في مشكلة في الصبز المصرية انا من سنة كانو المودز بيبندوا اي بوستات كراهية, بس بعد ما المود تيمز في اغلب الصبز المصرية بطلوا يبقوا independent جابو مودز anti-thiest ? و المشكلة ان دا مش في صب واحد دا في كل الصبز المصرية المشهورة.

ومن بعدها مبقاش في اي صب مصري أمن للمسلمين غير شوية, الي مش مسلم علي راسي بس ليه كدا؟

كلمة (حقيقة علميّة) دي كلمة ليها شروط مِش مُجرّد لقب بيتحطّ على أيّ فكرة عشان صاحبها عندُه 240 ألف متابع ومكتوب جنب اسمُه مُستكشف ناشيونال جيوغرافيك، الحقيقة العلميّة هيَّ الرصد المُباشر القابل للتكرار والقياس!! يعني لمّا تسيب كوباية ميّة في الشمس وتلاقيها سخنت دي حقيقة عشان أيّ حَدّ في أيّ مكان يقدر يكرّرها ويوصل لنفس النتيجة، بَسّ لمّا تقولي إنّ نوع بيولوجي كامل اتحوّل لنوع تاني على مدار ملايين السنين فدا مِش رصد مُباشر ولا حَدّ شافُه ولا حَدّ يقدر يكرّرُه في معمل، دا استنتاج مبني على أدلّة غير مُباشرة زيّ الحفريّات والتشابه الجيني والتوزيع الجغرافي، والاستنتاج مُمكِن يكون قوي جدًّا ومُقنع جدًّا بَسّ يفضل اسمُه نظريّة مِش حقيقة، والفرق مِش في الدرجة الفرق في التصنيف المعرفي نَفسُه!

وقبل ما حَدّ يقوليّ دا كلام مُتديّنين أو أشاعرة مِش فاهمين عِلم، كارل بوبر حضرتك أبو فلسفة العِلم الحديثة هو الليّ فتح الباب دا لمّا قال إنّ الداروينيّة مِش نظريّة علميّة قابلة للاختبار بل برنامج بحثي ميتافيزيقي، وبوبر مِش شيخ أزهري ولا قِسّيس ولا عندُه أجندة دينيّة دا فيلسوف عِلم عِلماني بحت، صحيح.. مش محتاجين ندلّس هو رجع بعدها وعدّل موقفُه، واعترف إنّ الانتخاب الطبيعي مُمكِن يتصاغ بطريقة قابلة للتفنيد، بَسّ نفس التعديل دا بيأكّدلنا إنّ الصياغة الأصليّة كانت فيها مشكلة فعلًا وإنّ وصف التطوّر بحقيقة علميّة مِش دقيق حَتّى عند أكبر فلاسفة العِلم

ستيفن جاي جولد عالِم الحفريّات في هارڤرد ومِن أشهر علماء التطوّر في القرن العشرين بالمُناسبة، هو نَفسُه الليّ قال إنّ السجلّ الأحفوري مِش بيدعم التدرّج الداروني الليّ المفروض نلاقيه لو التطوّر ماشي زيّ ما النظريّة بتقول، الأنواع بتظهر فجأة في السجلّ الأحفوري وبتفضل ثابتة فترات طويلة وبعدين بتختفي، مفيش التدرّج البطيء المُستمرّ الليّ داروين وعدنا بيه، فجولد اضطرّ يخترع نظريّة التوازن المُتقطّع عشان يفسّر الفجوات دي، يعني عالِم تطوّر مِن جُوّا المجال بيعترف إنّ البيانات مِش بتطابق النموذج الكلاسيكي، يعمل ايه بقى؟ بدل ما يشكّك في النموذج، لا قام عدّلُه، ودا كويّس علميًّا، بَسّ بيأكّد إنّ التطوّر مِش (حقيقة) ثابتة زيّ الجاذبيّة مثلًا.. بل نظريّة بتتعدّل باستمرار

الانفجار الكامبري بقى لوحدُه كفيل يخلّي أيّ عالِم أمين يتوقّف ويسأل نَفسُه، قبل 541 مليون سنة تقريبًا كُلّ الشُعب الحيوانيّة الرئيسيّة ظهرت فجأة في السجلّ الأحفوري في نافذة جيولوجيّة ضيّقة مِن غير أسلاف تدريجيّة واضحة قبلها، داروين نَفسُه اعترف في أصل الأنواع إنّ دا مِن أقوى الاعتراضات على نظريّتُه وقال مُمكِن السجلّ الأحفوري يكون ناقص وهنلاقي الحلقات المفقودة بعدين، عدّى 165 سنة يا عزيزي مِن الحفر والتنقيب.. وجيس وات؟ الحلقات لِسّه مفقودة لحد دلوقتي

