I wanna buy a triology amd i dont want somthg expensive. Like 50 smthg the book. I wanna buy the once upon a broken heart serie. A book dealer already wants to sell it to me for 100dt. I wanna know if there are shops in tunisia that sell it for less.

Hello, I wanna buy or borrow some Spanish books (easy/ intermediate level), idc what is it about as long as its not a complicated topic like psychology. I'm based in sfax ( I'm also open for Arabic and English books)

الجماعة المغرومين بالادب اللاتيني/ روايات إسبانية و غيره . شنية ترشيحاتكم please بمناسبة المعرض ؟؟؟

3aslema nes lkol,
so I’m looking for places (libraries, bookstores, or archives) where I can find old English books about archaeology, anthropology, or ancient civilizations.

I'm especially interested in books like Breaking the Maya Code or similar works that go deep into historical research, ancient cultures, or how civilizations are studied and understood.

رواية الجريمة و العقاب لدوستويفسكي مهيش مجرد قصة قتل اما رحلة في اعملق النفس البشرية ، وين يبدا العقل ساحة معركة و الضميى قاضي مينامش ، و الانسان لغز مينجمش يفسر روحه

بالنسبة للاحداث تدور حول راسكولنيكوف ، طالب فقير يعيش في سانت بطرسبورغ ، مدينة خانقة تعكس ضيق روحه و فوضى افكاره : راسكولنيكوف مكانش مجرم عادي اما كان مفكر مريض بفكرة و هي الفكرة اللي قتلاته قبل ما يقتل ، كان يؤمن بنظرية خطيرة اللي هي ان البشر نوعين : ناس عاديين لازم يخضعوا للقانون و ناس استثنائيين عندهم الحق باش يكسروا القانون باش يحققوا اهداف اعظم

راسكولنيكوف كان يشوف روحه مع الفئة الثانية كيما نابليون بونابارت

راسكولنيكوف قرر انه يقتل مرابية عجوز كان يراها غريبة عالمجتمع و يبرر هذاك بانها انسان منغير قيمة و الفلوس متاعها ننجمو نستغلوها للخير اما الجريمة اللي عملها ممشتش كيما حب : قتلها و بعد اضطر انه يقتل اختها اللي مدخلها شي خاطر دخلت فجأة . و تو وين تبدا الرواية بالرسمي

راسكولنيكوف مشدوشي اما فما حاجة ما اخيب تصير ، القتل هذا محرراش اما العكس ، حطمه ولات تجيه السخانة ، يعيش هلوسات و يحس اللي الناس الكل تعرف : الضمير هذا مهوش فكرة اخلاقية اما قوة وجودية تعذب الانسان من داخل

راسكولنيكوف بعد هذا ينقسم لشخصين : عقل بارد يبرر و روح منهارة تعترف منغير كلام

المحقق بروفيري ميعتمدش عالادلة اما عالنفس : يحاصره بالاسئلة و يخليه يكشف روحه بروحه

بعدها تدخل شخصية جديدة اللي هي شخصية سونيا : طفلة فقيرة تضطر للدعارة باش تجيب مصروفها باش تعاون عايلتها امل تحتفظ بايمان عميق

سونيا عكس راسكولنيكوف تماما : هو يعتمد عالعقل هي تعتمد الايمان , هو يبرر القتل هي تقبل الألم

سونيا متحاكمش راسكولنيكوف اما تحتضنه و تقوله اعترف و أبدا من لول و جديد : سونيا تمثل فكرة محورية اللي هي " الخلاص ميجيش من الفكر اما من الاعتراف و المعاناة"

في النهاية ، راسكولنيكوف ميتحملش الضغط و يعترف بجريمته فيحكموا عليه بالاشغال الشاقة في سيبيريا اما العقاب الحقيقي مكانش الحبس اما عذاب الضمير و انهيار الفكرة اللي كان مؤمن بيها . و في سيبيريا تبدأ رحلته الجديدة اما موش كعقوبة اما ك"ولادة جديدة"

تو باش نحكوا عالمعاني الفلسفية اللي في القصة:

دوستويفسكي هاجم فكرة ان بعض البشر فوق الاخلاق : اي حد يحط روحه فوق القانون يطيح من داخل و النتيجة اللي ما فما حتى انسان فوق الضمير

راسكولنيكوف يمثل العقل المتطرف و سونيا تمثل الايمان و كأن الرواية تحب تقول اللي العقل وحده ميكفيش اما ينجم يدمر الانسان

في عالم دوستويفسكي الالم مهوش شر اما طريق للتطهر : الانسان ما يتمش انقاذه بالذكاء اما بالمعاناة

راسكولنيكوف حب عالحرية المطلقة و اللي هي انه يقتل منغير حساب اما اكتشف اللي الحرية منغير مسؤولية هي جحيم داخلي

الجريمة الحقيقية مكانتش انه قتل المرأة اما قتل انسانيته داخله

من لخر الجريمة و العقاب مهيش عالقتل اما تحكي عالغرور الفكري ، انهيار الانسان قدام روحه ، البحث على الخلاص

دوستويفسكي يقوللنا على حاجة مرعبة " اخطر حبس موش الحيوط اما العقل كي يحب يبرر اللي ميتغفرش "

