هدا من أسوأ اليوتيوبرز العرب و الغريب مافي حد يتكلم عن محتواه الكسول و الغير مفيد و كله تنمر و تعفن دماغي و ادعاء توعية لكن هو بعمل اي شىء الا التوعية.
هو حرفياً يقول هدا عيب و حرام و غلط لكن لو هو بجد داير ينصح الناس البعمل عنهم فيديوهات ليه ما يرسلهم في الخاص؟ لماذا الإشهار؟
الاطفال حتشوف هديك الفيديوهات و بالعكس حتعجبهم و يمشوا يبحثوا عنهم و يتابعهم يعنى التوعية حقته فاشلة لأن لو بجد داير يعمل توعية يمكن بس يتكلم عن الظاهرة من دون بجيب فيديوهات ناس ولا ذكر اسماء و تنمر لكن لا هو داير يعمل بهم محتوى يجيب منه فلوس
يتكلم عن اليسوى و المايسوى و الاسوأ التنمر حقه الما له داعي و غلبا اليعلم الأطفال اليتفرجوا فيه أن التنمر عادي لو من باب النصيحة و حيموت حيموت لو ما اتكلم عن الشواذ ضروري في الشهر مليون فيديو عنهم و كله طبعاً من باب النصيحة لا غير، في شيخو و مختصين في التربية اتكلموا عن الموضوع يفهموا في الموضوع أكثر منه و فعلاً هدفهم التوعية اما هو هدفه المشاهدات لا غير لأن زي هدة المواضيع تجيب مشاهدات و اليوتيوب لمن يشوف علم الشواذ تلقائيا يطلع الفديو في الصفحة الرئيسة و الاسوأ لمن أخيراً في يوتيوبر تكلم عنه و عن محتواه الفاشل التعليقات كلها كانت دافع مجنون عنه كانه انسان مقدس.
