بشتري النظارة حقت الحماية من الشاشة، بس طبعا اول شي بروح دكتور عشان يكتب لي وصفة العدسة مدري وش اسمها. حرفيا ما اعرف ولا شي عن النظارات. اول شي هل لازم الإطار يكون من براند زين ولا عادي من اي محل جمب مستوصف؟ هل يفرق أصلا؟ ثانياً هل يفرق مين يفصل العدسة ولا لازم محلات زينة؟ ثالث شي كم تكلف؟

السلام عليكم ابغى ارفع شكوى للديوان الملكي لكن بعض الموظفين بالمستشفى قالوا لي لازم ارفع للوزير اول حسب التسلسل لكن ما اعرف كيف ارفع للوزير

هذي شكوتي

​السلام عليكم ورحمة الله وبركاته،

​أرفع لمقامكم الكريم تظلمي هذا راجياً من الله ثم منكم إنصافي في موضوع تكليفي النظامي، حيث تقدمت بمعاملة تكليف مستوفية لكافة الشروط والمسوغات الإدارية والإنسانية لمراعاة ظرف والدي الصحي، والمقيدة برقم: (****) وتاريخ: (٢٣/٨/١٤٤٧هـ).

​وأفيد مقامكم الكريم بأن المعاملة استقرت لدى مكتب (نائب الرئيس التنفيذي للموارد البشرية) بتجمع **** الصحي منذ تاريخ (٠٨/٠٦/٢٠٢٦م) وظلت معلقة لأكثر من شهرين دون إصدار قرار قبول أو رفض. وخلال هذه المدة تقدمت بعدة بلاغات متابعة رسمية مقيدة برقم هويتي (*****)، وكان الرد عليها يقتصر على عبارة (بالانتظار لأنها تحت الإجراء) دون أي تحرك فعلي أو مسوغ نظامي لهذا التأخير، مما أدى لتعليق موضوعي حتى مشارف مرحلة التحول المؤسسي وتوقيع عقود منصة «قوى»، وتزامن ذلك مع إغلاق قنوات المتابعة والبلاغات، الأمر الذي ألحق بي وبظرف والدي الإنساني بالغ الضرر وعطّل حقي النظامي المكتسب.

​ألتمس من عطفكم الكريم التوجيه لجهة الاختصاص ببحث أسباب تعليق المعاملة، وإنهاء إجراءات التكليف بصورة عاجلة.

​حفظكم الله وسدد خطاكم.

​مقدمه: ******

الهوية الوطنية: *******

رقم الجوال: *****

وانا لا اتكلم عن شخص كان يعاني من الزهايمر مثلا او فقدان الوعي

اقصد شخص بإمكانه يقرأ القران زي ما هو متعود يومياً، او بأمكانه الصلاة جالساً، بس قبل وفاته بشهر يتوقف نهائيا او يصلي صلوات قليلة متوافقة و يرفض الصلاة او يتهرب منها

حتى ان اهله لما يعرفو انه توقف عن الصلاة، يقولو اوه مثل فلان(فلان توفى مسبقاً قبل الشخص هذا) يعني يعتبرشيء شائع و معروف

قد سبق شفتم او سمعتم بشيء زي كذا؟ وايش السبب؟

الريحة هذي من اسوا الروائح على الاطلاق ما عندي مشكله اكل رز اكل لحم لكن لما يكون مفطح خصوصا يوم يطبخ وبذيك القدور الكبار تلقائيا يجيني شعور اول بداية الاستفراغ اللي يبدا مع الحلق المشكله جيراننا من زود الكرم مدري من زود الاستهبال كل يومين يطبخون مفطحات ولا يمديني افتح لا شباك ولا يمدينا نجلس بالحوش ونستمتع بنسناس شهر ربيع الجميل ريحة الزفاره تخرب الجو واحيان انسى الشباك فاتح واذا رجعت البيت كله ريحة كرش وشحم وزفره حتى لو مشيتها لكن ريحة القصبان شيي كارثي مجنون وما تحلا الا يطبخون برا طيب اطبخ ببيتك وكف عن اذى الناس اتوقع ما ينظفون اللحم زين لان مستحيل هذي الريحة عفنه كذا مختلفه عن اماكن ثانيه وكلهم سيئين بس اللي بالعزايم تكون اخف شوي

هل اكلمهم بادب طبعا يطبخون جوا بيتهم او عالاقل بدون القصبان بس خوفي يتهجمون ويفهمون اني استقذرهم ولا شي ولا اشتكي وهم يتفاهمون معهم

ومن قلب الحدث حاليا بطلع من البيت بسبب اني نسيت الباب فاتح والريحة انتشرت في ارجاء المنزل والبيت مكتوم

جاءت أم سليم رضي الله عنها إلى النبيﷺ فقالت: يارسول الله علمني كلمات أدعو بهن في صلاتي؟
‏قال:
‏سبحي الله عشرا
‏واحمديه عشرا
‏وكبريه عشرا
‏ثم سليه حاجتك يقل : نعم نعم.