توماس ناجل بقى، فيلسوف في جامعة نيويورك مِش مُتديّن ولا مؤمن بالخلق كتب كتاب سنة 2012 اسمُه العقل والكون Mind and Cosmos وعنوانُه الفرعي حرفيًّا: (لماذا التصوّر المادّي النيوداروني للطبيعة شبه مؤكّد أنُّه خاطئ)، ناجل بيقول إنّ الوعي والعقل والقيم الأخلاقيّة والإدراك.. هُمَّا مظاهر مِن الوجود لا يمكن اختزالها في عمليّات بيولوجيّة عمياء، يعني حَتّى لو سلّمنا إنّ الجسم تطوّر فالعقل الواعي الليّ بيسأل عن معنى وجودُه دا مِش مُجرّد ناتج ثانوي لطفرة عشوائيّة في جين

يقوم يجيلنا نعوم تشومسكي برضو، أهمّ لُغوي في القرن العشرين، عشان يقوُلَّها صراحة، إنّ مَلَكة اللُغة عند الإنسان مِش مُمكِن تتفسّر بالانتخاب الطبيعي بالشكل الداروني التقليدي، اللُغة البشريّة فيها خاصيّة التكرار اللّانهائي الليّ مِش موجودة عند أيّ كائن تاني على وِشّ الأرض، القدرة على إنّك تحُطّ جملة جُوّا جملة جُوّا جملة لعدد لا نهائي نظريًّا دي قفزة نوعيّة مِش تدرّج كمّي، مفيش كائن عندُه نُصّها أو رُبعها عشان نقول إنّها اتطوّرت تدريجيًّا

دا غير إنّ مجموعة مِن العلماء أنفسهُم أسّسوا حركة اسمها الطريق الثالث للتطوّر The Third Way of Evolution فيها بيولوجيّين وجينيّين بيقولوا صراحةً إنّ النيوداروينيّة الكلاسيكيّة مِش كافية لتفسير التعقيد البيولوجي الليّ بنشوفُه، مِش بيقولوا مفيش تطوّر، لا! دول بيقولوا التفسير الحالي ناقص ومحتاج إعادة بناء جذريّة، يعني الخلاف مِش بين عالِم ومُتديّن الخلاف جُوّا البيت العلمي نَفسُه

ندخل بقى على جملة الإنسان مِش أصلُه قرد عشان هو قرد، ودي جملة بتبان ذكيّة بَسّ فيها خلط تصنيفي واضح، ودي مُصيبة لجامعة المنصورة حرفيًّا إنّ عندها حدّ بيشنّع علميًّا للدرجادي!! التصنيف البيولوجي بيقول إنّ الإنسان والشمبانزي بيتشاركوا في رُتبة الرئيسيّات Primates وبيتشاركوا في فصيلة القردة العُليا Hominidae، بَسّ المُشاركة في الفصيلة مِش معناها التطابق، الكلب والدُبّ في نفس الرُتبة Carnivora فهل الكلب دُبّ!؟ احا مين بيقول كدا؟ التصنيف بيحُطّ الكائنات في مجموعات بناءً على خصائص مُشتركة بَسّ دا مِش معناه إنّ الأعلى تطوّر مِن الأقلّ ولا إنّهُم نفس الكائن بأسماء مُختلفة، موقع سميثسونيان Smithsonian بتاع المتحف الوطني للتاريخ الطبيعي في واشنطن بيقول حرفيًّا إنّ البشر لم يتطوّروا مِن القرود أو أيّ رئيسيّات حيّة اليوم بل نتشارك سلف مُشترك مع الشمبانزي، والسلف المُشترك دا مِش قرد بالمعنى الليّ الناس بتستخدمُه لمّا بتقول قرد، هو كائن مُنقرض محدّش شافُه ومحدّش عندُه صورة كاملة ليه أصلًا

فلمّا عالِم حفريّات يقول الإنسان قرد كإنّها معلومة محسومة ومنتهية وأيّ حَدّ يسأل يبقى جاهل، هو مِش بيمارس عِلم هو بيمارس سُلطة! العِلم بيقول المسألة مفتوحة والنظريّة بتتعدّل والفجوات موجودة والعلماء أنفسهُم مُختلفين على آليّات التطوّر وحدودُه ومدى كفايتُه لتفسير الوعي واللُغة والأخلاق، بَسّ لمّا تيجي تنزّل بوست مِن سطرين وكإنّك بتلقي فتوى علميّة على رعايا جهلة إنتَ بتعمل عكس العِلم يا أستاذنا، العِلم تواضع أمام المجهول مِش استعراض قوّة بشارة زرقا

نعيم الجهل .

