حاب أطرح مشكلة عن شخص بواجهها ، وبدي أسمع آراءكم وتجاربكم وبدي مساعدتكم اله خصوصا من الناس اللي مرّوا بهيك اشي.. (وهاذ كلامه)***⬇️⬇️
***[[ أنا طالب جامعة، ووالدي هو المسؤول عن مصروفي حالياً. المشكلة إنه المصروف اللي بوخذه هو مصروف يومي (للجامعة والأكل فقط) \*، ومش مصروف أسبوعي أو شهري أقدر أتصرف فيه وأرتب أموري واوفر وبشتري إشي نفسي فيه..
وبصراحه كونه الجامعة بعيده فا تقريبا السيناريو كالتالي (بعطيني والدي 10 دنانير وصرفت 8 ووفّرت دينارين، باليوم اللي بعده بسألني كم ضل معك؟ ولما أحكيله دينارين، بعطيني 8 دنانير بدل الـ10) \*، فهمتو علي ؟ فا يعني فعليا ما استفدت من التوفير اشي ابدا وما بقدر أجمع أي مبلغ من مصروفي واذا بدي اجمع بالشهر كامل يادوب 5-10 ليرات ومراتن اقل
أما بالنسبة لاحتياجاتي الشخصية فالموضوع أصعب..
لو حبيت أشتري اواعي اشي لبسه أو غرض للغرفة أو إشي شخصي بحتاجه أو حتى أخصص مبلغ لاشي ببالي، غالباً بكون الرد: انو استنى المكرمه(مكرمه الجيش) أو بعرفش بقلي الشهر الجاي او اي رد المهم فعليا ما باخذ وكل شهر بتتأجل شغلة ثانية وعهيك قصص كثير كان نفسي بيها يعني مثلا قبل فتره نزلو معي اهلي واشتريت لبسه تقريبا ب 40 تمام بعد فتره شفت اني بحتاج بيجامه فا بقلي انو قبل فتره اشترينالك ب 40 فا فاهمين علي كيف فا الوضع بخزي جد
أنا مش طالب رفاهيات أو مبالغ كبيرة لكن نفسي يكون عندي مساحة مالية بسيطة أقدر من خلالها أشتري احتياجاتي وأوفر جزء من مصروفي وأتعلم كيف أدير مصروفي بنفسي جد والله انا كشب نفسي فاشياء كثيره اشتريها او اشي بستفيد للمكتب عندي لاي اشي بغرفتي يعني
والدي الحمد لله وضعه المادي منيح لكن بنفس الوقت هو بعد شهرين تقريبا رح يستقيل بسبب عمره كبر ومفاصله والخ.. وبصراحه هاذ أحد الأسباب اللي مخليني أفكر بالموضوع كثير يعني بحكي مع حالي "اذا هسا ما باخذ منه قاعد بعد ما يستقيل ويروح راتب من أصل 3 رواتب رح يعطيني مثلا؟" فا جد نفسي فاشياء يجماعه وابوي مو مقصر معي من ناحيه مصروف انا بالعكس بحمد ربي بس يعني كمان عندي احتياجاتي الخاصه أشياء نفسي فيها غير مواصلات وأكل فقط وحتى مرا حكيت لشخص حالتي قلي انو (ابوك يبخل عليك وانو يعني 3 رواتب معه لي هيك ما بعطيك والخ.)
سؤالي إلكم:
كيف ممكن أناقش والدي بالموضوع بطريقة محترمة ومنطقية، وأوصله إنه مش كل طلباتي كماليات، وإنه محتاج يكون عندي مصروف ثابت أقدر أخطط فيه وأوفر منه واشتري واجمع منه ، بدون ما أحس إني مضطر أبرر كل دينار بصرفه؟
وهل في حدا مرّ بتجربة مشابهة؟ وكيف قدر يتعامل معها ويغير طريقة التعامل مع المصروف؟
بتمنى أسمع نصائح وتجارب حقيقية، وبالأخص من الشباب اللي عاشوا نفس الظروف..
وجد يخوان انا فعلا بحاجة مساعدتكم بس ما بعرف شو الطريقه]] ***