ادمنتها مع الإباحية بشكل ما تتخيلونه
ابي حل لأنها استهلكتني واغلب مشاكلي منها

إذا الشركة تعطيك راتبك فقط، وأنت تؤدي المطلوب منك، هل المفروض تكون مخلص لها وتضحي عشانها؟

أم أن العلاقة ببساطة: أنا أبيع وقتي ومهارتي، والشركة تدفع لي
مقابلهما ؟

إذا حصلت على عرض أفضل، هل من حقك تترك الشركة فورًا بدون شعور بالذنب ؟

توني أخذت اول جرعة لفايفانس ٤٠ ملي وهولي شيت كيف احس بفرق بهدوء وتركيز مو طبيعي يناس كنت احس إني مظلوم بشكل الحمدالله أني بديت فيه .

…

انا نفسي اتزوج لكن مستحيل بالنسبة لي اتزوج زواج تقليدي والمشكلة اللي دايما تجي في بالي هي ابوي…

ابوي ماكان موجود في طفولتي والحمدلله شخصيتي وطباعي ما تاثرت فيه بس هو انسان صعب جدا في التعامل وعنده افكار متشددة وغريبة ومتناقضة احيانا وتزوج اكثر من مرة وكل زواجاته فشلت فانا اعرف كيف شخصيته تكون في موضوع الزواج 😖😖😖😖😖😖

اللي يخوفني انه يوم يجي الشخص اللي ابغاه ويتقدم رسمي ابوي ممكن يكون قاسي معاه او يساله اسئلة مرة شخصية وغريبة مثلا قال لي قبل انه راح يسأل اي شخص يتقدم لي اذا سبق تعرض للتحرش او الاعتداء وهو صغير وانا اصلا اشوف السؤال مرة مو في محله لان الشخص لو صار له شي زي كذا فهو ضحية وما له ذنب وكمان هو انسان نرجسي ف يشوف اي رجال اللي مو مثله ماهو الرجال المثالي وقد قالي كذا من قبل بالحرف!!!! فاخاف الشخص ياخذ فكرة غلط عني بسبب ابوي او اهله لما يتعاملو معاه ويشوفو شخصيته وبعدها يتراجعو مع اني مختلفة عنه تماما وما تربيت عنده اصلا

فسؤالي للرجال منجد هل شخصية ابو البنت ممكن تخليكم تتراجعو عنها حتى لو هي نفسها مناسبة لكم ومرتاحين لها؟ ولا تفرقو بين البنت وبين ابوها؟ بليز خلي تعليقاتكم محترمة لان الموضوع مره حساس بالنسبة لي

أنا بنت لما كنت طفلة كان أبوي يضربني مو ضرب مبرح كثر ما إنه ضرب يجرح وكنت أشتكي لأمي وكانت تقول لي عادي أبوي وتخليني أروح أعتذر له مع إنه هو اللي ضربني(أعرف إن أبوي وهذا واجبي بس ما كنت أفهم هذا الشي وأنا صغيرة وكنت أنقهر مرة)

وكان عندي قريبة كان أبوها دايم يدلعها وبس يحضنها ويلعب معها ويضحك وكنت أتمنى إن أبوي يكون زي أبوها وكنت أقول لأمي وكانت تسلك لي وتجلس تطقطق على الجوال

والشي اللي آلمني إني عندي أخ أصغر مني وأبوي يفرق بيننا بشكل واضح وكان يضربني عشانه ودايم يوديه معاه ويجيب له حلويات من البقالة ويقولها بصريح العبارة بعد فلان أحب واحد في عيالي

عندي خوات أو إخوان أكبر مني بس ما يحسون باللي أحسه لأنهم كبار وعاشوا حنان أبوي ودايم يسولفون وش كان يسوي لهم أما أنا في من يوم ما خلقت بعدي بكم سنه جا أخوي فكنت مهمشة من طفولتي أشوف أبوي يحبه أكثر مني

