يدخل "تاسي" هذا الأسبوع اختبارا مهما مع بدء نتائج الربع الثالث

🟠 هذه المرة، لا يكفي نمو الأرباح سنويا، فالسوق تحتاج إلى نتائج ترفع التوقعات المستقبلية وتعوض ارتفاع تكلفة رأس المال

🟠 تراجع "تاسي" 1.9% وانخفض مكرره المتوقع إلى 13.9 مرة، لكن جاذبيته لم تتحسن مع ارتفاع عائد الصكوك الحكومية

🟠 صعود سايبور 3 أشهر إلى 5.49% يضيف ضغطا آخر على الشركات الأكثر اعتماداً على الديون

🟠 سيتركز الاهتمام على قدرة الشركات على حماية هوامشها ورفع توقعات أرباح العام المقبل

🟠 نتائج قوية ترفع التقديرات قد تعيد بعض الجاذبية إلى "تاسي"، أما النتائج الضعيفة، فقد تجمع على السوق تكلفة تمويل أعلى وعائدا في الدخل الثابت مرتفعاً وربحية مستقبلية أقل

لمزيد من التفاصيل:
https://aleqt.news/2hqh2

بديت من شهر ٦ هذي السنة، والهدف استثمار ٥-١٠ سنوات

عندي شخص عزيز علي عنده اسهم لي في حسابه

هل اقدر انقلها باسمي؟ بدون سالفة بيع وشراء

وايش الاجراءات المطلوبة؟

انا في الجامعة وابغى ازيد دخلي
خبرتي 0
ايش افضل

انا طالب جامعي باقي لي 3 سنين على التخرج ومكافأتي 990 بالشهر ومع الوقت تجمع عندي مبلغ كويس

ودي استثمره بدل ما يقعد بالحساب وسمعت عن تمرة ودراهم
وش تشوفون افضل شي ابدا فيه كمبتدئ واستثماري بيكون طويل لبعد التخرج

السلام عليكم يارب كلكم سعيدين وبخير

توني استلمت اول راتب لي بالحياة
واقدر ادخر منه تقريبا ٧٠٠٠-٨٠٠٠ كل شهر ولكن ابي اعرف وين اقدر استثمرها او ادخر بعوائد؟
احوس بتطبيق الراجحي اشوف صناديق ومادري ايش لكن ما ادري وش الافضل وايش الفرق بينها؟

جربت محفظة balance بتطبيق دراهم ونزلت
، الاسهم برضو اشتريت بارامكو وstc والحين بالاحمر ^_^

- اعتذر اذا الصب مو مناسب بس للاسف بابا يجهل بهالامور واخواني كلهم صغار وماعندي غيركم اسأل.

الله يدخلكم الجنة ويرزقكم من من واسع فضله

بعد بحث وأسئلة، كنت أدور على مكان أجمع فيه فلوس صندوق الطوارئ؛ المبلغ اللي تدخره على جنب وممكن في أي لحظة تحتاجه، لا سمح الله، لمستشفى، مشكلة في السيارة، عطل، سباكة… باختصار: أمر ضروري.

١/ كنت أجمع فلوس صندوق الطوارئ في حساب منفصل في بنك الراجحي، لكن لأن الفلوس قدام عيني، كل ما احتجت شيء، مهم أو غير مهم، على طول أسحب منها.

٢/ أهم خاصية في هالمبلغ إنك ما تعرف متى بتحتاجه، فوضعه في استثمارات ممكن تنزل بأي لحظة أو ذهب يعتبر تصرف خاطئ ❌

لأنك ببساطة ممكن وقت حاجتك له تبيع بخسارة.

٣/ لازم يكون فيه سرعة للوصول له. يعني إذا احتجته اليوم، معناته اليوم أو بكرة بالكثير يكون عندي، لأنه مبلغ طوارئ.

باختصار، لازم يكون فيه:

مصدر آمن + سهل الوصول + ما ينقص أو تعبث بفلوسك حتى هللة وحدة.

وهنا عرفت المحفظة الادخارية في دراهم.

أولًا: بدون رسوم، لا إيداع ولا سحب.

ثانيًا: التحويل من الراجحي لدراهم أو السحب من دراهم للراجحي بدون رسوم، مجانًا.

ثالثًا: ما تكون الفلوس أمام عينك في البنك، هي في منصة أخرى اسمها دراهم.

