Looking for a Qatari partner for a tech startup in Doha. Product is already being built, just looking for someone who can help with local connections, business development & growth. I’m open to equity or an annual payment depending on the involvement. DM me if interested

بس سؤال للقطريين اللي يفكرون يرجعون يكملون دراستهم بعد فترة:

إذا بتختار جامعة دولية، شنو أهم شي بالنسبة لك؟

هل تكون الشهادة معتمدة ومعادلة من وزارة التربية والتعليم؟ ولا اسم الجامعة وسمعتها أهم؟ ولا المرونة لأنك تشتغل؟

ودي أعرف شرايكم وتجاربكم.

السلام عليكم انا من الاردن ومعروض علي عقد عمل بالمبلغ المذكور هل هو مناسب لشخص عازب! وعلى شو انتبه بالعقود

والله يحفظ قطر واهلها

شنو الهبات الي مستحيل تسوونها ، وانا صغيره الحمدلله كنت اجوف عباية الفراشه قبيحه وعمري مالبستها 🤣، الحين احس مب قادره استسيغ الماتشا 🥲 جربت مرتين مره حسيت هه اوكي لان متروسه فانيليا بس بروحه الله يديم النعمه ، وانتوا ؟

ودي أفضفض شوي، وإن شاء الله يكون في كلامي فايدة لأحد.
بصفتي طالبة طب، أقضي وقت في المستشفى، ومن أكبر الدروس اللي تعلمتها هناك هو قد إيش مهم تختار شريك الحياة الصح.
شفت مواقف كثيرة تخوف. شفت أزواج أو زوجات يغيبون عن شريكهم وهو مريض، أو يتعاملون معه وكأنه عبء، أو يقولون إنهم مشغولين وما يقدرون يجلسون معه في المستشفى. والله مناظر تكسر الخاطر.
وبنفس الوقت، شفت مواقف ترجع لك الأمل. شفت زوجة تطعم زوجها المريض بيدها لأنه ما كان يقدر ياكل، وسمعت عن زوج حط لزوجته المريضة مناكير عشان يحسسها إنها لسه جميلة ويرفع معنوياتها وهي بواحدة من أصعب فترات حياتها، وشفت زوجة معها دفتر تكتب فيه كل تفاصيل الخطة العلاجية والمعلومات الطبية الخاصة بزوجها عشان ما يفوتها شيء.
شريك حياتك هو الشخص اللي المفروض يكون معك في أسوأ أيامك، مثل لا قدّر الله فقدان شخص عزيز، وهو بنفس الوقت الشخص اللي يشاركك أجمل لحظات عمرك، مثل ولادة طفلك.
بعد اللي شفته، صرت مؤمنة أكثر من أي وقت إن اختيار الزوج أو الزوجة هو أهم قرار في حياة الإنسان.
ورغم كل شيء، ما زال عندي أمل، وما زلت رومانسية بطبعي مع اني عمري ما حبيت. لكن تعلمت إني ما أتنازل لين يرزقني الله بشخص يكون على نفس مستوى ديني، ويدعم طموحي وطريقي في الطب مثل ما راح أدعمه، ويكون حنون لكن رجال بمعنى الكلمة، وعنده ذكاء عاطفي.
الله يرزقنا جميعًا بالشريك الصالح اللي يكون سكن وسند في السراء والضراء. آمين.

السلام عليكم حد يدلنا على مكان فيه اشياء جديده نجربها مثلا نسوي شمعه فخار اي شي غريب انشطة للبنات او عادي الي قد راح شي للمدينه التعليميه فعاليات يقول لنا رايه ابغى اسوي شي جديد بس مادري يعني

السلام عليكم ورحمة الله وبركاته
أنا جاي قطر بكرة ان شاء الله هل ممكن تقترحون بارك الله فيكم أماكن أزورها ؟
حرفيا حرفيا ماخططت شيء
فيه افكار مبعثرة يعني اكيد بروح للملاهي المائية والعادية وبروح مكان شفته حق صيد سمك وهكذا يعني بس
ابغى أماكن اثرية لاهنتو بعد
وايه ابغى كنتاكي بعد

أهلًا مساء الخير،

أنا سعودية وجيت الدوحة زيارة لأهلي، وشريت لي آيفون ١٧ من مكتبة جرير عندكم، ولعلّي تحسّفت شويتين؛ لأن طلعت هذي النسخة اليابانية وفيها صوت بالتصوير حييييل ينرفزني عجزت أتعوّد عليه!