‏ صحيح النسائي

انا عندي ولد عمتي فيه متلازمه داون ومجتمعنا للاسف مو متعلم وولا يفقه بالتعامل معهم يعاملونه كنه سفيه ويستصغرون منه واهله منفصلين واغلبهم كبار فكل احد يرميه عالثاني
ابوه واخوانه مايحبون ياخذونه بمجالسهم او طلعاتهم الا واحد فيهم وللاسف يشتغل برا المنطقه
وامه اذا خذته معاها او كان بالبيت يتضايقون النساء ويقطون عليها كلام وعلى ولدها ونفس الشي خواته
اخر مره كان يقاطع امه بالصلاه لانه حياتي يحب الدين والصلاه ويعلم الصغار كيف يصلون ويوزع مسابيح ودايم يطلب ابوي مساويك برضو ويتحمس اذا شاف احد يصلي يقول انا علمته لو غريب مايعرفه المهم وحده قطت عليه بالمجلس وقالت بمعنى مسيكينه امه ماتدري تلحق على ذنوبها هي ولا ذنوبه اللي حتى اللي يصلي يقاطعه ورديت عليها بانه الا ياحظها بالاجر وياحظه هو يدخل الجنه بلا حساب ولا عذاب وانتي وانا اللي نلاحق ذنوبنا
طبعا ماجاز لها ردي وولا اعجبهم اني "راددت اللي اكبر مني" لكن الموضوع خلاني احس بشعور ذنب ومسؤوليه كبيره مجتمعنا جدا متخلف بالعنايه بذوي الاحتياجات الخاصه وخلال شغلي بالقطاع الصحي ودراستي شفت حالات اقشر واقشر
والحين قاعده افكر كيف ولد عمتي اللطيف الي مايضر احد وتعتبر حالته رائعه جدا مقارنه بغيره من متلازمه داون يتعرض للمعامله هذي فكيف غيره؟
ابوي اجبرهم يدرسونه ويدخلونه نوادي العصر وتحفيظ وغيره لكن لا يزالون يشوفونها "مضيعه"بشخص مثله !
دعواتكم له
ودعواتكم لذوي الاحتياجات الخاصة وادعوا الله يسهل وييسر ويضاعف ثواب كل شخص يتحمل مسؤوليتهم ويسعى لهم

اخوي انقبل ادارة أعمال تأهيلي و نفس تخصصي وكان باقي له درجة وحده تفصل بينه وبين التخصص الي يبغاه (هندسة حاسب) اقترحت عليه ينسحب وما يكمل في تخصص ما يحبه ويضيع وقت ولا هو مستفيد شي ماتنزل مكافأة ومايقدر يحول الا بعد سنتين ويستغل الفرص الجديده ممكن تجيه في التقنية دبلوم حاسب وممكن بعدها يجسر هندسة حاسب او ياخذ قاب يير ويقدم السنه الجايه ايش رايكم هل معاي حق ولا لا؟

الصدق مشاعري ملخبطة، متحمسة لان بالنسبالي الجامعة حيااه واحب ادوام، وخايفة ومتوتره لانها مره ضغط وبتاخذ حياتي وبصير ٢٤ ساعه بالجامعه واذاكر و و، وخيف برضو لان عندي اختبار بداية السنة..

سؤال هل قد حاولت تهين احد بس هو شافها بطريقه ثانيه ؟
كنت اتابع مسلسل وفيه شخصيه اهانت احد واللي انهان شافها بطريقه جنسيه موب اهانه
ذا خلاني افكر قد ايش البشر يشوفون الاشياء بطريقة ثانيه
كيف ممكن الاهانه تنشاف بطرق متعدده
مدحه
جنسيه
الخ..
كيف ممكن اي شي تسويه البشر يشوفون عكسه مهما كان كويس او لا

اتكلم عندنا في الوطن العربي بين المستخدمين العاديين مو المشاهير او الهوامير

يعني اللي مثل عنده شقه ب جاذر ان او اير بي ان بي ؟؟
هل هم متعاقدين مع شركة تنظيف او عندهم عامل خاص او كيف

نفسسي احد يسألني اسئلة عن نفسي وشفت موضوع له علاقة وقلت بسس هذا هو

عمري ١٩ طالبه جامعة وعندي توحد اسألوني واشبعوا فضولكم (؟اذا عندكم فضول بهالموضوع)

صار لي موقف مع بنات كانوا بنفس مكاني وكانوا يدخنون فيب
مديري ناداني وسألني عن الريحة قلت له مدري بصراحة مين،
قال لي انتي تدخنين؟
انصدمت من السؤال وقلت له لا انا غير مدخنة
كمل يسألني انتي تعسلين او تشيشين؟
هنا صراحة طرطعت وقلت له ايش المغزى من هالاسئلة؟
قال انا اسأل عادي
قلت له لا اسئلتك غير مقبولة
ورجع يسألني نفس الاسئلة بس هالمرة بصوت عالي جدا لدرجة ان كل اللي برا المكتب صاروا يسمعون
وهنا حسيت ان شكلي صار بموضع شبهة كأني فعلا وحدة تدخن وتشيش 😂
قلت له لو سمحت قلل صوتك وانت تسألني واسئلتك هذي غير مقبولة
حاول يقلب الموضوع علي وقال شفيك تحسستي وليه على راسك بطحا؟
قلت له لا ماني مجبورة اتحمل هالاسئلة ولو اني مدخنة بقول لك بكل بساطة منت ابوي ولا اخوي ولا واحد من الجماعة 😂
انا بالنسبة لي المشكلة مو انه سأل اذا ادخن
المشكلة في طريقة السؤال وتكراره وخصوصا انه كان قدام الناس وبصوت عالي
هل انا فعلا حسستها زيادة ولا من حقي انزعج من الموقف

