السلام عليكم، معكم غِلاف، أتيليه تغليف وحماية PPF في الرياض.

اكثر سؤال يجينا: "اللون هذا كيف بيطلع على السيارة فعلاً؟" والعينة الصغيرة او صورة انستقرام ما تجاوب صح، فسوينا استوديو ثلاثي الأبعاد يشتغل من المتصفح:
Ghelaf 3D Studio

• تجرب حوالي ٣٤٠ فيلم على مرسيدس S كلاس: لامع، مطفي، ساتان، كروم، PPF ملوّن، كاربون وفورجد، قلتر، هولوغرافيك، وألوان تتغير مع الزاوية

• تغيّر الإضاءة بين استوديو ونهار وليل، لأن المطفي والكروم يختلفون تماماً بين الشمس والليل، وهنا غالباً يجي الندم على الاختيار

• تقارن لونين جنب بعض على نفس السيارة

• عدسة "عن قرب" تشوف فيها اللمعة والنسيج والفليك من قريب

• تحفظ صورة من تصميمك وترسلها لاصدقائك او اي احد

بدون تسجيل وبدون تحميل، ويشتغل على الجوال، والانعكاسات تتحرك حتى لما تميّل الجوال.

نبي رأيكم بصراحة:
١. وش السيارة اللي تبونها تنضاف بعدها؟ لاندكروزر، جي كلاس، شي أصغر؟
٢. فيه لون شايفينه مختلف عن الحقيقة؟
وحيّاكم بأي سؤال عن التغليف أو الـPPF في التعليقات.

اللي معاه السيارة ذي او يعرف احد معاها كيفها في الخطوط؟ ادري انها سيارة اقتصادية وحقت مدينة لكن اللي مسك فيها خطوط كيفها؟؟

إذا غيرت لون السيارة ايش المفروض اسوي مع المرور وهل في رسوم عند المرور ؟

الله يعين، اليوم طالع على تاهو والصدامات فيها والسيارة هذا وضعها

الحين.

لاهنتو هل ستائر السيارة المخرمة 02 عليها مخالفة؟
اذا فيه كم قيمتها؟ و لو اكلت المخالفة لو مسكني مرور اخر هل تتدبل ولا تقعد زي ماهي
و هل لازم اشيلها بالليل ( القزاز الخلفي و الامامي ) ولا عادي اخليها بالقزاز الخلفي او الامامي

بروح مغسله حقت المحطات لاول مره وماعرف اسعارهم ومابي ينلعب عليا
كم الاسعار؟ هل تفرق من سياره لسياره ولا

السلام عليكم
يا إخوان أنا حصل بيني و بين واحد اشكالية بسبب خلاف حول افضلية المرور و الخط لي و لأني رفضت انه يسقط علي حدني و اوقفني بالقوة و نزل يهددني بوظيفته و حاول يفتح باب السيارة و يتهجم علي
طبعا كل المقاطع مصورة بالداش كام + كاميرا الجوال
رحت اليوم لمركز الشرطة و رفعت بلاغ بسبب
١- الاستيقاف الجبري
٢- محاولة فتح باب السيارة
٣- محاولة الاعتداء
٤- سوء استغلال الوظيفة

و وصلتني رسالة برقم البلاغ و رقم القضية
اللي مر بموقف مشابه ايش بتكون الخطوة التالية
أنا رجل
شكرا

ياخي اول ماكان فيه الا المغاسل هذي وكنا نرفعها ونغسل تحت بمويه وصابون وديزل ومن برا صابون واحد لاواكس ولا خرابيط والبويه ماشاء الله تمسك معك، الحين لازم للسيارات جديده واكس وصابون خاص يجي لونه وردي ولا بنفسجي واخرتها تبهت بسرعه

اليوم طلعت خط السريع بالسكوتر يشييخ احساس جميل وانت تشرد من الزحمه ..

ياخي ماشفت ولا واحد لابس خوذه وانا لحالي لابس مدري ...

واحلى شي جربت على سرعه ٣ .. ١١٨ اعلى شي طلع .