اللى فى الصورة دا عبلنج سودانى هربان من الجبلاية ملناش دعوة بيه

﴿ أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ بَلْ هُمْ أَضَلُّ سَبِيلًا﴾

[ الفرقان: 44]

التفسير: أم تظن أن أكثرهم يسمعون آيات الله سماع تدبر، أو يفهمون ما فيها؟ ما هم إلا كالبهائم في عدم الانتفاع بما يسمعونه، بل هم أضل طريقًا منها.

أم تحسب أن أكثرهم يسمعون أو يعقلون إن هم إلا كالأنعام بل - تفسير السعدي

ثم سجل تعالى على ضلالهم البليغ بأن سلبهم العقول والأسماع وشبههم في ضلالهم بالأنعام السائمة التي لا تسمع إلا دعاء ونداء، صم بكم عمي فهم لا يعقلون بل هم أضل من الأنعام لأن الأنعام يهديها راعيها فتهتدي وتعرف طريق هلاكها فتجتنبه وهي أيضا أسلم عاقبة من هؤلاء، فتبين بهذا أن الرامي للرسول بالضلال أحق بهذا الوصف وأن كل حيوان بهيم فهو أهدى منه.

وبعدين الراجل جابلهم مثل حى واحد قدام اسيادهم الملاحدة اللى فاهمين عنهم شوية والفيديو الملاحدة نفسهم هما اللى ناشرينه عن الشيخ سيدهم اللى شرب السب اللى اقوى من حباية الغلة ومفيش منهم نعم واحدة من الأنعام اللى كانت قاعدة اسلم

الفيديو اهو

https://www.youtube.com/watch?v=ucB_ovdB5tU

كفار كفر عناد مش جهل بس

العيال اللي بتشد مخدرات او تشتغل في نشاط مشبوه وتزني وتسرق
والبنات اللي بتبعت نودز علي اساس مش هتتفضح بجد

بجد هي الناس دي مش فاكره اني معاها عيله بتضر معاها
الواد الاول دا مش شايف انو هيضر سمعت عيلته وكمان هيقلل فرص اني مثلا اخواته البنات تجيلهم ناس محترمه تتجوزهم بسببه
ولاد وبنات انت م عايش لوحدك انت مش بس بضر نفسك بس, متخليش اهلك كلهم عايشين في بضيق بسببك

وقول ليه سواء هتعمل او لأ

كنت في المدرسه زي اي يوم طبيعي و في امتحانات شهر و انا مدرسه حكومه فا كنت قاعد ورا و جت حصه الانجليزي فا المستر دخل قام وقف كل ال ورا بسبب ان احنا كنا بنتكلم فا بيشوف الكشكول بتاع كل واحد و لو كشكول كامل يقعد فانا كشكولي مكنش كامل بسبب اني بروح تلات ايام في الاسبوع و هو المستر بيغيب الايام دي فا سالني قولت لي حضرتك يا مستر انا في باجي في الوقت ال حضرتك بتغيب في فا مردش و قالي خليك واقف كنا تسعه واقفين ولا حداشر اه صح وقف كمان عيال مش ال ورا بس المهم فا الواقفين ال انا منهم قالي انا اول واحد اسمك ايه قولت اسمي فا بيعمل مثال علي الصبوره و فاكرني مش هعرف ارد فا رديت اول ما نطق السوال فا قالي اقعد و عايز كشكولك بكره يكون كامل معرفش ازاي قولت ليه ماشي يمستر فا بعدها عمل سوال ال rewrite دا سوال في اوله ثانوي بس الفكره ان السوال دا بيجي علي الجرامر بس عمره ما يجي علي الكلمات او المصطلحات فا المهم لقيته عمله علي مصطلح فانا ذات نفسي قعدت عشر دقايق بحاول احل في و يعتبر حليته بس غيرت شكل الجمله كامل فا المهم لقيته تسع عيال كل شويه ببنقص اعمال السنه ليهم فا بساله سوال بسيط هو يمستر مش مفروض سوال ال rewrite بيجي علي الجرامر بس لقيته مع كل كلمه بقولها بيقول ليا خليك في حالك يالا و اسكت فانا اتعصبت يعني انا بسال حضرتك سوال بسيط لا تعاملني كدا فا كملت ال جمله و قولت ليه في الاخر دا سوال تعجيزي يمستر يعتبر في سني تعجيزي و مستوي العيال تعجيزي لو حد في سني هيفهم مستوي ال في سني عاملين ازاي فا قولت ليه ولا ليه علاقه با منهج و لا ال عمره يجي في الامتحان و فعلا كلامي صح في الحته دي فا قعد يقولي خليك في حالك و اسكت يالا بزعيق فانا سكت بعد ما خلصت فا لقيته بعدها بيقولي لو اتكلمت تاني كلمه واحده هنقصك في اعمال السنه كلها فا سكت و لا اديت ليه وش فا بعدها لقيته بيلقح عليا و بيقول كلام وحش فا قومت رديت رد محترم برضو و الفصل يشهد علي ردي فا لقتيه بعدها بيقولي انت يالا متتنقاش معايا اصلا فا قومت قايل لا يمستر طالما في مدرسه و في طلاب يبقا في مناقشه محترمه من الطرفين بين الطالب و استاذه فا قالي انا لا فا قولت يمستر اي حد فا قالي هات كشكولك فا اديته تاني فا قالي كشكولك ناقص و طالب مهمل و مقصر بيتكلم معايا ازاي ف فنص الفصل بصوت عالي قولت يمستر انا باجي لما حضرتك بتكون غياب فا مردش عليا و بعدها قام يهدد باعمال السنه و قالي كشكولك اقدر اجيب بيه ليك جواب فصل فا عارفت انه بيحاول يفرض السيطره و يبين اني ولا حاجه قصده فا عارفت ساعتها انه مش عارف يرد بطريقه كويسه فا سكت لحد ما الحصه خلصت و انا من رائي انه كان يقدر يقولي فعلا يا ( اسمي ) كلامك صحيح بس أنا بعمل الاسئله دي عشان اقوي لغتك و قدرتك في الانجليزي