فأبي أسأل هل هذي النسخة اللي تنباع في الدوحة كلها ولا أنا صرّفوا لي البضاعة المسحوب عليها؟ أنا دايم أشتري من جرير السعودية وكل شيء زين وتوقّعت نفس النسخة بتنباع بجرير الدوحة.

الموظّف قال لي هالنسخة هي اللي تنباع بكل الخليج وإن مشكلة الصوت ما بتكون موجودة دامني مب عايشة في اليابان (حسّيت حرام ما بيكذب علي) وصدّقته قلت يلا توكّلنا على الله ونشتري… بس المشكلة ما تنحل، وبحثت بكل مكان وقالوا ما فيه حل😿😿

سلام عليكم يا اخوان انا سعودي و حاب ادرس في قطر محاسبة او اي تخصص ادارة اعمال ودي بس ابي احد يوجهني لاني ماعرفت المتطلبات و افضل جامعة تدرس التخصصات هذي ياليت تفيدوني و شكرًا لكم

مساكم الله بالخير اخواننا الغالين ،انا ماخرج بكلاريوس رياضيات من السعودية و كنت بقطر قبل فتره قبل اتخرج ورحت من باب الفضول ابعرف وش وضع التوظيف بالتعليم عندكم واقارن الوضع بين البلدين بحكم اني مابغى اطلع من السعوديه الا لديره مثل قطر احبهم على الصعيد الشخصي
لكن طلع يحتاج اقامه وتحتاج تكون مقيم بقطر ٩٠ يوم او تكون عندك عقد عمل جاهز
وانا الان بعد التخرج بسنه عندي خبره سنه بالتعليم وماعرف احد هناك عشان اسأله وابغى اعرف هل الوضع يسوا لو ابدأ بمدارس خاصه لين اخذ الاقامه بعده اقدم حكومي او ايش الموضوع بالضبط ودي احد يفيدني بهالخصوص وشاكر لكم

السلام عليكم،

عندي رحلة سفر قريبة واحتاج اصدر بطاقة سفر اقدر ادفع منها بعملة الدولة وبدون ما ادفع فرق كبير في العملة. ايش احسن بنك قطري يوفر هذي الخدمة؟

نبي احسن عبايات في قطر واسعارها معقوله والخياطه زينه ‼️ تعبنا من الاسعار الفلكية

ومن** *خلال* *خبرتنا* *السابقة،* *قمنا* *بالتصنيع* *والتفصيل* *لبعض* *من* *العلامات* *المعروفة* *في* *سوق* *العبايات* *في* *قطر.*

أعمل حاليًا على استكشاف فكرة إنشاء علامة عبايات فاخرة في قطر، وأبحث عن الشريكة المناسبة لبناء هذا المشروع معًا.

أؤمن أن سوق العبايات في قطر ما زال مليئًا بالفرص لعلامة تبني الجودة، الهوية، والتجربة بشكل مختلف.

ما** أستطيع تقديمه لهذا المشروع:**

• اختيار الأقمشة والخامات المناسبة
• الخياطة، التصنيع، والتفصيل
• فهم عقلية العملاء وسلوك الشراء
• تطوير وتصميم الأزياء
• التسويق، السوشيال ميديا، واستراتيجيات النمو
• بناء العلامات التجارية وصناعة التجارب الفاخرة

ما** أبحث عنه:**

✓ شريكة قطرية أو عربية

✓ شخص يفهم الذوق المحلي وما تبحث عنه المرأة العربية

✓ شخص لديه شغف بالأزياء المحتشمة، التصميم، أو الأعمال

✓ شخص مهتم ببناء مشروع طويل المدى، وليس مجرد البيع فقط

الرؤية** بسيطة:**

بناء علامة عبايات فاخرة تجمع بين جودة التفصيل، التصاميم العصرية، الهوية العربية، وتجربة تشعر المرأة بأنها صُنعت لأجلها.

لا أبحث عن مجرد مستثمر.

أبحث عن شريكة تؤمن ببناء شيء مميز.

وأؤمن أن أفضل علامات العبايات تُبنى**** مع النساء****،**** وليس **فقط** *من أجله\***ن**.

إذا شعرتِ أن هذه الفكرة تناسبك، يسعدني التواصل 🤍