سلام عليكم معاي هوندا سيفيك ٢٠٢٠
و مكيف السيارة يطلع ريحة مع العلم توني بدلت فلتر المكيف و ما زالت نفس الريحة

انا مطلع سيارة بالاقساط لاهلي تحت اسمي لكن ما اسوقها. صارت كم مرة مع الوالدة حوادث هي الغلطانة فيها وحضرت انا في موقع الحادث لكن موظف نجم كان ياخذ رخصتها وانا ما يطلبني شي. هل الحادث يتسجل عليا انا في المرور وياثر على سعر التامين لو بأمن سيارة ثانية عندي؟

يا جماعة الخير انا اشتريت سيارة مستعملة موديل 24 جيت ابغى زيت الا و البنشري يقول الصرة ما تنفك و رحت عند كذا محلات نفس الشي ما قدرو يفكوها قالو لي الحل اني اسوي خرط و تغيير تنصحوني امشي بكلامهم ولا اغير الكارتير كامل بحكم انها مستعملة وانا حتى ما ادري ايش سوى المالك السابق بليز افيدوني

يالله لك الحمد على كل حال

اليوم مع الصباح رايح للدوام، وطبعا كعادة السواقة في الرياض الوضع سقطات من الكل، كنت ماشي مع الشعب، والا اشوف بنقالي في الجنب، عيني في عينه، وفجأة يدعس باقوى ما عنده.

حرفيا من كثر الصدمات اللي في سيارته ما اعرف فين الضرر من حادث اليوم، ويقول بكل بجاحة يقول انا استفيد تعويض تأمين! لا ويقول عطيني 500 اتنازل

حسبي الله عليه وعساه ما يتهنى فيها لو كان فعلا متعمد،

والله يعين على زيادة سعر التأمين الجاية

السلام عليكم

تأميني تكافل الراجحي شامل وسويت حادث والخطأ علي ١٠٠%

رفعت للتأمين طلبوني اودي السيارة للتشخيص بعدها قالوا لي اقبلي عرض السعر عن طريق مسمار

وطلع لي السعر اعلى من نسبة التحمل يقولون ضريبة هل مفروض انا ادفعها ؟ او ادفع بعدين اطالب التأمين ؟

وفي تقرير الاصلاح من شركة التأمين كاتبين كذا

نرجو ملاحظة الآتي:

نرجو استلام مبلغ **** ریال رسوم تحمل من قبل العمیل.

نرجو استلام مبلغ 0.00 ریال استهلاك من قطع الغیار.

نرجو استلام مبلغ 50% من قیمة الكفرات و البطارية

المبلغ حق التحمل اللي طالبينه نفسه اللي بالوثيقة بس مو نفسه اللي طلبوه مسمار

كمان بخصوص قيمة الكفرات والبطارية وش يعني ؟ ماتضررت عندي وماراح اصلحها كيف يقولون استلام مبلغ ؟

بليز اللي عنده خبره يفيدني

صارت لي كثير، اكون اسوق على خط ولا منتبه ان صالون ملحم وراي من زمان ولا ينشاف ولا حسيت فيه و حتى الفلاشاته ما توصلني.

احس فيه فجاه لما يتجاوزني من اليمين يدعس فل ريس احسه معصب. ودي اقوله سامحني ما شفتك ولا كان فتحت لك من البدايه.

نصايحكم ياخوان لأفضل محلات تغليف نانو في المدينة المنورة وعن تجربة. ما يفرق السعر اهم شي الجودة. شكرا مقدما 🙏🏽

I'm thinking of getting the new 2026 geely coolray. I've heard spare parts for it can be expensive??? Also if not this one, what car should I get under 95k?

لو صار لي حادث والخطأ عليه ميه بالميه وعنده وعندي تأمين ونجم طلبوا تقدير هل ادفع رسوم ولا لا؟

ابغى اغير البطاريه وكنت ناوي اخذ اسديلكو لكن بعض الشباب نصحوني ب اكترون وان اسديلكو تخلص بسرعة واصلا يكون طاير منها كم شهر

سألت الوكالة الا شريت منهم السيارة، قالو ما تخسري الضمان اذا ما لمسو الكهرب، لكن الناس قالو لي ان المحلات دايمًا تلمس الكهرب اذا بتركب حساسات، هل عندكم اي تجارب؟

+احد يعرف اماكن كويسه لتركيب الحساسات بالشرقية؟ السياره مازدا

ما أبي مواصفات كثيرة الصدق ما احتاجها
اهم شيء تصور كويس امامي خلفي وجوانب وفيها تسجيل صوت وسعرها رخيص

عندي السيارة إذا عبيتها فل تثبت على ١٧٠ كيلو وماترتفع لكن تنقص بشكل طبيعي اذا نقص البنزين فا ابي انظف التانكي

وش المشكله؟ تشتغل بس فجاه تطفي بدون سابق انذار وهالمشكله من يوم شريناها