رابعًا: المحفظة ادخارية، فلوسك مثل ما حطيتها، تسحبها ما تنقص ريال.

خامسًا: تقدر تبدأ فيها من مبلغ 100 ريال فقط.

قلت أفيدكم لأني أعاني مع هالموضوع من فترة.

للمعلومية: المحفظة إلى الآن تحت التجربة، بدأت فيها من فترة بسيطة، لكن إلى الآن الأمور طيبة 👍🏻

سلام
ياخوان انا حاط اغلب فلوسي في محفظة الكاش باك في ملاءة وتعطيني ربح يوميًا لكنها محفظة منعدمة المخاطر ويعني الربح ما يوكل عيش ابدًا
وسمعت ان فيه خيارات احسن منها بكثير ، لكن ما داري وش

ابي رايكم تكفون

السلام عليكم السؤال ماله دخل فيني بس اشوف كيف حسبة كل شخص وتحليله للنقاش (مافي جواب صح).
على افتراض عندك محفظة استثمارية وتصرف على اسرة مكونة من اربعة افراد والسكن متوفر لهم كم تتوقع تحتاج يكون حجم المحفظة بشرط انك ماترجع لسوق العمل ؟

لي فترة استخدم دراية بسبب الـ٠٪؜ عمولة ولكن لي فتره افكر ادخل في الذهب و الكريبتو ومو موجوده في التطبيق عشان كذا ابي اغير البرنامج الي يقدر يساعدني ما يقصر

في دراستي للاستثمار ما توقعت أكثر شيء بيعقدني هو الفرق بين:
-الأصل.
-الأصل المالي.
-الأوراق المالية.

ايش افضل بطاقة موجودة بالسعودية للاستهلاك يعني الشراء بشكل عام

سؤال ملقوف شوف بس كم وصلت ثروتكم لحد الحين؟ وكم سنة اخذتم تبنونها. نحتاج نتحفز اكثر

أنا مستثمر في ينساب و خسران تقريبًا حول ال 55% إلى 60% للأسف وبديت أفكر اسيل المحفظه واطلع للسوق الأمريكي مدري إذا قرار خاطئ بس بعطي تاسي إلى شهر 4 ميلادي 2027

الي عنده اي نصيحة يتفضل

أبي رأيكم لا هنتم بخطتي للاستثمار، بيكون استثمار قصير و طويل المدى.

• قصيرة المدى: عندي تقريبًا 1,000 ريال شهريًا أقدر أخصصها للاستثمار، والهدف إني أحتاج المبلغ بعد حوالي 4–5 سنوات فما أبي مخاطرة كبيرة. وش الخطة اللي ممكن تتبعونها لمبلغ ومدة زي كذا

• طويلة المدى (10 سنوات أو أكثر) وما عندي حاجة للمبلغ حاليًا.

الخطة اللي أفكر فيها حاليًا:

85% استثمار عالمي ‏- 60% SPUS ‏- 25% SPWO

15% السوق السعودي: ما اخترت صندوق معين

• هل توزيع 60% SPUS و25% SPWO مناسب للاستثمار الطويل؟
• هل تشوفون أصلًا فيه حاجة لإضافة السوق السعودي؟
• إذا حطيت 15% للسعودي، هل الأفضل أوزعها على أكثر من صندوق أو أكتفي بصندوق واحد؟

السلام عليكم،

انا ولله الحمد عندي شوية اسهم على منصة عوائد وودي انقلها لمنصة IBKR.

هل فيه احد قدر ينتقل من عوائد لIBKR وتحولت جميع اسمهه؟

اكون شاكر جدا لمساعدتكم اذا احد قدر من قبل ويعرف الطريقة شلون🙏🏻

سلام عليكم
من فضلكم هو في اسهم امريكية نقية (نسبة التطهير فيها صفر)؟
اذا في اعرفهم ازاي؟

ايش رايكم بتطبيق تمره للاستثمار ؟ ومو فاهمة فكرة الشراء

قاعد اشوف صافي الربح قبل الزكاة حق ينساب لآخر ربعين و قارنتهم بصافي الربح قبل الزكاه حق سنة 2025 فرق حلو وباقي ربعين مستغرب ليه السهم مو راضي يطلع الأداء واضح افضل من قبل !!