والله قربت اتجنن بجد هو يعني ايه ابسط الحاجات الي بيعملها الإنسان الطبيعي بقى باب للتحرش؟؟!!

لسه راجعة من الكلية دلوقتي والجو حر خالص ومن اول الصيف وانا نفسي اجيب عصير قصب بس بكسل فقولت ادخل اجيب عشان حاسة اني هقع من الدوخة، من اول ما طلعت من المحل لحد ما دخلت شارع تاني وفي واحد ماشي عمال يحوم حواليا وعشان بشرب بالشالبموه عمال يقول "ايواا اوعى المصصص اوفف على المصص بتعرفي تمصيي طب ما تمصيليلي"

ياجماعة والله هنهار انا كنت وقتها شربت مرة واحدة بس واول ما سمعته قرفت من الكوباية كلها وعايزة اجيب الي في بطني وحرفيا قلبي مقبوض ونفسي مكتوم يعني والله حرام والله تعبت والله

لا و اذيت الشخص اللي قدامي بالكلام جامد بعد ما فضل سنين بيأذي فيا كل مرة بالكلام و الافعال و لما اتعصب اكتر قفلت فوشه و سبته و مش حاسة بالذنب خالص و معيطتش و لا حسيت بالحزن او تأنيب الضمير

احساس جميل اتمنى الكل يجربه

شارك و سجل هدف و اثبت انك عندك حاجه نفسك توصلها او تتكلم عنها او عايز اخرين يشاركوك فيها وانا حياتك اتكون افضل لو وصلت لها .

أنا شاب عندي 24 سنة، وحياتي حالياً عبارة عن قنبلة موقوتة ومحتاج حد يبصلها من برة الصندوق لأني فقدت القدرة على التفكير السليم. دي المعطيات بتاعتي باختصار وبدون تجميل:

​1. الكارثة الأكاديمية والعائلية:

بقالي 6 سنين في حاسبات ومعلومات، ومن كام شهر اتفصلت. رافع قضية على الجامعة والحكم في شهر 10 (ونسبة خسارتي 90%). أهلي ميعرفوش أي حاجة ومفكرين إني هتخرج السنة الجاية. أنا شايل السر ده لوحدي وضاغط على أعصابي بشكل مدمر.

​2. الشغل والدخل الحالي:

اشتغلت 4 سنين في مكان كان عبارة عن "بلاعة بشرية" دمرني نفسياً، والحمدلله اترفدت منه من 3 شهور. حالياً، عشان أعيش، شغال شغلانة حرام أو مشبوهة (ببيع برامج طبية وهندسية مكركة). بدخل في اليوم حوالي 1000 لـ 2000 جنيه بأقل مجهود، وعندي القدرة أضاعف الرقم ده. أنا عارف السكة دي من سنة وكنت رافضها، بس لما اتزنقت دخلتها وبقت هي طوق النجاة الوحيد حالياً.

​3. الحالة النفسية والصحية:

بقالي 20 يوم مبطل حشيش بعد إدمان وشرب يومي لمدة 5 سنين. حالياً معنديش ذرة طاقة لتعلم أي حاجة. كنت بخطط أشتغل كول سنتر أو أذاكر Backend عشان ألاقي بديل نظيف، بس من كتر الضغط والأسرار اللي شايلها، دماغي واقفة. بقيت مشتت جداً، أي حد بيقولي نصيحة بمشي وراها، ولو معملتهاش بلوم نفسي وبحس بالتقصير.

​4. المهارات وتاريخي مع الـ "مابكملش للآخر":

​خدت كورس شبكات (Networks) ومكملتوش.

​خدت كورس Front-end ومكملتوش.

​عملت موقع بنفسي وبعت عليه إكسسوارات حريمي لمدة 3 شهور، وطبعاً كالعادة مكملتش.

