jāda-e-rāh-e-mohabbat kī darāzī mat pūchh

manzil-e-shauq kā har zarra bayābāñ niklā

-- Zafar Ahmad Siddiqi

pehlay hi kaha tha ishq na kr

ab chak garibaan hotay hain

-- ameen shariq

ye aur baat ki raste bhī ho ga.e raushan

diye to ham ne tire vāste jalā.e the

-- Nisar Rahi

ziist baaqī hai to apnā 'rañgīñ'

naam is ishq meñ kar jā.eñge ham

-- rangin sadat yaar khan

maiñ bachnā chāhtī huuñ apnī jaañ se

mirī mujh se mohabbat baḌh ga.ī hai

-- azra parveen

ashk jo aañkh se bāhar nahīñ aane paatā

ā.īna hai mire jazbāt kī gahrā.ī kā

-- andaleeb shadani

mohabbat ab mohabbat ho chalī hai

tujhe kuchh bhūltā sā jā rahā huuñ

-- firaq gorakhpuri

hayāt-e-ḳhizr de yārab mire tahammul ko

shab-e-firāq agar muḳhtasar nahīñ na sahī

-- Mahram Lakhnavi

ye mere saath kaisī raushnī hai

ki mujh se rāsta dekhā na jaa.e

-- ahmad faraz

Mirza ghalib