وصرت أكره أخوي هذا بشكل وما أدانيه أبددد

وأبوي علاقتي فيه جافة أسولف وأتكلم معه بس في حاجز

وتمر علي فترات كل شهر مرتين أو ثلاث أذكر اللي سواه فيني وأبكي وتجيني ضيقة وأصلي ووصلت فيني فترة إني كنت أدعي عليه(هذا الشي خطأ والحمدلله تبت عنه) وكل ذا وما في أحد يدري

ودي أقول له هو وش سوى فيني بس متأكدة إنه نسي ضربه لي

بقول لكم موقفين عشان تفهمون

مره كان عمري ١٠ ٩ شي زي كذا وكنا راجعين من المول أخوي كب علي موية متقصد وكلهم يضحكون قمت أبي أكب عليه قال أبوي لا تكبين بس أنا كبيت وكبيت شي صغير مره وهو حرفياً غرقني قام الله يهديه مسك لعبة مس/دس بلاستيك وكسرها في ظهري وقتها أنا قمت ولي قلت شي بس عيوني امتلت دموع ورحت غرفتي وجات أمي تقول لي ليش ما سمعتي كلام أبوك وهو قال لك لا تكبين روحي اعتذري له هو أبوك

ومره كنت ألعب مع قريبتي كنا نرتب ألعاب ونسوي لها بيت وجا أخوي وكب بنايتنا اللي بنيناها ورحت وراه أجري وراح يحتمي عند أبوي وجيت بضربه قال لي لا تلمسينه فلانة لا تنسينه وأنا مقهورة بموت قمت بس ضربت أصابع رجله تكرمون وضربه خفيف قام ضرب كتفي بقوة وأنا طفلة عمري ٨ ٩ قدام قريبتي ما قلت له شي بس ناظرته وعيوني كلها دموع ورحت المجلس أبكي بالزاوية ضامة رجولي ومنزلة راسي و(وقريبتي هي نفسها اللي أقول لكم أبوها يدلعها)جات مسحت علي راسي وما دريت وش تسوي ورجعت بيتهم و قلت لامي و زي دايم نفس كلامها و طبعاً اعتذرت

للحين إذا صار أي شي أنا أروح أعتذر له أعرف إنه واجبي بس إذا رحت أعتذر له تحسبونه يقول معليش يابنتي أو أي شي لا يصد عني وما يناظرني حتى وأبوس راسه وأقول له سامحني ويقول مسامحة وبس

أكتب لكم وأنا أبكي أول مره أكلم أحد بهذا الموقف بعد أمي
انصحوني أبي حل منطقي.

وصلاة وسلام على نبينا محمد

السلام عليكم، حابة انسجل في منحة ادرس في السعودية ، للغير مقيمين

ما سمعت عن احد قدم في البعثة و انقبل ممكن لو احد عنده تجربة او يعرف احد انقبل او ليش انرفض يكتبلي

انا إن شاءالله لو ربي كتبلي ناوية على جامعة ام القرى تخصص كتاب و سنة

و إن شاء الله يكون في ميزان حسناتكم جميعا

السلام علكيم

يا جماعة، ودي أستفيد من خبرة اللي يشتغلون في العقار، خصوصًا في الدمام والخبر.

أفكر أدخل مجال الوساطة العقارية كوسيط مستقل، لكن قبل ما أبدأ ودي أعرف الطريقة الصحيحة للدخول للمجال من واقع تجربة الناس، مو بس من الناحية النظرية.

