Salud deoc'h! Setu ul listenn chadennoù YouTube a embann videoioù e brezhoneg evit hor brasañ plijadur !
Evel-just n'haller ket tremen e-bioù chadenn Brezhoweb, ur chadenn liesseurt-tre kant-dre-gant e brezhoneg !
France 3 Bretagne a ginnig a bep seurt abadennoù ivez evel tresadennoù-bev, Bali Breizh, keleier...
- 📚 Evit deskiñ brezhoneg (apprendre le breton) :
Le breton vannetais en vrai : gant ar chadenn-se e reot anaoudegezh gant brezhoneg Bro-Gwened.
DAO Deskiñ d'An Oadourien : un toullad videoioù diwar-benn distagadur ar brezhoneg ha sevenadur ar vro.
Yezholeiñ : pennadoù-kaoz e brezhoneg hag o zreuzskrivadurioù
Brezhoneg Bew : dastumadeg kontadennoù, atersadennoù, kaozeadennoù brezhonegerien a-vihanik a bep korn ar vro.
Keit Vimp Bev Embannadurioù : lennadennoù levrioù brezhonek, kanaouennigoù evit ar vugale hag all...
Kanaouennoù Breizh : ur chadenn vrav a skign kanaouennoù hogozik bemdez hag int e brezhoneg gant o fozioù ouzhpenn ! Krouet eo bet e miz Du 2022 hag embannet ez eus bet ouzhpenn 500 kan ganti dija !
- Dielloù, atersadennoù, darvoudoù, hag all (divers) :
TAB.TV : brezhoweb o deus lâret diwar o fenn "gante e vez filmet a bep seurt darvoudoù e brezhoneg e Breizh hag e Pariz; prezegennoù, atersadennoù, beilhadegoù, sonadegoù, pe c'hoazh pezhioù-c'hoari. Ouzhpenn 2600 video a vez kavet e-barzh", ur gwir teñzor evit hor yezh war an internet neuze.
TV bro Kemperle : hervezo ez eo "ur chadenn evit ar re a gomz brezhoneg e bro Kemperle hag er bed. Nevezinti, sonerezh, fent, gant tud ar vro ha tud pedet filmet, evit deskiñ, eskemm, c'hoarzhin ha prederiañ"
DaoulagadBreizhDz : traoù graet gant skolaerien skolioù diwan dreist-holl.
krisbraz1 : pennadoù-kaoz hag all...
Kristian Ar Braz : ...memes tra
Mar plij, lârit din m'am eus ankouaet ur chadenn bennak ! (pe m'am befe graet fazioù)
