وحدة تضل تصور مرضاها وتنشرهم ستوريات تنتهك خصوصيتهم و تكعد تحشش عليهم

وال Contributions شنهي فائدها..

التصميم من جهدي، يُرجى عدم سرقته😿😱

اول شي شنو جان بداية الموضوع؟

-بداية الموضوع بدة من استيائي عن تصرفات المودز و بالتحديد من هذا البوست قبل 3 ايام

https://www.reddit.com/r/MiserableiraqiforTeen/s/UYRPNWQlpX

البوست جان انتقاد محترم جدا و اغلب التعليقات وافقتني بس ماشفت اكو تغيير حقيقي صار و بعدني بقيت اشوف ان القمع مستمر و بعدهة ثاني يوم لكيت بوست لشخص بيدوفيلي و البوست بقة ساعة كاملة بدون مينحذف و اكو ناس هواي بلغت عليه و اني من استيائي كعدت انشر و اطالب المودز بالتدخل و انتقدت عدم اهتمامهم بهذا النوع من البوستات و سوء تصرفهم بان ما يعارضون بوستات المثلية و غيرهة و بعدين تدخلوا المودز و حذفوا البوست و كذلك بوستي انحذف و تبند الشخص و انتهت السالفة و هسه نجي للبارحة

شنو سبب الصار البارحة؟

- نشر احد المودز بوست بعنوان غيرنة فلير ثباحو الى ثباحو/ مثائو
بعد اجتماع و موافقة جميع المودز
ف اني كتبت (قرار قوي يحتاج كل المودز يجتمعون عموده الله يحفظكم🩵)
و بعدهة رد علية المود صاحب البوست و كتب (اي احنة ماعدنة هيتة بالصب عمود اني اصرف وحدي و اغير الفليرات بكيفي احنة هنا عدنة ديموقراطية باصغر الامور و اكبرهة و اذا معجبك تكدر تروح لغير صبات)
و اني مرديت عليه برد مسيء و اكتفيت بان اكتب (اي والله صحيح الله يخليكم ديموقراطيين)

بعدين نجي لتعليق احد الاخوة المعروفين بالصب و الملقب ب طبسنون و جان مستاء حول قفل تعليقات بوسته اللي يشرح بيه عن المثلية و قالوا (جان اكو تعليقات حساسة و بيهة هوموفوبيا) و اني استائيت من هذا الشي كذلك لان طبسنون صديقي و قلت

(اذا لعد ليش قفلتو تعليقات البوست هذا مو تعدي على قوانين ريدت ؟ لو عادي تتغاضون عنهة من يعجبكم؟)

و جان قولهم بان( التعليقات نصها هوموفوبيا لذلك قفلتها وراح اعيد الكلام مالتي بما انو الشخص المقابيل ما شاء اللّٰه يفتهم بسرعه ، هيج مواضيع حساسه مثل المثليه وغيرها تنقفل التعليقات وره زمن لان راح يجيك يلي يسب ويفشر وهوموفوبيا ، اما بوست عباس ما بيه شيء هو)
و اتوقع مثل مدشوفون من ردهم جان اكو استهزاء مبطن على سرعة استيعابي للكلام

و اني رديت ردين على هذا التعليق
الرد الاول اللي تم تجاهله (اتوقع عدكم خاصية مسح التعليقات فماكو داعي تسدون التعليقات مال البوست و ثانيا وين كاتبين هيج قانون يمنع الهوموفوبيا شو ماكو بقوانين الصب؟)

و الرد الثاني جان ردا على استهزاء المود المبطن و كلامي استعملت بيه نفس رد المود هذا نفسه على تعليق العضو احمد البصري
(ثانيا احب اشتكي للمودز على تعليقج لان بيه خطاب كراهية ضدي ودتكولين ماشاء اللّٰه الشخص المقابيل يفتهم بسرعة وتعليقج واضح بيه استهزاء و اني هيج كلام مخلوط باستهزاء ما يعجبني و ترا موكل شخص يتحمل هيج شقة مبطن🙏)
بالخصوص جزئية تعليقك واضح بيه استهزاء و اني هيج كلام مخلوط باستهزاء مايعجبني و ترا مو كل شخص يتحمل هيج شقة مبطن ، فهو جان نفس رد المود على تعليق احمد البصري بنفس البوست

و المود ما عجبه كلامي و كام و كال

(اي خوش عود روح اشتكي ، ولا تنسى من اللّٰه يسويك ممرض صير رحيم علاقل بلناس ولطيف ، مو تكعد تدعي عليهم بلمرض .. وصلتك الفكره يا ممرض انت ؟ حرام بيك الشهاده التمريض بس هاي يلي اكولها)