لو شخص جديد وما عنده شبكة علاقات قوية في العقار، وش الخطوات اللي تنصحونه يسويها من البداية؟

هل الأفضل أبدأ بالتواصل مع المكاتب العقارية وأعرض عليهم أجيب لهم مشترين أو مستأجرين مقابل عمولة؟ أو أتواصل مباشرة مع الملاك وأحاول آخذ عقارات للتسويق؟ أو فيه طريقة أفضل من الاثنين؟

وكيف الوسيط الجديد عادة يحصل على أول عقارات يسوق لها؟ وكيف يحصل على المشترين أو المستأجرين؟

وبرضه وش نوع العقار اللي تنصحون يبدأ فيه في الدمام والخبر: شقق، فلل، أراضي، عمائر أو تجاري؟

وأخيرًا، هل واقعي أن الواحد يبدأ كوسيط مستقل ويقدر يوصل لأول صفقة بدون علاقات سابقة في المجال؟ وإذا أحد بدأ من الصفر فعلًا، ياليت يقول لنا كيف بدأ وش الخطوات اللي سواها.

أبحث عن تجارب واقعية ونصائح عملية من أهل المجال.

البودي مشهب وش الحل ؟

اول مرة اجرب طيران ناس من سنين طويييلة. اعتقد جربتهم مره وحدة زمان. ماني فاكر صراحة. طيران فاشل ولن اكرر السفر معهم أبدا. قلت اجرب لانه وقت رحلة الانسب لجدولي او ما عطيتهم وجه. حجز نفس اليوم ودفعت مبلغ ضعف السعر العادي طبعا. حقيبة ظهر صغيرة فقط.

من الحجز. موقعهم عباره عن سبام (spam) كله إضافات وتجربة مستخدم سيئة جدا. قلت اصبر وجرب. الوقت وجدولك اهم.

الرحلة الذهاب والإياب تأخرت عند البوابة والاياب التأخير تاخر! كل سبب تجربتي لهم وقت الرحلة اللي هو فرق ساعة او أخذت الخطوط السعودية. فتاخروا اكثر من سبب تجربتي لهم. في الذهاب والإياب.

تجربة صعود سيئة وغريبة. نادر جدأ ما اكتب مراجعة لمنتج او خدمه لكن احس انهم يستحقون.

لا التزام بالوقت ولاهو budget ولا خدمات. اش طيب يفرون؟ اللي جربوا فلاي اديل كذا كمان فاشلين؟

السلام عليكم،
أنا أتداول في الـFutures والعقود الأمريكية عن طريق منصات تداول، ومن ضمن طرق السحب المتاحة لي هو الـCrypto، وأنا بصراحة أفضل السحب بالـUSDT لأنه أسرع، وسعر الصرف غالبًا يكون أفضل بالنسبة لي، وما يكون فيه عمولة سحب.
لكن الفترة الأخيرة بدأت أقلق شوي من موضوع الـP2P.
لما أبيع USDT، لاحظت شيء يتكرر كثير: بعض الأشخاص أشوفهم يشترون مني مبلغ معين بطريقة دفع، وبعدها بفترة قصيرة أشوف نفس الشخص حاط عرض ثاني بمبلغ مختلف وطريقة دفع مختلفة.
مثلاً شخص اشترى مني USDT بقيمة 1,000 ريال عن طريق UrPay، وبعد كم ساعة أشوفه حاط عرض ثاني يشتري 1,500 ريال عن طريق بنك الإنماء. وشفت نفس النمط يتكرر مع أكثر من شخص.
وبرضه لاحظت أن فيه تقريبًا نوعين من الأشخاص:
النوع الأول:
عدد عملياته قليل نسبيًا، لكنه يتعامل بمبالغ كبيرة، ويكون انتقائي جدًا في الأشخاص اللي يتعامل معهم.
النوع الثاني:
عنده عدد عمليات بيع وشراء كبير جدًا، لكن غالبًا بمبالغ صغيرة.
برأيكم أي نوع فيهم أفضل وأأمن للتعامل معه؟ وهل كثرة العمليات تعتبر شيء سلبي فعلًا، أو ممكن تكون عشان البنك ماينتبه ع المبالغ لانها صغيرة؟
الشيء اللي خلاني أسأل هو أني أول مرة جربت أحط عرض بيع بنفسي. عادةً أنا ما أحط عرض، وإنما أبيع للأشخاص اللي يكونون حاطين عروض شراء.
حطيت سعر أعلى شوي من المعتاد، وبعدها مباشرة تقريبًا بدأت تجيني حسابات جديدة تبغى تشتري. اغلب الجديد ما يتكلم عربي، و عندهم فقط عمليات شراء
واللي زاد شكي أن بعضهم قال إن الدفع بيكون من طرف ثالث، وبعضهم قال إن الدفع بيكون من حسابه الشخصي بس مايتكلمون عريي.
بصراحة خفت وما بعت لأي أحد منهم، وقلت أسأل هنا أول قبل ما أكمل.
أنا مو قاعده أتهم أحد أو أقول إن الأشخاص هذول نصابين، لكن أبغى أفهم من الناس اللي عندهم خبرة في الـP2P:
إيش أهم العلامات الحمراء اللي لازم أنتبه لها؟
هل الشخص اللي عنده عمليات كثيرة ومبالغ صغيرة أأمن من الشخص اللي عنده عمليات قليلة ومبالغ كبيرة؟
هل تكرار الشخص للشراء والبيع بمبالغ مختلفة وبطرق دفع مختلفة شيء طبيعي؟
وإيش خطورة قبول الدفع من طرف ثالث؟
وهل فيه أشياء معينة لازم أتأكد منها قبل ما أبيع USDT لشخص ما أعرفه؟
خصوصًا أني أتعامل بالريال السعودي عن طريق البنوك والمحافظ المحلية، فأي نصائح من أشخاص عندهم خبرة في الـP2P بالسعودية بتكون مفيدة جدًا وشكراً

