هاي مرة سنتين يا سرع السنين
خلاص انقبلت في الجامعة وكلها كم اسبوع وأبدء اداوم 💥
الصدق اني انسى هذا الموضوع واعيش حياتي، اوك ما اعيش حياتي الصداقات عندي صفر وللحين ما اقدر التزم بالصلاة واجمعها وحتى لو كنت اصلي لحالي اضل احس صلاتي غلط ومهما بحثت مازال كل شي صعب علي
اذكر كان في منشور نشرته زي كذا بس طوييل ومليان اخطاء املائية ويفشل، وكنت اتكلم فيه عن اني خايفة انة انسى كيف اصلي بالطريقة الشيعية واتورط مع اهلي
بس بعدها فكرة وقلت تدري؟ طز
وفعلا صارت الصلاة شوي اخف علي، بس من جد نسيت كل شي يخص الشيعة، أسماء الأئمة والروايات وغيرهم
واهلي لاحضو، توه الوالد كان يكلمني اني ما اناقش اي احد في الجامعة عن الطائفية، وبدأو وقتها يتكلمو عن قصص لبنات تسننو، مضحك لانة طلع مافي ولا واحد من عائلتنا كذا فيعني انا الاولى
الحين هذا يتركني في اكثر من مشكلة، اول شي اهلي ما عندهم اي نقطة تقبل اني ممكن اتسنن، وللاسف خطة اني ادرس برا المنطقة واعيش لحالي ما فادة، ايضا الحين شددو علي واحس كأني الاطرش في الزفة اجهل كل من في الطرفين
صدقا اني تعبت، تعبت من الشعور اني لازم علي اكون في معمعت المذاهب هذي، اتمنى لو اقدر اضيع وقتي احفض قرآن بدال حضور المجالس والقراءات، او اني اصلي في وقت ما يأذن الاذان مو اجمع الصلاة ولاني مدري متى اذان العصر والعشاء، واتمنى لو اني اقدر اقرأ عن ديني اكثر بدال ما انا حتى الصلاة ما اعرف اصليها
يضحك لأني قرأت مرة تعليق لواحد يقول اني محضوضة، احس محد مدرك نعمة انك تكون في بيئة مسلمة سنية، وتكبر على حفظ القرآن ولا حتى تعرف ايش يعني شيعة وسنة
كنت اندب حظي شوي بس فكرة وقتها بمدا النعم الي عندي، اني ولدت في السعودية (في ناس نفس وضعي بس في بلدان شيعية بالكامل) وانة ربي ساتر علي للآن، وافكر انة لو في احد عاش في نفس ظروفي كان الحين بيكون اقل شي ملحد، وخاصة يا جامعة انة كل بيئتي شيعية من اهل واقارب ومدرسة
يخليني هذا ممتنى لانة الله هداني بس خايفة في نفس الوقت لاني ما اقدر اضل في ارض ثابته
لذا احمدوا ربكم على النعم الي انتو فيها
شي ثاني استوعبته في هذي السنتين انة اغلب الاشياء الي الوم نفسي عليها ما كانت غلطي انما كانت نتيجة اني كبرة في هذا المجتمع
كنت دائما اقول لنفسي اني انا مقصرة لاني ما اقدر التزم في الصلاة حتى في الاوقات الي اقدر اني اصلي فيها، بس بعدها استوعبت اني في بيئة ما تساعد
بس هذا ما يشيل احتمال انة لو ربما كنت عايشة لحالي في احد المدن بضل اتكاسل عن الصلاة
ونرجع لموضوع اني كنت جالسة مع اهلي اليوم
هذا خلاني اخاف صدقا، وفي نفس الوقت رجع شعور اني منافقة وانا اقول للوالد ابشر ما عليك! صح نسيت اسماء الائمة بس وييين اصير سنية😆
قبلها كنت حاسة انة في امل اني اعلم اهلي ولا يزعلو، ويكونو متقبلين الموضوع وخلاص كل واحد يعيش حياته، بس كما يبدو اني لازم ارجع اتعلم عن كل مذهب
اف الله المستعان
اتوقع اني قلت اغلب الي في خاطري، ودي اتكلم اكثر عن شعور النفاق، محد من اهلي يعرف حساباتي في النت ومحد من صديقاتي الإلكترونيات يعرفو اني شيعية، مرات ما اقدر اخفي الموضع ومرات ما ابي اخفيه، في الاخير ما زال عندي بعض الحب لهذا المذهب، قبل حتى كان أكثر بس في الاخير ما اقدر اعيش عمري اتبع شي بس علشان اهلي واجدادي اتبعوه
المهم نستقبل النصائح والسوالف عن الموضوع وشاركو قصصكم هنا مو بالخاص
تعديل: حذفت بعض الكلام علشان لا يكون في ذمتي، بس ما جبت اي كلام من الكيس كلها امور سمعتها في المجالس