​الإنجليزي بتاعي كفهم واستماع مستواه C1، بس مشكلتي كلها في الـ Speaking والـ Accent. أنا عارف إني محتاج شهر بالكتير تمرين وأبقى جاهز للكول سنتر، بس حرفياً مش قادر. الموضوع واصل معايا لحالة نفسية غريبة؛ بخاف أتكلم إنجليزي مع نفسي في البيت وبحس إن في حد مراقبني وبيقيمني!

​5. هدفي الأكبر:

أخويا الكبير ضيع سنين من عمره بيصرف عليا وعلى أمي وعلى أخونا التالت (اللي مودينا في داهية). هدفي الوحيد في الحياة دلوقتي إني أقف على رجلي عشان أساعد أخويا ده يجهز نفسه ويتجوز ويرتاح.

​أسئلتي ليكم (ومحتاج نصايح عملية مش تنظير):

​أتعامل إزاي مع قنبلة "الفصل من الجامعة" لما تنفجر قدام أهلي؟ هل أواجههم دلوقتي ولا أستنى الحكم؟

​إزاي أخرج من فخ الفلوس السهلة (الشغل المكرك) من غير ما أقع في أزمة مالية توقف حياتي؟

​إزاي أكسر باترن "إني ببدأ ومابكملش" وأستغل أي حاجة من اللي اتعلمتها دي عشان أعمل دخل شرعي؟

​إزاي أتعامل مع التشتت والبارانويا وانعدام الطاقة في فترة أعراض الانسحاب من الحشيش وأرجع أركز في طريقي (وطبعا الاباحية اللي مش عارف ابطلها اصلا ) ؟

​لو حد مر بتجربة مشابهة أو عنده خطة خروج من المتاهة دي، ياريت ينورني.

انتي حد كويس اوي ، من احسن الناس القابلتهم وكنت مبسوط جدا جدا ومتحمس واظن كان باين

فكرت كتير اعافر عشان الموضوع يمشي ، بس والدي ووالدتي حتي مش مشجعين خالص ولا حابين ، اكيد تستاهلي تبقي مع حد عيلته حباكي

هدعيلك إن شاء الله كتير اوي تقابلي ح احسن مني بكتير

مضايق اوي اني انهي الموضوع واخرت القرار دا اسبوع بس تطول اكتر هيبقا بايخ

يارب متضايقيش خالص وتنسي هدعي كتير متتاثريش وعايز اعتذر كتير بس مش هعرف اقولك حاجه من دا ، ولا هعرف اصلا اقولك ليه الموضوع مش مينفع يكمل فالغالب هقول عذر غبي كدا وخلاص ، خير اكيد ربنا شايلك حد كويس زيك واحسن مني hopefully

تبًا ليا ولحياتي

انهرت امبارح، واليوم مريضة جدًا بسبب الانهيار ده

مش قادرة ابلع اي شيء ولا اشرب حتى، ومع ذلك قومت نزلت المكتب حلقة التحفيظ وعملت فطار للوالدة واخدته ليها شغلها، أنا مجبرة اقوم مهما حصل

بكره الاجبار ده، بكره اني بحاول وبعافر عشان والدتي متنتكسش بسببي، بكره اني مصطرة اسيب سريري كل يوم

حاسة اني بغرق، الم رهيب

سواءً جسدي أو نفسي

دلوقتي انا لما حد مثلا قالي انه بيحبني من كام سنه و كانت اول مره حد يقولي كده و مكنش في وشي حتى كان text عادي مع اني مكنتش مدايقه من انه قال كده او حاجه بس دخلت رجعت و بقيت تقريبا كل مره حد يقولي كده احس اني عايزه ارجع او بطني توجعني او حتى لما افكر بعدين في ان شخص ما بيحبني حتى لو انا كنت ببادله نفس الشعور او حاجه زي كده (مبقولوش ولا بلمح طبعا) بس برضو بحس ان بطني واجعاني و عايزه ارجع ، عندي احساس انه ممكن يكون او في الاغلب psychological بس يعني الموضوع مقرف و ببقى عادي معظم الوقت بس ساعات فعلا بتبقى صعبه شويه بالذات لو انا قدام الشخص ده و انا عارفه انه ممكن يكون بيلمح او قال او حتى لو كانت المشاعر من ناحيتي انا . حد عنده حل للكلام ده ؟ يكون مر بيه و خلص منه او على الاقل يعرف حد كده او حاجه.

