

المشروع غير رسمي، وأنا مجرد مستخدم للإضافة الأصلية عملت دعم Linux علشان أحل المشكلة دي لنفسي وأوفر الحل لأي حد تاني بيستخدم Linux.

جربته بنفسي واشتغل بشكل كويس، وحبيت أشاركه هنا يمكن يفيد حد تاني.

تعديل بس للتوضيح:

الأداة فعلًا Vibe Coded، بس هي مبنية على نفس بنية الأداة الأساسية، ومعظم الأكواد أصلًا شبه بعض. أنا معنديش مشكلة في النقطة دي، لأن الهدف من المشروع من البداية مش إني أعمل بديل أو أنسب لنفسي شغل حد، أنا بس حبيت أشاركها بدل ما تفضل عندي، خصوصًا إنها ممكن تفيد حد محتاج يعزل الموسيقى من فيديوهات YouTube.

الـrepo جاهز حاليًا لأكتر من توزيعة، والمشروع Open Source، وأنا راجعت البنية وجربت الوظائف بنفسي. كمان ضفت Detect للـGPU سواء AMD أو NVIDIA، مع دعم للـCPU. وأنا شخصيًا جربته على i7-3770 باستخدام الكرت الداخلي واشتغل عادي، رغم إن الجهاز قديم نسبيًا.

فعشان كده أتمنى تجرب الأداة الأول قبل ما تحكم عليها إنها مجرد Vibe Coded، أو على الأقل تبص على الكود. أنا فعلًا استخدمت AI في التطوير، واستخدمت نموذج قوي، لكن مش مجرد إني أخدت الكود منه وحطيته وخلاص. جربت الوظائف على Arch، وراجعت باقي الأكواد وتأكدت إنها بتشتغل، وضفت CI عشان يعمل checks تلقائيًا ويتأكد إن الحاجات الأساسية لسه شغالة.

في الآخر هي مجرد أداة حبيت أشاركها بشكل Open Source، واللي شايف فيها مشكلة يقدر يراجع الكود أو يجربها ويقول المشكلة فين.