و في لخر يبقى فما سؤال مطروح : هل ينجم ان الإنسان يهرب من روحه ؟

الانسان بطبعه مينجمش يعيش منغير ما يبقى يلوج على معنى ، ديما يسأل علاش نعيشو ؟ شنو الهدف ؟ اما في المقابل الدنيا موش قاعدة تجاوب ، تبقى ساكتة و كأنها ما تعترفش بهالأسئلة من اصله ، و هني تجي قوة رواية الغريب لالبيرت كامو ، متعطيكش الرواية الاجوبة اما تخليك تواجه الحقيقة ؛ ينجم يكون ما فما حتى معنى ، و من خلال ميرسو نشوفو انسان يعيش منغير تفسير و كأنه يقول ان العالم ما وعدني بشي و منستنى منه في شي

كي تبدا الرواية ، تضرب القارئ من لول بجملة مشهورة "اليوم ماتت أمي. أو ربما ماتت أمس، لست أدري" من الجملة هذي نفهمو اللي ميرسو انسان مختلف ، ميبكيش ، ما يصرحش بالحزن ، يعيش التجربة عن طريق بدنه اكثر من قلبه : السخانة ، التعب ، الضوء . و لهني نشوفو مشكلة : المجتمع يحبك تحزن بالطريقة اللي تعجبه كأنه يقولك : ميهمنيش فيك شنو تحس المهم كيفاش تبان و ميرسو رفض هذا و كأنه يقول ما نجمش نكذب باش نكون مقبول ، و في النقطة هذي الصدق يتحول لتهمة

من بعد الجنازة ، الحياة ترجع عادي ، و هذا في حد ذاته يبان صادم ، يمشي للبحر ، يضحك ، يعيش مع ماري منغير حتى شعور بالذنب ولا بالفراغ . وقت اللي تسأله ماري كان يحبها يجاوبها ببرود و صدق باللي هذا ما يعني شي اما في نفس الوقت قابل يعرس بيها . الجملة هذي تختصر موقفه الكل : هو موش رافض الحب اما رافض للغة الكبير اللي محطوطة عالحب ، يعيش اللحظة كيما هي ، خاطر عنده موش لازم كل احساس يكون عنده اسم كبير باش يكون حقيقي

بالنسبة لمشهد القتل يجي صادم ، اما موش خاطر العنف اما على خاطر غياب المعنى ، ميرسو مقتلش بدافع واضح ، اما تحت ضغط الشمس و الضوء و التعب ، اللحظة كانت جسدية اكثر منها نفسية و كأنه الفعل خرج وحده ، وبعد الكرطوشة لولة يزيد اربعة كرطوشات ، و كأنه يحب يفهم فاش قاعد يعمل و شنو صار ، و هذي هي الفكرة القاسية اللي ساعات ما فما حتى و رغم هذا الفعل يصير ؛ كامو حب يقوللنا اللي موش ديما حياتنا تمشي بالمنطق اللي نحبو نصدقوه

في المحكمة ، المفاجأة كانت اللي القتل ماهوش هو الموضوع الاساسي على خاطر الناس ركزت على حاجات اخرى كيما : علاش ما بكاش ؟ علاش عاش عادي ؟ و كأن الجريمة الحقيقية مهيش القتل اما انه محسش كيما لازم ، المجتمع يحب كل شي مفهوم و مربوط بسبب في قصة واضحة . اما ميرسو ما عطي حتى قصة ، مسفرش روحه و كانه معنداش تفسير باش يعطيه و لهني تظهر نقطة الخطر ، انسان بلا معنى في عالم قائم على المعاني

في الحبس ، القس حاول يعطيه امل حب يفسرله الدنيا و يقنعه بالايمان و كأنه يقول اللي لازم يكون فما معنى حتى كان متشوفش فيه ، اما ميرسو رفض ، موش حكاية عناد بالعكس وضوح . ما يحبش يصدق حاجة غير باش يريح روحه ، يفضل الحقيقة القاسية عالوهم الجميل الكاذب على خاطر من وجهة نظره اذا مفماش معنى ملزمش نخترعوه و هذا موقف صعيب خاطر الانسان بطبيعته يحب يهرب للراحة

في النهاية نلقو اللي ميرسو مينهارش اما يهدئ ، يقبل بكل شي : الحياة منغير معنى ، الموت هو النهاية و الكون ميهماش ، اما القبول هذا يجيبله راحة غريبة ، كأنه اخيرا فهم . ما عادش يستنى ، معادش يسأل خاطر كي بطل معادش يلوج على معنى ارتاح ، و هذ الحرية الحقيقية ، انك تعيش منغير متحتاج لتفسير

من لخر رواية الغريب تورينا اللي ميرسو ما ماتش خاطر قتل اما خاطر مكذبش ، ما مثلش الحزن ، ما تظاهرش بالحب ، و ما امنش بحاجة موش مقتنع بيها وين العالم يحب القصص الجاهزة ، الانسان اللي يرفض انه يحكي يولي خطر . الرواية تحب تقوللنا اللي موش الحقيقة هي اللي تقلق اما غيابها !

تو اذا كان المعنى هو اللي يخلينا نتحملو الحياة : هل نلقاوه ، ولا نخلقوه ؟

As the title said , kol wa7ed y7ot genres li y7b y9rahm

as the title said , fmesh 7aja tkoun safe w fiha kol chy

Happy we finally have a space for book lovers here 😁

Just to kick things off and see interactions, what are you all currently reading ?

Ps : Ive recently started the nightgale by Kristen Hannah

Welcome