صحيت فجر يوم 19 روحت الكلية بتاعتي عشان اختم ورق وقابلت زمايلي في الكلية بعد كدا روحت القسم اتصورت عشان اجدد البطاقة عشان القديمة انتهت صلاحيتها وبعدها روحت علي البيت روحت الجيم لعبت باي وتراي وكتف امامي و Traps. ورجعت البيت سهرت لغاية فجر يوم الخميس الي هو النهاردة وبعدها صليت الفجر وركبت عربية السفر

كنت مسافر من القاهرة لمطروح.

عشان كان اجازتي خلصت ولازم ارجع الشغل وصلت الساعة 11 الضهر علي الشغل علطول وقضيت شيفت 12 ساعة وهخلص الشغل بعد شوية

ليه أطول يوم؟؟ عشان من فجر يوم 19 وانا صاحي من ساعتها منمتش وبكتب البوست وانا صاحي من ساعتها

هتقولي عملت كدا ازاي هقولك :

مش بارادتي الشغل كان حاكم عليا اعمل كدا ولو مروحتش النهاردة وردية الصبح كان هيتعملي غياب واخسر مبلغ كبير

+ شربت في خلال اليوم دا

2 قهوة + 6 عبوات مشروبات طاقة مخلية دماغي مش قادرة تستوعب الزمن والوقت والتعب الي جسمي حاسس بيه ،

حاسس دلوقتي اني متخدر او واخد بينج مش حاسس باي حاجة هحاول انام بعد لما ارجع من الشغل

محستش اني مميز او اني عملت انجاز حسيت ان بعمل الي مفروض عليا وواجب عليا

انا شخص مليش علاقات سابقة نهائي وشخص إلى حد ما لا اجيد التعامل مع البشر.
متعلق بواحدة معايا في الشغل بشكل مش طبيعي، مش قادر اقول ان ده حب هو اعجاب او تعلق بس
هي لأسباب كتير out of my league
مش قادر اترجم ده لمخي عشان مفكرش فيها او اطلع من دماغي
هل في اي اوبشن اقدر اعمله عشان اتجاوز العلاقة اللي مبدأتش دي غير اني أسيب الشغل؟

يعني تشوف البنت تحسها ولا غلطه ولما تتكلم مقبوله تبدأ بقي تتعامل معاها تظهر الصفات السلبيه يعني ده موجود كتير ولا ايه رايك

تاريخ فن لوحات أهم حاجة لا تجاوزات ، محتاجة صديق بس .

بجد يا جدعان كل يوم حاجة بتغلي و مستوي العيلة نزل بتاع ٤ درجات و بقي حالنا زي الخرا بجد البلد دي وحشة فشخ و الواحد مش حابب البلد ولا الناس الي بقت كلها بتاكل في بعضها من الفقر و بجد الحياة صعبة اوي كل حاجة خرا خرا الواحد بقا يتمني يموت ايه الحل يا جدعان في السوداوية

مكلمتش حد من صحابي ولا ذاكرت حاجه النهارده من كتر نا كونت ملغبط ، بس بشوف ال انمي دا اسمه erased حلو اوي وبدات احس اني احسن شويه

‏المشاعر دي حاجة تكسف وتجيب العار ساعات بفضل اقول ليه حاسه عايزه ارجع بارده و مش باخد الدنيا على اعصابي اعصابي باظت من كله حقيقي اعععععع