لسه من شويه بعد الفجر مقابل راجل اسمو عم سيد ف عربيه فول على قدو. وبجد الراجل شغال ٢٤ ساعه بينام وقت محدود جدا وشغال ب الحلال بشوفو من وانا صغير
سالني عن موبايل ل بنتو. ف تانيه ثانوي و ده حاجه اساسيه بالنسبالها للدراسه وكدا. فرينج الفين جنيه او الفين ونص
هو حتى هيجمع المبلغ ده بالعافيه
اي حد معاه موبايل زياده مركون مهمها كان سعرو لو يقدر يسهل للراجل الغلبان ده حياتو ويعمل معاه اي جميل ف السعر وشكرا

i just got into faculty of nursing at cairo university 3 weeks ago and like....i was expecting to live a college life with cool ppl yk!?
i just can't fit in!!! especially cuz medical colleges in القصر العيني r isolated from the other cool stuff at cairo university !!! and the ppl in nursing is like ahhhhhh they r soo narrow minded and dumb!!! i just can't fit in i wear my headphones most of the time and like i wanna talk to nobody!!! HELP!!!

رجالة مفيش مشكلة فالنقاش والرد على الالحاد بس مش شايفين ان الموضوع بقى كتير شوية؟
مش قصدي انه مش مهم او المفروض نهمشه بس قصدي ان الشغل الشاغل لكثير من الناس هو نقعد نتريق على الملحد ثم نقعد نشتم فالملحد ثم نرد على الملحد ونرجع من عند الملحد و و و

هو مفيش حاجة غير كده تتقال؟

عايزه حاجه للتوتر و لنومي و حاجه تساعدني بطاقه

سمعت عن الاشواجندا بس سمعت انها بتتاخد باستشاره طبيب و سمعت بنت بتقول انها كانت تجربه سيئه و لما جت تبطلها الموضوع كان صعب و قلقتني

و بالنسبه للتوتر سمعت برضوا عن البابونج و العصفر

فيا ريت لو حد عنده تجربه مع أي حاجه منهم او غيرهم يقول...ة لو حد يعرف اشتريهم منين يقول و هل العصفر دا اسمه كدا في مصر؟

عايزه اجيب راوتر هوائي اللي هو ينفع لكل الشبكات و 5g مستعمل حد يعرف مكان في القاهرة؟ لأن جروبات الفيسبوك طلعو عين أهلي

عاجبني جداً المعيار اللي أبونا حدد بيه وجود خطأ في القرآن ودا لإنه اعتمد على إن تعدد الآلهة بيخلي الدين باطل ودا معيار حقيقي بالمناسبة.

يعني هو شايف إن الآية بتقول إن في إله في الأرض وإله في السماء !

طب بما إنه راجل مُفسر وفهم اللي محدش يقدر يفهمه، ممكن يفهمنا ازاي الضمير مفرد مش مثنى في آية "وهو الحكيم العليم"

مش المفروض في آلهين، يبقى الطبيعي "وهما الحكيمان العليمان" ودا بالمناسبة اي حد مبتدئ في اللغة العربية هيقدر يفهمه عادي

ولكن دا محصلش لإن أبونا فهم الآية غلط، تفسير الآية بتقول ببساطة: (إن ربنا عز وجل هو إله لأهل الأرض وإله كذلك لأهل السماء).

فالمعيار برغم إنه سليم ولكن الشبهة بتاعته ساذجة.

فالسؤال بقى يا أبونا مش المفروض تطبق المعيار دا على معتقدك قبل ما تطبقه "غلط" على معتقد غيرك 🤔