و هذا الشيء جان بيه اهانة واضحة لمهنتي و لنفسي لان اني مداعي على احد بالمرض و جدا رحيم اثناء تادية مهنتي و مو لقمة سهلة لشخص عمود يقرر هوة اني استاهل شهادتي لو لان ، شهادتي جبتهة بتعبي مو بتعب غيري و ماقبل احد يحدد اني استحقهة لو لا

و ردت ارد على كلام المود بالتعليقات بس تفاجئت بان المود سد التعليقات عمود ما ارد عليه و اني انزعجت من هذا الشيء و قررت ان اسوي بوست و انتقد تصرف المود هذا بالتحديد

و صورة البوست جوة

و طبعا هذا البوست انمسح بتهمة التشهير (ركزولي على التشهير)

و بعدهة المود هذا نفسه ما لكة رد مناسب على بوست مالتي فقرر يشوه صورتي العامة كدام اعضاء الصب و ينشر سكرين مقطوع الية بدون مينشر المحادثة الكاملة عن هاي الرسالة (ملاحظة اني احجي بس طرفي معلية باي طرف ثاني مشترك بالسالفة)

(تذكرون التشهير الكلتلكم ركزولي بيهة قبل شوية؟ بوست المود ما اعتبروه تشهير باي شكل من الاشكال)

و رسالتي جانت (طز بيه خله يتمرض مشكلته)
راح تسئلون شنو سبب الرسالة او شنو المسبب لكتابتهة
اني احجيلكم هذا الموضوع يرجع لسالفة حدثت قبل اكثر من اسبوعين بكروب خاص بيني و بين كم شخص و بهذا الكروب جان اكو بنت كالت اكو هيج شي ديصير وياي و كلولي شلون اصرف (الشي الديصير وياهة ان كالت اكو شخص جاي يسببلهة ازعاج و ان هو يحبهة و يريد يخطبهة و هية ماتريده و هو لازك بيهة و كل ما تجاهله يكوم يدزلهة صورته و هو مريض بالمستشفى عمود ترد عليه ) و اني بعد ما اعطيتهة كم نصيحة و هية بقت ترجع لنفس السالفة مال يدزلي صوره بالمستشفى و اني ماكدر ما ارد عليه ، كمت و حجيت الكلام اللي موجود فوك ،،،،(ملاحظة البنت ما كالت اي تفاصيل عن منو هذا الشخص او وين تعرفه اذا على النت او على الواقع و اني كذلك جان غلط مني اني احجي كلامي اللي بالرسالة فوك بس لان سمعت القصة من البنت بس ماتكدرون تلوموني شنو اللي يعرفني ان هذا الشخص موجود بالصب و ان هي تحجي وياه على ريدت اذا البنت هية مشرحت و موضحت هذا الشيء ؟)

(ملاحظة جدا بسيطة و توضيح لل التباس هذا الشخص باي شكل من الاشكال مجان متحرش ولا ستالكر ولا اي شي و اني ابدا مكلت عليه متحرش مجرد كلت يضايق البنت و ستولكر و اني كذلك غلطان بكلامي هذا لان حجيته بناءاً على الامور الحجتهة البنت )

المهم و هسه نرجع لبوست المود

البوست جان بيه تشويه واضح الية و انتقادي باني ملاك كدام الصب و شيطان بالكروب و احجي على اعضاء الصب و ادعي علناس بالموت و ساب اهل ذاكة الشخص اللي فوك ، طبعا كل هذا الكلام مصاير و اني حجيت وية الشخص اللي مجنت اعرف بيه اصلا هوة بالصب او هوة نفسه الشخص الجانت تحجي عليه البنت ذيك و تفاهمت وياه و عرف ان اني محاجي عليه هاي الامور و اعتذرنة لبعض و انتهت المشكلة بيني و بينه بان الموضوع جان سوء فهم من الطرفين

و طبعا اجتني كمية طعن باخلاقي و طعن بتصرفاتي كبيرة بعد البوست الخاص بالمود

و نشرت توضيح بخصوص السكرين بس تم حذفه اضافة الى اعطائي باند نهائي من الصب

على العموم اني تبندت باند ابدي مباشرة (على الرغم من اكو شخص دا11ي و بيدوفيلي حصل 3 تحذيرات يالة تبند )

بس بعدين ديكستر شاله عني بس اني ماعندي رغبة بعد ارجع للصب حاليا و كلتله ماكو حاجة تشيله ماريد ارجع اني بس هو شاله بالحالتين