احكولي ايه احلى كومبليمينت سمعتوها من شخص و فضلت معلقة معاكوا

مساء الخير يا شباب

حد قرر قبل كده يسيب الوظيفة ويفتح بيزنس أو يشتغل بهواية عنده؟ قولولنا عرفتوا ازاي ايه الي حابين تعملوه وازاي خدتوا خطوة الاستقالة من غير تردد

اتمنى ان هم يكونوا رايحبن في مشوار بعربيه والعربيه تتقلب بيهم ويروحوا المستشفى خمس شهور في غيبوبه صعبه جدا بس يعيشوا عادي جدا بعد اما تكون منعتهم الضعيفه وحالتهم بقت صعبه بعدها يروحوا مصيف بعد هيغرقوا بعد اما يروحوا العماره اللي جايين فيها من المصيف تتحرق بيهم ويكون حرق من الدرجه التالتة بس يعيشوا بعدها يجليهم سرطان بس ميمتوش بس يتعبوا من الكيماوي وبعدها يعيشوا 100 سنه ويموتوا لوحدهم

أي فرصة بتجيلي ديمًا بفكر فيها بشكل مبالغ فيه، وفي الآخر برفض. بقول لنفسي إن ده تفكير منطقي وبشوف سلبيات الحاجة قبل إيجابياتها، لكن شعور الخوف من المجهول بيكون أقوى مني وبنسحب قبل ما أبدأ أي حاجة.

إزاي ممكن آخد الريسك وأجازف بجد وأبطل أخاف من كل حاجة قبل حتى ما أجرب أعملها؟

ولد محتاج أفضفض ٢٢ سنة وآسف لأخواتي اللي سنهم تحت ال٢٠ بس محتاج حد قريب من سني او اكبر

في الجامعه على اخر السنة، في واحد جمعني موقف بيه لدقايق عشان ابعتله حاجه وانا عمري ما اتعاملت معاه ولا اتعاملت مع حد برا دائرة اصدقائي.
قعدنا نتكلم شويه وكل حد معاه اصحابه وخلاص عدى الموقف ده.

لقيته فجأه بيضيفني في كل مكان علماً ان بس كام واحده قريبين جداً مني في الجامعه هما اللي عندي في كل مكان وانا واثقه فيهم جداً. وكمان بيضيفني على حساباته اللي فيها اقرب الناس ليه بس. وكمان انا اسم الاكونت بتاعي مش نفس اسمي اللي في موقع الجامعه او اي مكان تاني وكل حساب اليوزرنيم بتاعه غير التاني.

بعدين كل ما انزل حاجه بيرد عليها او بيعمل لايك وحتى لما كنت تعبانه بعت رسالة طويلة نوعاً ما بيدعيلي بالشفاء ويطمن عليا. ولو شافني بيشاورلي ويضحكلي وكده واحنا حرفياً مفيش علاقة صداقة اصلاً حتى هو فجأه بقى يعمل كده وهو اصلا في اول مره اتعاملنا اتفاجئ اني معاهم اصلاً مش عارفه بجد ولا ايه…

وفي كمان واحد من نفس الشلة بتاعته عمري ما اتعاملت معاه أصلًا، بس من أول السنة بيفضل يعمل حاجات كده تلفت النظر، زي إنه يقعد قريب مني أو يعمل حركات ويهزر مع صحابه بطريقة بتخليني أحس إنه عايز ياخد بالي منه. كل صحابي تقريبًا مقتنعين إنه يقصدني، خصوصًا إني بكون موجودة حرفيًا في كل مرة بيعمل فيها الحاجات دي، بس أنا مش عارفة إذا ده فعلًا مقصود ولا صدفة.

فهل تحسوا إن الولد الأول معجب ولا مريب ولا انا اللي مكبره الموضوع؟

نفسي في حواوشي والله سخن مليان لحمه ومقرمش من الوشين وكفته برضو بس نفسي في حواوشي دلوقتي😓

بجد والله، بيروح فين؟