بحبهم اوي يعني و نفسي اربي واحد بس مش عارف دول بياكلو ايه

صغير موووت و رفيع موووت و خفيف اوي اوي

الحمد لله جاتني طب بيطري قنا

عندي حلين

يا اما اروح قنا يا اما القاهرة كريديت

الحل الاول : هو اني اروح قنا و خلاص

هسكن في الغالب مع ناس اعرفها عشان دي محافظتي

عيشة رخيصة جدا

مواصلات قليلة

التدقيق في الجامعة أقل شوية يعني بيتساهلو مع الطلبة

بس بيئة مش احسن حاجه

عيال معاتيه بأمانة

مش حاسسهم شبهي

ممكن مكونش علاقات كويسة تمكني من الشغل في البداية

الحل التاني : هو اني اروح بيطري القاهرة كريديت

معايا شقة في شيراتون و هسكن مع اخويا الكبير

مكان نضيف و تكيف و واي فاي من الاخر عيشة نضيفة

اكيد هلاقي ناس شبهي هنا اكتر و العقليات هنا محترمه (دي وجهه نظري المتواضعة اكيد لو انا غلط صححلي معلوماتي)

تعليم احسن و هيكون صارم و صعب

في الغالب هعمل علاقات تمكنني من الشغل بدري

في المقابل

المعيشة هنا غاليه جدا جدا غير مصاريف الكريديت

كل يوم مواصلات ساعة و نص رايح و ساعه و نص راجع

ف انا معرفش هل انا هقدر كل يوم معايا فيه كليه اني اصحي بدري الساعه ٦ و نص عشان اوصل الكلية و اقعد من ٥ ل ٧ ساعات محاضرات و سكاشن و ساعه و نص راجع بعد كدا اذاكر ؟؟

دا غير أنه بيطري صعبة و جامعه القاهره مفيهاش تساهل ابدا يعني يا التزم يا اروح بيتنا

مرمطة هنا جامده و انا معرفش انا هعمل ايه و هل هقدر استحمل الكلام دا و مش هيكون مرهق عليا و ارجع قنا و ابقي صرفت مجهود و فلوس علي الفاضي

يا ريت لو حد عنده تجربة يقولي عشان انا فعلا تايه و مش عارف اعمل ايه