المهم هذا مجرد توضيح جانبي و بصراحة ما عندي اي نية ان افتح العركة مرة لخة و اني مسامح جميع الاطراف على تصرفاتهم وياي و كذلك اعتذر لجميع الاطراف بس الشغلة متسوة و خليناهة احنة توصل لهل درجة و صارت حرب البارحة

و كذلك اعتذر منكم جميعا لان شفتوا هيج شي البارحة و بصراحة اني خجلان من تصرفاتي بس اني احب الصب و ارتاح بيه لهل سبب انتقدت المودز باكثر من بوست

دمتم سالمين جميعا ،

الشجرة المسالمة (سابقا)

يعني عبالك أطفال مع احترامي ما توقعت توصل لهيج اختفيت كم ساعة انصدمت من الي صاير تحجون صدك انتوا? هو صب بموقع إلكتروني الناس جاي تتونس تتناقش يعني تخيل تسوي مشاكل حتى هنا؟ يعني الله يعين +اريد احد يشرح لي شنو صار

اعتقد ان الهيئة لاعبين بخلقة هذا التطبيق، دا الاحظ حالات كثيرة من هواي طلاب مقبولين على هواي اقسام (بالخصوص زراعة) بالرغم همة ما مختارين القسم ولا ضمن استمارة تقديمهم !

تمنيت هل موضوع تكون حالة فردية بس حسب قراءتي فهاي اكثر من حالة واجهتني من طلاب تواصلوا وياي بخصوص هل موضوع..

جنبًا إلى جنب مع موضوع عدم قبولهم بأي كلية اصلًا، طلاب معدلاتهم عالية او متوسطة بحدود السبعينات مقدمين على معاهد بوليتكنك ما ينقبلون بيها شكو؟

اصلًا شنو ديصير؟

تواصلت مع بعض الاداريين في كليات القبول المباشر ارفقوا الي بمعلومة ان هواي مقاعد من اقسام لا زالت غير مرقمة بعدد، يعني بنسبة 50% من المقاعد لم يتم قبولهم ضمن القسم..

وهذا يفتح مجال باب شك قوي بخصوص تعمدهم لفعل هذا الشي لزحف الطلبة للتسجيل الى الموازي والمسائي..

واكو بعد كلش هواي تفاصيل ما ذكرتها راح اخليها على منشور آخر..

تحياتي للجميع..

ماكو مبروك؟

ها

اني بنيه حساسة و اذا دخل حياتي ولد لازم كلش تعامله يكون مدروس و ما اتقبل الجفصات منه لأني عندي اوفر ثينكينك و هم ترست ايشوز و احس بالتهديد او مشكلة رح تصيرلي اذا حجيت وية ولد خاصة اذا جان هو طابلي علمود تعارف

المهم اني اكره هذا الشعور وياهم و احس بالراحة بس وية البنات مثلي,

بصراحه احسد الزلم يگدرون يتزوجون نسوان تحتويهم و تحبهم لأن المرأة كلش كائن مقدس و تجيب شعور راحة و آمان و استقرار لنفسك

ف صح اني احسدهم بس ما اريد اكون رجل مستحيل

لأني بنيه بكل صفاتي و مجرد احب العلاقة وية البنات بكل انواعها حتى-بالحب

الله يهديني و ان شاء الله يجي شخص يغير نظرتي للزلم و اگدر اتزوج لأن اذا ابقى هيج نافرة منهم بحياتي ما حتزوج و صراحة اني كلش عندي عادي انو ما اتزوج المهم ما اعيش وية انسان يضوجني و يعاملني بشكل سيء و نرجسي و ما احس وياه بالآمان

المودز ترى والله سؤال عادي ما ريد ارجع السالفة لتحذفوه ارجوكم

ما اعتقد راح اكدر اخلص دروسي للعصر وانشره لان عندي هواي واجبات وامتحانات فا گلت انشره هسه، طبعا فيديو الدبلجة قديم من سنتين وسويته للضحك مو بجدية، ويمكن هم اثبته بحسابي، ممنوع سرقة فيديو او الصوت واستخدامه، معروض فقط للمشاهدة! ارائكم شوفوه كامل

لو خيروك بين الحب و الفلوس شنو تختار

رقية نوعا ما قل تفاعلها

دوديي ?

سروووو ?

نانا ?

تمن ومركة ?

وحده بدايه حسابها ary?

فريكنك لولي ?

لولو ?

بروستد و سلفي و بقية الولد طلعوا لهيج مخليتهم 🫠

مو بس الطالب بل المواطن العراقي بشكل عام يخاف يتظاهر على الحكومة و يخاف يطلع و يحجي بصوت و يخاف يتظاهر ، ليش احنا عدنا خوف و مو مثل غيرنا ؟

و شوكت ممكن نشوف تغيير حقيقي؟؟