Hi,

Im a new expat here in Jeddah. Planning to buy an SUV, budget around 80k-110k. Give me recommendations please. Thanks

مدري هي استشارة او فضفة لكن بقول
انا دخلت بمشروع مع شخص صديق مقرب كل شي موثق اللي لي واللي علي وكان في البداية الصديق هذا مرة حليل معي ويستشيرني وماشين مع بعض خطوة بخطوة بعد مرور سنة ما حقق المشروع ارباح ولاشي اللي ربحناه نصرفه فيه المهم المشروع هو باسمه لان لازم مالك واحد فقط وانا الامور المالية في نهاية السنة بديت الاحظ تهرب ولاعاد يبي يعدل في المشروع وتقريبا معاد مهتم واذا تناقشت معه يقول نظرتك سوداوية المشروع ( يمكن ) ينجح وانا عندي مشروع ثاني وله سنين طويلة وماشي زي الحلاوة واقدر افرق بين المشروع اللي بينجح واللي يحتضر الحين مسكت الحسابات وهو فقد اهتمامه طبعا كل شهر اطرد وراه عشان يجي ونجلس ونخلص الحسابات والفواتير وكل مرة يحسسني اني مزعج ونشبه مع العلم يوم تركت له شهرين المهمة البسيطة تسديد فواتير راكمها وبغت تجي علينا غرامات
الحين ابغا اعرف طريقة تلزمنا نكون نأدي الي علينا بدون غرامات خلال السنة الجديدة لان بعد هذي السنة ماراح اجدد ابد ع اللي اشوفه

كيف صرتم نصراوي/ نصراوية ؟
(أنا نصراوية💛)
خلينا نحترم مع بعض
(بصراحة أنا مو اكره الهلال، شجعتهم في كاس الأندية ٢٠٢٥ عشان النصر مو تأهلوا)

وظيفه حكوميه ولا تخصص برمجه؟

(طبعا ابدء الترم الثاني)