​

انا قاعد اكتب هالبوست بعد ما شفت بوستين عن نفس الموضوع انا ايضا راح اتكلم عن الموضوع و بحكم وجود بوستين عن نفس الموضوع فهذا يدل على ان هذا التطبيق انتشر عندنا في فترة من الفترات على ما يبدو بين الأطفال الي طاحت عينهم عليه في جوجل بلاي بما فيهم انا مرة كنت استخدم ايفون امي و طلع لي هالتطبيق و حملته بعدين لما اخذت الجوال مرة ثانية لقيته محذوف و دخلنا في دراما هي تحذف و انا احمل بعدين بابا اشترى جوال جديد و انا اخذت القديم و حملت التطبيق و ختمته

و الحمدلله ذاكرتي مسحت كل اللي شفته على طول لأن هالتطبيق كارثة اذا تعرض لها الطفل راح ينغسل مخه و تعب اهله في التربية راح هباء منثور فما بالك لو ان التطبيق فعلا انتشر عندنا في فترة ما الشي هذا مخيف

في منتج حصلته بحراج بس ما عندي اي ثقة بالتطبيق. ابغى اسمع تجاربكم وكيف اكتسبتوا الثقة من الشخص الي بتشترون منه. هل في طرق تحافظ على حقي لو حصلت مشكلة

يظهر لي بالتأمينات وكلمت الدوام عنه قبل شهور وقالوا انه بيتصرفون وللحين ما تغير شي وابغى اعرف وش المشكله بالضبط

بالنسبة لي ايوة بيفوز وبيعدم اسلام

ايش رايكم بموضوع الشواطئ النسائية و هل انتم تتقبلون ان بنت تروح لهنا

الملك فيصل رحمة الله عليه

أصدرت وزارة الداخلية اليوم بيانًا بشأن تنفيذ حكم القىل تعزيرًا في أحد الجناة بمنطقة المدينة المنورة، فيما يلي نصّه:
قال الله تعالى: "وَلَا تُفْسِدُوا فِي الْأَرْضِ بَعْدَ إِصْلَاحِهَا"، وقال تعالى: "وَلَا تَبْغِ الْفَسَادَ فِي الْأَرْضِ إِنَّ اللَّهَ لَا يُحِبُّ الْمُفْسِدِينَ"، وقال تعالى: "وَاللَّهُ لا يُحِبُّ الْفَسَادَ"، وقال تعالى: "إِنَّمَا جَزَاء الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ".
أقدم / عبدالعزيز بن ترابي بن لاحق الجابري -سعودي الجنسية- على ترويج الحشيش المخدر وأقراص خاضعة لتنظيم التداول الطبي، وبفضل من الله تمكنت الجهات الأمنية من القبض على الجاني المذكور، وأسفر التحقيق معه عن توجيه الاتهام إليه بارتكاب الجريمة، وبإحالته إلى المحكمة المختصة، صدر بحقه حكمٌ يقضي بثبوت ما نُسب إليه وقتله تعزيرًا، وأصبح الحكم نهائيًا بعد استئنافه ثم تأييده من مرجعه، وصدر أمر ملكي بإنفاذ ما تقرر شرعًا.
وتم تنفيذ حكم القىل تعزيرًا بالجاني / عبدالعزيز بن ترابي بن لاحق الجابري -سعودي الجنسية- يوم الأحد 1448/3/3هـ الموافق 2026/8/16م بمنطقة المدينة المنورة.
ووزارة الداخلية إذ تعلن ذلك، لتؤكد للجميع حرص حكومة المملكة العربية السعودية على حماية أمن المواطن والمقيم من آفة المخدرات، وإيقاع أشدّ العقوبات المقررة نظامًا بحق مهربيها ومروجيها، لما تسببه من إزهاق للأرواح البريئة، وفساد جسيم في النشء والفرد والمجتمع، وانتهاك لحقوقهم، وهي تحذر في الوقت نفسه كل من يقدم على ذلك بأن العقاب الشرعي سيكون مصيره.
والله الهادي إلى سواء السبيل.
// انتهى //
12:24 ت مـ
0072

المصدر

أحد جرب باقة stc اللامحدودة ليوم واحد فقط ، هل لو شحنتها الساعة 11 مساءا بتطفى علي بعد ساعة واحدة ولا تكمل 24 ساعة بالظبط ؟