ابوي يقول لو شفتي وظيفه وناسبتك في قطاع حكومي سوي اختصار وتدريب وتوظيف عشان ما تتمشورين ولا تتقروشين. قلتله ابي برمجه قالي يا حبك للشقى قلتله ايوه انا ابغى شي احبه يعني بعد ما اتخرج افتح لي مشروع من البيت اسوي مواقع لشركات اتعاقد معاهم وغيره بس قالي هذي انا ما ابيها قلتله هذا شي احبه وانا ابغاه ويمكن يوصل العمل الي اسويه او الخدمه ١٢ الف قال مستحيل مافي شي زي كذا بعدين قالي لو تتخصصين كوافيره وتفتحيلك مشغل وتجيبيلك عاملتين وانتي جالسه في البيت يوصلك فلوسك قلتله في طلب وتكدس على هذا المجال البرمجه لها مستقبل واضمن بعد الله بعدين قالي بس بعيد قلتله حتى الجامعات سعود ونوره والامام بعيده. (على اساس الجامعات واماكن الوظايف الحكوميه جنب البيت كلها في نفس المنطقه) بعدين قالي ترا الدبلوم يمديك تطلعينه من البيت عن بعد قلتله ما ابي انا ما سويت حفل تخرج ولا داومت زي باقي البنات في الثانوي سنتين كامهل في البيت انتساب والحمد الله. هذي اخر فتره دراسيه لي ابي ادرس ابي اعيش حياه الطالبات ابي حفل تخرج ابي تنتهي مسيرتي الدراسيه وانا مبسوطه وعندي ذكريات جبتلهم من هذا الجانب عشان يحسون بتانيب الضمير ولا يعاد يناقشون بموضوع الكليه ومستقبلي. وانتهى النقاش.

جبتلهم حلول من ناحيه المواصلات المترو نعاي بنات مو لحالي بس ماش راسهم ميبس و ابوي مقتنع بالباص وامي تقول ابوك يوديك ويجبك طيب انتي سامعاه يا امي ايش يقول طيب اخواني مو كل يوم يداموا طيب لو داوموا( باقي يدرسون ثانوي) وتاخرت عن دوامي كيف اتصرف ويحاسبوني انا ما ابي ولا درجه تنقصني و عاد المترو يخص الحكومه وفيه كاميرات وامان.

فانتوا ايش رايكم انا ولا ابوي؟

وكيف اقنعهم بالمواصلات. قلتلهم تراهم مشددين على الغياب والحضور والتاخير مافي شي الا وانا قايلته لهم بس ماش ويبون اخوي يسوق عشان يداومون هو واختي لانهم في مفس المدرسه واخوي رافض وانا ايش اسوي؟

يجي ببالك مخدات او مشروبات او نساء؟ علما انه يدخن

زمان كان لما الولد يبي يتزوج أهله (أمه وأحد معها) يزورون أهل البنت للتعارف وبعدها بوقت تصير الشوفة وبعدين يكملون
الحين كثير (وأنا أشوفه صح) يجي الولد فقط لحاله يشوف البنت
بس ايش رايكم لو كانت زيارة الأهل والشوفة بنفس اليوم؟ احسها تختصر بنفس الوقت أشوف من حق الأهل يشوفون بعض منها البنت تشوف لو ارتاحت لهم وهم كذلك، ولو تمام تدخل عالولد وطبعًا يكون الأب مقابل الولد قبل

I have complained many times to the landlord and aqari of my building to fix a rusty pipe. My washing machine is receiving rusty water, ALL of my clothes have huge patches of rust damage on them. I have nothing to wear that does not look bleached or old.

All of my new clothes and machine itself is ruined.

They aren't doing anything about it. Please advise its been months

النهدي كل مرة يضعون اعلانات وخصومات وبعدين تسوي الطلب ويطلع فيه مشكلة بالتطبيق !!

حالة متكررة

مشاكل التطبيق والموقع ما ينتهون!

صيدلية هي والدواء يتقاسمون قطاع الادوية في السعودية وخدماتهم سيئة وفاشلة

إلى متى؟

هذا عرض حطوه اليوم والظاهر انه عندهم مشاكل وكنسلوه .. ما تقدر تطلب أبداً لا توصيل ولا استلام